- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋدان دارەجەلى قالالاردا، قالا رايوندارىندا، اۋداندىق حالىق ۇكىمەتى تۇرعان قالاشىقتا جانە باسقا قۇرىلىمدىق قالاشىقتا نوپوسقا قوندىرۋ جاعىنداعى شەكتەمەلەر ازايتىلدى
2014.10.23 16:16 كەلۋ قاينارى : شينجياڭ حالىق راديو ستانسياسى تورابى
«رايونىمىزدىڭ نوپوس باسقارۋ ءتۇزىمى رەفورماسىن اناعۇرلىم ىلگەرىلەتۋ جونىندەگى اتقارۋ پىكىرىندە» حالىق تۇرمىسىن قامتاماسىزداندىرىپ، نوپوس ءتۇزىمى رەفورماسىن ىلگەرىلەتۋدى ارقاۋ ەتىپ، اۋدان دارەجەلى قالالاردا، قالا رايوندارىندا، اۋداندىق حالىق ۇكىمەتى تۇرعان قالاشىقتا جانە باسقا قۇرىلىمدىق قالاشىقتا نوپوسقا قوندىرۋ جاعىنداعى شەكتەمەلەر ازايتىلدى.
وسى رەت جاريالانعان «اتقارۋ پىكىرى» 2012-جىلعى اۆتونوميالى رايوندىق حالىق ۇكىمەتى كەڭسەسىنىڭ «اۆتونوميالى رايوننىڭ نوپوس باسقارۋ ءتۇزىمى رەفورماسىن ىلگەرىلەتۋگە قاتىستى ماسەلەلەر جونىندەگى ۇقتىرۋىنىڭ» رۋحىمەن ۇشتاستىرىپ، بۇرىنعى «شەكتەمەلەردى جاپپاي ازايتۋدى» قازىرگى «جاپپاي اشىق ۇستاۋعا» وزگەرتىپ، نوپوسقا قاتىستى ءتۇرلى شەكتەمە كۇشىنەن قالدىرىلدى. وڭتۇستىك شينجياڭعا تيىمدىلىك جاساۋ جانە جەرگىلىكتى ورىننىڭ ەكونوميكاسىنىڭ دامۋىن تەزدەتۋدى ويلاسۋ تۇرعىسىنان، «اتقارۋ پىكىرى» «وڭتۇستىك شينجياڭدا بۇرىنعىدان دا يكەمدى نوپوس ساياساتىن اتقارۋ» سياقتى ساياساتتاردى العا قويدى. اۋىل شارۋاشىلىعىنان باسقا سالاعا ويىسقانداردىڭ زاڭدىق ۇقىق-مۇددەسىنە كەپىلدىك ەتىپ، اۋىل-قىستاقتىڭ مال-مۇلىك ۇقىعى ءتۇزىمىن كەمەلدەندىرۋ، نەگىزگى الەۋمەتتىك قىزمەت وتەۋدىڭ قامتىمىن كەڭەيتۋ، نەگىزگى الەۋمەتتىك قىزمەت وتەۋدى زاتتاي قامتاماسىزداندىرۋدى كۇشەيتۋ سياقتى جاقتا تالاپتار العا قويىلدى. اۆتونوميالى رايوننىڭ ءىس جۇزىندىك جاعدايىمەن ۇشتاستىرىپ، «قونىستانۋ كۋالىگى ءتۇزىمىن ورناتۋ»، «نوپوسقا تىركەلمەگەندەر ماسەلەسىن شەشۋ جانە ءونىمدى مەحانيزىم قۇرۋ»، «جىلجىمالى حالىق سانىنا قىزمەت وتەۋدى باسقارۋدا حالىققا تيىمدىلىك جاساۋ حابارلاسۋ كارتشكاسى ءتۇزىمىن اتقارۋ»، «ناقتى حالىق سانى ينفورماتسياسىن باسقارۋ جۇيەسىن كەمەلدەندىرۋ» سياقتى رايونىمىزدىڭ ءىس جۇزىندىك جاعدايىنا ۇيلەسەتىن ساياساتتار العا قويىلدى. اۆتونوميالى رايوندىق قوعام حاۋىپسىزدىك مەڭگەرمەسىنىڭ اماندىقتى قورعاۋ باس اترەتى حالىق سانىن باسقارۋ بولىمشە اترەتىنىڭ باستىعى شۇي تايجى: بۇرىنعى جاپپاي بوساڭسىتۋدان، وسى رەتكى جاپپاي اشىق ۇستاۋعا دەيىن، الدىمەن اۋىل شارۋاشىلىعىنان باسقا سالاعا ويىسقاندار ارقىلى ونەركاسىپتەنۋ، قالا-قالاشىقتانۋ اياق الىسىن ىلگەرىلەتىپ، شينجياڭنىڭ ءىس جۇزىندىك جاعدايىمەن ءونىمدى ۇشتاستىرىپ، وڭتۇستىك شينجياڭنىڭ دامۋىن اناعۇرلىم قولداۋ؛ ەكىنشىدەن، حالىق سانىن باسقارۋدا جاڭالىق جاراتۋ، مىسالى: نوپوسقا تىركەلمەگەندەردى باسقارۋ كۇشەيتىلەدى،-دەدى. وسى رەتكى «اتقارۋ پىكىرىندە» «نوپوستى باسقارۋ ساياساتىن اناعۇرلىم تياناقتاندىرۋ مەن رەتتەۋ» جونىندە ناقتىلى بەلگىلەمە شىعارىلدى، مۇندا ماڭىزدى ءتۇيىن ــ اۋدان دارەجەلى قالانىڭ قالا رايونىنا، اۋداندىق حالىق ۇكىمەتى تۇرعان قالاشىققا جانە باسقا قۇرىلىمدىق قالاشىققا نوپوس قوندىرۋ شەكتەمەسىنە جاپپاي كەڭشىلىك جاسالاتىن بولدى. مىسالى: زاڭدى تۇراقتى ءۇيى بارلار؛ زاڭ بويىنشا ادام ىستەتۋ ورنىمەن ەڭبەك توقتامىنا قول قويعان تەحنيكتەر ؛ زاڭ بويىنشا ادام ىستەتۋ ورنىمەن ەڭبەك توقتامىنا قول قويعان تەحنيكالىق مەكتەپ پەن جوعارى دارەجەلى كاسىپتىك مەكتەپتەن وقۋ تاۋىسقاندار؛ تاۋار ءۇي، ارزان، پايدالانۋعا قولايلى ءۇي، كوللەكتيۆ قارجى توپتاپ تۇرعىن ءۇي جانە كونە ءۇي ساتىپ العاندار نوپوسقا قوندىرىلادى؛ قالا-قالاشىق سالىنۋ سەبەبىنەن جەرىنەن، جايىلىمىنەن، ورماندى وڭىرىنەن ايىرىلعان ديقانداردىڭ نوپوس قوندىرۋ جاعىنداعى شەكتەمە كۇشىنەن قالدىرىلدى. بۇرىن زاڭدى تۇراقتى كاسىبى بولۋ نوپوس قوندىرۋدىڭ العى شارتى بولاتىن، وسى رەت كاسىپ جاعىنداعى شەكتەمە كۇشىنەن قالدىرىلۋمەن بىرگە، جوعارى مەكتەپ، ورتا تەحنيكوم كلاستارىنان وقۋ تاۋىسقانداردىڭ ەڭبەك توقتامىنا قول قويۋ شەكتەمەسىنىڭ كۇشىنەن قالدىرىلۋى، الدىمەن نوپوسقا قوندىرۋ ونان سوڭ ادام ىستەتۋدەي كەلەلى وزگەرىستى كوزدە ۇستاپ، حالىق سانىنىڭ ەركىن جىلجىۋىنا شارت-جاعداي جاراتىلدى. اتا-انالارى پەرەزەنتتەرىنە تىركەلۋ، پەرەزەنتتەرى اتا-اناسىنا تىركەلۋ شەكتەمەسى كۇشىنەن قالدى. قارجىلاندىرۋ ساۋداگەرىنىڭ قوساتىن قارجى سوماسى مەن باجى تاپسىرۋ جىل شەگى جاعىنداعى شەكتەمە كۇشىنەن قالدى. وسى رەتكى «اتقارۋ پكىرىندە»، مايعا الۋ شارتىنا كەڭشىلىك جاسالىپ، جالعاستى تۇرعانىنا ءبىر جىل بولعان جانە قوعامدىق قامتاماسىزداندىرۋعا قاتىناسقانىنا ءبىر جىل بولعانداردىڭ وتباسىنداعىلار مەن ولارمەن بىرگە تۇراتىندارعا كەڭشىلىك جاسالدى. شۇي تايجى: اۋدان دارەجەلى قالا رايونىنا، قۇرىلىمدىق قالاشىققا، حالىق ۇكىمەتى تۇرعان قالا-قالاشىققا نوپوسىن قوندىرۋ شەكتەمەسىنە بۇكىلدەي كەڭشىلىك جاسالدى، دارىندىلاردى ويداعىداي قابىلداۋ ءۇشىن، وسى رەت نەگىزىنەن اۋدان دارەجەلى قالاشىق پەن حالىق ۇكىمەتى تۇرعان قۇرىلىمدىق قالاشىق جانە شاعىن قالا-قالاشىق ءتۇيىن ەتىلدى،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
