- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بيىل رايونىمىز 135 ميلليون يۋان قارجى شىعارىپ، وڭتۇستىك شينجياڭنىڭ 3 ايماق، وبىلىسىندا ىستىق جەلمەن ورىك كەپتىرەتىن ءبىر مىڭ 500 دەن ارتىق ءۇي سالدى
2014.10.28 14:23 كەلۋ قاينارى : شينجياڭ حالىق راديو ستانسياسى تورابى
ەكى كۇننەن بەرى سولتۇستىك شينجياڭدا جاڭبىر ارالاس قار جاۋعان سۋىق اۋا رايى وزگەرىسى تۋىلسا، ال وڭتۇستىك شينجياڭدا كۇن اشىق بولدى، ەلىمىز بويىنشا «ورىك مەكەنى» اتانعان قاشقاردىڭ يىڭىسار اۋدانىنداعى باعباندار بيىلعى ورىكتەن ءونىم الۋ مەزگىلىن اياقتاتتى، الايدا ورىك مانەرلەۋ زاۆوتى ءالى قاربالاس جۇمىس ىستەۋدە. يىڭىسار اۋدانى توپلۇق اۋىلىنىڭ ديقانى ابدۇرەيىمجان قازىر يىڭىسار اۋداندىق گوۋان جەمىس ونىمدەرىن مانەرلەۋ زاۆوتىنىڭ تەحنيكا جەتەكشىسى، ال جارىم جىلدىڭ الدىندا ول ادەتتەگى باعبان بولاتىن، ول ىستىق جەلمەن ورىك كەپتىرەتىن نىساننىڭ ارقاسىندا ديقاننان جۇمىسشىعا اينالدى، ول بىلاي دەدى: بيىل ماۋسىندا، قىستاقتىڭ قولداۋىندا مەن ىستىق جەلمەن ورىك كەپتىرەتىن ءۇي سالدىم، قىستاقتاعى تۋىس-تۋعان دوس-جاراندار ورىكتەرىن ماعان ساتىپ بەردى، تەحيكانى ءوزىم ۇيرەنۋ ارقىلى ورىكتى كەپتىرەتىن جانە مانەرلەيتىن بولدىم، 50 مىڭ يۋان قارجى شىعاردىم، سوڭىندا ورىك قاعى مەن ورىك ءدانىن 70 مىڭ يۋاننان ارتىق اقشاعا ساتتىم، تەحنيكا ۇيرەنگەننەن كەيىن، تاعى يىڭىسار اۋدانىنىڭ ونەركاسىپ باقشا رايونىنداعى جەمىس مانەرلەۋ كاسىپورنىنا جۇمىسقا شىعىپ، باسقارۋشى بولدىم، ايىنا 3 مىڭ 500 يۋان اينالاسىندا ەڭبەكاقى الامىن.
بيىل، يىڭىسار اۋدانى اۆتونوميالى رايوننىڭ «تەز ءونىم بەرەتىن» نىسانى بويىنشا 41 ميلليون 200 مىڭ يۋان قارجىعا يە بولىپ، ىستىق جەلمەن ورىك كەپتىرەتىن 415 ءۇي سالدى، ءارى ماۋسىمنىڭ ورتا شەنىندە تۇگەلدەي پايدالانۋعا بەرىلىپ، باعبانداردىڭ كىرىسى ارتىپ قالماستان، ونىڭ ۇستىندە تۇراقتى قىزمەتكە يە بولدى. يىڭىسار اۋداندىق اۋىل شارۋاشىلىق مەكەمەسىنىڭ باستىعى دىڭ يۇيباۋ بىلاي دەدى: ماۋسىم، شىلدە ايلارىندا اۋدان ىستىق جەلمەن ورىك كەپتىرەتىن ۇيدەن پايدالانىپ، 4 مىڭ 500 توننا ورىك مانەرلەپ، 660 توننا ساپالى ورىك قاعىن ءوندىردى، ورىك مانەرلەگەن كەزدە، اۋدانداعى 8 مىڭنان ارتىق باسى ارتىق ەڭبەككۇش ورىك ءۇزۋ، تاسۋ، كەپتىرۋ، ورىك قاعىن وندىرۋگە دەيىن، 100 دەن ارتىق تەحنيكا شەبەرى مانەرلەۋ تىزبەكتى كاسىپورىندارىندا كاسىپتەندى.
حوتان ايماعىندا دا كوپتەگەن جەمىس-جيدەك ەگەتىن ديحاندار ىستىق جەلمەن ورىك كەپتىرەتىن ءۇي نىسانىنىڭ يگىلىگىن كوردى. شەريا اۋدانى شەريا اۋىلىندا بيىل 11 ديحان وتباسى مەملەكەتتىڭ ورىك كەپتىرگىشتى ساتىپ الىپ بەرۋ تيىمدىلىك ساياساتىنان يگىلىكتەنىپ، ءار قايسى وتباسى نەبارى 10 مىڭ يۋان جۇمساسا بولعانى، قۇنى 85 مىڭ يۋاندىق ورىك كەپتىرگىشتى ساتىپ الۋىنا بولادى. شەريا اۋىلى ءشيلىارىق قىستاعىنىڭ تۇرعىنى ماتقۇربان داۋىتتىڭ ۇيىندە ءبىر ورىك كەپتىرگىش بار ەكەن، ول :« بۇرىن ءتابيعي كەپتىرىلگەن ورىكتىڭ كورىنىسى ناشار بولۋدان سىرت، تازا بولمايدى، ءار كيلوگرامىن بەس تە التى يۋانعا ساتساق تا الۋشى از ەدى. بيىل وسى كەپتىرگىشتەن پايدالانىپ كەپتىرگەن ورىگىمىز تاماشا بولدى، سونىمەن بىرگە كەپتىرۋ قارقىنى تەز ، 90 ساعات ىشىندە 3 توننان ورىكتى كەپتىرۋگە بولادى. ورىك كەپتىرگىشىمدى بوس تۇرعان كۇندەرى وزگەلەرگە مايلاپ بەرەمىن دە، ءاركۇنى 100 يۋانداي پايدا تابامىن»،-دەدى.ورىك كاسىبى وڭتۇستىك شينجياڭدا مىڭداعان جىلدىق تاريحقا يە. قازىر، وڭتۇستىك شينجياڭنىڭ ءۇش ايماق-وبلىسىنداعى ورىك اعاشى ەگىلگەن اۋماق شامامەن ءبىر ميلليون 120 مىڭ مۋعا جەتتى.
اۆتونوميالى رايوندىق اۋىل شارۋاشىلىعىن كاسىپ سالالاندىرىپ دامىتۋ مەكەمەسى اۋىل شارۋاشىلىق ونىمدەرىن مانەرلەۋ باسقارماسىنىڭ باستىعى چىن جيانحۋا بىلاي دەپ تانىستىردى: « بيىل اۆتونوميالى رايون 135 ميلليون يۋان قارجى قوسىپ، ءبىر مىڭ 500 دەن استام ىستىق جەلمەن ورىك كەپتىرۋ ءۇيىن سالدى، بۇل ءۇش ايماق-وبلىستاعى 13 اۋدان-قالا، 94 اۋىل-قالاشىق، ءبىر مىڭ 36 ديحان وتباسىن قامتىپ، ورىك كاسىبىمەن كىرىستى ارتتىرۋ، ديحانداردىڭ كىرىسىن ارتتىرۋ سىندى ەكى جاقتىلى يگىلىككە كەنەلۋ ونىمدىلىگىن العاشقى ادىمدا ىسكە اسىردى. 20 مىڭ توننادان استام جاس ورىكتەن 4 مىڭ توننادان استام كەپتىرىلگەن ورىك الۋعا بولادى، وسىدان اۋىل-قىستاقتاعى 70 مىڭ ادام رەتكە جۋىق ەڭبەككۇشتى باسقا سالادا كاسىپتەندىرىپ، مەجەمەن ارتقان ءونىم قۇنىن 230 ميلليون يۋانعا جەتكىزۋگە بولادى. 230 ميلليون يۋان تەك عانا كەپتىرىلگەن ورىكتىڭ ءونىم قۇنى عانا. جاس ورىكتىڭ ساتىلىم باعاسى بۇرىنعى جىلدارداعىدان جالپى بەتتىك ءبىر يۋانداي جوعارى. ورىك كەپتىرۋ ءۇيى سالىنعاندىقتان جاس ورىكتىڭ باعاسى ورلەدى، مۇنىڭ تۇرتكىسىندە ونىمدىلىك تە اناعۇرلىم ارتتى، وسى ءۇش ايماق-وبلىستاعى ورىكتىڭ مولشەرى تۇتاس شينجياڭداعى جالپى ورىكتىڭ %70ىن ۇستايدى، 600 مىڭ توننا جاس ورىكتىڭ ورتاشا باعاسى 50 دە 100 فىن اينالاسىندا ارتىپ، ءبىر ميلليارد يۋانداي پايدا ءتۇستى».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
