- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ەكىنشى توپتاعى قىزمەت گرۋپپاسى قىستاقتارعا جەتىپ قىزمەتىن باستادى
2015.03.03 19:43 كەلۋ قاينارى : شينجياڭ حالىق راديو ستانسياسى تورابى
بىرنەشە كۇننەن بەرى، اۆتونوميالى رايوننىڭ ەكىنشى توپتاعى «حالىق جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىق تىلەگىن توعىستىرۋ» قيمىلى قىزمەت گرۋپپاسى قىستاقتارعا ىلگەرىندى-كەيىندى جەتىپ، قىزمەتتى دەرەۋ باستاپ كەتتى.
2-ناۋرىز تاڭەرتەڭ ەرتە، كۇشار اۋدانى ۇشوستەڭ اۋىلى ارا ءمالى قىستاعىنداعى 200 نەشە بۇقارا قىستاق تۇرعىندار كوميتەتىنىڭ اۋلاسىنا باردى، ولار اۆتونوميالى رايوندىق وقۋ-اعارتۋ مەڭگەرمەسىنىڭ قىستاققا جاڭادان بارعان قىزمەت گرۋپپاسىنىڭ مۇشەلەرىمەن بىرلىكتە مەملەكەت تۋىن شىعاردى. ايبىندى مەملەكەت گيمىندە قىستاققا بارعان قىزمەت گرۋپپاسىنىڭ باستىعى ءانۋار احىمەت پەن قىستاق پارتيا ياچەيكاسىنىڭ شۋجيى ءاميدۇل اميرۇل مەملەكەت تۋىن بىرلىكتە شىعاردى. وتكەن جىلى تۇڭعىش توپتاعى قىزمەت گرۋپپاسى قىستاقتاعى 5 تۇرعىننىڭ وتباسىنا 700 مەترلىك اۋىز سۋ قۇبىرىن تارتىپ بەردى، ءارى اۆتونوميالى رايوندىق اۋىل شارۋاشىلىق عىلىم اكادەمياسىنىڭ، تارىم ۋنيۆەرسيتەتىنىڭ، شينجياڭ اۋىل شارۋاشىلىق ۋنيۆەرسيتەتىنىڭ ماماندارىن، وقىمىستىلارىن اتىز باسىنا بارىپ ديحاندارعا ەگىمشىلىك، باعىمشىلىق بىلىمدەرى مەن تەحنيكاسىن بەتپە-بەت جەتكىزۋگە ۇسىنىس ەتتى. بيىل قىزمەت گرۋپپاسى جاسالعان جىلدىق جوبا بويىنشا، «ءجۇز كەزەكتى مادەنيەت قيمىلى»، «ميلليون يۋاندىق حالىق تۇرمىسى ينجەنەرياسى»، «جۇز ادامدىق قوس ءتىل شەبەرى» سياقتى قيمىل نىساندارى ۇشوستەڭ اۋىلىنىڭ ءار قايسى قىستاقتارىندا ىركەس-تىركەس رەتىمەن وتكىزىلمەك. قىزمەت گرۋپپاسىنىڭ باستىعى ءانۋار احىمەت: «قىزمەتتى باستاپ، رەسمي قىزمەتكە كىرىسىپ، قىستاق تۇرعىندار كوميتەتىندەگى باسشى كادرلارمەن تىلدەسىپ، كەڭەسىپ، 2015-جىلعى قىزمەت وي جەلىسى مەن قىزمەت جوباسىن العاشقى ادىمدا جاسادىق»،-دەدى. 1-ناۋرىز كەشكى ساعات 8 دەن اسقاندا، اۆتونوميالى رايوندىق ءتارتىپ تەكسەرۋ كوميتەتىنىڭ 2-توپتاعى «حالىق جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىزىلسۋ وبلىسى اقتاۋ اۋدانى پىلال اۋىلى ۇزىنلا قىستاعىنا بارعان قىزمەت گرۋپپاسى ءبىر كۇن ءجۇرىپ قىستاققا جەتەدى. كەشە تاڭەرتەڭ ەرتە، قىزمەت گرۋپپاسىنىڭ مۇشەلەرى قىستاقتاعى بەستە قامتاماسىزداندىرىلاتىن وتباسى ــــ 104 جاستاعى قارت اتىكەم ءمومىننىڭ ۇيىنە باردى. كاريا قىستاققا بارعان قىزمەت گرۋپپاسىنا دەگەن تەرەڭ سەزىمىن ءبىلدىرىپ: «سەندەرگە كوپ العىس ايتامىن. مەنىڭ بالام جوق، سەندەر جاناشىر جاقىنىمداي قارايلاستىڭدار، بىرنەشە كۇننەن بەرى قىزمەت گرۋپپاسىنىڭ قاشان كەلەتىنىن سۇراستىردىم، سەندەردىڭ ەرتەرەك كەلۋلەرىڭدى اسىعا كۇتتىم، سەندەر قىستاققا كەشە جەتىپ، بۇگىن مەنەن حال سۇراي كەلىپسىڭدەر، توتەنشە قۋانىپ وتىرمىن»،-دەدى.
سانجى وبلىستىق ۇكىمەت كەڭسەسىنىڭ موري اۋدانى شوقپارتاس اۋىلىنىڭ قىستاعىنا تۇسكەن 2-توپتاعى قىزمەت گرۋپپاسىنىڭ مۇشەلەرى ەرتە تۇرىپ ءۇي-ءۇيدى ارالاپ جاعداي ۇعىستى. قىستاق تۇرعىنى شايبەكتىڭ جۇرەك اۋىرۋى اسقىنىپ تىرەۋ قويعان، قىزى دا اۋىرۋشاڭ بولعاندىقتان، وتباسىنىڭ بار اۋىرتپالىعى ايەلىنە تۇسەدى. قىزمەت گرۋپپاسىنىڭ باستىعى ما ۋىنشين، بۇل وتباسىن باعىمشىلىقپەن شۇعىلدانىپ، وتباسىنىڭ كىرىسىن ارتتىرۋعا شابىتتاندىرادى. ما ۋىنشين بىلاي دەيدى: ءبىز قىستاققا بارعان سوڭ، ءۇي-ءۇيدى ارالاپ جاعداي يەلەپ، قىستاق تۇرعىندارىنىڭ قيىنشىلىعى مەن قاجەتىن ۇعىستىق.وسى نەگىزدە 12 نىسان تۇرعىزىپ، 3 ميلليون يۋانداي قارجى قوسۋدى جوسپارلادىق.ءبىز 1-توپتاعى قىزمەت گرۋپپاسىنىڭ تاجىريبەلەرىن قورتىندىلاپ، قىزمەتتى ءتىپتى دە جاقسى ىستەپ، بۇقارانىڭ قاجەتىنەن شىعۋعا بەل بايلادىق.
بىلتىر، ۇشتۇرپان اۋدانى يمام اۋىلىنىڭ قورعان قىستاعىنا قىزمەت گرۋپپاسى بارماعان بولاتىن، قىزمەت گرۋپپاسى بارعان كورشى قىستاقتاردا قىسقا عانا ءبىر جىلدا زور وزگەرىستەردىڭ بولعاندىعىن كورگەن قىستاق پارتيا ياچەيكاسىنىڭ شۋجيى ابدىۋايىت مۇسا بىلاي دەيدى: بىلتىر، 6-قىستاق پەن 9-قىستاقتاعى قىزمەت گرۋپپاسى ءبىر تالاي قارجى قوسىپ، ءبىر نەشە نىساندى ءساتتى اتقاردى، سول سەبەپتى وسى قىستاقتاردا زور وزگەرىستەر جارىققا شىقتى.بيىل، ابدىۋايىت قىزمەت گرۋپپاسىنىڭ قورعان قىستاعىنا كەلگەنىن كورىپ قاتتى قۋاندى.قىستاق كادرلارى، قىستاق تۇرعىندارى گرۋپپاسىنىڭ باستىقتارى مەن ساقا پارتيا مۇشەلەرى قاتىناسقان اڭگىمە ماجىلىسىندە، قىزمەت گرۋپپاسىنىڭ باستىعى شۇي شياۋنيڭ :بيىل قىستاق باسشىلىق القاسىمەن سەلبەسىپ، قىستاق تۇرعىندارىنا ناقتىلى ىستەر ىستەپ بەرەتىندىگى جونىندە ۋادە بەرىپ بىلاي دەدى : ءبىز جانە دە سىزدەرگە سۇيەنەمىز، قىستاق تۇرعىندارىنا بەيقۇت ءۇي سالىپ بەرەمىز، 20 كيلومەتر جول جوندەيمىز. 8 قىستاقتىڭ ءار بىرىنەن قيمىل وتكىزۋ ورنىن سالامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
