- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ءماجىلىس اشتى
2015.04.07 13:24 كەلۋ قاينارى : شينجياڭ حالىق راديو ستانسياسى تورابى
2-ءساۋىر تۇستەن كەيىن، اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ءماجىلىس اشىپ، جوعارى مەكتەپ تاۋىسقان وقۋشىلاردى شينجياڭعا باعىتتامالى كومەكتەسەتىن ولكە، قالالارعا تاربيەلەۋگە جىبەرۋ قىزمەتى جونىندەگى مالىمەتتى تىڭداپ، قاتىستى قىزمەتتەردى زەرتتەپ ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى، ءارى ءسوز سويلەدى.
شينجياڭ 2011-جىلدان باستاپ كاسىپتەنبەگەن جوعارى مەكتەپ تاۋىسقان وقۋشىلاردى باعىتتامالى كومەكتەسەتىن ولكە، قالالارعا تاربيەلەۋگە جىبەرۋ قىزمەتىن اتقارا باستادى. 2011-جىلدان 2012-جىلعا دەيىن، جوعارى مەكتەپ تاۋىسقان 23 مىڭ 355 وقۋشى شينجياڭعا كومەكتەسەتىن 19 ولكە، قالاعا جانە مەملەكەتتىڭ مينيسترلىك، كوميتەتتەرىنە قاراستى 188 مەكتەپكە تاربيەلەۋگە توپقا ءبولىپ جىبەرىلدى، مۇنىڭ ىشىندە، از ۇلتتان 19 مىڭ 378 وقۋشى بار، جالپى وقۋشىنىڭ %82.97 ىن يەلەدى.
2015-جىلى قاڭتارعا دەيىن، تاڭداپ جىبەرىلگەن وقۋشىلاردىڭ ءبارى تاربيەلەۋ مەرزىمى تولىپ، شينجياڭعا قايتتى، 23 مىڭ 63 وقۋشى ەمتيحاننان تولىمدى بولعاننان كەيىن جۇمىس ورنىنا ورنالاسىپ، تۇڭعىش توپتاعى كاسىپتەنبەگەن جوعارى مەكتەپ تاۋىسقان وقۋشىلاردى باعىتتامالى كومەكتەسەتىن ولكە، رايوندارعا تاربيەلەۋگە جىبەرۋ قىزمەتى تابىسپەن اياقتادى. قالىڭ وقۋشىنى تاربيەلەۋ ارقىلى حانزۋ ءتىلى دەڭگەيى مەن كاسىپتىك شەبەرلىگىن جوعارىلاتىپ، قازىرگى زامان مادەنيەتىنەن ءنار الدىرىپ، «4 مۇراتتاستىق» تانىمىن كۇشەيتىپ، تاربيەلەۋ جەتىستىگىنەن شينجياڭنىڭ كوپتەگەن وتباسىن يگىلىكتەندىردى.جاڭ چۇنشيان بىلاي دەپ اتاپ كورسەتتى: كاسىپتەنۋ حالىق تۇرمىسىن جاقسارتۋداعى ەڭ ءىرى ينجەنەريا، حالىق قالاۋىنان شىعۋ ينجەنەرياسى، نەگىزگى ينقەنەريا. كاسىپتەنبەگەن جوعارى مەكتەپ وقۋشىلارىن شينجياڭعا كومەكتەسەتىن ولكە، قالالارعا تاربيەلەۋگە جىبەرۋ بولاشاقتىق شارا، ورتالىقتىڭ رۋحىنا، شينجياڭنىڭ ءىس جۇزىندىگىنە بۇكىلدەي ۇيلەسەتىن، حالىق قالاۋىنان شىعاتىن، نەگىزدى بەكەمدەيتىن، بولاشاققا پايدالى ماڭىزدى شارا. تاربيەلەۋ قىزمەتىنىڭ جەتىستىگى مەن تاجيربەسى سالعان ويدى قورتىندىلاپ جانە ويداعىداي پايدالانىپ، تاربيەلەنگەن وقۋشىلاردىڭ جۇرەگىنە ۇلتتار ىنتىماعىنىڭ تۇقىمىن سەۋىپ، بۇقاراعا اناعۇرلىم ويداعىداي ۇگىت تاربيە جۇرگىزۋ كەرەك؛ يدەيانى اناعۇرلىم ازات ەتىپ، يدەيانى بىرلىككە كەلتىرىپ، ءار ۇلت حالقىنىڭ ءتول مۇددەسىنەن باستاپ قىزمەتتى ورىستەتىپ، شىعار ءتۇيىن مەن تابان تىرەر تياناقتى دۇرىس تاۋىپ، ءار ۇلت بۇقاراسىن اناعۇرلىم ويداعىداي ۇيىستىرۋ كەرەك.
جاڭ چۇنشيان مىنانى باسا دارىپتەدى: شينجياڭنىڭ ءىس جۇزىندىگىنە ۇشتاستىرا وتىرىپ تاربيەلەۋ قىزمەتىن ۇزدىكسىز ىلگەرىلەتىپ، تاربيەلەۋ قىزمەتىن داعدىعا اينالدىرۋ كەرەك. شينجياڭنىڭ باستى تۇلعالىق رولىن ساۋلەلەندىرىپ، شينجياڭدا تاربيەلەۋ مەن شينجياڭنان باسقا جەردە تاربيەلەۋدى ۇشتاستىرۋ ءتيىس. شينجياڭدا ورىستەتۋگە بولاتىن تاربيەلەۋدى مۇمكىندىكتىڭ بارىنشا شينجياڭدا ورىستەتىپ، شينجياڭنان باسقا جەردە نەگىزىنەن تايانىش كادىرلاردى تاربيەلەۋ كەرەك. تاربيەلەنەتىندەردى ويداعىداي تاربيەلەپ، نەگىزگى ساپاسى جاقسى، نەگىزگى ساتى جۇمىس ورنى شۇعىل قاجەت ەتەتىن، وتباسىندا قيىنشىلىعى نەداۋىر كورنەكتى از ۇلت وقۋشىلارىن ءتۇيىندى تاڭداۋ كەرەك؛ باسەكە مەحانيزمىن ەنگىزىپ، نەگىزگى ساتى تايانىش دارىندىلارىن ءتۇيىندى تاربيەلەپ، نەگىزگى ساتى جۇمىس ورنىنا جاڭا كۇشتەردى، جىگەرلى جاستاردى ۇزدىكسىز تولىقتاپ، دارىندىلاردى نەگىزگى ساتىعا، ەڭ جاپالى شالعاي رايونعا جانە جۇمىس ورنىنا بارۋعا، ءبىرىنشى شەپتە يگىلىك جاراتۋعا شابىتتاندىرۋ باعدارىن قالىپتاستىرۋدى اناعۇرلىم ىلگەرىلەتىپ، يدەيا تاربيەسىن كۇشەيتۋ كەرەك. شەبەرلىككە تاربيەلەپ قالماستان، مۇنان دا ماڭىزدىسى «4 مۇراتتاستىق» تانىمىن، ساياسي، يدەيا جاقتا جەتەكشىلىك ەتۋ جانە مادەنيەتتەن ءنار الۋدى كۇشەيتۋ؛ ءبىر تۇتاس باسقارۋ مەن ءبولىپ باسقارۋدى ۇشتاستىرىپ، ءىس جۇزىندىك قاجەتتى قاناعاتتاندىرىپ، دارىندىلاردى تاربيەلەۋ زاڭدىلىعىنا بويسىنىپ، تاربيەلەۋ قىزمەتىن داعدىعا اينالدىرۋدى ىلگەرىلەتۋ كەرەك.ماجىلىستە تاعى باسقا ىستەر زەرتتەلدى. شوكىرات زاكىر، نۇرلان ءابىلماجىن ۇلى، چى جۇن، حان يۇڭ، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، ءباي جىجيە، شيۋڭ شۋانگو، عانيبات سابىكەي ۇلى، لي شۋەجۇن، ەركىن تۋنياز سياقتى كىسىلەر ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
