- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكومنىڭ ارالاپ تەكسەرۋ گرۋپپاسى 2014 - جىلى 2 - كەزەكتە ارالاپ تەكسەرىلگەن مەكەمە - ورىندارعا ارالاپ تەكسەرۋ جاعدايىن اڭىس ەتتى
2015.04.07 13:39 كەلۋ قاينارى : ءتاڭىرتاۋ تورابى
2014 - جىلى29 - تامىزدان29 - قازانعا دەيىن، اۆتونوميالى رايوندىق پارتكومنىڭ 5 ارالاپ - تەكسەرۋ گرۋپپاسى اۆتونوميالى رايوندىق قاتىناس - تاسىمال مەڭگەرمەسىنە، شينجياڭ قوعامدىق عىلىمدار اكادەمياسىنا، بۇراتالا موڭعۇل اۆتونوميالى وبلىسىنا، سانجى ينستيتۋتىنە، شينجياڭ تارىم وزەنى الابىن باسقارۋ مەكەمەسىنە ارالاپ تەكسەرۋ جۇرگىزدى. اۆتونوميالى رايوندىق پارتكومنىڭ ارالاپ - تەكسەرۋ قىزمەتىنە باسشىلىق ەتۋ گرۋپپاسى ارالاپ تەكسەرۋ گرۋپپالارىنىڭ ارالاپ تەكسەرۋ جاعدايىنان بەرگەن مالىمەتىن تىڭدادى، سونداي - اق اۆتونوميالى رايوندىق پارتكومنىڭ «5 ادامدىق گرۋپپاسىنا» ارالاپ تەكسەرۋ جاعدايىنان جالپىلاي مالىمەت بەردى. اۆتونوميالى رايوندىق پارتكومنىڭ «5 ادامدىق گرۋپپاسى» ارالاپ تەكسەرۋ ناتيجەسىن ۇتىمدى پايدالانىپ، ارالاپ تەكسەرۋدەن بايقالعان ماسەلەلەردى رەتتەۋ - وڭاۋعا قۋزاۋشىلىق جاساۋ جونىندە ايقىن تالاپ قويدى. جۋىقتا، 5 ارالاپ تەكسەرۋ گرۋپپاسى ارالاپ تەكسەرىلگەن جەرلەرگە، تاراۋلارعا، مەكەمە - ورىندارعا ارالاپ تەكسەرۋ جاعدايىن اڭىس ەتتى.
اۆتونوميالى رايوندىق پارتكومنىڭ ارالاپ تەكسەرۋ 1 - گرۋپپاسى اۆتونوميالى رايوندىق قاتىناس - تاسىمال مەڭگەرمەسىنە ارالاپ تەكسەرۋ جاعدايىن اڭىس ەتتى. قاتىناس - تاسىمال مەڭگەرمەسىن ارالاپ تەكسەرۋ كەزىندە، كادر - بۇقارالار اڭىس ەتكەن باستى ماسەلەلەر مىنالار: ساياسي ءتارتىپتى اتقارۋ جاعىندا، پارتيا ستيلى، پاكتىك قۇرىلىسى جونىندەگى سۋبيەكتتىك جاۋاپكەرشىلىك مەن قۋزاۋ جاۋاپكەرشىلىگى دۇرىس تياناقتانباعان، جەمقورلىق ماسەلەسى اۋىق - اۋىق تۋىلعان. پاكتىك قۇرىلىسى جاعىندا، مەردىگەر شاقىرۋ، مەردىگەرلىككە الۋ تۋرالى باسقارۋ ەرەجەلەرى قاتاڭ اتقارىلماعان، مەردىگەر شاقىرۋدى باسقالارعا مىندەتتەۋ قۇبىلىسى كورنەكتى بولعان؛ كەيبىر باسشى كادرلار كاسىپورىن قوجايىندارىمەن تىم جاقىن ارالاسقان، قۇرىلىس جۇمىستارىنا كيلىككەن، قول سۇققان؛ كەيبىر باسشى كادرلار قول استىنداعىلار مەن باسقارۋ وبيەكتىلەرىن ۇل - قىزدارىنىڭ ۇيلەنۋ تويىنا شاقىرعان، سونداي - اق تويلىق اقشا العان؛ كەيبىر باسشى كادرلار ەرەجەگە قايشىلىق جاساپ، كاسىپورىندا قوسالقى مىندەت اتقارىپ، اقى العان نەمەسە كاسىپورىندا جارنا ۇستاعان؛ كەيبىر باسشى كادرلار ەرەجەگە قايشى تۇردە شتات حۇجاتىن جاساپ، باسشىلار سانىن ءوز بەتىمەن كوبەيتكەن؛ مەڭگەرمەگە قاراستى كەيبىر ورىندار ەرەجەگە قايشى تۇردە كاسىپورىن اشىپ، كەلسە - كەلمەس اقشا تاراتىپ، «جەكە كاسسا» قۇرعان؛ ەرەجەگە، تارتىپكە قايشى كەيبىر ماسەلەلەردى ءبىر جايلى ەتۋدە تىم كەڭ پەيىلدىلىك، جۇمساقتىق كورسەتكەن. ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىن» تياناقتاندىرىپ، ستيل قۇرىلىسىن كۇشەيتۋ جاعىندا، ۇكىمەت كولىگىن جەكە جۇمىسىنا پايدالانۋ، قاجەتتى سالاۋاتتىق كۋالىگى جوق اۆتوكولىكتەردىڭ جوعارى قارقىندى جولدارداعى اقى الۋ پۋنكتتەرىنىڭ جاسىل ارناسىن تەگىن پايدالانۋ، نەگىزگى ساتى كادرلارىندا «جەۋ، الۋ، القىمداۋ، سۇراۋ» سياقتى قۇبىلىستارى ءالى بار. دەموكراتيالىق ورتالىقتاندىرۋ مەن كادرلاردى تاڭداۋ ءوسىرۋ، مىندەتكە قويۋ جاعىندا، «كەلەلى شەشىم جاساۋ، ماڭىزدى كادرلىك تاعدايىنداۋ جانە مىندەتتەن قالدىرۋ، كەلەلى نىسانداردى ورنالاستىرۋ، سونداي - اق قوماقتى قارجىنى يگەرۋ» بويىنشا كەيبىر ىستەر جيىندا اقىلداسۋدان وتپەگەن؛ قاراستى مەكەمە - ورىنداردىڭ كەيبىر باسشىلىق القالارىنىڭ ىنتىماعى جاقسى ەمەس. كادرلاردى مىندەتكە قويۋدا تايساي تۇرۋ ءتۇزىمى تىڭعىلىقتى تياناقتانباعان؛ جۇمىس ولشەمىنەن اسىرىپ كادر ورنالاستىرۋ جانە «ىستەمەي تىستەۋ» ماسەلەسى كورنەكتى بولعان.
اۆتونوميالى رايوندىق پارتكومنىڭ ارالاپ تەكسەرۋ 2 - گرۋپپاسى شينجياڭ قوعامدىق عىلىمدار اكادەمياسىنا ارالاپ تەكسەرۋ جاعدايىن اڭىس ەتتى. قوعامدىق عىلىمدار اكادەمياسىن ارالاپ تەكسەرۋ كەزىندە، كادر - بۇقارالار اڭىس ەتكەن باستى ماسەلەلەر مىنالار: ساياسي ءتارتىپتى اتقارۋ جاعىندا، پارتيا ستيلى، پاكتىك قۇرىلىسى جونىندەگى سۋبيەكتتىك جاۋاپكەرشىلىك مەن قۋزاۋ جاۋاپكەرشىلىگى دۇرىس تياناقتانباعان، ءتارتىپ تەكسەرۋ كوميتەتىنىڭ شۋجيى ينجەنەريالاردى، قۇرىلىستاردى باسقارۋعا جاۋاپتاندىرىلعان؛ ءىشىنارا كادرلار پارتيانىڭ لۋشيان، باعىت - ساياساتتارىنا ۇيلەسپەيتىن سوزدەر مەن كوزقاراستار ايتقان. پاكتىك قۇرىلىسى جاعىندا، پارتيا ستيلى، پاكتىك قۇرىلىسىنا قاتىستى تۇزىمدەر كەمەلدەنبەگەن، دۇرىس تياناقتانباعان، پارتكوم شۋجيىنىڭ قىزمەتتەگى پاكتىك تۋرالى پارتيا ساباعىن ءوتۋ ءتۇزىمى تياناقتانباعان؛ كەيبىر كەلەلى شەشىمدەرگە بۇقارانىڭ قاتىسۋ مولشەرى تومەن بولعان. ورتالىقتىڭ «8 ءتۇرلى بەلگىلەمەسىنىڭ» رۋحى مەن اۆتونوميالى رايوندىق پارتكومنىڭ «10 تارماقتى بەلگىلەمەسى» تياناقتاندىرىپ، ستيل قۇرىلىسىن كۇشەيتۋ جاعىندا، داعدىلى باقىلاۋ، باسقارۋ تىڭعىلىقتى تياناقتانباعان، ءبىر ءبولىم كادر - قىزمەتكەرلەر تارتىپتە بوساڭسىعان، عىلمي زەرتتەۋمەن اينالىساتىن كەيبىر كادرلار ساۋدامەن شۇعىلدانعان، كاسىپورىن اشقان؛ ۇكىمەت كولىگىن جەكە جۇمىسىنا پايدالانۋ قۇبىلىسى اۋىر بولعان. دەموكراتيالىق ورتالىقتاندىرۋ مەن كادرلاردى تاڭداۋ، ءوسىرۋ، مىندەتكە قويۋ جاعىندا، «ءتورتتى تىكەلەي باسقارماۋ» مەن «كەلەلى شەشىم جاساۋ، ماڭىزدى كادرلىك تاعدايىنداۋ جانە مىندەتتەن قالدىرۋ، كەلەلى نىسانداردى ورنالاستىرۋ، سونداي - اق قوماقتى قارجىنى يگەرۋ» سياقتى بەلگىلەمەلەر تياناقتى اتقارىلماي، «جەكە ادامنىڭ ايتقانى ەسەپ» بولاتىن قۇبىلىس ءجۇز بەرگەن؛ باسشىلىق القانىڭ ۇيىستىرۋ قۋاتى، جاۋىنگەرلىك قۋاتى ءالسىز بولعان، باستاۋىش پارتيا ۇيىمدارىنىڭ شايقاس قامالىندىق رولى تولىق كورنەكتىلەنبەگەن. كادرلاردى تاڭداپ ءوسىرۋ، مىندەتكە تاعايىنداۋ ءتارتىبى جۇيەلى بولماعان، كەيبىر كادرلار زەينەتكە شىعۋدى كەشىكتىرۋدى بەلگىلەمە بويىنشا ءوتىنىش ەتپەگەن.
اۆتونوميالى رايوندىق پارتكومنىڭ ارالاپ تەكسەرۋ 3 - گرۋپپاسى بۇراتالا موڭعۇل اۆتونوميالى وبلىسىنا ارالاپ تەكسەرۋ جاعدايىن اڭىس ەتتى. بۇراتالا وبلىسىن ارالاپ تەكسەرگەندە، كادرلار مەن بۇقارا، باستىسى، مىناداي ماسەلەلەردى اڭىس ەتكەن: ساياسي ءتارتىپتى اتقارۋ جاعىندا، پارتيا ستيلى، پاكتىك قۇرىلىسى جونىندەگى سۋبيەكتتىك جاۋاپكەرشىلىك پەن قاداعالاۋ جاۋاپكەرشىلىگىنىڭ تياناقتانۋى جەتەرسىز، وبلىستىق پارتكومنىڭ پارتيا ستيلى، پاكتىك قۇرىلىسى قىزمەتىن اقىلداسىپ ورنالاستىرۋى دەرلىكتەي ەمەس، وبلىستىق ءتارتىپ تەكسەرۋ كوميتەتىنىڭ ءتارتىپتىڭ اتقارىلۋىن باقىلاۋ، جاۋاپكەرشىلىكتى قۋزاۋ تەبىنى جەتەرسىز؛ وبلىسقا قاراستى ءىشىنارا اۋدانداردىڭ، قالالاردىڭ، ورىنداردىڭ ورنىقتىلىقتى قورعاۋ شارالارىن تياناقتاندىرۋى ويداعىداي ەمەس، ءىشىنارا نەگىزگى ساتى پارتيا ۇيىمدارى دارمەنسىز، بىتىراڭقى؛ كەي تاراۋلار، ورىندار جانە پارتيالى كادرلار اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن ىلعاپ، وزگەرتىپ، دەرلىكتەي دايەكتى تياناقتاندىرماعان. پاكتىك قۇرىلىسى جاعىندا، كەي باسشى كادرلار مەملەكەت مەنشىگىندەگى (كوللەكتيۆ) جەرلەردى زاڭسىز يگەرىپ، كوگالداردى، ورماندى جەرلەردى، ءوز بىلگەنىنشە وتكەرمەلەپ، كوتەرمەگە، مايعا بەرىپ، ارادان پايدا تۇسىرگەن؛ كەي باسشىلار قىزمەت ۇقىعىنان پايدالانىپ، تۋىس - تۋعان، دوس - جاراندارىنا پايدا جەتكىزگەن؛ كەي باسشى كادرلار قۇرىلىس نىساندارىنا ارالاسىپ، ارادان پايدا العان؛ كەي باسشى كادرلار بەلگىلەمەگە قايشىلىق جاساپ، جەكەلەر باسقارۋىنداعى كاسىپورىندارعا قارجى، جارنا قوسقان؛ نەگىزگى ساتىلاردا ارناۋلى قارجىنى جىرمالاپ، باسقاعا جۇمسايتىن جايتتەر بەلەڭ بەرگەن؛ ءىشىنارا اۋىل شارۋاشىلىق نىساندارىنا مەردىگەرلىككە شاقىرۋ، مەردىگەرلىككە الۋ جۇمىسى جاسىرىن جۇرگىزىلگەن. ورتالىقتىڭ «8 ءتۇرلى بەلگىلەمەسىنىڭ» رۋحىن جانە اۆتونوميالى رايوندىق پارتكومنىڭ «10 تارماقتى بەلگىلەمەسىن» تياناقتاندىرۋ، ستيل قۇرىلىسىن كۇشەيتۋ جاعىندا، ءىشىنارا باسشى كادرلاردىڭ تۇرعان ۇيلەرىنىڭ كولەمى بەلگىلەنگەن ولشەمنەن اسىپ كەتكەن؛ ولشەمنەن ارتىق كۇتىپ الۋ، ۇكىمەت كولىگىن جەكە جۇمىستارعا پايدالانۋ جايتى بەلەڭ بەرگەن؛ وبلىسقا توتە قاراستى ءىشىنارا تاراۋلاردا «ەسىگىنەن كىرە الماۋ، سۋىق ءجۇزىن سىرتىنا سالۋ، جۇمىس ءبىتىرۋ قيىنعا ءتۇسۋ» جاعدايى كورنەكتى بولعان. دەموكراتيالىق ورتالىقتاندىرۋ ءتۇزىمى مەن كادرلاردى تاڭداپ ءوسىرۋ، مىندەتكە قويۋ جاعىندا، ءىشىنارا ماڭىزدى قۇرىلىس نىساندارى جونىندە شەشىم جاساۋدان ىلگەرى كەڭەس الۋ، سىپاتتاۋ، پىكىر الۋ جەتەرسىز بولعان. كادرلاردى تاڭداپ ءوسىرۋ، مىندەتكە قويۋ جاعىندا، كادرلاردى ارتىق ورنالاستىرۋ، كادرلاردىڭ ارحيۆىن باسقارۋ جۇيەلى بولماۋ سياقتى ماسەلەلەر كورنەكتى بولعان.
اۆتونوميالى رايوندىق پارتكومنىڭ ارالاپ تەكسەرۋ 4 - گرۋپپاسى سانجى ينستيتۋتىنا ارالاپ تەكسەرۋ جاعدايىن اڭىس ەتتى. سانجى ينستيتۋتىن ارالاپ تەكسەرگەندە، كادرلار مەن بۇقارا، باستىسى، مىناداي ماسەلەلەردى اڭىس ەتكەن: ساياسي ءتارتىپتى اتقارۋ جاعىندا، پارتكومنىڭ سۋبيەكتتىك جاۋاپكەرلىك تانىمى جەتەرسىز، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ قىزمەتتەرىن ورنالاستىرۋى، سايكەستىرۋى، باقىلاۋى دەرلىكتەي ەمەس، ءتارتىپ تەكسەرۋ كوميتەتتەرىنىڭ ءتارتىپتى قاتاڭ اتقارۋى، جاۋاپكەرشىلىكتى قۋزاستىرۋى جەتەرسىز؛ ءىشىنارا كادرلاردىڭ، وقىتۋشىلاردىڭ ءدىني ۇشقارى يدەيانىڭ كەۋلەپ كىرۋىنەن قورعانۋدىڭ جانە ودان ساقتانۋدىڭ ماڭىزدىلىعى مەن قاتاڭدىعى جونىندەگى تانىمى جەتەرسىز. پاكتىك قۇرىلىسى جاعىندا، كەي باسشى كادرلار كاسىپورىن قوجايىندارىنىڭ قوناقاسىنا قاتىناسىپ، تارتۋ - تارالعى العان؛ كەي باسشى كادرلار قۇرىلىس جۇمىسىنا ارالاسىپ، مەردىگەرلىككە شاقىرۋ، مەردىگەرلىككە الۋ جۇمىسىنا كيلىگىپ، جاسىرىن جۇرگىزىپ، ەرەكشە بايلانىسى بارلارعا نەمەسە تۋىس - تۋعاندارىنا ۇقىعىنان پايدالانىپ پايدا جەتكىزگەن؛ ءىشىنارا قۇرىلىس نىساندارىن باسقارۋ جۇمىستارى بىلىققان، مەردىگەرلىككە شاقىرۋ، مەردىگەرلىككە الۋ جۇمىستارى بەلگىلەمە بويىنشا جۇرگىزىلمەگەن؛ ءىشىنارا باسشى كادرلار جوعارىنىڭ تەكسەرۋىنەن كوز كولەگەيلەپ ءجۇرىپ ءوتىپ كەتكەن؛ كەي باسشىلار، وقىتۋ قىزمەتىمەن شۇعىلداناتىندار بەلگىلەمەگە قايشىلىق جاساپ، جەكە باسىنا جۇمساعان قاراجاتتى ۇكىمەت ەسەبىنە جاتقىزعان. ورتالىقتىڭ «8 ءتۇرلى بەلگىلەمەسىنىڭ» رۋحى مەن اۆتونوميالى رايوندىق پارتكومنىڭ «10 تارماقتى بەلگىلەمەسىن» تياناقتاندىرۋ، ستيل قۇرىلىسىن كۇشەيتۋ جاعىندا، ۇكىمەت اقشاسىمەن تارتۋ ۇسىنۋ، ۇكىمەت اقشاسىمەن ساياحاتتاۋ، ۇكىمەت كولىگىن جەكە جۇمىسقا پايدالانۋ، ۇكىمەت اقشاسىمەن جاڭا جىل اتكرەتكاسىن ساتىپ الۋ، ءتۇسىن وزگەرتىپ يگىلىكتەندىرۋ سياقتى ماسەلەلەر ءالى كۇنگە دەيىن ورىن تەپكەن؛ بەلگىلەمەگە قايشىلىق جاساپ، ۇكىمەت اقشاسىمەن وتباسى تۇرعان شاعىن اۋماقتىڭ ءۇي قوجالىعىن باسقارۋ قاراجاتىن تولەگەن؛ دەموكراتيالىق ورتالىقتاندىرۋ ءتۇزىمى جانە كادرلاردى تاڭداپ ءوسىرۋ، مىندەتكە قويۋ جاعىندا، پارتكوم باسشىلىعىنداعى باسشىلىق جاۋاپكەرلىك ءتۇزىمىن دايەكتىلەندىرۋ جەتەرسىز بولعان، پارتكوم جينالىسىن، باس قوسۋ جينالىسىن اكىمشىلىك جينالىستىڭ ورنىنا قوياتىن جايت ورىن تەپكەن. كادرلاردى تاڭداپ ءوسىرۋ، مىندەتكە قويۋ قىزمەتى جۇيەلى ەمەس، ءىشىنارا ەرلى - زايىپتى كادرلارعا، جاقىن تۋىس - تۋعاندارعا قاتىستى قىزمەتتە تايساي تۇرۋ جايتى بولماعان.
اۆتونوميالى رايوندىق پارتكومنىڭ ارالاپ تەكسەرۋ 5 - گرۋپپاسى شينجياڭ تارىم وزەنى اعارىن باسقارۋ مەكەمەسىنە ارالاپ تەكسەرۋ جاعدايىن اڭىس ەتتى. تارىم وزەنى اعارىن باسقارۋ مەكەمەسىن ارالاپ تەكسەرۋ مەزگىلىندە، كادرلار مەن بۇقارا اڭىس ەتكەن باستى ماسەلە مىنالار: ساياسي ءتارتىپتى اتقارۋ جاعىندا، پارتيا ستيلى، پاكتىك قۇرىلىسى جونىندەگى سۋبيەكتتىك جاۋاپكەرشلىك پەن باقىلاۋ جاۋاپكەرشىلىگى ويداعىداي تياناقتاندىرىلماعان، باسشىلىق القا مۇشەلەرىنىڭ «ءبىر قىزمەت ورنىندا ەكى جاۋاپكەرلىك ارقالاۋدى» تياناقتاندىرۋى تىم شىركىن - اي ەمەس، وزەننىڭ نەگىزگى اعارىن باسقاراتىن 4 مەكەمەنىڭ ءتارتىپ تەكسەرۋ كوميتەتىنىڭ شۋجيلەرى قوسىمشا ورىنباسار مەكەمە باستىعى مىندەتىن وتەگەن، نەگىزگى كاسىپكە دەن قويىپ، ءتارتىپ تەكسەرۋ قىزمەتىن ويداعىداي ىستەمەگەن، دەلولاردى دا تەكسەرىپ ءبىر جايلى ەتۋى تىم تەبىندى ەمەس؛ كەيبىر باسشى كادرلار ماقۇلداتپاستان - اق ءوز بەتىمەن قىرۋار كاپيتال ساتىپ العان؛ نەگىزگى ساتىداعى پارتيالى كادرلاردىڭ كەيبىرەۋى ءدىني قيمىلدارعا قاتىناسقان. پاكتىك قۇرىلىسى جاعىندا، كەيبىر ارىز - ارمان، اشكەرەلەۋ دەلولارى تىم ىشكەرىلەي تەكسەرىلمەگەن، پارمەندى ءبىر جايلى ەتىلمەگەن؛ كەيبىر قۇرىلىس نىساندارىنا مەردىگەر شاقىرۋ، مەردىگەرلىككە الۋ ىستەرىن باسقارۋ بىلىققان؛ قازىنالىق باسقارۋ مەن ىشكى جاقتاعى قازىنالىق باقىلاۋ بوساڭسىعان، ەرەجەگە قيعاشتىق جاساپ، حالىقتىق كاسىپورىندارعا مەملەكەت مەنشىگىندەگى قارجىنى قارىزعا بەرىپ، ورتادان پايدا تۇسىرگەن؛ كەيبىر كادرلار مەن قىزمەتكەرلەردىڭ ساۋدامەن اينالىسىپ، كاسىپورىن قۇرۋ، ۇقىعىنان پايدالانىپ جەكە مۇددەسىن كوزدەۋ، سۋدان پايدالانىپ پايدا ءتۇسىرۋ ماسەلەلەرى كورنەكتى بولعان. ورتالىقتىڭ «8 ءتۇرلى بەلگىلەمەسىنىڭ» رۋحى مەن اۆتونوميالى رايوننىڭ «10 تارماقتى بەلگىلەمەسىن» تياناقتاندىرىپ، ستيىل قۇرىلىسىن كۇشەيتۋ جاعىندا، كەيبىر باسشى كادرلاردىڭ ستيلى اۋىتقىعان؛ كەيبىر كاسىپتىك بولىمدەردىڭ تەكسەرىپ - بەكىتۋ ءتارتىبى تىم كۇردەلى، جۇمىس ءبىتىرۋ ونىمدىلىگى تومەن بولعان؛ توتە قاراستى كەيبىر مەكەمەلەردىڭ استا - توك ىسىراپشىلدىق جاعدايى اۋىرلاسقان؛ ۇكىمەت اۆتوكولىكتەرىن جەكەلىك شارۋالارعا ىستەتۋ ارەكەتىنە دە قايتا - قايتا تيىم سالىنعانىمەن باسىلماعان. دەموكراتيالىق ورتالىقتاندىرۋ ءتۇزىمىن دايەكتى تياناقتاندىرۋ جانە كادرلاردى تاڭداپ مىندەتكە تاعايىنداۋ جاعىندا، كەيبىر «كەلەلى شەشىم جاساۋ، ماڭىزدى كادرلىق تاعايىنداۋ جانە مىندەتتەن قالدىرۋ، كەلەلى نىسانداردى ورنالاستىرۋ، سونداي - اق قوماقتى قارجىنى يگەرۋ» ىستەرىن توپتىق زەرتتەۋ، پىكىرلەردى تىڭداۋ جانە جاعدايدى مالىمدەۋ جۇمىستارى تولىق ىستەلمەگەن، پارتكوم ماجىلىستەرىنىڭ ورنىنا اكىمشىلىك ءماجىلىس اشۋ جايتتەرى ساقتالعان؛ توتە قاراستى كەيبىر مەكەمەلەردىڭ باسشىلىق القاسىنىڭ بەرەكەسى كەتكەن. شتات باسقارۋ بەلگىلەمەسى، ۇيىمداستىرۋ، كادرلار ءتارتىبى تىم قاتاڭ اتقارىلماعان، شتات پەن مىندەتتىڭ ءوزارا سايكەسپەۋى، مىندەتتەن ارتىق كادر ورنالاستىرۋ، باسشى كادرلار كاسىپورىنداردا قوسىمشا مىندەت وتەۋ، باسقارما دارەجەلى بولعانىمەن باسشىلىق مىندەت وتەمەيتىن كادرلاردىڭ شتات يەلەپ، ۇزاق ۋاقىت مىندەت وتەمەۋى سياقتى ماسەلەلەر ساقتالعان.
ارالاپ تەكسەرۋ كەزىندە، اۆتونوميالى رايوندىق پارتكومنىڭ ارالاپ تەكسەرۋ گرۋپپالارى كەيبىر پارتيالى باسشى كادرلاردىڭ ماسەلەلەرىن اڭىس ەتكەن دەرەكتەردى تاپسىرىپ الىپ، قاتىستى بەلگىلەمەلەر بويىنشا اۆتونوميالى رايوندىق ءتارتىپ تەكسەرۋ كوميتەتىنىڭ، اۆتونوميالى رايوندىق پارتكوم ۇيىمداستىرۋ ءبولىمىنىڭ جانە قاتىستى تاراۋلاردىڭ ءبىر جايلى ەتۋىنە تاپسىردى. اۆتونوميالى رايوندىق پارتكوم ارالاپ تەكسەرىلگەن جەرلەردىڭ، تاراۋلاردىڭ، مەكەمەلەردىڭ پارتكومدارىنان سۋبيەكتتىك جاۋاپكەرشىلىكتى شىنايى اتقارىپ، ارالاپ تەكسەرۋ گرۋپپاسى اڭىس ەتكەن ماسەلەلەرگە دەن قويا مامىلە جاساپ، رەتتەۋ، وڭاۋدى مىقتاپ ۇستاپ، رەتتەۋ، وڭاۋ جاعدايىن دەر كەزىندە مالىمدەۋدى تالاپ ەتتى. اۆتونوميالى رايوندىق پارتكوم ارالاپ تەكسەرۋ كەڭسەسى ارالاپ تەكسەرۋ، رەتتەۋ، وڭاۋدى مىقتى ۇستاپ، باقىلاۋدى كۇشەيتىپ، بىرەۋىن رەتتەپ - وڭاعاندا بىرەۋىن جويىپ، ارالاپ تەكسەرۋ تابىستارىنان پايدالانۋدى كۇشەيتىپ، پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ قىزمەتىن ىشكەرىلەي ورىستەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
