- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«پارتيا مەن ۇكىمەتكە سەنەمىز، بۇل تەك ۋاقىتتىق قيىنشىلىق»
2015.07.07 13:12 كەلۋ قاينارى : ءتاڭىرتاۋ تورابى
گۇما اۋداندىق پارتكوم، اۋداندىق ۇكىمەت تۇرعان جەر − گۇما قالاشىعى وسى رەتكى سىلكىنىستىڭ سەنترى. شيپاحانادا قىزى مەن ايەلىنىڭ جاراقاتىن ەمدەتىپ جاتقان ءاليجان ساۋىت وسى قالاشىققا قاراستى جاڭابازار قىستاعىنىڭ ادامى. جەر سىلكىنگەن كەزدە ءاليجان وتباسىمەن قۇلاعان ءۇيدىڭ استىندا قالىپتى. قيراندىنىڭ استىنان ءوزى قۇتىلىپ شىققان ول دەرەۋ بالالارى مەن ايەلىن قازىپ العان، ايەلىنىڭ وڭ قۇلاعى جىرىلعان، بالالارىنا ۇلىعاۋسار ەشتەڭە بولماعان، ءبىر ءتاۋىرى ۇيىندەگىلەردىڭ ەشكىمىنىڭ ومىرىنە حاۋىپ تونبەگەن. جۇباتۋ قىزمەتىن جاساپ جاتقان اۋداندىق شيپاحانانىڭ جاۋاپتىسى ماحمۇت احىمەت وعان: قايراتتى بول، ايەلىڭدى ەمدەۋدى ءبىز 18 - شيپاحانانىڭ اۋدان قالاشىعىنا ورنالاستىرعان شاتىرىندا جالعاستىرامىز، - دەدى.
ماحمۇتتىڭ تانىستىرۋىنشا، شيپاحانادا جەر سىلكىنىسىندە جارالانعان تاعى 26 بۇقارا ەمدەلىپ جاتىر ەكەن، ونىڭ ىشىندە جاراقاتى اۋىر ەكەۋى شۇعىل تۇردە حوتان ايماقتىق حالىق شيپاحاناسىنا جىبەرىلگەن.
وسى شيپاحانادان ءتىلشى قارۋلى ساقشى جاۋىنگەرلەرىنىڭ، قوعام حاۋىپسىزدىگى ساقشىلارىنىڭ شاتىر قۇرىپ جاتقانىن كوردى. شيپاحانادا 200دەن استام اۋرۋ ادام ەمدەلىپ جاتقان. جەر سىلكىنىسىنەن سوڭ، حاۋىپسىزدىك ءۇشىن شيپاحانانىڭ ەمدەۋ قىزمەتكەرلەرى ناۋقاستاردى دەرەۋ اۋلاداعى اعاش ساياسىنىڭ استىنا اكەلىپ، ەمدەۋدى جالعاستىردى.
سىلكىنىستەن سوڭ، قىستاقتا تۇراتىن قىزمەت گرۋپپاسى دەرەۋ وتباسىلارىن ارالاپ، اپات جاعدايىن تەكسەرگەن. اۆتونوميالى رايوندىق ۇلت، ءدىن ىستەرى كوميتەتىنىڭ قىستاقتا تۇراتىن كادرلارى قىستاق كادرلارىمەن بىرگە وتباسىلارىن ءبىر - بىردەن ارالاپ، اپات جاعدايىن ۇعىسىپ، بۇقارانى جۇباتقان.
ۇعىسۋىمىزشا، گۇما اۋدانىندا 6.5 بال جەر سىلكىنگەن سوڭ، حوتان ايماعى مەن اۋداندارىنداعى قاتىستى تاراۋلار ۋاقىتتى مىقتى يگەرىپ، اپات جاعدايىن اداقتاپ تەكسەرىپ، توتەنشە جاعدايعا بايلانىستى قۇتقارۋ شارالارىن جاقسى ىستەپ، سىلكىنىسكە قارسى تۇرىپ، اپاتتان قۇتقارۋ قىزمەتىن بەلسەنە ورىستەتىپ، ءولىم - ءجىتىمدى ەڭ تومەنگە شەككە دەيىن ازايتقان. سول كۇنى كەشتە ءتىلشى حابار جولداعانعا دەيىن، اپات رايونىنداعى بۇقارانىڭ كوڭىل كۇيى ورنىققان، شاتىر، كورپە سياقتى شۇعىل قۇتقارۋ بۇيىمدارى ىركەس - تىركەس جەتكىزىلىپ، اپاتقا ۇشىراعان بۇقاراعا تاراتىلعان.
ءبىر جاق قيىنشىلىققا تاپ بولعاندا، تۇس - تۇستان جابىلا كومەك كورسەتىلدى
ءتىلشى اۋدان قالاشىعىنان حوتان ايماعىنىڭ، قاشقار ايماعىنىڭ ءورت ءسوندىرۋ تارماق اترەتتەرىنىڭ وفيتسەر - جاۋىنگەرلەرى اپات رايونىنا سۋىت اتتانىپ بارا جاتقانىن كوردى. قاعىلىق اۋدانىندا تۇراتىن ازاتتىق ارميانىڭ 18 - شيپاحاناسىنىڭ ەمدەۋ قىزمەتكەرلەرى دە دەرەۋ جەتىپ كەلدى.
اۋدان قالاشىعى ءمالى باسقارماسى قايماق الەۋمەتتىك اۋماعى بۇقاراعا كومەكتەسىپ قۇلاعان قاتەرلى ۇيلەردى تازالاپ جاتقان قارۋلى ساقشى باس اترەتى حوتان تارماق اترەتىنىڭ وفيتسەر - جاۋىنگەرلەرىنە تولىپتى.
اپات تۋىلعان سوڭ حوتان قالالىق مۇگەدەكتەر ونەركاسىپ - ساۋدا دامىتۋ ورتالىعىنىڭ ماشينا جوندەۋ زاۆودىنىڭ باسالقاسى ابىلەز مامەتنياز اۋدان قالاشىعىنداعى حالىق شيپاحاناسىنا بارىپ، جارالانعاندارعا 9000 يۋان جىلۋ اتادى. «اپات جاعدايىنا قاراي، مەن زاۆودىمىزدىڭ قۇتقارۋ اترەتىن اكەلەمىن. ءبىر جاق قيىنشىلىققا تاپ بولسا، تۇس - تۇستان جابىلا كومەك كورسەتۋىمىز كەرەك - قوي»، - دەيدى ابىلەز. گۇما اۋداندىق كاسىپتىك تەحنيكالىق مەكتەبى اپاتتان قۇتقارۋ بۇيىمدارىن قابىلداۋ ورنى.
گۇما اۋداندىق ءتارتىپ تەكسەرۋ كوميتەتىنىڭ ورىنباسار شۋجيى كۇڭ ليڭفيدىڭ سوزىنە قاراعاندا، قازىرگە دەيىن قوعامنان جىلۋعا اتالعان 1750 نان، 910 جاشىك مينەرالدى سۋ، 360 جاشىك دايىن كەسپە، 360 جاشىك ايكۇلشە، 360 جاشىك قارا بولكا تاپسىرىپ الىنعان.
شينجياڭ لانتيان قۇتقارۋ اترەتى جۇڭگو كەدەيلەردى سۇيەمەلدەۋ قور قوعامىنىڭ تاپسىرۋىمەن اپات بولعان وڭىرگە اتتاندى. شينجياڭ لانتيان قۇتقارۋ اترەتى بيڭتۋان قۇتقارۋ اترەتىنىڭ باستىعى چىڭ شياۋجۇن: ءبىز دايىنداعان 10 ۇلكەن كۇن شاتىر، 80 كورپە، 30 توسەك اپات بولعان وڭىرگە جەتكىزىلدى، - دەدى.
بەيقۇت ۇيلەر جەر سىلكىنىسىندە سىننان ءوتتى
گۇما اۋدانى كوكتەرەك اۋىلى قۇمارىق قىستاعى پارتيا ياچەيكاسىنىڭ شۋجيى ابدۇقادىر بىلاي دەدى: قىستاعىمىزدا 213 وتباسى اپاتقا ۇشىرادى، 26 ءۇي اۋىر دارەجەدە ويراندالدى، 8 ءۇي قۇلادى، بۇل 8 ءۇي تۇگەلدەي قىستاق تۇرعىندارىنىڭ وزدەرى سالعان ءۇي. 2005 - جىلى ۇكىمەت سالعان بەيقۇت ۇيلەر تىم اۋىر بۇلىنبەدى، ايتسە دە حاۋىپسىزدىك ەسكەرىلگەندىكتەن، قىستاق تۇرعىندارى حاۋىپسىز جەرگە شوعىرلى ورنالاستىرىلدى.
ءتىلشى وسى اۋىلداعى اپات جاعدايى ءبىرشاما اۋىر تاعى ءبىر قىستاقتاعى ءبىر ديقاننىڭ ءۇيى بۇكىلدەي قۇلاعانىن كوردى. ءۇيدىڭ يەسى مامەت الىم بىلاي دەدى: تاڭەرتەڭ ۇيىقتاپ جاتقانىمىزدا ءۇي قاتتى تەڭسەلدى. سونىمەن دەرەۋ سىرتقا قاشىپ شىقتىم، ءۇيدىڭ اعاشتارى تۇگەلدەي قۇلادى. بۇل ءۇيدى 10 نەشە جىلدىڭ الدىنا ءوزىم سالعانمىن، كەيىن سالىنعان سىلكىنىسكە ءتوزىمدى ۇيلەر نەگىزىنەن امان قالدى.
ءسايشى ءمالى قىستاعى گۇما قالاشىعىنداعى اپات جاعدايى ەرەكشە اۋىر قىستاق. قىستاق تۇرعىنى نۇرمامەت امىردەننىڭ سىلكىنىسكە ءتوزىمدى ءۇيى امان قالدى، ول جانە توڭىرەكتەگى قىستاق تۇرعىندارى كورشىلەرىنىڭ قۇلاعان ۇيلەرىن تازالاۋىنا كومەكتەستى. ول بىلاي دەدى: پارتيا مەن ۇكىمەتكە سەنەمىز، بۇل تەك ۋاقىتتىق قيىنشىلىق!
جەر سىلكىنگەن جەردە اپات جاعدايىن تەكسەرىپ جۇرگەن حوتان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ازەز مۇسا بىلاي دەدى: پارتيا ورتالىق كوميتەتىنىڭ، اۆتونوميالى رايوننىڭ ىستىق ىقىلاستى قامقورلىعى مەن شينجياڭعا كومەكتەسكەن ولكە، قالالاردىڭ تالاي جىلدان بەرگى كومەگىندە، جۇرتشىلىقتىڭ ءبىرتالايى بەيقۇت ۇيلەرگە كوشىپ كىردى، سونىمەن جۇرتشىلىقتىڭ ءومىرى مەن مال - مۇلكى وسى رەتكى جەر سىلكىنىسىندە اۋىر زيانعا ۇشىرامادى.
قاس قارايعاندا ءتىلشى وسى اۋداننان ەلەكتر مەن سۋدىڭ توقتاماعانىن، حابارلاسۋ جولدارىنىڭ ىركىلىسسىز ەكەنىن، ساۋدا دۇكەندەرىنىڭ قالىپتى تيجارات جۇرگىزىپ جاتقانىن، تۇرعىنداردىڭ تۇرمىسىنىڭ بۇزىلماعانىن، تۇتاس اۋدانداعى جەر سىلكىنىسىنە قارسى تۇرىپ، اپاتتان قۇتقارۋ قىزمەتىنىڭ ءتارتىپتى ءجۇرىلىپ جاتقانىن كوردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
