- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ورتالىقتىڭ پارتيانىڭ بۇقارالىق ۇيىمدار قىزمەتى جونىندەگى ماجىلىسىندە جاڭا جاعدايداعى پارتيانىڭ بۇقارالىق ۇيىمدار قىزمەتىندە جاڭا جاعداي اشۋدى باسا دارىپتەدى
لي كىچياڭ، جاڭ دىجياڭ، يۇي جىڭشىڭ، ۋاڭ چيشان، جاڭ گاۋلي ماجىلىسكە قاتىناستى، ليۋ يۇنشان ءسوز سويلەدى
2015.07.08 13:13 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 7 - شىلدەدە بەيجيڭنەن بەرگەن حابارى. ورتالىقتىڭ پارتيانىڭ بۇقارالىق ۇيىمدار قىزمەتى جونىندەگى ءماجىلىسى 6 - ، 7 - شىلدە كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ۋاڭ چيشان، جاڭ گاۋلي ماجىلىسكە قاتىناستى، ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان قورىتىندى ءسوز سويلەدى.
شي جينپيڭ مىنانى اتاپ كورسەتتى: پارتيا ورتالىق كوميتەتىنىڭ پارتيانىڭ بۇقارالىق ۇيىمدار قىزمەتى جونىندە ءماجىلىس اشۋى پارتيا تاريحىندا العاش رەت بولىپ وتىر. ءماجىلىستىڭ نەگىزگى مىندەتتەرى − جاڭا جاعدايداعى پارتيانىڭ بۇقارالىق ۇيىمدار قىزمەتىندە ءدوپ كەلگەن جاڭا جاعداي، جاڭا ماسەلەلەردى تالداپ جانە زەرتتەپ، «پارتيانىڭ بۇقارالىق ۇيىمدار قىزمەتىن كۇشەيتۋ جانە جاقسارتۋ جونىندەگى پىكىردى» دايەكتىلەندىرىپ جانە تياناقتاندىرىپ، تابىستى تاجىريبەلەردى قورىتىندىلاپ، كورنەۋ ماسەلەلەردى شەشىپ، رەفورما جاساۋ، جاڭالىق اشۋدى ىلگەرىلەتىپ، پارتيانىڭ بۇقارالىق ۇيىمدار قىزمەتىندە جاڭا جاعداي اشۋعا قۇلشىنۋ.
شي جينپيڭ مىنانى باسا دارىپتەدى: بۇقارالىق ۇيىمدار ءىسى − پارتيا ءىسىنىڭ ماڭىزدى قۇرامداس بولىگى. پارتيانىڭ بۇقارالىق ۇيىمدار قىزمەتى − بۇقارالىق ۇيىمدار ارقىلى جۇرگىزىلەتىن بۇقارالىق قىزمەت، قالىڭ حالىق جۇرتشىلىعىن پارتيانىڭ وزەكتى مىندەتتەرىن ورىنداۋ جولىندا كۇرەس جۇرگىزۋگە ۇيىمداستىراتىن، جۇمىلدىراتىن ماڭىزدى قىزمەت. بۇل پارتيامىزدىڭ ۇلى جاسامپازدىعى ءارى ەلەۋلى ارتىقشىلىقتارىنىڭ ءبىرى. توڭكەرىس، قۇرىلىس، رەفورما ىستەرىنىڭ ءار تاريحي كەزەڭىندە، پارتيانىڭ باسشىلىعىندا، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمدار بەلسەندى رول اتقارىپ، قالىڭ حالىق جۇرتشىلىعىن پارتياعا بۇلجىماستان ىلەسۋگە ۇيىمداستىرىپ جانە جۇمىلدىرىپ، پارتيا مەن حالىق ىستەرىنىڭ دامۋىنا ماڭىزدى ۇلەس قوستى. جاڭا كەزەڭدە، ءسوز جوق، جاعداي مەن مىندەتتەردىڭ دامۋىنا، وزگەرىسىنە سايكەس، پارتيانىڭ بۇقارالىق ۇيىمدار قىزمەتىن كۇشەيتىپ جانە جاقسارتىپ، ءبىر ميلليارد 300 ميلليون حالىقتىڭ بەلسەندىلىگىن تولىق جۇمىلدىرۋعا ءتيىسپىز. ءبىز پارتيانىڭ بۇقارالىق ۇيىمدار قىزمەتىن، ءسوز جوق، پارتيا بيلىگىنىڭ تاپتىق نەگىزى مەن بۇقارالىق نەگىزىن بەكەمدەۋدىڭ بيىك ساياسي تۇرعىسىنان مىقتى يگەرىپ، پارتيانىڭ قالىڭ حالىقپەن قاشاندا تىنىستاس، تاعدىرلاس، تىلەكتەس بولۋىنا كەپىلدىك ەتۋىمىز كەرەك. ءبىز، ءسوز جوق، بۇقارالىق ۇيىمداردى اناعۇرلىم ومىرشەڭدىك كۇشكە تولى، تاباندى دا پارمەندى، مەملەكەتتىك باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتەتىن ەلەۋلى كۇش ەتىپ جەتىلدىرۋىمىز كەرەك. پارتيانىڭ بۇقارالىق ۇيىمدار قىزمەتىندە كورنەكتى ناتيجەلەرگە قول جەتكەنىن، ءسوز جوق، تولىق تۇراقتاندىرامىز، سونىمەن بىرگە ورىن تەپكەن ماسەلەلەرگە دە باسا نازار اۋدارۋ، وتە - موتە، بۇقارادان قول ءۇزۋ ماسەلەسىن ءتۇيىندى تۇردە شەشۋ قاجەت. بۇقارالىق ۇيىمدار ءوزىن - ءوزى جاڭارتۋعا باتىل بولۋى، پارتيانىڭ بۇقارالىق لۋشيان جونىندەگى تاربيە جانە اماليات قيمىلىنىڭ جەتىستىكتەرىن بەكەمدەۋ جانە كەڭەيتۋ، «ۇشتە قاتاڭ، ۇشتە شىنايى بولۋ» ارناۋلى تاربيەسىن جۇرگىزۋ ورايىن مىقتى يگەرىپ، يدەيالىق تاربيە بەرۋ، ماسەلەلەردى تۇزەتۋ، ءتۇزىلىستى جاڭالاۋ جۇمىستارىن ىشكەرىلەي جۇرگىزىپ، يدەيالىق كوزقاراستى جاڭالاپ، بۇقارالىق تانىمدى نىعايتىپ، جۇمىس ستيلىن جاقسارتىپ، قىزمەت دەڭگەيىن جوعارىلاتۋ كەرەك.
شي جينپيڭ مىنانى اتاپ كورسەتتى: پارتيانىڭ بۇقارالىق ۇيىمدار قىزمەتىنىڭ ساياسي سيپاتىن شىنايى تۇردە ساقتاۋ جانە كۇشەيتۋ كەرەك. بۇقارالىق ۇيىمدار قاشاندا پارتيانىڭ باسشىلىعىن قابىلداپ، يدەيا، ساياسي، ارەكەت جاقتارىندا قاشاندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلىن سانالى تۇردە قورعاپ، پارتيانىڭ ەركى مەن قۋاتتاماسىن باتىل دايەكتىلەندىرىپ، ساياسي ءتارتىپ پەن ساياسي ەرەجەلەرگە قاتاڭ بويسۇنىپ، ءتۇرلى سىن - سىناقتان سۇرىنبەي ءوتىپ، بۇقارانى پارتيانىڭ ءسوزىن تىڭداۋعا، پارتياعا ىلەسۋگە جەتەكتەۋ دەيتىن ساياسي مىندەتتى ارقالاپ، وزدەرىمەن بايلانىستى بۇقارانى پارتيانىڭ توڭىرەگىنە مۇمكىندىگىنشە تىعىز ىنتىماقتاستىرۋى قاجەت.
شي جينپيڭ مىنانى باسا دارىپتەدى: جۇڭگولىق ەرەكشەلىككە يە سوتسياليستىك بۇقارالىق ۇيىمداردىڭ دامۋ جولى − جۇڭگولىق ەرەكشەلىككە يە سوتسياليزم جولىنىڭ بۇقارالىق ۇيىمدار قىزمەتىندەگى ناقتى كورىنىسى. بۇل جول پارتيانىڭ جۇڭگولىق ەرەكشەلىككە يە سوتسياليستىك جۇمىسشى ۇيىمىنىڭ دامۋى جولى، جۇڭگولىق ەرەكشەلىككە يە سوتسياليستىك جاستار قوزعالىسىنىڭ باعىتى، جۇڭگولىق ەرەكشەلىككە يە سوتسياليستىك ايەلدەر ءىسىنىڭ دامۋ جولى جونىندەگى ىزدەنىستەرىنىڭ ۇزاق امالياتى بارىسىندا قالىپتاسىپ، دامىعان، ەلىمىزدىڭ احۋالى مەن تاريحتىڭ دامۋ بەتالىسىنا ۇيلەسەدى. پارتيا ۇيىمدارى بۇقارالىق ۇيىمداردى ءوز رولدارىن تولىق كورسەتۋگە ىنتالاندىرۋى جانە جەتەكتەۋى، بۇقارالىق ۇيىمدار بەلسەندى، باتىل جۇمىس جۇرگىزۋى ءتيىس.
شي جينپيڭ مىنانى اتاپ كورسەتتى: بۇقارالىق ۇيىمداردىڭ العاباسارلىق سيپاتىن شىنايى تۇردە ساقتاۋ جانە كۇشەيتۋ كەرەك. جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى قوعامدىق ۇيىمدارىمىز قالىڭ حالىق جۇرتشىلىعىن پارتيانىڭ وزەكتى مىندەتىن ورىنداۋ جولىندا جۇمىلا كۇرەس جۇرگىزۋگە ۇيىمداستىرۋدىڭ، اتتانىسقا كەلتىرۋدىڭ ماڭىزدى جاۋاپكەرشىلىگىن ارقالاپ وتىر سوندىقتان ولار، ءسوز جوق، العاباسارلىق سيپاتتى ساقتاۋ مەن كۇشەيتۋدى ماڭىزدى تياناق ەتۋى قاجەت. «جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن كۇرەس جۇرگىزەيىك» دەگەن زامانا تاقىرىبىن مىقتاپ يگەرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ، قالىڭ حالىق جۇرتشىلىعىن ءداۋىردىڭ الدىڭعى لەگىندە ءجۇرىپ، رەفورما، دامۋ، ورنىقتىلىق ىستەرىنىڭ ءبىرىنشى شەبىندە ەسەلى ەڭبەكتەر تىندىرۋعا ۇيىمداستىرۋ، جۇمىلدىرۋ كەرەك. ارتتا قالعانداردى وزاتتار ارقىلى جەتەكتەپ، مادەنيەت پەن ۇدەرىس ارقىلى ناداندىق پەن مەشەۋلىكتى جويىپ، شىنايىلىق، ىزگىلىك، سۇلۋلىق ارقىلى جالعاندىق، سۇرقيالىق، سۇرىقسىزدىقتى تەجەپ، قالىڭ حالىق جۇرتشىلىعىن وي - سانا مەن ءمورال دەڭگەيىن ۇزدىكسىز كوتەرۋگە تاربيەلەپ جانە ۇگىتتەپ، جۇڭگولىق ەرەكشەلىككە يە سوتسياليزم جولىنان اۋىتقىماي، سوتسياليستىك وزەكتى قۇن كوزقاراسىن سانالى تۇردە امالياتتا ايگىلەپ، پارتيا بيلىگىنىڭ بەرىك سۇيەنىشى، قۋاتتى قولداۋشىسى، ۇلتاندى قوعامدىق نەگىزى بولا ءبىلۋ كەرەك.
شي جينپيڭ مىنانى باسا دارىپتەدى: قوعامدىق ۇيىمدار، ءسوز جوق، قاشاندا پارتيا مەن حالىق جاعىندا بولىپ، پارتيانىڭ جۇگىن جەڭىلدەتۋ مەن حالىقتىڭ مۇددەسىن كوزدەۋدەن جازباي، يدەيالىق - ساياسي قىزمەتتى جولعا قويىلعان ءتۇرلى قيمىلمەن ساباقتاستىرىپ، بۇقارانى ۇيىمداستىرۋ، ۇگىتتەۋ، تاربيەلەۋ، جەتەكتەۋ قىزمەتتەرىنە كوبىرەك دەن قويىپ، يدەيانى بىرلىككە كەلتىرۋ، جۇرت تىلەگىن جۇمىلدىرۋ، قايشىلىقتاردى باسەيتۋ، سۇيىسپەنشىلىكتى تەرەڭدەتۋ، قوزعاۋشى كۇشتى نىعايتۋ جۇمىستارىن كوبىرەك ىستەۋى كەرەك.
شي جينپيڭ مىنانى اتاپ كورسەتتى: بۇقارالىق ۇيىمداردىڭ بۇقارالىق سيپاتىن شىنايى تۇردە ساقتاۋ جانە كۇشەيتۋ كەرەك. بۇقارالىق ۇيىمدار قىزمەت جۇرگىزىپ، قيمىل ورىستەتكەندە، بۇقارانى وزەك ەتۋى، بۇقارامەن بەتپە - بەت، قويان - قولتىق، اق جارقىن ارالاسىپ، بۇقاراعا شىنايى سۇيىسپەنشىلىكپەن قاراۋى كەرەك. ۇيىمداردى، اسىرەسە، باستاۋىش ۇيىمداردى كەمەلدەندىرىپ، جاڭا سالا، جاڭا جىكتەردەگى ۇيىم قۇرىلىسىن جەدەلدەتۋ قاجەت. بۇقارالىق ۇيىمدار مەن بۇقارالىق ۇيىمداردىڭ كادرلارى، اسىرەسە، باسشىلىق ورگاندار مەن باسشى كادرلار نەگىزگى ساتىعا كوپ بارىپ، بۇقارامەن ىشكەرىلەي بايلانىس جاساپ، بۇكىل ىنتا - پەيىلمەن حالىق ءۇشىن قىزمەت ەتۋ نەگىزگى نىساناسىنىڭ ادال امالياتشىلارى، پارتيانىڭ بۇقارالىق لۋشيانىنىڭ تاباندى اتقارۋشىلارى، پارتيانىڭ بۇقارالىق قىزمەتىنىڭ مامان قىزمەتكەرلەرى بولۋى قاجەت.
شي جينپيڭ مىنانى باسا دارىپتەدى: تومەندى بارلاپ، نەگىزگى ساتىنى بەتكە الۋدان جازباي، ورگانداردىڭ قۇرىلىمدىق جۇيەسىن، باسقارۋ ۇلگىسىن، جۇمىس مەحانيزمىن رەفورمالاپ جانە جاقسارتىپ، كۇشتەر مەن قىزمەت كورسەتۋ بايلىقتارىن نەگىزگى ساتىعا بەيىمدەۋگە تاباندى بولۋ كەرەك. قاتىستى قوعامدىق ۇيىمدارمەن بەلسەندى تۇردە بايلانىس جاساپ، ولاردى جەتەكتەپ وتىرۋ قاجەت. بۇقارانىڭ جالپىلىق سيپاتى مەن ۋاكىلدىك سيپاتىنا باسا نازار اۋدارىپ، قاراپايىم جۇرتشىلىق ورتاسىنداعى ۇزدىك ادامداردى ۇيىمنىڭ قاتارىنا تارتىپ، نەگىزگى ساتى مەن ءبىرىنشى شەپتەگى ادامداردىڭ ۇلەسىن ايتارلىقتاي كوبەيتۋ كەرەك.
شي جينپيڭ مىنانى اتاپ كورسەتتى: بۇقارالىق ۇيىمدار پارتيا مەن مەملەكەت قىزمەتىنىڭ جالپى جاعدايىن نازارعا الىپ، بۇقارالىق ۇيىمدار فۋنكتسياسىنىڭ داۋىرمەن بىرگە دامۋىن ىلگەرىلەتۋ قاجەت. بۇقارانىڭ سۇرانىسىن قىزمەتتىڭ تياناعى ەتۋگە تاباندى بولىپ، بۇقارانىڭ مۇڭىن مۇڭداپ، جوعىن جوقتاپ، بۇقارانىڭ سەنىمدى سەرىگى، ارقا سۇيەر تىرەگى، ايىرىلماس سىرلاسى بولا ءبىلۋى قاجەت.
شي جينپيڭ مىنانى باسا دارىپتەدى: ءار دارەجەلى پارتكومدار ءمورالدى دا قابىلەتتى بولۋ، شار تاراپتان قابىلداۋ پرينسيبىنە تاباندى بولىپ، بۇقارالىق ۇيىمداردىڭ كادرلارىن تاربيەلەۋ، باسقارۋدى كۇشەيتىپ، بۇقارالىق ۇيىمداردىڭ باسشىلىق القاسىن سارالاپ سەپتەپ، كادرلار قوسىنىنىڭ جالپىلىق ساپاسىن كوتەرىپ، «ۇشتە قاتاڭ، ۇشتە شىنايى بولۋدى» سانالى تۇردە امالياتتا ايگىلەپ، «ءتورت ءتۇرلى بۇرىس ستيل» ماسەلەسىن سانالى تۇردە تەجەۋى، تۇزەتۋى كەرەك.
شي جينپيڭ مىنانى باسا دارىپتەدى: ءار دارەجەلى پارتكومدار، ءسوز جوق، پارتيا مەن مەملەكەت قىزمەتىنىڭ جالپى جاعدايىن تياناق ەتىپ، پارتيانىڭ بۇقارالىق ۇيىمدار قىزمەتىنە باسشىلىعىن شىنايى تۇردە كۇشەيتۋى، جاقسارتۋى كەرەك. پارتكوم ءبىر تۇتاس باسشىلىق ەتىپ، پارتيا مەن ۇكىمەت ورىندارى تەڭ يگەرىپ، جۇمىلا باسقارىپ، تاراۋلار ءوز مىندەتىنە جاۋاپتى بولىپ، پارتيالى كادرلار باس بولىپ ونەگە كورسەتىپ، بۇقارالىق ۇيىمدار ءوز جاۋاپكەرشىلىكتەرىن تولىق وتەيتىن قىزمەت جۇيەسىنە تاباندى بولۋ كەرەك. ءار دارەجەلى پارتكوم مەن ۇكىمەتتەر بۇقارالىق ۇيىمداردىڭ قىزمەت جۇرگىزۋىنە ءتيىمدى جاعداي ازىرلەۋى كەرەك. پارتيانىڭ بۇقارالىق ۇيىمدار قىزمەتىنىڭ زاڭدىلىعىن تەرەڭ يگەرىپ، پارتيانىڭ بۇقارالىق ۇيىمدارعا باسشىلىق ەتۋى جونىندەگى ەرەجە - تارتىپتەردى كەمەلدەندىرىپ، پارتيانىڭ بۇقارالىق ۇيىمدار قىزمەتىنىڭ عىلميلانۋ دەڭگەيىن جوعارىلاتۋ قاجەت.
ليۋ يۇنشان سوزىندە مىنانى اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيا بيلىگىنىڭ تاپتىق نەگىزى مەن بۇقارالىق نەگىزىن كۇشەيتۋدىڭ ستراتەگيالىق تۇرعىسىنان، پارتيا مەن مەملەكەت ىستەرىنىڭ بولاشاق دامۋىنىڭ جالپى جاعدايى تۇرعىسىنان پارتيانىڭ بۇقارالىق ۇيىمدار قىزمەتىنە قاتىستى ءبىر قىدىرۋ ماڭىزدى نازاريا مەن ناقتىلى ماسەلەلەر تەرەڭ بايىمدالدى، ماڭىزدى ءسوز −− اسا كۇشتى ستراتەگيالىق، يدەولوگيالىق، باعىتتامالىلىق سيپاتقا يە، جاڭا داۋىردەگى پارتيانىڭ بۇقارالىق ۇيىمدار قىزمەتىنە ءجون سىلتەيتىن باعدارلامالىق حۇجات. ءسوزدى تەرەڭ ۇيرەنىپ جانە ءتۇسىنىپ، جاپپاي دايەكتى تياناقتاندىرىپ، يدەيا مەن ارەكەتتى ءسوزدىڭ رۋحىمەن شىن مانىندە بىرلىككە كەلتىرۋ كەرەك.
بەيجيڭ قالاسىنىڭ، گۇيجوۋ ولكەسىنىڭ، مەملەكەتتىك باس جۇمىسشى ۇيىمىنىڭ، كوممۋنيستىك جاستار وداعى ورتالىق كوميتەتىنىڭ، مەملەكەتتىك ايەلدەر بىرلەستىگىنىڭ، چيڭحۋا ۋنيۆەرستەتىنىڭ، جىجياڭ ولكەسى جياشان اۋدانىنىڭ جاۋاپتىلارى ماجىلىستە سوزگە شىقتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
