- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە وتپەلى كەزەڭدەگى ورنالاستىرۋ مەن اپاتتان كەيىنگى قايتا قۇرۋ جۇمىسىن ويداعىداي يگەرۋگە كۇش سالىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ جالپى بەتتىك جەڭىسىنە قول جەتكىزۋدى تالاپ ەتتى
2015.07.08 13:14 كەلۋ قاينارى : ءتاڭىرتاۋ تورابى
7 - شىلدە كۇنى تۇستەن بۇرىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە گۇما اۋدانىنداعى جەر سىلكىنىسى جاعدايىنان تاعى دا مالىمەت تىڭداپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ويداعىداي ىستەپ، وتپەلى كەزەڭدەگى ورنالاستىرۋ مەن اپاتتان كەيىنگى قالپىنا كەلتىرۋ، قايتا قۇرۋ قىزمەتتەرىنە ورنالاستىرۋ جاسادى.
ماجىلىستە، اۋەلى، گۇما اۋدانىنداعى جەر سىلكىنىسى اپات جاعدايى جونىندەگى مالىمەت تىڭدالدى. 6 - شىلدە ساعات 19 جارىمعا دەيىن 1136 رەتكى قالدىق سىلكىنىس ەستەلىككە الىنعان، مۇندا ەڭ كۇشتىسى 4.6 بالعا جەتكەن. وسى رەتكى جەر سىلكىنىسىنىڭ سىلكىنىس كوزى تاياز، كۇشتىلىك دارەجەسى جوعارى بولعان، قالدىق سىلكىنىس ءجيى - ءجيى تۋىلعان، ءولىم - ءجىتىم كوپ بولماعانىمەن، ۇيلەر مەن مال - مۇلىك وراسان زور شىعىنعا ۇشىراعان.
جاڭ چۇنشيان مىنانى اتاپ كورسەتتى: گۇما اۋدانىنداعى جەر سىلكىنىسى كۇشتى، اپات جاعدايى اۋىر بولدى؛ جەر سىلكىنىسىنە قارسى اتتانىپ، اپاتتان قۇتقارۋ قىزمەتى عىلمي، ءونىمدى، ءتارتىپتى ءجۇرىلىپ، كەزەڭدىك ونىمگە قول جەتكىزدىك. جەر سىلكىنىسى تۋىلعاننان كەيىن، پارتيا ورتالىق كوميتەتى وسكەلەڭ ءمان بەرىپ، ەرەكشە كوڭىل ءبولدى، اۆتونوميالى رايونىمىزداعى ءار دارەجەلى، ءارقايسى تاراۋلار تولىق ازىرلىك جاساپ، جەدەل ىسكە كىرىستى، تاراپتار پارمەندى قولداۋ كورسەتىپ، تىزە قوسا سەلبەستى، اقپارات ۇگىتى جاماعات پىكىرىنە جەتەكشىلىك ەتىپ، جۇرت كوڭىلىن ورنىقتىردى؛ بەيقۇت ءۇي سالىپ، حالىقتى اۋقاتتاندىرۋ ينجەنەرياسى ماڭىزدى رول اتقاردى. قورىتىپ ايتقاندا، توسىننان تۋىلعان جەر سىلكىنىسى اپاتى الدىندا ءار جاقتىڭ قۇلشىنۋى مەن شۇعىل ىسكە كىرىسۋىندە جارالىلار ويداعىداي ەمدەلىپ، اپاتقا ۇشىراعان بۇقارا العاشقى قادامدا ۇيلەسىمدى ورنالاستىرىلدى، اپاتقا ۇشىراعان 99 مىڭ بۇقارا شۇعىل كوشىرىلدى، اپات تۋىلعان وڭىردەگى بۇقارانىڭ كوڭىل كۇيى تۇراقتى، قوعام جالپى جاعدايى ورنىقتى بولدى.
جاڭ چۇنشيان مىنانى باسا دارىپتەدى: قازىر شۇعىل قۇتقارۋ، ۋاقىتشا ورنالاستىرۋ مىندەتى نەگىزىنەن ورىندالدى، كەلەسى قادامدا وتپەلى كەزەڭدەگى ورنالاستىرۋ مەن اپاتتان كەيىنگى قالپىنا كەلتىرۋ، قايتا قۇرۋ ساتىسىنا وتەمىز، بۇل كەزەڭنىڭ جالعاساتىن ۋاقىتى اناعۇرلىم ۇزاق، مىندەتى اناعۇرلىم اۋىر، قىزمەت تالابى اناعۇرلىم جوعارى. ءبىز باس شۋجي شي جينپيڭ قاتارلى ورتالىقتاعى باسشى جولداستاردىڭ ماڭىزدى نۇسقاۋلارىنىڭ رۋحىن دەن قويا دايەكتى تياناقتاندىرىپ، اپاتتان كەيىنگى وتپەلى كەزەڭدەگى ورنالاستىرۋ مەن قالپىنا كەلتىرۋ، قايتا قۇرۋ قىزمەتىن ويداعىداي يگەرۋگە كۇش سالىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ جالپى بەتتىك جەڭىسىنە قول جەتكىزۋگە قۇلشىنۋىمىز كەرەك.
جاڭ چۇنشيان مىنانى تالاپ ەتتى: اپاتتان قۇتقارۋ، ەمدەۋ قىزمەتىن ۇزبەي مىقتى يگەرىپ، بىردە - ءبىر وتباسىن، بىردە - ءبىر ادامدى قاعىس قالدىرماۋعا كەپىلدىك ەتۋ كەرەك. جارالىلاردى ەمدەۋ قىزمەتىن بوساڭسىتپاي، اۋىر جارالانعانداردى كۇش سالا ەمدەپ، ءولىم - ءجىتىم تۋىلۋ، كەمتار بولۋ مولشەرىن بارىنشا ازايتۋ، باسقا جارالىلاردى دەر كەزىندە ەمدەپ، تەزىرەك ساۋىقتىرۋ؛ اپاتتان كەيىنگى وتپەلى كەزەڭدەگى ورنالاستىرۋدى ويداعىداي ۇيىمداستىرىپ، شوعىرلى ورنالاستىرۋ مەن بىتىراڭقى ورنالاستىرۋدى ۇشتاستىرىپ، اپاتقا ۇشىراعان بۇقارانىڭ حاۋىپسىز ۋاقىتشا تۇرار جايى، اس - سۋى بولۋىنا، ناۋقاسىن ەمدەتە الۋىنا كەپىلدىك ەتىپ، نەگىزدىك تۇرمىسىن قامتاماسىز ەتۋ؛ اپاتتان قۇتقارۋ بۇيىمدارىن تاسۋ، ۇلەستىرۋ جۇمىستارىن جاقسى ىستەپ، ناتيجەنى دارىپتەپ، ونىمدىلىكتى جوعارىلاتۋ؛ اپاتتان كەيىنگى قايتا قۇرۋ ىستەرىن تەزىرەك باستاپ، كەريا اۋدانىنداعى جەر سىلكىنىسىنەن كەيىنگى قايتا قۇرۋ تاجىريبەلەرىن ىشكەرىلەي قورىتىندىلاپ، تۇرعىن ءۇي سياقتى نەگىزدىك تۇرمىس پەن الەۋمەتتىك قىزمەت وتەۋ قۇرىلعىلارىن الدىمەن وڭاپ، ءوندىرىس شارت - جاعدايىن تەزىرەك قالپىنا كەلتىرۋ كەرەك. زياندالعان سۋ يگىلىگى قۇرىلعىلارىن، كوپىر وتكىنىن، جولداردى، قالاشىق نەگىزدىك قۇرىلعىلارىن جەدەل جوندەۋ كەرەك. ەگىن شارۋاشىلىعى ءوندىرىسىن قالپىنا كەلتىرۋدى ويداعىداي يگەرىپ، بۇقارانى كۇزگى ەگىن ەگۋگە ۇيىمداستىرىپ، قورا - قالتقى سياقتى ءوندىرىس قۇرىلعىلارىن وڭاۋ جۇمىستارىن تەزدەتۋ كەرەك؛ اپات وڭىرىندەگى دەنساۋلىق ساقتاۋعا، جۇقپالى اۋرۋدان ساقتانۋعا باسا ءمان بەرىپ، اپاتتان كەيىن جۇقپالى اۋرۋدىڭ تارالماۋىنا كەپىلدىك ەتۋ كەرەك؛ بۇقاراعا ۇگىت - تاربيە جۇرگىزۋ قىزمەتىن ونان ارى جاقسى ىستەپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە ۇيىمدىق باسشىلىقتى اناعۇرلىم كۇشەيتۋ كەرەك.
جاڭ چۇنشيان مىنانى دارىپتەدى: اپاتقا ۇشىراعان ءوڭىر نەگىزگى رولدى ساۋلەلەندىرىپ، شينجياڭ رۋحىن اسقاقتاتىپ، ءوز كۇشىنە سۇيەنۋدى دارىپتەپ، ەڭبەكشىل، قايىرىمدى بولۋى، قاراپ وتىرماۋى، يەك سۇيەمەۋى، اپاتتان كەيىنگى قايتا قۇرۋ قىزمەتىن جەدەل باستاۋى كەرەك. جەر سىلكىنىسىنە قارسى اتتانىپ، اپاتتان قۇتقارۋ، اپاتتان كەيىنگى قايتا قۇرۋ قىزمەتتەرى ارقىلى ءار ۇلت بۇقاراسىنىڭ «بەس تانىمدى» ونان ارى كۇشەيتىپ، كوركەم مەكەن قۇرۋدا مىعىم كۇش ۇيىستىرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ جالپى بەتتىك جەڭىسىنە قول جەتكىزۋگە قۇلشىنۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
