- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان جولداستىڭ تاپسىرۋىمەن شوكىرات زاكىر گۇما اۋدانىنداعى اپاتقا ۇشىراعان بۇقارادان حال سۇرادى
2015.07.08 16:47
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ تاپسىرۋىمەن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭءتوراعاسى شوكىرات زاكىر 5 ـ شىلدەدەن 6 ـ شىلدەگە دەيىن حوتان ايماعىنىڭ گۇما اۋدانىنداعى اپات تۋىلعان وڭىرگە بارىپ، اپات جاعدايىن كوزدەن كەشىرىپ، اپاتقا ۇشىراعان بۇقارادان حال سۇرادى، جارالىلاردى قۇتقارۋ احۋالىن ۇعىستى،ءماجىلىس اشىپ جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە ناقتى ورنالاستىرۋ جاسادى.
5 ـ شىلدە كۇنى تۇستەن بۇرىن، شوكىرات زاكىر قاشقاردان اۆتوموبيلگە وتىرىپ 400 كيلومەتردەن استام قاشىقتىقتاعى گۇما اۋدانىنا جەتىپ، اپاتقا ۇشىراعان وتباسىلارىنا، مەكتەپتەرگە، شيپاحانالارعا، ۋاقىتشا ورنالاستىرۋ ورىندارىنا بارىپ، اپات جاعدايى مەن جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ ورىستەتىلۋ احۋالىن ۇعىستى. اۋدان قالاشىعىنان اپات جاعدايى نەداۋىر اۋىر پيشينا اۋىلىنا باراتىن تاس جول سىلكىنىس سەبەبىنەن 20 نەشە سانتيمەتر كەڭدىكتە جارىلىپ كەتكەن ەدى، شوكىرات زاكىر كولىكتەنءتۇسىپ، سول جەردەگى كادرلاردان اپاتقا ۇشىراعانداردى قۇتقارۋ، كوشىرۋ جاعدايىن تاپتەشتەي سۇراپ ۇعىستى، شەشۋشى 72 ساعات ۋاقىتتى مىقتاپ يگەرىپ، جان ـ جاقتى، مۇقيات تەكسەرىپ، بىردە ـءبىر وتباسىن، بىردە ـءبىر ادامدى قاعىس قالدىرماۋدى تالاپ ەتتى.
ۋاقىتشا ورنالاستىرۋ ورنى __ گۇما اۋداندىق 1 ـ ورتا مەكتەپتىڭ الاڭىنا قاز ـ قاتار شاتىر تىگىلگەن، شوكىرات زاكىر شاتىرلارعا كىرىپ، اپاتقا ۇشىراعان جۇرتشىلىقتان اپاتقا ۇشىراۋ احۋالى مەن تۇرمىس جاعدايىن تاپتىشتەي ۇعىستى. جەر سىلكىنگەن كەزدەگى جاعداي مەن ۇيلەرىنىڭ بۇلىنگەنىن ەسىنە العان قىستاق تۇرعىنى ابىلا قاسىمنىڭ جۇبايىنىڭ كوزىنە جاس تولدى. شوكىرات زاكىر ونىڭ كوڭىلىن اۋلاپ: پارتيا ورتالىق كوميتەتى، اۆتونوميالى رايوندىق پارتكوم كوپشىلىككە ەرەكشەءمان بەرۋدە،ءبىز اپاتقا ۇشىراعان بۇقارانىڭ تۇرمىسىن ويداعىداي ورنالاستىرىپ، ىشەر استان، كيەر كيىمنەن، جاتىن ورىننان تارىقتىرمايمىز، جارالانعانداردى ساۋىقتىرامىز،ءبارىمىزءبىر نيەتپەن سەلبەسسەك، قيىنشىلىققا مويىماي، اپاتتى،ءسوزجوق، جەڭە الامىز، ـ دەدى.
ازاتتىق ارميا 18 ـ شيپاحاناسىنىڭ ەمدەۋ قىزمەتكەرلەرى جەر سىلكىنىسى تۋىلعاننان كەيىن 2 ساعاتتا دەرەۋ اپات تۋىلعان وڭىرگە جەتىپ، ەمدەۋ جۇرگىزگەن بولاتىن، شوكىرات زاكىر ۋاقىتشا قۇرىلعان ەمدەۋ ورنىندا ەمدەلىپ جاتقان بۇقارادان حال سۇراپ، شيپاگەرلەردەن ولاردىڭ ناۋقاس جاعدايىن ۇعىستى، جارالانعان بۇقارانى الاڭسىز ەمدەلۋگە، تەزىرەك ساۋىعىپ كەتۋگە شابىتتاندىردى.
5 ـ شىلدە كۇنى كەشتە اۆتونوميالى رايوننىڭ جەر سىلكىنىسىنە قارسى اتتانىپ، اپاتتان قۇتقارۋ جونىندەگى جۇمىس باسى قولباسشىلىق شتابى گۇما اۋداندىق پارتكومنىڭ اۋلاسىندا جيىن اشىپ، ورتالىقتاعى باسشىلاردىڭ اپاتقا ۇشىراعان بۇقاراعا دەگەن قامقورلىعى مەن جاڭ چۇنشيان شۋجيدىڭ حال سۇراعاندىعىن، سونداي ـ اق اۆتونوميالى رايوننىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابىءماجىلىسىنىڭ رۋحىن جەتكىزدى، ايماق، اۋدان جانەءارقايسى تاراۋلاردىڭ، قۇتقارۋعا ات سالىسقان كۇشتەردىڭ قىزمەتتەرىنەن جاساعان مالىمەتىن تىڭداپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن ويداعىداي ىستەۋ جونىندە ناقتى ورنالاستىرۋ جاسادى.
شوكىرات زاكىر مىنانى اتاپ كورسەتتى: ورتالىق پەن اۆتونوميالى رايوندىق پارتكومنىڭ تالاپتارىن جاپپاي تياناقتاندىرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن جاقسى ىستەۋ كەرەك. قازىر جارالىلاردى قۇتقارۋعا بارىنشا كۇش سالۋ قاجەت، بۇقارانى ورنالاستىرۋ قىزمەتىن شىنايى، ىجداعاتتىقپەن ىستەپ، اپاتتان قۇتقارۋ بۇيىمدارىن،ءار جاقتان كەلگەن قۇتقارۋ كۇشتەرى مەن اپاتقا ۇشىراعان بۇقارانىڭ تۇرمىسىن ويداعىداي ورنالاستىرۋ كەرەك.شوكىرات زاكىر مىنانى تالاپ ەتتى: تاراۋلار جاۋاپكەرلىكتەرىن شىنايى ارقالاپ، قىزمەتتەرىن تىڭعىلىقتى ىستەپ، ويداعىداي تياناقتاندىرۋلارى كەرەك. اپات جاعدايىن ۇزبەي تەكسەرىپ، بىردە ـءبىر وتباسىن، بىردە ـءبىر ادامدى قاعىس قالدىرماۋ؛ قاتىستى تاراۋلار اپات جاعدايىن تەكسەرۋ، ساراپتاۋ جۇمىستارىن تەزىرەك جۇرگىزۋ؛ الدىن الا جوسپارلاپ،ءار جاقتان قارجى قۇراپ، اپاتتان كەيىنگى قايتا قۇرۋ جۇمىسىن تەزىرەك قولعا الىپ، اپاتقا ۇشىراعان بۇقارانىڭ قىستان امان وتۋىنە كەپىلدىك ەتۋ؛ جۇقپالى اۋرۋ ٴجايتىن باقىلاۋ، دەزينفەكسيالاۋ جۇمىسىن تىڭعىلىقتى ىستەپ، جۇقپالى اۋرۋدىڭ تارالۋى سياقتى قوسانجار اپاتتىڭ تۋىلۋىنان ساقتانۋ؛ جەر سىلكىنىسىنە قارسى اتتانىپ، اپاتتان قۇتقارۋ قىزمەتىن يگەرۋمەن بىرگە، قوعام ورنىقتىلىعىن ساقتاپ، قوعامنىڭ جالپى جاعدايىنىڭ ورنىقتىلىعىنا دا كەپىلدىك ەتۋ كەرەك.
اپات رايونىندا جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە جەتەكشىلىك ەتىپ جاتقان اۆتونوميالى رايوندىق پارتكومنىڭ ورىنباسار شۋجيى چى جۇن حال سۇراۋدا بىرگە بولدى.
كەلۋ قاينارى：التاي گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
