- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وسى وتباسىنىڭ ءبىر مۇشەسى بولعانىمدى ماقتانىش ەتەمىن
2015.09.29 17:09 كەلۋ قاينارى : شينجياڭ حالىق راديو ستانسياسى تورابى
زاتتىق ماتەريال ەرەكشە جەتكىلىكسىز بولعان سول تۇستا، ءانيپا شەشەي وتباسىنداعى 20 نەشە جاننىڭ قارنىن تويدىرۋ ءۇشىن، بارلىق ءادىس-امالدى قاراستىردى. دەگەنمەن ول بالالاردىڭ وسى وتباسىنا تاۋەلدى بولماعان ءارقانداي نارسەنى ۇرلاپ الۋىنا استە جول قويمادى. ۋاڭ زولين ۇيلەرىنىڭ اۋلاسىنىڭ سىرتىندا ۇلكەن الەۋمەتتىك كوكونىس اتىزى بار ەكەنىن، ءبىراق شەشەسىنىڭ بۇل جەرگە استە بارعىزبايتىنىن ايتا كەلىپ: شىڭگىل اۋدانىنداعى كوكونىستەردىڭ بارلىعى وسى ارادان شىعادى، تەمىر تورمەن قورشالعان، تەمىر توردان كىرسەڭىز، كوكونىستەردى الۋىڭىزعا بولادى، ءبىراق شەشەم وعان جول قويمايتىن،-دەدى.
تۇرمىستا قينشىلىق بولعانىمەن، ءبىراق ءانيپا شەشەي بالالاردى تۇگەل تاباندىلىقپەن وقىتتى. ۋاڭ شۋجىن وسى وتباسىنا كەلىپ، 14 جاسقا كەلگەندە دەنساۋلىعى قالپىنا كەلگەنىن، شەشەسىنىڭ وسى كەزدەن باستاپ ءوزىن ءبىرىنشى كلاسقا وقۋعا بەرگەنىن ايتا كەلىپ: سول كەزدە اكەمنىڭ ەڭبەكاقىسى نەبارى 50 نەشە يۋان، بۇل تۇرمىسىمىزعا جەتپەيدى. ءبىرىنشى كلاستى وقىپ، ەكىنشى كلاستىڭ جارىم ماۋسىمىن بىتىرگەننەن كەيىن، جالعاستى وقۋدان ۇيالدىم،-دەدى.
ءانيپا شەشەيدىڭ كىشى ۇلى ابدۋايت ورتالىق ۇلتتار ۋنيۆەرسيتەتىنەن وقۋ تاۋىسقان، قازىر التاي ايماقتىق ءان-ءبي ۇيىرمەسىندە قىزمەت ىستەيدى. ول تىلشىگە: ءبىزدىڭ ۇيدەگى ماڭگى وزگەرمەيتىن قاعيدا: الدىمەن اكەمنىڭ ءسوزىن تىڭدايمىز، ونان سوڭ ءوزارا كومەكتەسەمىز، ۇلكەندەردى قۇرمەتتەپ كىشىلەردى ايالايمىز، قىزمەتىمىزدى كۇش سالا ويداعىداي ىستەيمىز. مىنە بۇل ءبىزدىڭ ءۇيدىڭ قاعيداسى،-دەدى.
ءانيپا شەشەي بالالارىنىڭ ءبىلىم يگەرۋىن قاتاڭ تالاپ ەتۋدەن سىرت، ءمورالدى بولۋىن دارىپتەدى. ۋاڭ زوليننىڭ تۇرمىس شارت-جاعدايى جاقسارعاننان كەيىن، شەشەسى سەكىلدى ۇنەمى قينشىلىعى بارلارعا كومەكتەستى. ول: شەشەمىز ۇنەمى بىزگە باسقالار قينشىلىققا جولىققاندا كومەكتەسىپ، جاقسى ءىستى كوپتەپ ىستەۋلەرىڭ كەرەك دەيتىن،-دەدى.
انيپانىڭ ۇلكەن قىزى كاليمان كەزىندە مال شارۋاشىلىعى رايونىنداعى ءبىر كەدەي وقۋشىعا جوعارى مەكتەپ وقىعانعا دەيىن قارجىلاي كومەكتەستى. كاليمان بىلاي دەدى: شەشەم ماعان: بويىڭدا دارمەنىڭ بولسا بولعانى، كومەگىڭدى اياما، بىرەۋ جىعىلىپ جاتسا، سۇيەپ تۇرعىز، بىرەۋ جىلاسا كوڭىلىن جۇبات دەگەن بولاتىن.
انيپا باعىپ وسىرگەن جيەنى رىزۋانگۇل دە، 2009-جىلى انيپا شەشەيمەن بىرگە شىڭگىل اۋدانىنىڭ تۇڭعىش كەزەكتى ءمورال ۇلگىسى بولىپ باعالاندى. رىزۋانگۇل بىلاي دەدى: مەنى كىشكەنتايىمنان انيپا شەشەم باعىپ-قاعىپ ءوسىردى، شەشەمنىڭ قاسيەتى مەندە دە بار. بۇل جاعىندا شەشەمنىڭ ماعان ىقپالى زور.
ىلەدە جوعارى مەكتەپتىڭ ەكىنشى جىلدىعىن وقىپ جاتقان الانۇر انيپانىڭ ءسىڭلىسىنىڭ جيەنى، ول انيپانى ءوزىنىڭ ناعاشى اپاسىنداي كورىپ كەلدى، ول وقىتۋشىنىڭ كلاستا ساباق وتكەندە جۇڭگوداعى ەڭ اياۋلى انا انيپانىڭ ىزگى ىستەرىن ايتقاندا ەرەكشە ماقتانىش سەزىنەتىنىن ايتا كەلىپ: ەستىگەندە قاتتى اسەرلەنەمىن، ساباقتاستارىمنىڭ ءبارى ماعان قىزىعا قارايدى، وسىنداي ناعاشى اپام بولعاندىعىن ماقتانىش ەتەمىن،-دەدى.انيپا شەشەيدى وزەك ەتكەن وسى ۇلى شاڭىراقتا 200 نەشە مۇشە بار. الانۇردىڭ اكەسى ەركىن بىلاي دەدى: بۇل وتباسىندا زاڭ-تارتىپكە قيعاشتىق جاساعان ادام قازىرگە دەيىن شىققان جوق، قىزمەتتە وزات، ۇلگىلەر بار. وسى وتباسىنىڭ مۇشەسى بولعانىما ماقتانامىن. وسىنداي ۇلى شەشەمىز بولعانىن داڭق سانايمىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
