- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يۇي جىڭشىڭ ورتالىق ۋاكىلدەر ۇيىرمەسىن باستاپ قاشقارعا بارىپ، ءار ۇلت كادرلارى مەن بۇقاراسىنان حال سۇرادى
2015.09.29 17:10 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ كەشە ورتالىق ۋاكىلدەر ۇيىرمەسىندەگى ءىشىنارا مۇشەلەردى باستاپ قاشقارعا بارىپ، ءار ۇلت كادرلارى مەن بۇقاراسىنان حال سۇرادى. مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەرى كوميتەتىنىڭ مەڭگەرۋشىسى، ورتالىق ۋاكىلدەر ۇيىرمەسىنىڭ ورىنباسار باستىعى ۋاڭ جىڭۋي بىرگە باردى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان سەرىك بولدى.قۇربان ايت مەرەكەسىندە، بايىرعى قالا قاشقار مەرەكەلىك دۋمانعا بولەندى. اسحانادا توي سالتى وتكىزىلىپ، سيلى قوناقتار ويناقى ءماشىراپ ءبيىن بيلەۋدە ەكەن. بۇقارانىڭ ساحناداعى تارتىمدى ويىندارى قالا تۇرعىندارىن باۋرادى. ۇيعۇر ايەلدەرى ادەمى اتلاس كويلەكتەرىن كيىم، قولىنا سانزى، بالكۇلشە الىپ، تۋىس-تۋعاندارىن ارالاپ مەرەكەنى قۇتتىقتادى. كوپشىلىك اۆتونوميالى رايون قۇرىلعاندىعىنىڭ 60 جىلدىعىن تۇرلىشە تاسىلىمەن قۇتتىقتاپ، قۇربان ايتتىڭ مەرەيىن اسىرىپ، قاربىز مەرەكەسىن، مەملەكەت مەرەكەسىن قارسى الىپ، جەر-جەردەن ىنتىماقتى، جاراسىمدى، تىنىش جاعداي كوزگە تۇسەدى.وسى كۇنى تۇستەن بۇرىن، يۇي جىڭشىڭ ىلگەرىندى-كەيىندى قاشقار ايماعىنداعى قاتىستى جاۋاپتى جولداستار جانە ساقا جولداستار، وزات ۇلگىلەر، وتانشىل ءدىني قايراتكەرلەر، شينجياڭعا كومەكتەسەتىن كادرلاردىڭ ۋاكىلدەرىمەن كەزدەستى، ءارى قاشقار ايماعىنىڭ اۋىل-قالاشىقتارىندا قىزمەت ىستەيتىن ىشكى ولكەدەگى جوعارى مەكتەپتەردى ءبىتىرىپ كەلگەن وقۋشىلاردىڭ ۋاكىلدەرىمەن كەزدەسىپ، كوپشىلىكپەن ىستىق ىقىلاسپەن قول الىسىپ، سۋرەتكە ءتۇسىپ، ەستەلىك قالدىردى.وسىدان كەيىن يۇي جىڭشىڭ قاشقار ايماعىنىڭ اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ اڭگىمە ماجىلىسىنە قاتىناستى.اڭگىمە ماجىلىسىندە، ايماقتىق قوعام حاۋىپسىزدىگى مەكەمەسى تەحنيكالىق بارلاۋ-تەكسەرۋ تارماق اترەتىنىڭ ساياسي جەتەكشىسى يمينجان تۇراق، ايماقتىق دەنساۋلىق ساقتاۋ مەكتەبىنىڭ وقىتۋشىسى انيقىز وسمان، قاشقار كونەشار اۋدانى توعىزاق قالاشىعى سايباق الەۋمەتتىك اۋماعىنىڭ كادرى سۇي جۇڭشيۋ سياقتى نەگىزگى ساتى كادرلارى مەن بۇقاراسىنىڭ ۋاكىلدەرى ارت-ارتىنان سوزگە شىقتى. ولاردىڭ ءسوزىن مۇقيات تىڭداعاننان كەيىن يۇي جىڭشىڭ بىلاي دەدى:پارتيا ورتالىق كوميتەتى، مەملەكەتتىك كەڭەس شينجياڭ قىزمەتىنە باستان-اياق وسكەلەڭ ءمان بەرىپ كەلەدى. ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسى قوعامنىڭ ورنىقتىلىعى مەن باياندى تىنشتىقتى شينجياڭ قىزمەتىنىڭ باستى نىساناسى ەتىپ ايقىن تۇراقتاندىردى. شينجياڭ ۇيعۇر اۆتونوميالى رايونى قۇرىلعان 60 جىلدان بەرى، قاشقاردىڭ ەكونوميكاسى مەن قوعامىندا زور وزگەرىستەر تۋىلدى. قاشقار قوعام ورنىقتىلىعى مەن باياندى تىنىشتىقتى بارلىق قىزمەتتىڭ شىعار ءتۇيىنى جانە تابان تىرەر تياناعى ەتىپ، پارمەندى سوققى بەرۋ اۋقىمىن ساقتاپ، حالىق تۇرمىسىنىڭ تىنشىتىعىن باتىل قامتاماسزداندىرۋ كەرەك؛ ەكونوميكا مەن قوعامنىڭ ونان ارى جاقسى ءارى تەز دامۋىن كۇش سالا ىلگەرلەتىپ، ەڭبەككۇش شوعىرلى كاسىپتەردى بارىنشا دامىتىپ، كاسىپتەنۋ ورايىن كۇش سالا جاراتىپ، جۇرت جۇرەگىنەن ورىن الۋ جانە شوعىرلاندىرۋ قاجەت؛ حالىق تۇرمىسىنا جالعاستى كەپىلدىك ەتىپ جانە جاقسارتىپ، بۇقارانىڭ ءتول مۇددەسىنە ساياتىن كەلەلى ماسەلەلەردى بەلدى بەكەم بۋىپ شەشۋ ءتيىس؛ ۇلتتار ىنتىماعىن بەكەمدەپ جانە كۇشەيتىپ، ءدىن قىزمەتىن ونان ارى جاقسى ىستەۋ قاجەت؛ كادرلار قوسىنى قۇرىلىسىن كۇشەيتىپ، كادرلار ستيلىن جاقسارتۋ كەرەك.تۇستەن كەيىن، ورتالىق ۋاكىلدەر ۇيىرمەسىندەگىلەر قاشقار قالاسىنداعى ايتكار مەشىتىنە باردى.بۇل مەشىت 1442-جىلى سالىنعان، شينجياڭداعى ەڭ ۇلكەن مەشىت.يۇي جىڭشىڭ سياقتى باسشىلار مەشىتتىڭ نەگىزگى احۋالى، تاريحى جونىندەگى تانىستىرۋدى مۇقيات تىڭداپ، ءدىني قيمىلداردىڭ ورىستەتىلۋ احۋالىن ۇعىسىپ، قاشقار ايماعىنداعى ءدىني قايراتكەرلەر ۋاكىلدەرىمەن اڭگىمەلەسىپ پىكىر اۋىستىردى.يۇي جىڭشىڭ وتانشىل ءدىني قايراتكەرلەردىڭ شينجياڭنىڭ، اسىرەسە وڭتۇستىك شينجياڭنىڭ ورنىقتىلىعىن قورعاۋعا ماڭىزدى ۇلەس قوسقاندىعىن تولىق تۇراقتاندىردى. ول بىلاي دەدى:ءدىن قىزمەتى شينجياڭدا قوعام ورنىقتىلىعى مەن باياندى تىنىشتىققا ساياتىن ءىرى ءىس. وتانشىل ءدىني قايراتكەرلەر دۇرىس سەنىمدى دارىپتەپ، ءدىني ۇشقارى يدەياعا باتىل قارسى تۇرىپ، ۇلتتار ىنتىماعى مەن ءدىننىڭ جاراسىمدىلىعىن ىلگەرىلەتۋدەگى ونەگەلى، باستاماشى رولىن ويداعىداي ساۋلەلەندىرۋى كەرەك. ءدىني قاريراتكەرلەردىڭ ۋاكىلدەرى:ءدىننىڭ سوتسياليستىك قوعاممەن سايكەسۋىن جەبەپ، «5 تە جاقسى ءدىني قايراتكەرلەردەن » بولۋعا كۇش سالىپ، « 5 تە جاقسى ءدىني قيمىل وتكىزۋ ورنىن » قۇرىپ، قازىرگىدەي تىنىش قوعامدىق جاعدايدى قاستەرلەپ، ۇلتتار ىنتىماعىن كوز قاراشىعىنداي قورعايتىندىقتارىن ءبىلدىردى.قاشقار ەكونوميكالىق اشۋ رايونىنداعى شىنجىن كاسىپ باقشاسى شىنجىننىڭ باعىتتامالى كومەكتەسۋدەگى بەلگى سيپاتتى ينجەنەرياسى، قاشقار جانبو ەلەكتروندى عىلىم-تەحنيكا شەكتى سەرىكتەستىگى كاسىپ جاعىندا شينجياڭعا كومەكتەسۋدىڭ ۋاكىلى.يۇي جىڭشىڭ سياقتى باسشىلار وسى ارانى كوزدەن كەشىرىپ، كاسىپ باقشاسىنىڭ قۇرىلىس احۋالى مەن كاسىپورىننىڭ ءوندىرىس، تيجارات احۋالىنان بەرگەن مالىمەتتى تىڭدادى.ەلەكتروندى ءونىم ءوندىرىس لەنياسىندا، كۇرسىگە كىرىپ تاربيەلەنگەن شارۋالار ىسىلعان جۇمىسشىعا اينالىپتى، ولار قۇراستىرۋ، تەكسەرۋ جۇمىستارىمەن قاربالاس ەكەن.يۇي جىڭشىڭ جۇمىسشىلارمەن اڭگىمەلەسىپ، ولاردىڭ كۇرسىگە قاتىناسۋ، قىزمەت ىستەۋ احۋالىن جانە وتباسى كىرىسىن تاپتەشتەي ۇعىستى.يۇي جىڭشىڭ كاسىپورىندى شينجياڭدا تامىر تارتىپ، شينجياڭنىڭ ەرەكشەلىگى مەن ابزالدىلىعىن اشىپ جانە ايگىلەپ،عىلمي زەرتتەۋ ۇسىنىلىمىن مولايتىپ، ەلىمىز ىشىندەگى ءىرى بازارلار مەن حالىقارالىق بازاردى كوزدەپ، ۇزدىكسىز دامۋعا جىگەرلەندىردى.يۇي جىڭشىڭ سياقتى باسشىلار تاعى وڭتۇستىك شينجياڭ اسكەري رايونىنا بارىپ، وفيتسەر-اسكەرلەرمەن امانداسىپ، ولاردان حال سۇرادى.يۇي جىڭشىڭ بىلاي دەدى:وڭتۇستىك شينجياڭ ەلىمىزدىڭ باتىس سولتۇستىك شەكارا قورعانىسىنداعى ماڭىزدى جەر ءارى باتىسقا ەسىك اشۋدىڭ الدىڭعى قاقپاسى، سونداي-اق بولشەكتەۋگە قارسى تۇرۋ كۇرەسىنىڭ نەگىزگى شايقاس مايدانى.وڭتۇستىك شينجياڭداعى اسكەري ءبولىم پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ارقاۋ ەتىپ، مىندەت ارقالاۋعا باتىل بولىپ، بورىش وتەۋ قابىلەتىن كۇشەيتىپ، وڭتۇستىك شينجياڭنىڭ قوعام ورنىقتىلىعى مەن باياندى تىنىشتىعىنا شىن مانىندە كەپىلدىك ەتۋى كەرەك.اۆتونوميالى رايون مەن بيڭتۋان باسشىلارىنان حان يۇڭ، شاۋكەت ءيىمىن حال سۇراۋدا بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
