- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىق ءۇشىن قالام ۇستاپ، حالىق ءۇشىن جىر جازايىق
− رايونىمىزدىڭ مادەنيەت تاراۋلارىنىڭ «ومىرمەن ەتەنە ارالاسۋ، حالىق اراسىندا تامىر تارتۋ» تاقىرىبىنداعى امالياتتىق قيمىلدى ىشكەرىلەي ورىستەتكەندىگى تۋرالى
2015.10.19 13:54 كەلۋ قاينارى : ءتاڭىرتاۋ تورابى
ادەبيەت - كوركەمونەر ءداۋىردىڭ العا باسۋىنىڭ ۇندەۋى، ادەبيەت - كوركەمونەر حالىقتىڭ جان دۇنيەسىنىڭ تياناعى. جۇڭگو حيكاياسىن تىلگە تيەك ەتىپ، جۇڭگو رۋحىن شوعىرلاندىرۋدى ادەبيەت - كوركەمونەر جاسامپازدىعىنىڭ كوركەيۋىنەن، ادەبيەت - كوركەمونەر ىستەرىنىڭ دامۋىنان بولە قاراۋعا كەلمەيدى.
2014 - جىلى 14 - قازاندا باس شۋجي شي جينپيڭ بەيجيڭدە ادەبيەت - كوركەمونەر قىزمەتى اڭگىمە ءماجىلىسىن باسقارىپ اشىپ، ماڭىزدى ءسوز سويلەدى. بۇل يان - اندا ادەبيەت - كوركەمونەر قىزمەتى اڭگىمە ءماجىلىسى شاقىرىلىپ 72 جىلدان كەيىن اشىلعان 2 - رەتكى ادەبيەت - كوركەمونەر قىزمەتى اڭگىمە ءماجىلىسى ەدى. وسى اڭگىمە ءماجىلىسى اشىلعاندىعىنىڭ ءبىر جىلدىعىنا وراي باس شۋجيدىڭ ماڭىزدى ءسوزىنىڭ تولىق جاريالانۋى قالىڭ ادەبيەت - كوركەمونەر قىزمەتكەرلەرىنىڭ ءسوزدىڭ رۋحىن ءتىپتى دە تەرەڭ تۇسىنۋىنە، ادەبيەت - كوركەمونەردىڭ ءتۇبىرلى بەتالىسىن اناعۇرلىم جاقسى يگەرىپ، ادەبيەت - كوركەمونەردىڭ تاريحي بورىشىن ارقالاپ، ادەبيەت - كوركەمونەر ىستەرىنىڭ تىڭ تۇرعىدا تىڭ قامال الۋىن، ءسوزجوق، جەبەيتىن بولادى.
وتكەن ءبىر جىلدا اۆتونوميالى رايونىمىزداعى ءار ۇلت ادەبيەت - كوركەمونەر، مادەنيەت قىزمەتكەرلەرى باس شۋجي شي جينپيڭنىڭ ماڭىزدى ءسوزىن نەگىز ەتىپ، «ومىرمەن ەتەنە ارالاسۋ، حالىق اراسىندا تامىر تارتۋ» تاقىرىبىندا امالياتتىق قيمىلدى ىشكەرىلەي ورىستەتىپ، شينجياڭنىڭ مادەنيەتىنىڭ قاۋىرت دامۋىن، قاباعات گۇلدەنۋىن العا ىلگەرىلەتۋدىڭ تاريحي جاۋاپكەرشىلىگىن شىنايى ارقالاپ، قوعامنىڭ ورنىقتىلىعى مەن باياندى تىنىشتىعى سىندى كوزدەۋ ءتۇيىنى مەن كۇش سالۋ ءتۇيىنىن بەرىك ارقاۋ ەتىپ، شينجياڭنىڭ رەفورما، دامۋ، ورنىقتىلىق امالياتىن تياناق ەتىپ، حالىقتى ارقاۋ ەتكەن جاسامپازدىق بەتالىسىن مىقتاپ يگەرىپ، وسى زامانعى مادەنيەتتى جەتەكشى ەتۋدەن جازباي، ەڭ جاقسى رۋحاني ازىقتى ءار ۇلت جۇرتشىلىعىنا تارتۋ ەتتى.
حالىقتى ارقاۋ ەتكەن شىعارماشىلىق بەتالىسىن مىقتاپ يگەردى
باس شۋجي شي جينپيڭ: «ەلىمىزدىڭ جازۋشىلارى، كوركەمونەرشىلەرى زامان جوسىنىن بايقاۋشىعا، باستاۋشىعا، دارىپتەۋشىگە اينالىپ، اناعۇرلىم تارتىمدى، ساپالى، دەڭگەيى جوعارى ادەبيەت - كوركەمونەر تۋىندىلارىن جاساپ، حالىقتىڭ ۇلى امالياتىن، ءداۋىردىڭ العا باسۋ تالابىن تىلگە تيەك ەتىپ، ەستەلىككە ءتۇسىرىپ، سەنىم سۇلۋلىعىن، ۇلىلىق كەلبەتىن ايگىلەپ، جۇڭگو رۋحىن ساۋلەلەندىرىپ، جۇڭگو قۋاتىن شوعىرلاندىرىپ، بۇكىل ەلدەگى ءار ۇلت حالقىن ارشىندى قاداممەن العا ۇمتىلۋعا جىگەرلەندىرۋى كەرەك»، - دەدى.
باس شۋجي شي جينپيڭنىڭ ماڭىزدى ءسوزىنىڭ رۋحىنا ساي، اۆتونوميالى رايونىمىز اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋدى وراي ەتىپ، ادەبيەت - كوركەمونەر شىعارماشىلىعى جوباسىن كۇشەيتىپ، سوتسياليستىك وزەكتى قۇن كوزقاراسى مەن شينجياڭ رۋحىن ساۋلەلەندىرەتىن، اۆتونوميالى رايون قۇرىلعاندىعىنىڭ 60 جىلدىق شۇعىلالى تابىسى مەن وراسان زور وزگەرىستەرىن بەينەلەيتىن مىناداي سارا ادەبيەت - كوركەمونەر تۋىندىلارىن العا قويدى: ىشكى ولكەلەردەگى شينجياڭ تولىق ورتا كلاستارىندا وقيتىن وقۋشىلاردى تاقىرىپ ەتكەن «ارمانعا قانات قاققان جەر» فيلمى، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، شينجياڭنىڭ ەكونوميكالىق، قوعامدىق دامۋى مەن ءتۇرلى ىستەردەگى تابىستاردى بەينەلەيتىن «بۇل شينجياڭ» اتتى دەرەكتى فيلم، اقسۋ ايماعى ۋىنسۋ اۋدانى تۇمشۇق قالاشىعىنىڭ ديقانى قۇدايبەردى يمىننىڭ مەملەكەت تۋىن ءوزى تىگىپ، 20 جىل بويى تاباندىلىقپەن تۋ شىعارىپ كەلگەن شىنايى اڭگىمەسىنەن وزگەرتىلگەن «مەنىڭ تۋىم» اتتى كينو، وڭتۇستىك شينجياڭنىڭ اۋىل - قىستاقتارىنداعى از ۇلت جاستارىنىڭ كۇرەسپەن العا ۇمتىلىپ، ءوزىن الۋەتتەندىرۋ رۋحىن بەينەلەگەن «ورىك گۇلدەگەندە» اتتى فيلم، «زامانىمىزداعى لەي فىڭ» جۋاڭ شىحۋانىڭ شىنايى حيكاياسى نەگىزىندەگى «سەلكەۋسىز سەزىم» اتتى كينو، وڭتۇستىك شينجياڭداعى ۇيعۇر ديقانداردىڭ ازاتتىق الىپ، قوجايىندىق ورىنعا شىعۋى سىندى توڭكەرىستىك تاريحي تاقىرىپ نەگىزىندەگى «ەڭسە كوتەرۋ» اتتى 6 فيلم؛ ۇيعۇرلاردىڭ ەرەكشە قولونەر مۇراگەرىنىڭ جاڭا جۇڭگوداعى 1 - بۋىن توقىماشىلىق مامانىنا اينالۋىن نەگىز ەتكەن «جىبەك جولى اڭىزى» سياقتى كينو سەنەريالارى جارىق كوردى. بۇل كينولار شينجياڭدا جانە ىشكى وڭىرلەردە تاماشا قوعامدىق اڭىس قوزعادى.
قالىڭ وقىرماندار جاقتىراتىن تۋىندىلار تىنباي جارىق كورىپ، شينجياڭنىڭ مادەنيەت ىستەرى قارقىندى دامۋ كەزەڭىنە اياق باستى. جوۋ تاۋدىڭ «ءبىر ادام جانە شينجياڭ»، شىن ۋيدىڭ «شينجياڭ سوزدىگى»، مامەتىمىن وشۇردىڭ «سەرگەلدەڭ كۇندەر»، ەركەش قۇرمانبەك قىزىنىڭ اڭگىمەلەر جيناعى، لي جياننىڭ «موري وزەنى» اتتى رومانى، لي جۋاننىڭ التاي ايماعىنداعى مال شارۋاشىلىق تۇرمىسى جونىندەگى «كوش جولى»، «كوشى - قون» اتتى شالقىمالار جيناعى، ۋاڭ زۋدىڭ جابايى حايۋاناتتار جونىندەگى «بۇركىت»، «تۇيە» اتتى جەلىلەس شولۋلارى مەن اڭگىمەلەر جيناعى سياقتى تۋىندىلار شينجياڭنىڭ ءىشى - سىرتىندا كۇشتى اڭىس قوزعادى، بۇل شينجياڭ ادەبيەتىنىڭ تىڭ دەڭگەيگە كوتەرىلگەندىگىن بەينەلەيدى.
مادەنيەت قيمىلىن تەگىس جالپىلاستىردى
شينجياڭ كوركەمونەر تەاترحاناسىنىڭ ورىنباسار باستىعى، ءان - ءبي ۇيىرمەسىنىڭ باستىعى ءانۋار سامەت نەگىزگى ساتىدا كونسەرت قويعان كەزدەرىن ەسىنە العاندا اسەرلى بەينەدە: ءبىز بازاردا كونسەرت قويعان كەزدە جەرگىلىكتى ورىنداعى بۇقارا گۇل ۇسىنباسادا، الما، جۇمىرتقا، نان، ايران سياقتى قولدارىندا بار دۇنيەلەرىن ءۇيىپ تاستادى. قانداي قاراپايىم كوڭىل دەسەڭىزشى. ارتيستەر قاتتى اسەرلەندى!، - دەيدى.
اۆتونوميالى رايونىمىزدىڭ مادەنيەت جۇيەسى «ومىرمەن ەتەنە ارالاسۋ، حالىق اراسىندا تامىر تارتۋ» تاقىرىبىنداعى امالياتتىق قيمىلدى دانەكەر ەتىپ، مادەنيەت قيمىلدارىن تەگىس جالپىلاستىردى. ولار نەگىزگى ساتىدا «ۇشقارىلىقتى باتىل الاستاپ»، «بەس كىلتتەن» يكەمدىلىكپەن پايدالانىپ، مادەنيەتتەگى ماسەلەنى مادەنيەتتى تاسىلمەن شەشىپ، ءار الۋان، باي مازمۇندى بۇقارالىق مادەنيەت قيمىلدارىن ورىستەتتى. كوركەمونەرشىلەر زاۆود، كەن ورىندارىنا، مەكتەپتەرگە، اسكەري بولىمدەرگە، ءتۇيىندى قۇرىلىستاردىڭ 1 - شەبىنە، اۋىل - قىستاقتارعا، قالاشىقتارعا، الەۋمەتتىك اۋماقتارعا، ءمالى باسقارمالارىنا، قاراپايىم بۇقارانىڭ اراسىنا بارىپ ونەر كورسەتتى.
باس شۋجي شي جينپيڭ سوزىندە حالىقتى ارقاۋ ەتۋگە تاباندى بولۋدى اتاپ كورسەتتى، بۇل ادەبيەت - كوركەمونەر ىستەرىن العا ىلگەرىلەتۋدىڭ ءتۇبىرلى نەگىزىن ايقىنداپ بەردى. «سوتسياليستىك ادەبيەت - كوركەمونەر، سيپاتى جاعىنان ايتقاندا، حالىقتىق ادەبيەت كوركەمونەر بولىپ تابىلادى». حالىقتى ارقاۋ ەتۋدى شىن مانىندە جۇزەگە اسىرعاندا عانا، ادەبيەت - كوركەمونەر ەڭ ۇلكەن وڭ ەنەرگيا تاراتا الادى.
اۆتونوميالى رايوندىق مادەنيەت مەڭگەرمەسى «4 ءبىر ينجەنەرياسىنىڭ» مادەنيەت ارقىلى حالىققا يگىلىك جەتكىزۋ قيمىلىن ۇزبەي اتقارىپ، نەگىزگى ساتىنىڭ مادەنيەت توپىراعىن جاپپاي قۇنارلاندىرۋعا ءمان بەرۋمەن قاتار ءار ۇلت بۇقاراسىنىڭ جۇرەگىنە ءنار بەردى. قازان ايىنىڭ باسىنا دەيىن شينجياڭ كوركەمونەر تەاترحاناسىنىڭ سەرىك ويىنى ۇيىرمەسى، شينجياڭ وپەرا ۇيىرمەسى، شينجياڭ مۇقام انسامبىلى، شينجياڭ ۇلتتىق اسپاپتار وركەسترى، شينجياڭ ءان - ءبي ۇيىرمەسى، شينجياڭ دراما ۇيىرمەسى سياقتى ۇيىرمەلەر ىلگەرىندى - كەيىندى وڭتۇستىك شينجياڭنىڭ 3 ايماق، ءبىر وبلىسىنىڭ نەگىزگى ساتى اۋىل - قىستاقتارىندا 414 رەت كونسەرت قويىپ، 320 مىڭنان استام ادامدى (رەت) يگىلىككە بولەپ، سارا تۋىندىلاردى سوڭعى ءبىر شاقىرىمعا، ەڭ الىس وتباسىنا دەيىن جەتكىزدى. مۇنان تىس، ولار تاعى كوركەمونەر قىزمەتكەرلەرىن حال سۇراۋ كونسەرتىن قويۋعا، حالىق اراسىنان شابىت الىپ تۋىندى جاساپ، سەلبەسىپ كومەكتەسۋگە، لەكسيا جاساۋعا ۇيىمداستىرىپ، «جۇڭگو ارمانىمىز − مادەنيەتتى 10مىڭداعان وتباسىنا جەتكىزۋ»، «كوركەمونەردى مەكتەپتەرگە جەتكىزۋ» قيمىلدارىن كەڭىنەن ورىستەتىپ، مەرەكە - مەيرامداردا باي مازمۇندى تاقىرىپتىق مادەنيەت قيمىلدارىن وتكىزىپ، وسى زامانعى مادەنيەتتىڭ دامۋ جەتىستىكتەرى ارقىلى ءار ۇلت بۇقاراسىنا يگىلىك جەتكىزىپ، نەگىزگى ساتىداعى بۇقاراعا تيىمدىلىك جاسادى.
كوركەمونەردى حالىق اراسىنا تەرەڭ تامىر تارتتىردى
باس شۋجي شي جينپيڭ سوزىندە: بۇقارالىق كوركەمونەردىڭ ءار سالاسى ءداۋىردىڭ دامۋىنا ىلەسۋى، حالىقتىڭ قاجەتىن يگەرۋى، لىقسىعان سەزىم، جاندى قالام، اسەم ىرعاق، اسەرلى وبراز ارقىلى حالىق ءسۇيىپ تىڭدايتىن تاڭداۋلى تۋىندىلار جاساپ، حالىقتىڭ رۋحاني مادەنيەت تۇرمىسىن ۇزبەي تىڭ ساتىعا كوتەرۋ كەرەك،− دەدى. سوندىقتان، كوركەمونەردى حالىق اراسىنا تەرەڭ تامىر تارتتىرىپ، حالىق ءۇشىن قىزمەت كورسەتۋدى ادەبيەت - كوركەمونەرشىلەردىڭ باستى مىندەتى ەتۋىمىز كەرەك.
اۆتونوميالى رايوننىڭ مادەنيەت جۇيەسى «جۇڭگو ارمانىمىز − مادەنيەتتى 10 مىڭداعان وتباسىنا جەتكىزۋ» اتىنداعى حالىققا يگىلىك جەتكىزۋ قيمىلىن ورىستەتىپ، كوكتەم مەرەكەسى كەزىندە 32 رەت حالىققا مادەنيەت ارقىلى قىزمەت ەتتى، مۇندا ءان - ءبيلى تەاتر، مۋزيكا كەشى، كوكتەم مەرەكەسىنە ارنالعان ينتەرنەتتىك ويىن - ساۋىعى، حاتكەرلىك، فوتو سۋرەت كورمەسى سياقتى كوپتەگەن نىساندار قامتىلدى؛ ەلەۋلى مەرەكەلەردە، ماڭىزدى قۇتتىقتاۋ قيمىلدارىندا باي مازمۇندى، الۋان ءتۇرلى تاقىرىپتىق مادەنيەت قيمىلدارىن وتكىزىپ، ىنتىماقتى، جاراسىمدى، سالتاناتتى، شات مەرەيلى اۋقىم قالىپتاستىردى.
«3 - كەزەكتى جۇڭگو باتىس ءوڭىر سيمفونيا اپتالىعىن» ءساتتى وتكىزىپ، ءبىرسىپىرا تاڭداۋلى ءتول سيمفونيا تۋىندىلارىن شىعارىپ، سوتسياليستىك وزەكتى قۇن كوزقاراسىن ساۋلەلەندىردى. «4 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىن» ءساتتى وتكىزدى ءارى ءبي فەستيۆالىن اۋدان، قالالارعا دەيىن اپارىپ، ءار ۇلت بۇقاراسىن ەسىگىنىڭ الدىنان - اق دۇنيە جۇزىنە ايگىلى ءبي ونەرىن كورۋلەرىنە مۇمكىندىك جاساپ، نەگىزگى ساتىداعى بۇقارانى مادەنيەتتىڭ دامۋ جەتىستىكتەرىنەن يگىلىكتەندىردى.
شينجياڭ تەلەۆيزياسىنىڭ از ۇلت تىلىندەگى باعدارلاماسى، ۇيعۇر تىلىندەگى ايەلدەرگە ارنالعان «سۇلۋلىق ءسىز بەن بىزگە ورتاق» اتتى باعدارلاما رايونىمىزداعى ءار ۇلت ايەلدەرىن وسى زامانعى تۇرمىسقا ۇيلەسۋگە جەتەلەيتىن ۇلگى باعدارلاماعا اينالدى. ۇيعۇر تىلىندەگى «قىزمەتكە قابىلدانۋشىمىن» قىزمەت ىزدەۋ باعدارلاماسى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ، جوعارى مەكتەپتەردىڭ كاسىپتەنۋ، شارۋاشىلىق قۇرۋ ساياساتىنا تۇسىنىك جاسايتىن ماڭىزدى مىنبەرىنە، سونداي - اق رايونىمىزداعى قالىڭ از ۇلت جاستارىنىڭ قىزمەت ىزدەۋدەگى جانە اتا - انالار ءۇشىن ەڭ ماڭىزدى باعدارلاماعا اينالدى. «جىبەك جولى داۋىسى»، «كۇمىس كومەي»، «ءتاتتى ءتۇس»، «شينجياڭ تالانت شوۋى» سياقتى باعدارلامالار از ۇلت بۇقاراسىنىڭ القاۋىنا بولەندى.
ادەبيەت - كوركەمونەر سارا تۋىندىلارى كوبەيە ءتۇستى
باس شۋجي شي جينپيڭنىڭ ادەبيەت - كوركەمونەر قىزمەتى جونىندەگى اڭگىمە ماجىلىسىندە سويلەگەن ءسوزىنىڭ رۋحى مەن اۆتونوميالى رايوننىڭ كوركەمونەر جاسامپازدىعى جونىندەگى جاڭا ورنالاستىرۋلارى مەن جاڭا تالاپتارى بويىنشا، «جۇڭگو ارمانى، شينجياڭ سۇيىسپەنشىلىگى» تاقىرىبىندا شىعارماشىلىق ينجەنەرياسى اتقارىلدى، قالىڭ كوركەمونەر قىزمەتكەرلەرى شينجياڭنىڭ رەفورما، دامۋ، ورنىقتىلىق ىستەرىنىڭ قىزۋ امالياتىنا بەلسەنە ات سالىسىپ، «ۇشقارىلىقتى الاستاۋدى»، «ۇلتتار ىنتىماعىن»، «شينجياڭدى زاڭمەن جونگە سالۋدى» ءتۇيىن ەتىپ، تارتىمدى، كوكەيگە قونىمدى، كەڭ تارايتىن، حالىققا جاقىن ادەبيەت - كوركەمونەر تۋىندىلارىن شىعاردى.
60 جىلدىق مەرەي تويعا ارنالعان نەگىزگى تاقىرىبى ايقىن، داۋىرلىك ەرەكشەلىگى كۇشتى «شينجياڭعا ماداق» اتتى ادەبيەت - كوركەمونەر ساۋىق كەشى شينجياڭ ادەبيەت - كوركەمونەر تۋىندىلارىنىڭ ەڭ جوعارى ورەسى شوعىرلى بەينەلەنگەن. «الماحان تۋرالى اڭىز»، «انگە ەلىتىپ»، «جىبەك جولىنداعى ءبي ونەرى»، «جىبەك جولىنداعى ءان ونەرى» سياقتى تاڭداۋلى ساحنالىق شىعارمالار قاراپايىم ءارى ۇعىنىقتىلىعىمەن بۇقارانىڭ جاقسى باعاسىنا يە بولىپ، قوعامدىق ونىممەن قوسا بازار ءونىمى دە قول جەتكىزدى.
اۆتونوميالى رايون قۇرىلعاندىعىنىڭ 60 جىلدىعىنا ارنالعان تابىستار جونىندەگى «شينجياڭ جاقسى جەر» اتتى كولەمدى تەلەفيلمدە، دامۋ ستراتەگياسى، حالىقتىڭ باقىتتى تۇرمىسى، ەكونوميكانىڭ دامۋى، قوعامنىڭ العا باسۋى، بولاشاققا بەت الۋ سياقتى جاقتاردا شينجياڭداعى تىڭ وزگەرىستەر مەن تىڭ تابىستار جان - جاقتى ايگىلەنىپ، اۆتونوميالى رايون قۇرىلعان 60 جىلدان، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭداعى تىڭ جاڭالىقتار، تىڭ وزگەرىستەر، تىڭ كوزقاراستار، تىڭ رۋح بەينەلەندى.
اۆتونوميالى رايون قۇرىلعاندىعىنىڭ 60 جىلدىعىنا وراي، شينجياڭ حالىق راديو ستانسياسى ۇيعۇر، حانزۋ، قازاق، موڭعۇل، قىرعىز تىلدەرىندە «ساحاراداعى سۋديا»، «مالشىلار جىرى»، «زامان ۇلانى» سىندى جالپى 200 سەريالى 60 راديو تەاترىن، 300 ميكرو راديو تەاترىن جاسادى، «بيڭتۋان پەرزەنتتەرى»، «ءشول - جازيراداعى تاساتتىق» سياقتى 1300 سەريالى 30 ۇلاسپالى راديو حابارىن جازدى. وسى تۋىندىلار ارقىلى وزەكتى قۇن كوزقاراسىنىڭ نەگىزگى ءمانى تارتىمدى بەينەلەنىپ، سوتسياليستىك وزەكتى قۇن كوزقاراسى جونىندەگى تانىم جاندانىپ، قالىڭ حالىق بۇقاراسى اڭگىمەدەن، ولەڭنەن، مۋزيكادان تەرەڭ شابىت الدى، سونداي - اق العان اسەرلەرىن ءىس جۇزىندىك ارەكەتتەرىنە اينالدىردى.
رايونىمىزدىڭ اقپارات، باسپا ءسوز قىزمەتى گۇلدەنىپ - كوركەيە ءتۇستى. بيىل قۇلشىنۋ ارقىلى اۆتونوميالى رايوندىق اقپارات، باسپا ءسوز، راديو - تەلەۆيزيا مەكەمەسى «شينجياڭ از ۇلت تىلىندەگى ءتول شىعارمالار جانە از ۇلت، حانزۋ تىلدەرىندەگى شىعارمالاردى ءوزارا اۋدارۋ ينجەنەرياسىنىڭ» 4 - توپتاعى كىتاپتارىن جانە «شينجياڭ مادەنيەت قويماسىنىڭ» 2 - توپتاعى كىتاپتارىن باسپادان شىعاردى؛ شاڭحاي كىتاپحاناسىمەن بىرلەسىپ «شينجياڭ كۇنى» قيمىلىن وتكىزدى؛ 26 - كەزەكتى شينجياڭ كىتاپ كورمەسىندە، شينجياڭ تاقىرىبىنداعى مادەنيەت قيمىلدارى ءساتتى وتكىزىلدى.
اۆتونوميالى رايوندىق ادەبيەت - كوركەمونەرشىلەر بىرلەستىگى ءار ۇلت ادەبيەت - كوركەمونەر قىزمەتكەرلەرىن ومىرگە ىشكەرىلەي ارالاسىپ، جاندى ماتەريالدار تاۋىپ، شينجياڭ رۋحىن ساۋلەلەندىرەتىن، سوتسياليستىك وزەكتى قۇن كوزقاراسىن ايگىلەيتىن ادەبيەت - كوركەمونەر تۋىندىلارىن شىعارۋعا ىنتىماقتاستىرىپ جانە جەتەكشىلىك ەتىپ، 207 ادەبيەت - كوركەمونەر تۋىندىسىن باسپادان شىعاردى.
ءبىر جىلدان بەرى، رايونىمىز «ومىرمەن ەتەنە بولۋ، حالىق اراسىنا تامىر تارتۋ» تاقىرىبىندا، امالياتتا ايگىلەۋ قيمىلىن كەڭ كولەمدە ورىستەتتى، كوركەمونەرشىلەر امالياتتا ايگىلەۋ قيمىلىنان ءنار الىپ، يدەيا، ونەر جاعىندا تولىسىپ، ادەبيەت - كوركەمونەر قوسىنى قۇرىلىسىن كۇشەيتۋگە پايدالى، ادەبيەت - كوركەمونەردىڭ بارىنشا دامۋىن، كوركەيۋىن جەبەيتىن تاماشا جاعداي قالىپتاستىردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
