- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەشىن جىلعى «شيحۋ سىرا مەرەكەسى» ءماندى ءوتتى
2016.08.11 10:32 كەلۋ قاينارى : شينجياڭ گازەتى
ماقسات قيزات ۇلى حابارلايدى. اۆتونوميالى رايوندىق ساياحات مەكەمەسى، مادەنيەت مەڭگەرمەسىنىڭ قولداپ - قۋاتتاۋىندا، شيحۋ قالالىق پارتكوم مەن ۇكىمەتتىڭ، شيحۋ سىرا شەكتى سەرىكتەستىگىنىڭ سەلبەسۋىندە 5 - تامىز «2016 - جىلعى شيحۋ سىرا مەرەكەسىنىڭ» سالتاناتى شيحۋ قالاسىنىڭ مادەنيەت ورتالىعىندا شىمىلدىعىن اشتى.
«شيحۋ سىراسىنىڭ ابىرويىن اسقاقتاتۋ ءھام شيحۋ ارمانىن ىسكە اسىرۋ» وسى رەتكى شيحۋ سىرا مەرەكەسىنىڭ باستى ۇرانى بولدى، شيحۋ قالاسىنىڭ كەلبەتىن الىس - جۋىققا تانىتىپ، ساياحاتشىلاردى مولىنان باۋراۋ، ساۋداگەر شاقىرىپ، قارجى ەنگىزۋ، حالىق تۇرمىسىن وڭاپ، داڭقتى ماركا جاراتۋ، جاراسىمدىلىقتى ۇگىتتەپ، كەدەيلىكتىڭ قالپاعىن سەرپىپ تاستاۋ − 2016 - جىلعى شيحۋ سىرا مەرەكەسىنىڭ تولىق مازمۇنى سانالادى.
جەرگىلىكتى ۇلتتاردىڭ مادەنيەتىن تانىستىرىپ، شيحۋ حالقىنىڭ العاباسار رۋحىن تولىقتاي بەينەلەگەن «2016 - جىلعى شيحۋ سىرا مەرەكەسى» تامىز ايى تۋا سالا باستالىپ تا كەتىپ ەدى. وسى كەزەكتى شيحۋ سىرا مەرەكەسىنىڭ مازمۇنى تولىق، تاقىرىبى كەڭ بولدى، ماسەلەن، وسى رەتكى شيحۋ سىرا مەرەكەسىندە جاس وسپىرىمدەردىڭ سۋرەت سالۋ جارىسى، 100 ادامدىق كەستە تىگۋ باسەكەسى، اۆتونوميالى رايوندىق 13 - كەزەكتى ورتا مەكتەپ وقۋشىلارىنىڭ باسكەتبول جارىسى، اۆتونوميالى رايوندىق شاحمات جارىسى، گەننيس رەكوردىنىڭ جۇڭگوداعى كەشى قاتارلى 70كە تاياۋ ۇلكەندى - كىشىلى قيمىلدار وتكىزىلىپ، شيحۋ اتىرابى شاتتىققا شومدى.
«پارتيا مەن ۇكىمەتتىڭ قولداپ - قۋاتتاۋىندا جىل سايىن وتكىزىلىپ كەلە جاتقان شيحۋ سىرا مەرەكەسى بيىل دا مىنە شىمىلدىعىن اشىپ، الىس - جۋىقتاعى كورەرمەندەردىڭ كوز ايىمىنا اينالىپ وتىر، بۇل دا بولسا بەرەكەسى ايرانداي ۇيىعان حالقىمىزدىڭ، باياشات تۇرمىسىمىزدىڭ ارقاسى»، - دەپ ءسوز باستاعان شيحۋ قالاسىنىڭ باستىعى دالەلبەك كەنجەقان ۇلى بىلاي دەدى: «جولاي ءوتىپ بارا جاتقان ساياحاتشىدان: شيحۋ قالاسى تۋرالى نە بىلەسىز؟ - دەپ سۇراي قالساڭىز، ول: شيحۋ قالاسى شيحۋ سىراسىنىڭ اتا مەكەنى دەپ جاۋاپ بەرەدى. مىنە كوردىڭىز بە، شيحۋ سىراسى شيحۋ قالاسىنىڭ ماڭداي الدى ماركاسى، ونەركاسىبى وركەندەگەن بۇل قالادا شيحۋ سىراسىنىڭ الار ورنى وزگەشە، ول ءبىزدىڭ قالا تۇرعىندارىنىڭ تۇرمىسىن وڭاۋدا، قالا قۇرىلىسىن جاڭالاۋدا، ۇلتتار مادەنيەتىنىڭ توعىسىپ، ءبىر تىلەك، ءبىر نيەتتە دوڭگەلەك داۋلەتتى قوعامعا اياق باسۋىنا ايتارلىقتاي اسەرىن تيگىزىپ وتىر. ءبىز سىرا مەرەكەسىن 2008 - جىلدان بەرى قاراي جوعارى دەڭگەيدە وتكىزىپ كەلە جاتىرمىز. ءار جىلى مەرەكەنى 30 مىڭنان استام ادام تاماشالاپ، شيحۋ قالاسىنىڭ جاڭا بەينەسى مەن جارقىن دامۋىنا كۋا بولادى».
تۇستەن بۇرىن اشىلعان شيحۋ سىرا مەرەكەسىنىڭ اشىلۋ سالتاناتى ءتۇس اۋا «تيانشان تالقى» مىنبەرىنە جالعاستى. بۇل مىنبەرگە ەلىمىزدىڭ ءىشى - سىرتىنان كەلگەن ساۋداگەرلەر مەن ەكونوميكانى زەرتتەپ جۇرگەن ماماندار قاتىناستى. ماماندار شيحۋ سىراسىنىڭ جەرگىلىكتى حالىققا اكەلگەن ەكونوميكالىق پايداسى مەن كەلەر جىلدارداعى دامۋىنا توقتالىپ، شيحۋ سىراسىنىڭ قوعامدىق ونىمدىلىگىن جوعارى باعالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
