- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا قالاسىنىڭ 2016 – جىلعى ورتا تازالىعىن جاپپاي وڭاۋ جانە مەملەكەت بويىنشا تازا قالا قۇرۋ قىزمەتى ماجىلىسىندە مىناۋ العا قويىلدى: تازا قالا قۇرۋ قىزمەتىندە، ءسوزسىز، تىڭ ناتيجە جاراتايىق
2016.08.11 16:20
ءتىلشىمىز حۋاڭ جيڭ حابارلايدى. قۇلجا قالاسى تامىزدىڭ 8 – كۇنى 2016 – جىلعى ورتا تازالىعىن جاپپاي وڭاۋ جانە مەملەكەت بويىنشا تازا قالا قۇرۋ قىزمەتى ءماجىلىسىن اشتى. وسى رەتكى ءماجىلىس سەرت بەرۋ ءماجىلىسى ءارى «اتتانىسقا كەلتىرۋ دابىلى». مۇنداعى ماقسات __ بۇكىل قالاداعى بارشا كادرلار مەن بۇقارانى جۇمىلدىرىپ، تانىمدى اناعۇرلىم جوعارىلاتىپ، جاۋاپكەرلىكتى ايقىنداپ، ءتىپتى دە زور تەبىنمەن بەل شەشە ىسكە كىرىسۋ بەينەسىمەن زەيىن – قۋاتتى شوعىرلاندىرىپ، قيىنشىلىقتان قامال الىپ، تازا قالا قۇرۋ قىزمەتىندە، ءسوزسىز، تىڭ ناتيجە جاراتىپ، مەملەكەتتىڭ تەكسەرىپ – وتكىزىپ الۋىنان ءساتتى وتۋگە كەپىلدىك ەتۋ.
وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى لي شينجۇن، وبلىستىڭ ورىنباسار باستىعى جاڭ جۇي، بيڭتۋان 4 – ديۆيزياسى كوكدالا قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي حۇڭچياڭ ماجىلىسكە قاتىناستى.
ماجىلىستە بىلاي دەپ اتاپ كورسەتىلدى: قازىر قۇلجا قالاسىنىڭ مەملەكەت بويىنشا تازا قالا قۇرۋ قىزمەتى قامال الۋ، تىڭ ناتيجە جاراتۋ مەزگىلىنە ءوتتى. بۇكىل شينجياڭداعى بىردەن – ءبىر قالا جانە مەملەكەت بويىنشا تەكسەرىپ – وتكىزىپ الۋدى كۇتىپ تۇرعان 11 قالانىڭ ءبىرى سانالاتىن قۇلجا قالاسى جۋىقتا مەملەكەتتىڭ ماماندار گرۋپپاسى جاعىنان وتكىزىپ – الىنادى. قۇلجا قالاسىنىڭ جاسىرىن تەكسەرۋدەن ءساتتى وتە الۋ – الماۋى تازا قالا قۇرۋ نىساناسىن ءساتتى جۇزەگە اسىرا الۋ – الماۋىنا ىقپال ەتىپ قالماستان، بۇكىل شينجياڭداعى باسقا تۋىسقان اۋدان، قالالاردىڭ تازا اۋدان، قالا قۇرۋ قىزمەتىنە دە ىقپال ەتەدى. بۇكىل قالاداعى ورىندار جانە قۇلجا قالاسىندا تۇراتىن تاراۋلار، ءسوزسىز، تازا قالا قۇرۋ قىزمەتىنىڭ ماڭىزدىلىعىن جەتە تانىپ، بۇكىل قالاداعى جوعارى – تومەن ورىنداردى جابال اتتانىسقا كەلتىرىپ، تازا قالا قۇرۋ قىزمەت مىندەتتەرىن جاپپاي ورىنداپ، باعالاپ تەكسەرىپ – وتكىزىپ الۋدان ءساتتى وتۋگە كەپىلدىك ەتۋ كەرەك.
لي شينجۇن مىنانى تالاپ ەتتى: تازا قالا قۇرۋعا قۇلشىناتىن شەشۋشى كەزەڭنىڭ، مەزگىلدىڭ ءوزى بۇيرىق، ولشەمنىڭ ءوزى تالاپ، قيىنشىلىقتى، ءسوزسىز، جەڭىپ، مىندەتتى، ءسوزسىز، ورىنداۋ، بۇكىل قالاداعى جوعارى – تومەن ورىندار ءالسىز بۋىنداردى وڭاۋدى كۇش سالا مىقتى يگەرۋ كەرەك. قالا مەن اۋىلدىڭ تۇتاسقان بولەكتەرى، «بەس شاعىن» كاسىپ، اۋىل شارۋاشىلىق ساۋدا بازارى، قالانىڭ بەت – بەينەسى، قاتىناس ءتارتىبى سياقتىلاردى ارناۋلى وڭاۋ ءالى دە قازىرگى قىزمەتتىڭ ماڭىزدى جانە قيىن ءتۇيىنى. ورىندار قالانىڭ بەت – بەينەسىن جاپپاي وڭاۋدى، الەۋمەتتىك تازالىق ورىندارىن باسقارۋدى كۇشەيتىپ، ۇگىت تەبىنىن ارتتىرۋ؛ ۇيىمدىق باسشىلىقتى كۇشەيتىپ، جاۋاپكەرلىكتى ايقىنداپ، تياناقتاندىرۋدى مىقتى يگەرۋ؛ باقىلاۋ – تەكسەرۋ تەبىنىن ارتتىرىپ، ناتيجەسى كورنەكتى ورىندار مەن جەكەلەردى حابارلاندىرۋ جانە ماداقتاپ – سيلاۋ، بۇيرىقتى اتقارماعان، سىلتاۋ ايتىپ، ءبىر – بىرىنە يتەرمەلەگەن، جۇمىستى كەشەۋىلدەتكەن، سالعىرتتىققا سالىنعان ورىندار مەن جەكەلەردى قاتاڭ ءبىر جاقتى ەتۋ، استە، ەركىنە جىبەرمەۋ؛ تياناقتاندىرۋدى مىقتى يگەرىپ، قالالىق پارتكوم مەن ۇكىمەتتىڭ ورنالاستىرۋلارىن ناقتى كورسەتكىش پەن شاراعا، ناقتى ءادىس پەن ساتىلى قىزمەتكە، ناقتى ورىن مەن جاۋاپتى ادامعا دەيىن اشالاپ تياناقتاندىرىپ، شەشىمدەر مەن ورنالاستىرۋلاردى ارەكەت بارىسىندا تياناقتاندىرىپ، قىزمەت بارىسىندا دايەكتىلەندىرىپ، ناقتى ونىمدىلىك بارىسىندا ايگىلەپ، تازا قالا قۇرۋ قىزمەتىندە، ءسوزسىز، تىڭ ناتيجە جاراتۋ كەرەك.
جاڭ جۇي ىلە وبلىسىنىڭ قۇلجا قالاسىنىڭ تازا قالا قۇرۋ قىزمەتىن قولداۋ باسشىلىق گرۋپپاسىنىڭ باستىعى رەتىندە بىلاي دەدى: قۇلجا قالاسىنىڭ تازا قالا قۇرۋ قىزمەتىنىڭ ناتيجەسى كورنەكتىلەنىپ، قويۋ اۋان قالىپتاستىرىلىپ، قالا بارعان سايىن كورىكتەنىپ، بۇقارا يگىلىككە كەنەلدى. اۆتونوميالى وبلىستىق پارتكوم مەن ۇكىمەت قۇلجا قالاسىنىڭ تازا قالا قۇرۋ قىزمەتىن ايرىقشا قولدايدى جانە تۇراقتاندىرادى، وبلىستىق پارتكومنىڭ شۋجيى حۋاڭ سانپيڭ تازا قالا قۇرۋ قىزمەتىنە كوپ رەت ءوزى تىكە جەتەكشىلىك ەتتى جانە بەكىتپە جازدى ءارى وبلىسقا توتە قاراستى تاراۋلاردىڭ قۇلجا قالاسىنىڭ تازا قالا قۇرۋ قىزمەتىنە سەلبەسۋى جونىندە ناقتى تالاپتارىن العا قويدى. تەكسەرىپ _ وتكىزىپ الۋدى قارسى الۋدىڭ سەزوندى مەزگىلىندە وبلىسقا توتە قاراستى قاتىستى تاراۋلار جاۋاپكەرلىكتى ايقىنداپ، ىرىقتىلىقپەن اتسالىسىپ، وبلىس پەن قالا، بيڭتۋان مەن جەرگىلىكتى ورىن ءوزارا ءبىرىن - ءبىرى جەبەپ، مىندەتتى ويداعىداي اتقارىپ، قۇلجا قالاسىنىڭ تازا قالا قۇرۋ قىزمەتىن بارىنشا قولداۋى جانە سايكەستىرۋى؛ قۇلجا قالاسى كۇندەلىكتى باقىلاۋ - تەكسەرۋدى ويداعىداي جۇرگىزۋى؛ بۇكىل وبلىس بويىنشا كۇش قۋات پەن اقىل - پاراساتتى شوعىرلاندىرىپ، سەلبەستىكتى كۇشەيتىپ، تازا قالا قۇرۋ نىساناسىنا جەڭىستى قادام تاستاۋ كەرەك.
ماجىلىستە قۇلجا قالاسىنىڭ اۋىل، قالاشىق، الاڭدارىنىڭ، كوشە ءىس باسقارمالارىنىڭ ۋاكىلدەرى پوزيتسيا ءبىلدىردى. ماجىلىستە جىل باسىنان بەرگى تۇتاس قالانىڭ كوشە، اۋىل، قالاشىق، الاڭدارىندا جانە ورىندارى مەن تاراۋلارىندا تازا قالا قۇرۋ قىزمەتىندە ورىن تەپكەن ماسەلەلەر حابارلاندىرىلدى، سونىمەن بىرگە، قالانىڭ رەتسىزدىگىن، جولدىڭ تەگىس بولماۋىن، قالا مەن اۋىلدىڭ تۇتاسقان ورىندارىنىڭ ورتا تازالىعىن، جىلجىمالى جايماشىلاردى وڭاۋ سياقتى تازا قالا قۇرۋ قىزمەتىندەگى 20 ءتۇرلى ولقىلىقتىڭ تولىقتانۋ جاعدايى اتاپ كورسەتىلدى ءارى قاتىستى تاراۋلاردان جەتەرسىز ورىنداردى قۇنتتاي باسقارۋدى ۇزدىكسىز كۇشەيتۋ تالاپ ەتىلدى. تازا قالا قۇرۋ ولشەمىمەن سالىستىرعاندا، قۇلجا قالاسىندا تاعى نەگىزدىك قۇرىلعىلار قۇرىلىسىنىڭ ءالسىز تۇيىندەرى، ءىشىنارا قالا تۇرعىندارىنىڭ تازالىق تانىمىن، مادەنيەت تانىمىن ونان ارى جوعارىلاتۋ كەرەكتىگى سياقتى ماسەلەلەردىڭ ورىن تەۋىپ وتىرعاندىعى دا اتاپ كورسەتىلدى.
ۇعىسۋىمىزشا، قۇلجا قالاسى 2012 - جىلى مەملەكەت بويىنشا تازا قالا قۇرۋ نىساناسىن العا قويعان، 4 جىلدان بەرى تازا قالا قۇرۋ قىزمەتىن توڭىرەكتەپ، قىرۋار ادام كۇشىن، زاتتىق كۇشتى، قازىنالىق قۋاتتى جۇمساپ، تۇتاس قالا بويىنشا جاپپاي اتتانىسقا كەلتىرىپ، تازا قالا قۇرۋ ءتۇزىلىسى مەحانيزمىن ۇزدىكسىز كەمەلدەندىرىپ، قالانىڭ نەگىزدىك قۇرىلعىلارىن اناعۇرلىم جاقسارتىپ، قالا باسقارۋدى ءتىپتى دە جىنتىكتەپ، ەكولوگيا مەن تۇرعىن ءۇي ورتاسىن ونان ارى ساپالىلاندىرعان. تازا قالا قۇرۋ قىزمەتى حالىق تۇرمىسىن ءونىمدى تۇردە جاقسارتىپ قالماستان، قالانىڭ وبرازىن كوتەرىپ، ورتانى ساپالىلاندىرعان، تاعى قۇلجا قالاسىنىڭ كادرلار قوسىنىن شىڭداپ، پارتيا مەن حالىقتىڭ تىلەگىن توعىستىرىپ، جالپى حالىقتىڭ ساپاسىن جوعارىلاتقان.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
