- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپونيانىڭ 2016 - جىلعى «قورعانىس اق تىستى كىتابىن» جاريالاۋى جونىندە قورعانىس مينيسترلىگىمىزدىڭ اقپارات مالىمدەمەشىسى ءسوز سويلەدى
2016.08.05 16:02 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - تامىزدا بەيجيڭنەن بەرگەن حابارى. قورعانىس مينيسترلىگىمىزدىڭ اقپارات مالىمدەمەشىسى ۋ چيان 2 - تامىزدا جاپونيانىڭ 2016 - جىلعى «قورعانىس اق تىستى كىتابىن» جاريالاعانى جونىندە بىلاي دەدى: جاپونيا قورعانىس ۋازىرلىگى 2 - تامىزدا 2016 - جىلعى «قورعانىس اق تىستى كىتابىن» جاريالادى، مۇنداعى جۇڭگوعا قاتىستى مازمۇندا باياعى جاراپازاندى وزگەرتپەي، جۇڭگونىڭ دۇرىس تا ورىندى قورعانىس جانە ارميا قۇرىلىسىن بەتالدى تالقىلاپ، نانحاي تەڭىزى، دۇڭحاي تەڭىزى سياقتى ماسەلەلەردى قيسىنسىز تىلگە تيەك ەتكەن، مۇنىڭ تۇتاس مازمۇنى جۇڭگو ارمياسىنا دەگەن بوگدە نيەتتەن، جۇڭگو مەن ىرگەلەس ەلدەردىڭ قاتىناسىن ارازداستىرۋدان، حالىقارالىق قوعامنىڭ كوزىن كولەگەيلەۋدەن اياق الىپ جۇرگىسىز. جۇڭگو ارمياسى بۇعان كۇشتى نارازىلىق بىلدىرەدى جانە باتىل قارسى تۇرادى ءارى جاپونيامەن قاتاڭ تىلدەسەدى.
ۋ چيان بىلاي دەدى: نانحاي تەڭىزى ماسەلەسىندە، جاپونيا اراعا ىرتكى سالىپ، نانحاي ماسەلەسىن اناعۇرلىم بىلىقتىرىپ، ارادان پايدا تۇسىرمەك نيەتتە. بۇل ارادا جاپونياعا نانحاي تەڭىزىندەگى ءجۇزۋ ەركىندىگىندە ماسەلە جوقتىعىن، ەگەر ماسەلە بار دەلىنسە، وندا جاپونيا سياقتى ەلدەردىڭ نانحاي تەڭىزى ماسەلەسىنە كيلىگىپ، وڭىرلىك بەيبىتشىلىك پەن ورنىقتىلىقتى بۇلدىرگەنى ەكەنىن قاتاڭ ەسكەرتەمىز. جاپونيا «جۇڭگو كۇش - قۋاتىنا سۇيەنىپ، قازىرگى جاعدايدى وزگەرتپەك بولىپ وتىر» دەپ كوكىدى، ەندەشە، جاپونيا ۇكىمەتىنىڭ العان بەتىنەن قايتپاي زاڭسىزدىقپەن «ارالدى ساتىپ الۋى» قازىرگى جاعدايدى وزگەرتۋ ەمەس پە؟ جاپونيا ءوزىن قورعاۋ اترەتىنىڭ باتىس وڭتۇستىك باعىتتا اسكەري كۇش ورنالاستىرۋى قازىرگى جاعدايدى وزگەرتۋ ەمەس پە؟ جاپونيانىڭ جاڭا اماندىق قورعاۋ زاڭ جوباسىن ماقۇلداپ، توپتىق ءوزىن قورعاۋ ۇقىعىنا تيىم بۇيرىعىن كۇشىنەن قالدىرۋى قازىرگى جاعدايدى وزگەرتۋ ەمەس پە؟ جاپونياعا قاتە سوزدەرى مەن ءىس - ارەكەتتەرىن دوعارىپ، «ءوزى قازعان ورعا ءوزى تۇسۋدەن ساقتانۋدى» ەسكەرتەمىز.
ۋ چيان بىلاي دەدى: دۇڭحاي تەڭىزى ماسەلەسىندە، دياۋيۇيداۋ ارالى جانە وعان قاراستى ارالدار جۇڭگونىڭ تۇراقتى تەرريتورياسى، مۇنىڭ تولىق تاريحي جانە زاڭدى نەگىزى بار. جاپونيا جۇڭگو مەن جاپونيا اسكەري ۇشاقتارىنىڭ «قالىپسىز جاقىنداۋىن» تالاي رەت دارديتىپ كورسەتكەن بولاتىن، وسى ارادا جاپونياعا وسى ماسەلەدە جۇڭگوعا جاۋاپ بەرۋى كەرەكتىگىن ەسكەرتەمىز. ەگەر جۇڭگو قورعانىس مينيسترلىگى 2014 - جىلى ماۋسىمدا جاريالاعان قاتىستى كەسكىننەن كىمنىڭ حاۋىپتى جاعداي جاساپ وتىرعانىن، كىمنىڭ ەرەجەنى بۇلدىرگەنىن ايقىن بايقاي الامىز. جاپونيا اق تىستى كىتاپتا تاعى جۇڭگو ارمياسىن دياۋيۇيداۋ ارالىنىڭ ماڭىندا سىڭار جاقتى ارەكەتىن ورشىتە ءتۇستى دەپ قيسىنسىز جازعىردى، وسى ارادا جۇڭگو ارمياسىنىڭ ارەكەتى دياۋيۇيداۋ ارالى جۇڭگوعا تاۋەلدى ەكەنى سىندى بۇلتارتپاس شىندىقتى تياناق ەتكەن دەپ ايقىن اتاپ كورسەتەمىز. ۋ چيان بىلاي دەدى: جاپونيانىڭ ءىس - ارەكەتىنىڭ تۇپكى ماقساتى ءوزىنىڭ اسكەري حاۋىپسىزدىك ساياساتىن كوپ رەتتەۋىنە، اسكەري دايىندىعىن زور كۇشپەن كەڭەيتۋىنە، اۋەلى، بەيبىتشىلىك نەگىزگى زاڭىن وزگەرتۋىنە سىلتاۋ ىزدەۋ. بۇعان حالىقارالىق قوعام قاداعالاي نازار اۋدارۋى جانە بۇدان ساقتانۋى كەرەك. جاپونيانى تاريحقا قايتا كوز جىبەرىپ، شىندىققا قۇرمەت ەتىپ، جۇڭگونى قيسىنسىز جازعىرۋىن، قاتىستى ەلدەردىڭ قاتىناسىنا ىرتكى سالۋىن، حالىقارالىق قوعامنىڭ كوزىن كولەگەيلەۋىن توقتاتىپ، ءىس جۇزىندىك ارەكەتىمەن جۇڭگو - جاپونيا قاتىناسىنىڭ جاقسارۋى جانە دامۋى ءۇشىن شارت - جاعداي ازىرلەۋگە قۋزايمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
