- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون ىشكى ولكەلەرگە جىبەرىلەتىن قىزمەت كورسەتۋشى، باسقارۋشى وقىتۋشىلاردىڭ كولەمىن كەڭەيتتى
جاڭ چۇنشيان اتتاندىرۋ جينالىسىنا قاتىناستى ءارى ءسوز سويلەدى
2016.08.17 10:24 كەلۋ قاينارى : شينجياڭ گازەتى
تىلشىلەرىمىز جاڭ زى - ياڭ، ياۋ تۇڭ، ياڭ يىڭچۇن 15 - تامىزدا ۇرىمجىدەن حابارلايدى. اۆتونوميالى رايوننىڭ «ۇلتتار ىنتىماعى، العاباسارلىعى جىلى» اياسىنداعى 27 ماڭىزدى شارانى تياناقتاندىرىپ، ىشكى ولكەلەردەگى شينجياڭدىق وقۋشىلارعا قىزمەت كورسەتۋ، باسقارۋ جۇرگىزۋدى كۇشەيتۋ ءۇشىن، اۆتونوميالى رايوندىق پارتكوم بۇعان دەيىن ىشكى ولكەلەرگە جىبەرىلگەن قىزمەت كورسەتۋشى، باسقارۋشى وقىتۋشىلار نەگىزىندە، بيىل ولاردىڭ قاتارىن كەڭ كولەمدە كوبەيتىپ، ولكە، اۆتونوميالى رايون، توتە قاراستى قالالاردى، ىشكى ولكەدەگى شينجياڭ كلاستارى اشىلعان مەكتەپتەردى، ىشكى ولكەدەگى شينجياڭدىق وقۋشىلاردى تولىق قامتىپ، ىشكى ولكەلەردەگى شينجياڭدىق وقۋشىلارعا ءبىلىم بەرۋ، قىزمەت كورسەتۋ، باسقارۋ جۇرگىزۋ دەڭگەيىن كوتەرۋدى ۇيعاردى. 15 - تامىز تۇستەن بۇرىن، اۆتونوميالى رايون شينجياڭ حالىق سارايىندا ىشكى ولكەلەرگە جىبەرىلەتىن قىزمەت كورسەتۋشى، باسقارۋشى وقىتۋشىلاردى اتتاندىرۋ بايلانىسىمەن جينالىس اشىپ، ولارعا اق جول تىلەدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جينالىسقا قاتىناسىپ، ءسوز سويلەدى ءارى ىشكى ولكەلەرگە باراتىن وقىتۋشىلارعا تۋ تابىس ەتتى.
ىشكى ولكە ورتا مەكتەپتەرىنەن شينجياڭ كلاستارى اشىلعان 2000 - جىلدان بەرى، شينجياڭ قاتىستى مەكتەپتەرگە قىزمەت كورسەتۋشى، باسقارۋشى وقىتۋشىلار جىبەرە باستاعان ەدى، وتكەن 10 نەشە جىلدا جالپى 2700 ادام - رەت وقىتۋشى جىبەرىلگەن بولاتىن. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، ىشكى ولكەلەرگە جىبەرىلگەن وقىتۋشىلاردىڭ قاتارى ۇزبەي مولايىپ، قىزمەت كورسەتۋ، باسقارۋ جۇمىسىنىڭ دەڭگەيى ۇزدىكسىز كوتەرىلىپ، ىشكى ولكەلەردەگى شينجياڭ وقۋشىلارىنىڭ وقۋىنا، تۇرمىسىنا، جەتىلۋىنە بەرىك كەپىلدىكتەر ازىرلەندى. ىشكى ولكەلەردە وقيتىن شينجياڭدىق وقۋشىلاردىڭ ۇزبەي كوبەيۋى ءبىلىم بەرۋ، قىزمەت كورسەتۋ، باسقارۋ جۇرگىزۋ جۇمىسىنا تىڭ تالاپتار قويدى. مۇقيات زەرتتەۋ، بەلسەندى تۇردە سايكەستىرۋ، ىرىقتى تۇردە بايلانىس جاساۋ نەگىزىندە، بيىل اۆتونوميالى رايوندىق پارتكوم ىشكى ولكەردە جۇمىس اتقاراتىن وقىتۋشىلاردىڭ قاتارىن قاۋىرت مولايتۋدى ۇيعاردى.
جينالىس ايبىندى مەملەكەت انىمەن باستالدى.
جاڭ چۇنشيان اۆتونوميالى رايوندىق پارتكوم، حالىق قۇرىلتايى تۇراقتى كوميتەتى، ۇكىمەت، ساياسي كەڭەس اتىنان ىشكى ولكەلەردە جۇمىس جۇرگىزۋگە تاڭداپ جىبەرىلگەن وقىتۋشىلارعا ىستىق ىقىلاسپەن امانداسىپ، ورتالىقتاعى قاتىستى تاراۋلار مەن ولكە، اۆتونوميالى رايون، توتە قاراستى قالالاردىڭ وقۋ - اعارتۋ تاراۋلارىنا شىن جۇرەكتەن العىس ايتتى. جاڭ چۇنشيان مىنانى اتاپ كورسەتتى: ىشكى ولكەلەرگە كەڭ كولەمدە وقىتۋشى جىبەرۋ − باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ تالاپتارىن تياناقتاندىرۋ ءۇشىن، شينجياڭنىڭ قوعام ورنىقتىلىعى مەن باياندى تىنىشتىعىنىڭ ستراتەگيالىق جالپى جاعدايى تۇرعىسىنان شىعارىلعان ماڭىزدى شەشىم، اۆتونوميالى رايوننىڭ جاڭا جاعدايعا ۇيلەسىپ، ىرىقتى تۇردە جاۋاپكەرشىلىكپەن اتقارعان ماڭىزدى شاراسى، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ تاعى ءبىر فورماسى. ول ىشكى ولكەلەردەگى شينجياڭدىق وقۋشىلارعا ءبىلىم بەرۋ، قىزمەت كورسەتۋ، باسقارۋ جۇرگىزۋ دەڭگەيىن جوعارىلاتىپ، سوتسياليزمنىڭ قۇرىلىسشىلارى مەن ءىزباسارلارىن دايىنداۋعا تەرەڭ ىقپال جاساپ، شينجياڭداعى وقىتۋشىلاردىڭ قابىلەتىن ۇشتاۋدا ماڭىزدى ءمان الادى.
ىشكى ولكەرگە جىبەرىلگەن وقىتۋشىلار − شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ماڭىزدى كۇش، شينجياڭعا جوعارى ساپالى دارىندىلار تاربيەلەيتىن ماڭىزدى كەپىل، «ءۇش ءتۇرلى كۇشتىڭ» ىشكى ولكەلەردەگى مەكتەپتەرگە ءسىڭىپ كىرۋىنەن ساقتاندىراتىن بەرىك قورعانىس شەبى، ۇلتتاردىڭ ىنتىماعى مەن ارالاسۋىن، ىشتەسۋىن، توعىسۋىن جەبەيتىن كوپىر جانە دانەكەر. اماليات ىشكى ولكەلەرگە جىبەرىلگەن وقىتۋشىلار ىشكى ولكەلەردە وقيتىن شينجياڭدىق وقۋشىلاردىڭ ۇستازى، «وتاعاسىسى»، «كۇتۋشىسى» عانا ەمەس، سونىمەن قابات، شينجياڭ مەن ىشكى ولكەلەردىڭ ارالاسۋ، ىشتەسۋ، توعىسۋىنىڭ ماڭىزدى دانەكەرى، ۇلتتار ىنتىماعى مەن قوعام جاراسىمدىلىعىنا جەتەكشىلىك ەتەتىن وزگەشە ەلشىلەر ەكەنىن، شينجياڭنىڭ بەت - بەينەسىن ايگىلەپ، ۇلتتاردىڭ ۇلى ىنتىماعىن نىعايتۋ جاعىندا ماڭىزدى كوپىرلىك - دانەكەرلىك رول اتقارعانىن دالەلدەدى. جولداستاردىڭ جاۋاپكەرشىلىگى اۋىر، مىندەتى داڭقتى، شينجياڭنىڭ مارتەبەسىنە ساي كەلەتىن ىقىلاس پەن ءورىس، قازىرگى جاعدايعا ساي كەلەتىن جاۋاپكەرشىلىك پەن مىندەتتىلىك، وقىتۋشىلاردىڭ قادىر - قاسيەتىنە ساي كەلەتىن تانىم مەن سانا ازىرلەپ، ءوزىنىڭ مىندەتى مەن جاۋاپكەرشىلىگىن جىعا تانىپ، كەلەلى تاپسىرمانىڭ ۇددەسىنەن شىعىپ، اۋىر جۇككە ارقا توسەپ، جۇمىس مىندەتتەرىن تابىستى تۇردە ورىنداپ، شينجياڭدى ورنىقتىرۋعا، گۇلدەندىرۋگە ءتيىستى ۇلەس قوسۋى كەرەك.
جاڭ چۇنشيان مىنانى باسا دارىپتەدى: جۇمىستىڭ ءتۇيىنىن ايقىنداپ، ىشكى ولكەردەگى وقۋشىلارعا ءتىپتى جاقسى قىزمەت كورسەتۋ، باسقارۋ جۇرگىزۋ كەرەك. نەگىزگى مىندەت − «ءبىر نەگىزدى» ارقاۋ ەتىپ، «ءۇش ءتۇيىندى» كورنەكتىلەندىرىپ، «ءۇش رولدى» ساۋلەلەندىرىپ، ىشكى ولكەلەردەگى شينجياڭدىق وقۋشىلاردىڭ اقاۋسىز جەتىلۋى مەن جارامدى ادام بولۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەرىك نەگىز قالاۋ.
«ءبىر نەگىز» دەگەنىمىز جوعارى ءمورالدى ادام تاربيەلەپ، جوعارى ساپالى قابىلەت يەلەرىن دايىنداۋ.
پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ادام باۋلۋدى نەگىز ەتۋ مەن ءمورال تاربيەسىنە باسىمدىلىق بەرۋدەن جازباي، مۇرات - سەنىم جانە يدەيا - ساياسي تاربيەسىن نىعايتىپ، وقۋشىلاردىڭ جەتىلۋىنە ويداعىداي جول سىلتەپ، ولارعا ءومىردىڭ باعىت - باعدارىن كورسەتىپ، ولاردى دۇنيەگە، ومىرگە، قۇنعا دۇرىس كوزقاراس ورناتۋعا جەتەكتەۋ كەرەك.
«ءۇش ءتۇيىن» دەگەنىمىز يدەيانى يگەرۋ، ءسىڭىپ كىرۋدەن ساقتانۋ، بەرەكە - بىرلىكتى نىعايتۋ. وقۋشىلارعا يدەيالىق جۇمىس جۇرگىزۋدى ماڭداي الدى ورىنعا قويىپ، تياناقتى، ۇتىمدى، ءونىمدى بولۋ تالابىن شىنايى تۇردە ورىنداپ، وقۋشىلاردىڭ يدەياسىنداعى بەلەڭ بەرىپ، بەيىم تانىتقان ماسەلەلەردى دەر كەزىندە شەشىپ، ىشكى ولكەلەردەگى شينجياڭدىق وقۋشىلاردىڭ امان - ساۋ، اقاۋسىز جەتىلۋىنە مۇمكىندىك تۋدىرۋ كەرەك. ۇلتتىق بولشەكتەۋشىلىك پەن ءدىني ۇشقارىلىقتىڭ ءسىڭىپ كىرۋىنەن ساقتانۋدى كورنەكتى مىندەت ەتىپ، «ۇشقارىلىقتى الاستاۋدى» وقۋشىلارعا قىزمەت كورسەتۋ، باسقارۋ جۇرگىزۋدىڭ جالپى بارىسىمەن ساباقتاستىرۋ كەرەك. ۇلتتار ىنتىماعىن جەبەۋدى كۇندەلىكتى تۇرمىسپەن توعىستىرىپ، باستان - اياق ساباقتاستىرىپ، وقۋشىلاردى «بەس تانىمدى» كۇشەيتۋگە جەتەكتەپ، شينجياڭدىق وقۋشىلاردىڭ ىشكى ولكەلەردەگى وقۋشىلارمەن بىرگە ويناپ، بىرگە وقىپ، بىرگە ءجۇرىپ - تۇرىپ، بىرگە جەتىلۋىنە مۇمكىندىك جاساپ، ولاردىڭ كوڭىل جايلاۋىنا ۇلتتار ىنتىماعىنىڭ ءدانىن سەبۋ كەرەك.
«ءۇش رول» دەگەنىمىز «ساياسي جەتەكشى، قىزمەت ەتۋشى جانە باسقارۋشى، شينجياڭدى ۇگىتتەۋشى» بولا ءبىلۋ. ساياسي جەتەكشى بولا ءبىلۋ. «بەس تانىم» تاربيەسىن مىقتاپ يگەرىپ، وقۋشىلاردى ىشكى ولكەلەردەگى وقىتۋشى - ساباقتاستارىنىڭ وزدەرىنە دەگەن سۇيىسپەنشىلىگىن تەرەڭ تۇيسىنۋگە، پارتيا مەن مەملەكەتتىڭ شينجياڭعا دەگەن قولداۋىن سەزىنۋگە تاربيەلەۋ، جەتەلەۋ كەرەك. بولشەكتەۋشىلىككە قارسى، ءسىڭىپ كىرۋگە قارسى ءتالىم - تاربيەنى مىقتاپ يگەرىپ، وقۋشىلاردى ەلىمىزدىڭ ءبىر تۇتاس، كوپ ۇلتتى مەملەكەت رەتىندەگى نەگىزگى جاعدايىن تەرەڭ تانىپ جەتۋگە تاربيەلەۋ كەرەك. ۇلتتار ىنتىماعى تاربيەسىن مىقتاپ يگەرىپ، ۇلتتار ىنتىماعى تاربيەسىن ءبىلىم بەرۋ، قىزمەت كورسەتۋ، باسقارۋدىڭ تۇتاس بارىسىمەن ساباقتاستىرىپ، شينجياڭدىق از ۇلت وقۋشىلارىنىڭ ىشكى ولكەلەردەگى ءار ۇلت وقۋشىلارىمەن ءبىر جاتاقتا جاتىپ، ءبىر ساباقحانادا وقىپ، جۇمىستى تەڭ اتقارىپ، بىرگە شاتتانۋىن جەبەۋ كەرەك. وسى زامانعى مادەنيەتپەن تاربيەلەۋدى مىقتاپ يگەرىپ، وقۋشىلاردى قازىرگى زاماننىڭ العاباسار، اشىق ويلى، باۋىرمال، العىسقا تولى، وركەنيەتتى، عىلمي يدەيالارىن قابىلداپ، ىشكى ولكەلەردەگى ءار ۇلت بالالارىمەن ىرىقتى تۇردە دوستاسۋعا جەتەكتەۋ كەرەك.
جاقسى قىزمەت وتەۋشى، باسقارۋشى بولا ءبىلۋ كەرەك. «قاتاڭ تالاپ قويىپ، قامقورلىق باعىشتاپ، ءاربىر بۋىندى مۇقيات مەڭگەرۋ كەرەك»، وقۋشىلاردى قاتاڭ باسقارۋ، ولارعا قاتاڭ تالاپ قويۋ، قىزمەتتەگى ءادىس - امالعا كوڭىل ءبولۋ، مۇقيات تالداۋ جاساۋ، وقۋشىلاردىڭ اراسىندا تۋىلعان ماسەلەلەردى ورىندى ءبىر جايلى ەتۋ، اماندىق، ورنىقتىلىق قىزمەتىنە وسكەلەڭ ءمان بەرىپ، وقۋشىلاردىڭ اماندىعىن ەشقاشان ەستەن شىعارماۋ كەرەك.
شينجياڭنىڭ جاقسى ۇگىتشىلەرىنەن بولا ءبىلۋ كەرەك. ءتۇرلى ورتا مەن ورايدان تولىق پايدالانىپ، شينجياڭدا بولىپ جاتقان تاريحي وزگەرىستەردى ۇگىتتەۋ، تانىستىرۋ، شينجياڭنىڭ قازىرگى ۇلتتار ىنتىماعى، قوعام ورنىقتىلىعى جاعدايىنىڭ كىسىنى سۇيىندىرەرلىك جاقسى بەتالىسىن ۇگىتتەۋ، ءار ۇلت حالقىنىڭ سۋبيەكتيۆتىك رولىن، ناقتى ءىس تىندىرىپ، شارۋاشىلىق قۇراتىن رۋحاني قالپىن ۇگىتتەۋ، شينجياڭنىڭ اڭگىمەسىن مايىن تامىزا ايتۋ، شينجياڭ اۋەنىن اسقاقتاتۋ، ىشكى ولكەدەگى وقىتۋشىلار مەن وقۋشىلاردىڭ جانە حالىق جۇرتشىلىعىنىڭ شىنايى شينجياڭدى، وزگەرىس بارىسىنداعى شينجياڭدى، ۇمىتكە تولى شينجياڭدى تۇسىنۋىنە مۇمكىندىك جاراتۋ كەرەك.
جاڭ چۇنشيان بىلاي دەپ اتاپ كورسەتتى: ۇيىمدىق باسشىلىقتى كۇشەيتىپ، قىزمەتتەردى تياناقتاندىرۋدى ىلگەرىلەتۋ كەرەك. ىشكى ولكەگە جىبەرىلگەن وقىتۋشىلاردىڭ تۇرمىسىن قامتاماسىز ەتىپ، يگىلىك جاساۋ، باسقارۋ ءتۇزىلىسى مەن تالاپتاردى ايقىنداۋ، سايكەستىرۋ پۋنكتىنىڭ رولىن تولىق ساۋلەلەندىرۋ، ۇگىت ارقىلى جەتەكشىلىك ەتۋدى كۇشەيتىپ، قىزمەتتەردى تياناقتاندىرۋدى ىلگەرىلەتۋ كەرەك. ءار دارەجەلى قاتىستى تاراۋلار وسكەلەڭ ءمان بەرىپ، تىعىز سايكەسىپ، ماسەلەلەردى دەر كەزىندە زەرتتەپ شەشىپ، قىزمەتتى توقتاۋسىز العا ىلگەرىلەتۋى كەرەك.جاڭ چۇنشيان بىلاي دەپ اتاپ كورسەتتى: ىشكى ولكەگە جىبەرىلگەن وقىتۋشىلار شينجياڭنىڭ قوعام ورنىقتىلىعى مەن باياندى تىنىشتىعى نىساناسىن جۇزەگە اسىرۋدا ماڭىزدى تاريحي مىندەت ارقالاپ وتىر، اۆتونوميالى رايوندىق پارتكوم كوپشىلىككە ۇلكەن ءۇمىت ارتىپ وتىر، شينجياڭداعى ءار ۇلت حالقى كوپشىلىكتەن زور ءۇمىت كۇتىپ وتىر. مەن ىشكى ولكەگە جىبەرىلگەن وقىتۋشىلاردىڭ ساياسيدى مىقتى يگەرىپ، ساياسي سەزىمتالدىقتارىن ارتتىرىپ، ۇلكەن دۇرىس پەن ۇلكەن بۇرىس ماسەلەسىنە ءدوپ كەلگەندە ءوز مايدانىندا بۇلجىماي تاباندى بولىپ، جەتەكشىلىك ەتۋ، ۇلگى بولۋ رولىن ساۋلەلەندىرۋىن؛ قىزمەتتى بار ىنتا - پەيلىمەن كىرىسىپ ىستەپ، باتىلدىقپەن ىزدەنىس جاساپ، قىزمەت وتەۋدى كورنەكتىلەندىرىپ، قىزمەت وتەۋ، كومەك بەرۋ بارىسىندا وقۋشىلاردىڭ سەنىمىنە يە بولۋلارىن؛ وسى قىمباتتى ورايدى مىقتى يگەرىپ، وزىنە جۇكتەلگەن مىندەتتى جان - جاقتى قابىلەتىن وسىرۋدەگى تاپتىرماس وراي رەتىندە قاراپ، ىشكى ولكەنىڭ وقۋ - اعارتۋ جاعىنداعى وزىق كوزقاراستارى مەن تاجىريبەلەرىن دەن قويا ۇيرەنىپ، ۇلگى الۋلارىن، ىشكى ولكەدەگى وقىتۋشىلارمەن ءوزارا ۇيرەنۋ، ءوزارا اۋىس - كۇيىس جاساۋدى كۇشەيتۋلەرىن، وزدەرىنىڭ كاسىپتىك ساپاسى مەن كاسىپتىك قابىلەتتەرىن تىنباي جوعارىلاتىپ وتىرۋلارىن؛ وزدەرىنە ءارقاشان قاتاڭ تالاپ قويىپ، ۇيىمنىڭ ورنالاستىرۋى مەن مەكتەپتىڭ باسقارۋىنا سانالى تۇردە بويسۇنۋلارىن، اۋىر مىندەتتى ارقالاپ، تالانتتارىن مۇمكىندىكتىڭ بارىنشا ايگىلەپ، كەسەك ناتيجە جاراتۋعا تالپىنۋلارىن ءۇمىت ەتەمىن.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقارعاندا مىنالاردى تالاپ ەتتى: جەر - جەر، تاراۋلار ىشكى ولكەلەردەگى وقۋشىلارعا كومەك كورسەتۋگە، ولاردى باسقارۋعا وقىتۋشى جىبەرۋ قىزمەتىنىڭ ماڭىزدىلىعىن جەتە تانىپ، يدەيا مەن ارەكەتتەرىن اۆتونوميالى رايوندىق پارتكومنىڭ كەلەلى ورنالاستىرۋلارىمەن بىرلىككە كەلتىرۋلەرى، جاڭ چۇنشيان شۋجيدىڭ ماڭىزدى سوزىندەگى باي مازمۇنداردى، قىزمەت تۇيىندەرىن جانە امالياتتىق تالاپتارىن ءىس جۇزىندىك قىزمەت بارىسىندا دايەكتى تياناقتاندىرىپ، قىزمەت ءتۇيىنىن كورنەكتىلەندىرىپ، «3 رولدى» ويداعىداي ساۋلەلەندىرۋى، باسشىلىقتى كۇشەيتىپ، ناقتى ونىمدىلىككە قول جەتكىزۋگە كەپىلدىك ەتۋلەرى كەرەك.
ىشكى ولكەلەردەگى وقۋشىلارعا قىزمەت كورسەتۋ، ولاردى باسقارۋ جونىندەگى سايكەستىرۋ پۋنكتتەرىنىڭ باستىقتارىنىڭ ۋاكىلى ءدىلشات ابدۇراحمان، جوعارى مەكتەپتەردەن ىشكى ولكەگە جىبەرىلگەن وقىتۋشىلاردىڭ ۋاكىلى ابىلەكىم اسەن، ورتا مەكتەپتەردەن ىشكى ولكەگە جىبەرىلگەن وقىتۋشىلاردىڭ ۋاكىلى بۋ رۇيلياندار ىلگەرىندى - كەيىندى ءسوز سويلەدى. ولار اعىنان اقتارىلىپ، باتىل پوزيتسيا ءبىلدىرىپ، ىشكى ولكەگە جىبەرىلگەن وقىتۋشىلاردىڭ وسى قىزمەتكە دەگەن تەرەڭ اسەرىن اڭگىمەلەپ، شينجياڭ رۋحى مەن «تورتتە جاقسى وقىتۋشىلاردىڭ» جاندى وبرازىن ايگىلەدى. كوپشىلىك پارتيا مەن ۇكىمەتتىڭ كۇتكەن ءۇمىتىن اقتاپ، قىزمەتتى ىجداعاتتىلىقپەن ىستەپ، تيەسىلى ۇلەستەرىن قوساتىندىقتارىن ءبىلدىردى.
دۋ قول شاپالاق ءۇنى ىشىندە جاڭ چۇنشيان ىشكى ولكەگە جىبەرىلگەن وقىتۋشىلارعا تۋ تابىس ەتتى. بيىل شينجياڭنىڭ وقۋ - اعارتۋ جۇيەسىنەن ساتىلار بويىنشا تاڭدالىپ شىققان 1900گە جۋىق ءار ۇلت وقىتۋشىسى جاڭا وقۋ ماۋسىمى باستالاردان بۇرىن ەلىمىزدەگى ءارقايسى ولكە، رايون، قالالارعا بارىپ قىزمەت ورىستەتۋگە اتتانادى. رايونىمىز 2020 - جىلعا دەيىن ىشكى ولكەگە جيىنى 7200 وقىتۋشى جىبەرۋدى جوسپارلاپ وتىر.
اۆتونوميالى رايوننىڭ باسشىلارىنان نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي، وقۋ - اعارتۋ مينيسترلىگىنىڭ ورىنباسار باستىعى جۋ جى - ۋىن ماجىلىسكە قاتىناستى.
15 - تامىزدا اۆتونوميالى رايوننىڭ ىشكى ولكەلەردەگى وقۋشىلارعا قىزمەت كورسەتۋگە، باسقارۋ جۇرگىزۋگە جىبەرىلگەن وقىتۋشىلاردى اتتاندىرۋ جينالىسى شينجياڭ حالىق سارايىندا اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ىشكى ولكەلەردەگى وقۋشىلارعا قىزمەت كورسەتۋ، باسقارۋ جۇرگىزۋ جونىندەگى سايكەستىرۋ پۋنكتتەرى باستىقتارىنىڭ ۋاكىلدەرىنە تۋ تابىس ەتتى.سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
