- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىزگى نيەت، شىن پەيىلىمىزبەن وقۋشىلاردىڭ ەسەيىپ - ەرجەتۋىندەگى جول باستاۋشىسى بولامىز
− ىشكى ولكەلەرگە جىبەرىلگەن قىزمەت كورسەتۋشى، باسقارۋشى وقىتۋشىلار بورىشتى ەستەن شىعارماي، ماڭىزدى تاپسىرمانى ورىندايتىندىقتارىن ءبىلدىردى
2016.08.17 10:31 كەلۋ قاينارى : شينجياڭ گازەتى
15 - تامىزدا اۆتونوميالى رايون ىشكى ولكەلەرگە جىبەرىلگەن قىزمەت كورسەتۋشى، باسقارۋشى وقىتۋشىلاردى اتتاندىرۋ جينالىسىن اشتى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اتتاندىرۋ جينالىسىنا قاتىناستى ءارى ءسوز سويلەپ، ىشكى ولكەلەرگە جىبەرىلگەن قىزمەت كورسەتۋشى، باسقارۋشى وقىتۋشىلارعا شىنايى ءۇمىت ارتتى. تەرەڭ شابىت العان وقىتۋشىلار بورىشتى ەستەن شىعارماي، ماڭىزدى تاپسىرمانى ورىنداپ، ىزگى نيەت، شىن پەيىلمەن ىشكى ولكەلەردەگى شينجياڭدىق وقۋشىلاردى تاربيەلەۋ، باسقارۋ، ولارعا قىزمەت كورسەتۋ قىزمەتىن جاقسى ىستەپ، وقۋشىلاردىڭ ەسەيىپ - ەرجەتۋ بارىسىنداعى جول باستاۋشىسى بولىپ، ناقتى ءىس - ارەكەتتەرىمەن اۆتونوميالى رايوندىق پارتكومعا، ۇكىمەتكە قاناعاتتانارلىق جاۋاپ قايتاراتىندىقتارىن ءبىلدىرىستى.
شينجياڭ ۋنيۆەرسيتەتى باتىس سولتۇستىك از ۇلتتار زەرتتەۋ ورتالىعىنىڭ مەڭگەرۋشىسى ابىلەكىم اسەن بىلاي دەدى: «پارتيا باۋلىپ - جەتىلدىرگەن از ۇلت وقىتۋشىسىمىن، پارتيانىڭ ۇلتتىق وقۋ - اعارتۋ ساياساتىنىڭ تىكەلەي پايداسىن كورۋشىمىن. وسى رەتتە ۇيىمنىڭ مەنى ىشكى ولكەلەرگە بارىپ وقۋشىلارعا قىزمەت كورسەتۋ، باسقارۋ جۇرگىزۋ قىزمەتىن ىستەۋگە جىبەرۋى مەن ءۇشىن ايتقاندا ءبىر جولعى ماڭىزدى سىناق، مەن، ءسوز جوق، جاڭا قىزمەت پەن تۇرمىس ورتاسىنا تەز ۇيرەنىپ، قويان - قولتىق ارالاسىپ، ىشكى ولكەلەردەگى شينجياڭ كلاسىن اشقان مەكتەپتەر مەن سايكەستىرۋ پۋنكتتەرىنىڭ قىزمەت ورنالاستىرۋىنا، كۇندەلىكتى باسقارۋىنا باتىل بويسۇنىپ، ىشكى ولكەلەردەگى شينجياڭدىق وقۋشىلارعا قىزمەت كورسەتۋ، باسقارۋ، تاربيەلەۋ قىزمەتىن جاقسى ىستەۋگە قۇلشىنامىن». حوتان قالالىق 5 - ورتا مەكتەپتىڭ وقىتۋشىسى بۋ رۇيليان 2005 - جىلى شاندۇڭ ولكەسى جي - نيڭ قالالىق يۇيساي ورتا مەكتەبىندە ءبىر جىل قىزمەت كورسەتۋشى، باسقارۋشى وقىتۋشى بولىپ ىستەگەن. ءبىر جىلدا ول بالالارمەن بىرگە ۇيرەنىپ، بىرگە تۇرمىس كەشىرىپ، قيىنشىلىقتاردى جەڭىپ، قۋانىشتارىن ءبولىسىپ، ۇستاز بەن وقۋشىلار اراسىندا تەرەڭ سۇيىسپەنشىلىك ورناتىپ ەدى. بيىل بۋ رۇيليان تاعى تىزىمدەلىپ، ىشكى ولكەلەرگە قىزمەت كورسەتۋشى، باسقارۋشى وقىتۋشى بولىپ جىبەرىلدى. بۋ رۇيليان بىلاي دەدى: «بالالاردىڭ كوبى شەتكەرى، شالعاي وڭىرلەردەن كەلگەن، العاش رەت اۋىلدارىنان ۇزاپ شىعىپ وتىر، ءتىل جاعىندا قينالۋ، تۇرمىسقا ۇيلەسپەۋ، جالعىزسىراۋ، قۇلازۋ سياقتى جايتتەر ۇنەمى بولىپ تۇرادى. مەن بورىشتى ەستەن شىعارماي، اۆتونوميالى رايوندىق پارتكومنىڭ، ۇكىمەتتىڭ ماڭىزدى تاپسىرماسىن جەردە قالدىرماي، قاتاڭ، مەيىرىمدى، مۇقيات بولىپ، ولاردىڭ تۇرمىس پەن ۇيرەنۋدەگى قيىنشىلىقتاردى جەڭۋىنە كومەكتەسىپ، وقۋشىلاردى قول ۇستاسۋعا، دوستاسۋعا جەتەكتەپ، ءوزارا ىقپالداستىقتى كۇشەيتىپ، وقۋشىلاردىڭ ساياسي جەتەكشىسى، قىزمەت كورسەتىپ باسقارۋشىسى بولىپ، ولاردى ومىردەگى العاشقى قادامدى دۇرىس باسۋعا جەتەكتەيمىن».
اۆتونوميالى رايوندىق وقۋ - اعارتۋ مەڭگەرمەسىنىڭ شارلاۋشىسى، ىشكى ولكەلەردىڭ شينجياڭدىق وقۋشىلاردى تاربيەلەۋ، ولارعا قىزمەت كورسەتۋ، ولاردى باسقارۋ قىزمەتىنىڭ جياڭسۋ ولكەسىندەگى سايكەستىرۋ پۋنكتىنىڭ باستىعى جاڭ جيە بىلاي دەدى: سايكەستىرۋ پۋنكتى ىشكى ولكەلەرگە جىبەرىلگەن قىزمەت كورسەتۋشى، باسقارۋشى وقىتۋشىلارمەن بىرگە ۇلتتار ىنتىماعىن جەبەۋ قىزمەتىن كۇندەلىكتى ىستەرمەن باستان - اياق توعىستىرىپ، ىشكى ولكەلەردەگى شينجياڭدىق وقۋشىلاردى «بەس ورتاق تانىمدى» كۇشەيتىپ، ىشكى ولكەلەردەگى بالالارمەن بىرگە ويناپ، بىرگە ۇيرەنىپ، بىرگە تۇرمىس كەشىرىپ، بىرگە ەسەيىپ، جۇرەكتەرىنە ۇلتتار ىنتىماعىنىڭ ۇرىعىن ەگۋگە جەتەكتەيدى.
قاشقار ايماقتىق 6 - ورتا مەكتەپتىڭ وقىتۋشىسى ءازيزا پازىل بىلاي دەدى: «ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، قاشقاردا، وتە - موتە، مەكتەپتەردە اسا زور وزگەرىستەر جارىققا شىقتى. قازىر ءبىز جاقتا ەڭ تاماشا قۇرىلىس مەكتەپتىڭ وقىتۋ عيماراتى، جۇرتتىڭ ەڭ كوپ تىلگە الاتىن تاقىرىبى ىشكى ولكەلەردەگى شينجياڭ ورتا مەكتەپ كلاستارى، شينجياڭ ىشىندەگى ارناۋلى ورتالاۋ مەكتەپ كلاستارى، جۇرتشىلىقتىڭ جان الەمىن العىس سەزىمى كەرنەيدى». ول مىنانى ايتتى: تاپسىرمانى، ءسوز جوق، ەستە ساقتاپ، وقۋشىلاردى تاربيەلەۋمەن، باسقارۋمەن، ولارعا قىزمەت كورسەتۋمەن قاتار، ءار ءتۇرلى ورىن مەن ورايدان تولىق پايدالانىپ، شينجياڭدا جارىققا شىققان تاريحي وزگەرىستەردى، شينجياڭنىڭ قازىرگى ۇلتتارى ىنتىماقتى، قوعامى ورنىقتى اسا تاماشا جاعدايىن كۇش سالا ۇگىتتەپ، ىشكى ولكەلەردەگى وقىتۋشى - وقۋشىلار مەن بۇقارانىڭ شىنايى شينجياڭدى، وزگەرگەن شينجياڭدى، ۇمىتكە تولى شينجياڭدى تۇسىنۋىنە، ىشكى ولكەلەردەن ءتىپتى كوپ دوستاردىڭ شينجياڭعا كەلىپ قوناق بولۋىنا مۇمكىندىكتەر تۋدىرامىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
