- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو ج ك پ اۆتونوميالى رايوندىق 9 - كەزەكتى كوميتەتىنىڭ ءبىرىنشى جالپى ماجىلىسىندە
سوتسياليستىك شينجياڭ قۇرۋدىڭ كەلەلى تاريحي مىندەتىن ارقالاپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن ۇزدىكسىز اشۋدى باسا دارىپتەدى
2016.11.04 10:34 كەلۋ قاينارى : شينجياڭ گازەتى
ءتىلشىمىز ياۋ تۇڭ 2 - قاراشادا ۇرىمجىدەن حابارلايدى. 2 - قاراشا تۇستەن كەيىن ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ءبىرىنشى جالپى ءماجىلىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى جانە ءسوز سويلەدى. ول مىنالاردى باسا دارىپتەدى: اۆتونوميالى رايوننىڭ جاڭا كەزەكتى پارتكومى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايونداعى ءار ۇلت كادرلارى مەن جۇرتشىلىعىن ىنتىماقتاستىرىپ، باستاپ، ءورىس اشا ىلگەرىلەپ، قاجىرلىلىقپەن قىزمەت ىستەپ، ج ك پ اۆتونوميالى رايوندىق 9 - قۇرىلتايى بەلگىلەگەن نىسانالار مەن مىندەتتەردى قۇلشىنا ورىنداپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن اشۋ كەرەك.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى. اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى ماجىلىسكە سىرتتاي قاتىناستى.
چىن چۋانگو مىنالاردى اتاپ كورسەتتى: قازىردەن باستاپ، ج ك پ اۆتونوميالى رايوندىق 9 - كەزەكتى كوميتەتى 8 - كەزەكتى كوميتەتتىڭ قىزمەتىن رەسمي وتكىزىپ الىپ، بۇكىل رايونداعى قالىڭ پارتيالى كادرلار مەن ءار ۇلت حالقىن ىنتىماقتاستىرىپ، باستاپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋدىڭ كەلەلى تاريحي مىندەتىن ارقالادى، بۇل پارتيا ورتالىق كوميتەتىنىڭ بىزدەن كۇتكەن ىقىلاستى ءۇمىتى، ءداۋىردىڭ بىزگە جۇكتەگەن قاسيەتتى بورىشى، سونداي - اق بۇكىل رايونداعى ءار ۇلت حالقىنىڭ بىزگە تاپسىرعان سالماقتى مىندەتى.
چىن چۋانگو مىنالاردى اتاپ كورسەتتى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭ جاڭا تاريحي باستاماعا قادام قويدى. ءبىز، ءسوز جوق، پارتيا ورتالىق كوميتەتىنىڭ پارمەندى باسشىلىعىندا، اسا كۇشتى ساياسي جاۋاپكەرشىلىك سەزىمدە جانە تاريحي بورىشتىلىق سەزىمدە بولا وتىرىپ، بار جىگەر - قايراتىمىزبەن قىزمەتكە جانە كاسىپكە كىرىسىپ، اۋەلگى ماقساتتى ۇمىتپاي، جۇكتەلگەن بورىشتى اقتاپ، ادالدىقپەن جاۋاپكەرشىلىك ارقالاپ، ءوز قىزمەت مىندەتىمىزدى تولىق ورىنداپ، قايراتتانا العا ۇمتىلىپ، جىگەرلەنە ءىس تىندىرىپ، بۇكىل رايونداعى ءار ۇلت كادرلارى مەن جۇرتشىلىعىن ىنتىماقتاستىرىپ، باستاپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن قۇلشىنا اشۋىمىز كەرەك.
ءبىرىنشى، ۇلى تۋدى بۇلجىتپاي بيىك ۇستاۋ كەرەك. جۇڭگوشا سوتسياليزم ۇلى تۋىن بيىك ۇستاپ، كوممۋنيستىك مۇرات پەن سوتسياليستىك سەنىمدى بەكەمدەپ، جۇڭگوشا سوتسياليزم جولىنا دەگەن سەنىمگە، نازارياسىنا دەگەن سەنىمگە، تۇزىمىنە دەگەن سەنىمگە، مادەنيەتىنە دەگەن سەنىمگە تاباندى بولۋ كەرەك. «4 تانىمدى» اسىرەسە، ۇيتقى تانىمىن، ساپ تۇزەۋ تانىمىن شىنايى كۇشەيتىپ، يدەيا مەن ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلىن باتىل قورعاۋ كەرەك. ساياسي ءتارتىپ پەن ساياسي قاعيداعا قاتاڭ بويسۇنۋ، جەمقورلىققا قارسى تۇرۋ كۇرەسىنىڭ تارتىبىنە قاتاڭ بويسۇنۋ كەرەك.
ەكىنشى، قوعام ورنىقتىلىعىن بۇلجىتپاي قورعاۋ كەرەك. قوعام ورنىقتىلىعى مەن باياندى تىنىشتىق باس نىساناسىن بەرىك ورناتىپ، اسا كۇشتى قىراعىلىقتى ساقتاپ، ساقتىق دابىلىن قاعىپ، كوپ شارالاردى قاتار ىسكە قوسىپ، كەشەندى شارا قولدانىپ، ەرتە باستان، ۇساق ىستەردەن باستاپ جەدەل، جاقسى يگەرىپ، ءبىر جاعىنان، زورلىقتى كۇش لاڭكەستەرگە، قىلمىستىق توپتارعا جانە زاڭسىز ۇيىمدارعا زاڭ بويىنشا قاتاڭ سوققى بەرۋدى يگەرىپ، ەندى ءبىر جاعىنان، مۇمكىندىكتىڭ بارىنشا جۇرت تىلەگىن توعىستىرىپ، بۇكىل رايونداعى ءار ۇلت بۇقاراسىن تىعىز ىنتىماقتاستىرىپ، قاتاڭ سوققى بەرۋدىڭ ارنايى كۇرەسىن ۇزدىكسىز ورىستەتىپ، ورنىقتىلىقتى قورعاۋ شارالارىن كەمەلدەندىرىپ، تياناقتاندىرىپ، قوعامدىق جالپى جاعدايدىڭ جاراسىمدى ورنىقتىلىعىن ساقتاۋ كەرەك.
ءۇشىنشى، رەفورمانى، دامۋدى بۇلجىتپاي ىلگەرىلەتۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى 5 ءىرى دامۋ يدەياسىن بەرىك ورناتىپ، ەكونوميكالىق دامۋدىڭ جاڭا قالىبىنا بەلسەنە ۇيلەسىپ، قامداۋ جاعىنداعى قۇرىلىمدىق رەفورمانى بار كۇشپەن ىلگەرىلەتىپ، جىبەك جولى ەكونوميكالىق بەلدەۋىندەگى وزەكتى رايوندى جەدەل قۇرىپ، ءتۇزىلىس، مەحانيزم رەفورماسىن تەرەڭدەتىپ، ىشكە، سىرتقا ەسىك اشۋدى كەڭەيتىپ، ەرەكشە، باسىم كاسىپ سالالارىن الۋەتتەندىرىپ، نەگىزدىك قۇرىلعى قۇرىلىسىن كۇشەيتىپ، دامۋدى جاڭالىق اشۋ ارقىلى جەبەۋ ستراتەگياسىن اتقارىپ، جاڭاشا قالا - قالاشىقتاندىرۋدى بەلسەنە، ورنىقتى ىلگەرىلەتىپ، جاڭاشا اۋىل - قىستاق قۇرىلىسىن جەدەلدەتىپ، شينجياڭنىڭ اناعۇرلىم تەز، اناعۇرلىم جاقسى دامۋىن جەبەپ، دامۋدى حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ىنتىماقتى نىعايتۋ جاقتارىندا شىنايى تياناقتاندىرۋ كەرەك. ءتورتىنشى، حالىق تۇرمىسىن بۇلجىتپاي قامتاماسىزداندىرۋ، جاقسارتۋ كەرەك. ءار ۇلت حالقىنىڭ اماندىعىن، مۇڭ - مۇقتاجىن قاشاندا كوڭىلدىڭ تورىنە قويىپ، حالىق تۇرمىسىن الدىمەن ويلاستىرۋعا، حالىقتى نەگىز ەتۋگە تاباندى بولىپ، ءار جىلى حالىققا پايدالى، حالىققا ءتيىمدى ناقتى ىستەردى، جاقسى ىستەردى ۇزدىكسىز ىستەپ، جۇمىسقا ورنالاستىرۋ ارقىلى حالىققا تيىمدىلىك جاساۋ، وقۋ - اعارتۋ ارقىلى حالىققا تيىمدىلىك جاساۋ، ەمدەۋ ارقىلى حالىققا تيىمدىلىك جاساۋ، قوعامدىق قامتاماسىزداندىرۋ ارقىلى حالىققا تيىمدىلىك جاساۋ، كەدەيلەردى سۇيەمەلدەۋ ارقىلى حالىققا تيىمدىلىك جاساۋ، بەيقۇت ءۇي سالۋ ارقىلى حالىققا تيىمدىلىك جاساۋ، مەيىر - شاپاعات ارقىلى حالىققا تيىمدىلىك جاساۋ، شەكارانى گۇلدەندىرۋ ارقىلى حالىققا تيىمدىلىك جاساۋ، حاۋىپسىزدىككە كەپىلدىك ەتۋ ارقىلى حالىققا تيىمدىلىك جاساۋ سياقتى حالىققا ءتيىمدى ينجەنەريالاردى كۇش سالا ىلگەرىلەتىپ، ءار ۇلت حالقىن رەفورما، دامۋ، ورنىقتىلىق تابىستارىنان ءتىپتى دە مول، ءتىپتى دە پارمەندى يگىلىكتەندىرۋ، قالىڭ كادرلار مەن جۇرتشىلىققا پارتيا ورتالىق كوميتەتىنىڭ قامقورلىعى مەن مەيىر - شاپاعاتىن شىنايى سەزىندىرۋ كەرەك.
بەسىنشى، ۇلتتار ىنتىماعىن بۇلجىتپاي بەكەمدەۋ كەرەك. پارتيانىڭ ۇلت ساياساتىن جاپپاي تياناقتاندىرىپ، ۇلتتار ىنتىماعىن قاشاندا ءار ۇلت حالقىنىڭ جان تامىرى ەتىپ، از ۇلت كادر - دارىندىلارىن باۋلىپ، جاقسى ىستەتىپ، ۇلتتار ىنتىماعى ۇگىت - تاربيەسىن، ۇلتتار ىنتىماعى، العاباسارلىعىندا وزات ورىن قۇرۋدى جانە «ۇلتتار ىنتىماعىنىڭ بەرەكەلى شاڭىراعى» قيمىلىن بەلسەنە ورىستەتىپ، ءار ۇلتتىڭ ارالاسۋىن، ىشتەسۋىن، توعىسۋىن، جاراسىمدى تاتۋلىعىن، قيىنشىلىقتى بىرگە جەڭىپ، جاراسىمدى دامۋىن جەبەپ، ۇلتتار ىنتىماعىنىڭ ۇلگىلى رايونىن قۇلشىنا قۇرۋ كەرەك.
التىنشى، ءدىن جاراسىمدىلىعىن بۇلجىتپاي جەبەۋ كەرەك. پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، پارتيانىڭ ءدىني سەنىم ەركىندىگى ساياساتىن تياناقتاندىرىپ، ءدىن ىستەرىن زاڭ بويىنشا باسقارىپ، دەربەس ءوزىن - ءوزى باسقارۋ، ءوز ءىسىن ءوزى ىستەۋ پرينسيبىندە تاباندى بولىپ، زاڭدىلارىن قورعاۋعا، زاڭسىزدارىنا تيىم سالۋعا، ۇشقارىلىقتى تەجەۋگە، كەۋلەپ كىرۋدەن ساقتانۋعا، قىلمىسقا سوققى بەرۋگە تاباندى بولىپ، مەشىتتەرگە جانە ءدىني قيمىلدارعا باعىتتالعان تاربيەنى، باسقارۋدى، قىزمەت وتەۋدى كۇشەيتىپ، وتانشىل ءدىني قايراتكەرلەردى باۋلۋدى، ايالاۋدى جانە ولارعا قامقورلىق كورسەتۋدى كۇشەيتىپ، ءدىندى سوتسياليستىك قوعاممەن سايكەسۋگە جەتەكتەۋ كەرەك.
جەتىنشى، شينجياڭدى زاڭمەن جونگە سالۋدى بۇلجىتپاي ىلگەرىلەتۋ كەرەك. پارتيانىڭ باسشىلىعىندا سوتسياليستىك دەموكراتيالىق ساياسيدى دامىتۋعا تاباندى بولىپ، مەملەكەتتى زاڭمەن جونگە سالۋدى تياناقتاندىرىپ، شينجياڭدى زاڭمەن جونگە سالۋدى ىلگەرىلەتىپ، نەگىزگى زاڭ مەن زاڭداردىڭ بەدەلىن باتىل قورعاپ، زاڭمەن جونگە سالىناتىن ۇكىمەت قۇرىلىسىن جەدەلدەتىپ، عىلمي جولمەن زاڭ شىعارىپ، زاڭدى قاتاڭ اتقارىپ، ءادىليادا ءادىل بولىپ، زاڭمەن جونگە سالۋ ويىمەن جانە زاڭمەن جونگە سالۋ تاسىلىمەن ورنىقتىلىقتى قورعاۋعا، دامۋدى جەبەۋگە شەبەر بولىپ، ءار ۇلت حالقىنىڭ دەموكراتيالىق ۇقىقتارىن تولىق قامتاماسىز ەتىپ، وتانشىلدىق بىرلىكساپتى ۇزدىكسىز ۇلعايتىپ، ءار ۇلت، ءار سالانىڭ قۇدىرەتتى بىرىككەن كۇشىن توپتاۋ كەرەك.
سەگىزىنشى، وزىق مادەنيەتتى بۇلجىتپاي ساۋلەلەندىرۋ كەرەك. ماركسيزمنىڭ جەتەكشى ورنىنا تاباندى بولىپ، سوتسياليستىك مادەنيەتتىڭ العا باسۋ بەتالىسىنا تاباندى بولىپ، جۇڭگوشا سوتسياليزم، سوتسياليستىك وزەكتى قۇن كوزقاراسى جانە جۇڭگو ارمانى ارقىلى ءار ۇلت بۇقاراسىن پارتيانى، وتاندى، سوتسياليزمدى سۇيۋگە تاربيەلەپ، جەتەكتەپ، ۇگىت، يدەيا، مادەنيەت شەبىن بەكەم يەلەۋ، ءدىني ۇشقارى يدەيا مەن ۇلتتىق بولشەكتەۋشىلىكتىڭ كەۋلەپ كىرۋىن باتىل توسۋ، مادەنيەت ءتۇزىلىسى مەن مەحانيزمىنە رەفورما جاساۋدى تەرەڭدەتۋ، ۇلتتاردىڭ تاڭداۋلى مادەنيەتىن ساۋلەلەندىرۋ جانە وعان مۇراگەرلىك ەتۋ، مادەنيەت ىستەرى مەن مادەنيەت كاسىبىن دامىتۋ جانە وركەندەتۋ، ءار ۇلت حالقىنا ورتاق رۋحاني مەكەن قۇرۋ كەرەك.
توعىزىنشى، كورىكتى شينجياڭ قۇرۋ قۇرىلىسىن بۇلجىتپاي اتقارۋ كەرەك. ەكولوگيانى قورعاۋدى ماڭداي الدى ورىنعا قويۋدان جازباي، دامۋدى ەكولوگيانىڭ حاۋىپسىزدىگىنە كەپىلدىك ەتۋ نەگىزىندە ىلگەرىلەتىپ، جاسىل دامۋعا، اينالمالى دامۋعا، تومەن كومىرتەكتى دامۋعا تاباندى بولىپ، ەكولوگيانى قورعاۋ قۇرىلىسىن كۇشەيتىپ، لاستانۋدىڭ الدىن الۋ جانە ونى تىزگىندەۋ تەبىنىن ارتتىرىپ، سۋ بايلىعىن باسقارۋدى قاتايتىپ، «ءۇش جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا جانە كەن بايلىعىن اشۋ ىستەرىن اۆتونوميالى رايوندىق ۇكىمەت تى−كە قاراۋ - بەكىتۋ ءتۇزىمىن ورناتىپ، قورشاعان ورتانى قورعاۋ بويىنشا «ءبىر داۋىسپەن تەرىستەۋدى» جولعا قويىپ، ءوندىرىسى دامىعان، تۇرمىسى ىرعىن، ەكولوگياسى تاماشا بولعان وركەنيەتتى دامۋ جولىنان اۋىتقىماي، تابيعاتى اسەم، گۋمانيتارلىق مادەنيەتى مايەكتى، جاراسىم−دى دا قونىستانۋعا جايلى، جاسىل دا تومەن كومىرتەكتى كورىكتى شينجياڭ قۇرۋعا قۇلشىنۋ كەرەك.ونىنشى، پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋ كەرەك. پارتيانى پارتيا باسقارۋعا، پارتيانى جاپپاي قاتاڭ جونگە سالۋعا قاشاندا تاباندى بولىپ، جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر مەن پارتيا ىشىندەگى باقىلاۋ ەرەجەسى سياقتى پارتيا ىشىندەگى زاڭ - ەرەجەلەردى مۇقيات تياناقتاندىرىپ، پارتكومنىڭ جالپى جاعدايدى جالپىلىق جاقتان مەڭگەرۋدەگى، تاراپتاردى سايكەستىرۋدەگى باسشىلىق ۇيتقىلىق رولىن تولىق ساۋلەلەندىرىپ، ءار دارەجەلى باسشىلىق القالارىنىڭ قۇرىلىسى مەن كادرلار قوسىنى قۇرىلىسىن، نەگىزگى ساتىنىڭ ۇيىمدىق قۇرىلىسى مەن نەگىزگى ساتىنىڭ بيلىك قۇرىلىسىن كۇشەيتىپ، ستيل قۇرىلىسىن نىعايتىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ىشكەرىلەي ورىستەتىپ، ستيلى پاك، سالتى دۇرىس ساي−اس−ي ەكولوگيا قالىپتاستىرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدى پارمەندى قامتاماسىزداندىرۋ كەرەك.
چىن چۋانگو سوڭىندا مىنالاردى باسا دارىپتەدى: ءبىر جاعادان باس، ءبىر جەڭنەن قول شىعارىپ ۇلى ءىس تىندىرىپ، بولاشاققا ەكپىندى دە ەرشىمدى قاداممەن ۇمتىلۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭدى زاڭ بويىنشا جونگە سالۋعا، ىنتىماقتاسا شينجياڭدى ورنىقتىرۋعا، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنىپ − كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قاجىرلىلىقپەن كۇرەس جاساپ، رايونىمىزداعى ءار ۇلت حالقى ريزا بولاتىن ءىس تىندىرۋعا قۇلشىنايىق!
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ءبىرىنشى جالپى ءماجىلىسى 2 - قاراشادا ۇرىمجىدە وتكىزىلدى، اۆتونوميالى رايوندىق جاڭا كەزەكتى پارتكوم باسشىلىق قۇرىلىمى سايلاندى. چىن چۋانگو (سولدان 7 - ) اۆتونوميالى رايوندىق پارتكومنىڭ شۋجيلىگىنە سايلاندى، شوكىرات زاكىر (وڭنان 7 - )، سۇن جينلۇڭ (سولدان 6 - )، جۋ حايلۇن (وڭنان 6 - )، لي پىڭشين (سولدان 5 - ) اۆتونوميالى رايوندىق پارتكومنىڭ ورىنباسار شۋجيلىگىنە سايلاندى، شاۋكەت يمىن (وڭنان 5 - )، ەركىنجان تۇراحۇن (سولدان 4 - )، شۇي حايرۇڭ (وڭنان 4 - )، لي شۋەجۇن (سولدان 3 - )، ەركىن تۇنياز (وڭنان 3 - )، ما شۋەجۇن (سولدان 2 - )، پىڭ جيارۇي (وڭنان 2 - )، تيان ۋىن (سولدان 1 - )، سارقىت اقان ۇلى (وڭنان 1 - ) اۆتونوميالى رايوندىق پارتكومنىڭ تۇراقتى مۇشەلىگىنە سايلاندى. سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
