- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۇن جينلۇڭ قاراقاش اۋدانىندا جۇپ قۇراپ، تۋىس بولعان باۋىرلاسى احمەت ماحسۇتتىڭ ۇيىنە امانداسا باردى
ءجيى بارىس - كەلىس جاساپ تۇرايىق، ءبىر ءۇيلى جاندارداي تاتۋ - ءتاتتى وتەيىك
2016.11.09 09:33 كەلۋ قاينارى : شينجياڭ گازەتى
ەرىكتى ءتىلشى فىڭ جۇن 7 - قاراشادا قاراقاشتان حابارلايدى. اۆتونوميالى رايوندىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قيمىلى ماڭىزدى شاراسىن تياناقتاندىرۋ، وزدەرى باستاپ ءار ۇلت حالقىمەن جۇپ قۇراپ، تۋىس بولۋ، بارىس - كەلىس جاساۋ ءۇشىن، 6 - قاراشادا اۆتونوميالى رايوندىق پارتكومنىڭ ورىنباسار شۋجيى، ءوندىرىس - قۇرىلىس بيڭتۋانى پارتكومىنىڭ شۋجيى، ساياسي كوميسسارى سۇن جينلۇڭ وزىمەن جۇپ قۇراپ، تۋىس بولعان حوتان ايماعى قاراقاش اۋدانى بۇرشاقشى اۋىلى باشبۇرشاقشى قىستاعىندا تۇراتىن احمەت ماحسۇتتىڭ ۇيىنە ارنايى امانداسا باردى. ول احمەتپەن جانە ونىڭ وتباسىنداعىلارمەن اقتارىلا اڭگىمەلەسىپ، تۇرمىس جاعدايلارىن سۇراپ، بولاشاق جونىندە سىر شەرتتى.
بيىل 52 جاسقا كەلگەن احمەت ماحسۇت باشبۇرشاقشى قىستاعىندا تۇراتىن قاراپايىم ديقان. سۇن جينلۇڭ احمەت ماحسۇتتىڭ ءۇيىنىڭ الدىنا كەلىپ «باۋىرىم، ياحشىمۇسىز (ۇيعۇرشا سالەمەتسىز بە دەگەن ءسوز)!» دەپ ونىمەن ىقىلاسپەن امانداستى، احمەت ماحسۇت ۇمتىلىپ كەلىپ سۇن جينلۇڭدى قاتتى قۇشاقتاپ امانداستى، ونىڭ جانارىنان كوڭىلىندەگى شەكسىز قۋانىشى مەن مۇندالاپ تۇر.
سۇن جينلۇڭ اۋلاعا كىرىپ، احمەت ماحسۇتتىڭ جۇبايىمەن، ۇل - قىزدارىمەن ءبىر - بىرلەپ امانداستى، سونداي - اق ءوز ەڭبەكاقىسىنا العان سالەم - ساۋقىتتارىن ۇسىنىپ، حال سۇراۋ قاراجاتىن بەردى، احمەت ماحسۇت تا سۇن جينلۇڭعا ۇيعۇردىڭ دوپپاسىن كيگىزدى. سودان كەيىن سۇن جينلۇڭ اۋلادا احمەت ماحسۇتتىڭ ءۇي ىشىندەگىلەرمەن ەستەلىك سۋرەتكە ءتۇستى. احمەت ماحسۇتتىڭ ءۇيى تاپ - تۇيناقتاي جينالىپ، قوناق ۇيدەگى سۇپىنىڭ ۇستىنە ءتاتتى دامدەر، جەمىس - جيدەك جانە جەمىس قاعى قويىلىپتى. سۇپىعا مالداس قۇرىپ جايعاسقان سۇن جينلۇڭ احمەت ماحسۇتتىڭ قولىن الىپ، وتباسىنىڭ كىرىس احۋالىن، تۇرمىس جاعدايىن ەگجەي - تەگجەيلى سۇرادى. احمەت ماحسۇت تەبىرەنىپ: سوڭعى جىلدارى جۇبايىم ەكەۋىمىز 4 مۋ جەرگە جاڭعاق ەگىپ، 3 سيىر باقتىق، وعان قوسا جايما اشىپ، كاۋاپ ساتتىق، تۇرمىسىمىز كۇننەن - كۇنگە جاقسارىپ كەلەدى، پارتيانىڭ ابزال ساياساتىنا شىنايى العىس ايتامىن، - دەدى. مۇنى ەستىگەن سۇن جينلۇڭ: شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق شينجياڭداعى ءار ۇلت حالقىنىڭ قامىن جەپ، شينجياڭنىڭ ۇلتتار ىنتىماعى قىزمەتىنە بارىنشا ءمان بەرىپ كەلەدى. ءبىز اۆتونوميالى رايوندىق پارتكومنىڭ ورنالاستىرۋلارىنىڭ تالابىن ويداعىداي تياناقتاندىرۋىمىز، «ۇلتتار ىنتىماعىنىڭ بەرەكەلى شاڭىراعى» قيمىلىن ويداعىداي ورىستەتۋىمىز، ۇلتتار ىنتىماعىن كوزىمىزدىڭ قاراشىعىنداي قورعاۋىمىز، ىزگى نيەتتە بولىپ، شىن ىقىلاسپەن ءوزارا بارىس - كەلىس جاساپ، ارالاسۋ، ىشتەسۋ، توعىسۋدى ىلگەرىلەتۋىمىز، ءار ۇلت حالقىنىڭ ءبىر ءۇيلى جان سەكىلدى ۇنەمى بارىس - كەلىس جاساپ تۇرۋىنا، ءبىرىن - ءبىرى قۇرمەتتەپ، ءوزارا كومەكتەسۋىنە، تاتۋ - ءتاتتى تۇرمىس كەشىرۋىنە، ۇلتتار ىنتىماعى گۇلىنىڭ ءاربىر ادامنىڭ كوڭىلىندە قۇلپىرا اشىلۋىنا مۇمكىندىك جاساۋىمىز كەرەك، - دەدى ەرەكشە سۇيىنىشپەن.
سول كۇنى كۇن شايداي اشىق بولدى، ءۇي ىشىندە اڭگىمە قىزىپ، كوپشىلىك 2 ساعات ۋاقىتتىڭ قالاي وتكەنىن بىلمەي قالدى. اتتاناردا سۇن جينلۇڭ احمەت ماحسۇتقا: بۇگىن شاڭىراعىڭىزعا تۇڭعىش رەت بەت كورىسىپ كەلىپ وتىرمىن، بۇدان كەيىن ءبىر ءۇيلى جانداي ۇنەمى بارىس - كەلىس جاساپ تۇرايىق، ۇرىمجىدەگى ۇيىمە بارىپ ءدام تاتىپ كەتۋلەرىڭىزدى قارسى الامىن! اينالادارىڭىزداعى ءار ۇلت حالقىمەن تۋىسقاندىق سۇيىسپەنشىلىكتە بولا وتىرىپ، ءوزارا قول ۇشىن بەرىپ، تاتۋ - ءتاتتى تۇرمىس كەشىرىپ، كورىكتى مەكەندى بىرگە قۇرۋلارىڭىزدى ءۇمىت ەتەمىن، - دەدى.
احمەت ماحسۇت سۇن جينلۇڭنىڭ ءسوزىن ەستىپ ايرىقشا تەبىرەندى، ءالسىن - ءالى باس يزەپ: ءبىز، ءسوز جوق، باستاماشىلدىق رولىمىزدى ساۋلەلەندىرىپ، ۇلتتار ىنتىماعىنا تيەسىلى ۇلەس قوسۋعا تىرىسامىز، - دەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
