- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعىنىڭ بايشەشەگى تيانشاننىڭ تۇستىگى مەن تەرىستىگىندە قۇلپىرا اشىلسىن
2016.11.14 11:19 كەلۋ قاينارى : شينجياڭ گازەتى
− اۆتونوميالى رايونىمىزدىڭ جەر - جەرى، تاراۋلارى ج ك پ اۆتونوميالى رايوندىق 9 - قۇرىلتايىنىڭ رۋحىن بەلسەندى تۇردە دايەكتىلەندىردى جانە تياناقتاندىردى
ج ك پ اۆتونوميالى رايوندىق 9 - قۇرىلتايىندا ءبىز ۇلتتار ىنتىماعى تۋىن قاشاندا بيىك ۇستاپ، تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ، ۇلتتار ىنتىماعىنىڭ بايشەشەگىن تيانشاننىڭ تۇستىگى مەن تەرىستىگىندە قۇلپىرتۋىمىز كەرەك دەپ العا قويىلدى. وتكەن بىرنەشە كۇندە اۆتونوميالى رايونىمىزداعى ايماق، وبلىس، قالالار، تاراۋلار ج ك پ اۆتونوميالى رايوندىق 9 - قۇرىلتايىنىڭ رۋحىن دايەكتىلەندىرۋدىڭ ورلەۋىن جەدەل كوتەردى. قالىڭ پارتيالى كادرلار باس نىسانانى تىعىز ارقاۋ ەتىپ، ۇلتتار ىنتىماعىن جانىمىزداي قورعايمىز دەستى.
ارناۋلى باسىلىمدار ۇلتتار ىنتىماعىنا دەم بەرەدى
ج ك پ اۆتونوميالى رايوندىق 9 - قۇرىلتايىنىڭ رۋحىن دايەكتىلەندىرىپ جانە تياناقتاندىرىپ، كادرلاردىڭ وڭتۇستىك شينجياڭداعى مەكتەپكە دەيىنگى «قوس ءتىل» تاربيەسىنە كومەكتەسۋ قىزمەتىنىڭ ورىستەۋىنە جانە «ۇلتتار ىنتىماعىنىڭ بەرەكەلى شاڭىراعى» اتىنداعى جۇپ قۇراۋ، تۋىس تابۋ قيمىلىنىڭ شينجياڭ بويىنشا كەڭ قانات جايۋىنا دەم بەرۋ ءۇشىن، 11 - قاراشا كۇنى شينجياڭ حالىق باس باسپاسى «ۇلتتار ىنتىماعىنىڭ بەرەكەلى شاڭىراعى» تاقىرىبى بويىنشا ءبىر توپ باسىلىم شىعاردى.
شينجياڭ حالىق باس باسپاسى نەگىزگى تاقىرىپتى ارقاۋ ەتىپ، مۇقيات جوسپارلاپ، بەلسەنە ارەكەتتەنىپ، «ۇلتتار ىنتىماعىنىڭ بەرەكەلى شاڭىراعى» تاقىرىبى بويىنشا العاشقى توپتاعى 32 ءتۇرلى باسىلىمدى باسپادان شىعاردى، وسى توپتاعى باس شۋجي شي جينپيڭنىڭ شينجياڭنىڭ ۇلتتار ىنتىماعى قىزمەتى جونىندەگى ماڭىزدى سوزدەرىنەن ءۇزىندى بەرىلگەن «باس شۋجي شي جينپيڭنىڭ ماڭىزدى سوزدەرىن بار شاڭىراققا جەتكىزەيىك»، باس نىسانانى مىقتاپ ورناتۋ تۋرالى جان - جاقتى تۇسىنىك بەرەتىن «باس نىسانانى بەرىك ارقاۋ ەتەيىك»، ۇلتتار ىنتىماعىنىڭ تيپتىك اڭگىمەلەرىنەن سىر شەرتەتىن «زامانىمىزدىڭ لەي فىڭى − جۋاڭ شىحۋا»، «شىڭگل»، «ۇلتتار ىنتىماعى تۋرالى سۋرەتتەر سويلەيدى»، «ۇلتتار ىنتىماعىنىڭ بەرەكەلى شاڭىراعى» قيمىلىنا قىزمەت ەتەتىن «<ۇلتتار ىنتىماعىنىڭ بەرەكەلى شاڭىراعى> قىزمەت قولدانباسى»، «<ۇلتتار ىنتىماعىنىڭ بەرەكەلى شاڭىراعى> اتىنداعى جۇپ قۇراۋ البۋمى»، ۇلت، ءدىن ساياساتىن ۇگىتتەيتىن «ۇلت، ءدىن قىزمەتى قولدانباسى»، «كادرلاردىڭ ءدىني قىزمەت قولدانباسى»، مەملەكەتتىڭ زاڭ، زاڭدىق ەرەجەلەرى مەن حالىققا ءتيىمدى، قولايلى ساياسات - شارالارىن تانىستىراتىن «قىستاقتا تۇراتىن كادرلار مەن قىستاق كادرلارىنىڭ زاڭ ۇيرەنۋ، زاڭ ۇگىتتەۋ قۇرالدارى» اتتى باسىلىمدار ۇيعۇرشا قاتارلى 6 تىلدە، كىتاپ، سۋرەتتى كىتاپشا، قابىرعا سۋرەت، دىبىس - بەينە بۇيىمى، اۋديوكىتاپ تۇرىندە جارىق كوردى. «ۇلتتار ىنتىماعىنىڭ بەرەكەلى شاڭىراعى» اتىنداعى جۇپ قۇراۋ، تۋىس تابۋ قيمىلى قاۋىرت جۇرگىزىلۋدە
«قىزىلسۋ قىرعىز اۆتونوميالى وبلىسىنداعى 3 اۋدان، ءبىر قالا بويىنشا قازىرگە دەيىن 40 مىڭ باسشى كادر تومەنگە ءتۇسىپ، جۇپ قۇراپ، تۋىس تاپتى، <ۇلتتار ىنتىماعىنىڭ بەرەكەلى شاڭىراعى> قيمىلى وبلىس بويىنشا جاپپاي ورىستەپ كەلەدى»، - دەدى قىزىلسۋ وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسىنىڭ مەڭگەرۋشىسى گۇلشات ءشىرالى. قىزىلسۋ وبلىسى جۇپ قۇراۋ، ءجيى بارىس - كەلىس جاساۋ، ءوزارا ۇيرەنۋ، كوبىرەك ارەكەتتەسۋ، شىنايى كومەكتەسۋ، ىنتالاندىرۋعا ءمان بەرۋ ارقىلى «ۇلتتار ىنتىماعىنىڭ بەرەكەلى شاڭىراعى» قيمىلىن ۇزدىكسىز تەرەڭدەتە تۇسپەك.
تولى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گۇلناز قاسىمقان قىزى بىلاي دەدى: تولى اۋدانى قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ءار ۇلت جۇرتشىلىعىنىڭ ۇيرەنۋ، قىزمەت، تۇرمىسىمەن ساباقتاستىرۋعا تاباندى بولىپ، «قاتار ۇيرەنىپ، تەڭ كوتەرىلۋ، اۋقاتتانۋ جولىن بىرگە قاراستىرۋ، ءبىر - بىرىنە ءتىل - جازۋ ۇيرەتۋ، ەڭبەككە جۇمىلا ات سالىسۋ، ءداستۇرلى مەرەكەنى بىرگە تويلاۋ، دوستار شەڭبەرىن بىرگە قۇرۋ، وتباسىلىق باس قوسۋدى قاتار وتكىزۋ، ۇلتتىق ءان - بيلەردى تەڭ ۇيرەنۋ، تۋىستاردى بىرگە ارالاۋ، وتباسىلىق سۋرەتكە بىرگە ءتۇسۋ» سىندى ۇنامدى قيمىلدار ارقىلى كادرلار مەن جۇرتشىلىقتىڭ بايلانىسىن نىعايتىپ، ۇلتتار ىنتىماعىنىڭ قۇدىرەتتى وڭ ەنەرگياسىن شوعىرلاندىرادى. ۇلتتار ىنتىماعى قىزمەتىن جاسامپاز تاسىلدەرمەن ورىستەتتى
ءۇرىمجى كەدەنىنىڭ پارتيا ياچەيكالارى «پارتيا مۇشەلەرىنىڭ حالىققا قولايلى قىزمەت كورسەتۋ كارتاسىن» ازىرلەپ، مىندەتتى ءبىلىم بەرۋ ىسىنە كومەكتەسۋ، اۋىلدا قالعان بالالار مەن جەتىم - جەسىر قارتتارعا قامقورلىق جاساۋ سياقتى ەرىكتى قيمىلداردى كەڭ كولەمدە ورىستەتۋ ارقىلى از ۇلت جۇرتشىلىعىمەن بايلانىستى ونان سايىن تەرەڭدەتىپ، كادر - قىزمەتكەرلەردىڭ «ۇلتتار ىنتىماعىنىڭ بەرەكەلى شاڭىراعىن بيىكتەتىپ، كورىكتى مەكەن قۇرۋعا» سانالى تۇردە ات سالىسۋىنا مۇمكىندىك جاسادى.
جيەلييا توبىنىڭ شينجياڭ شينيۋە جىبەك جولى شەكتى سەرىكتەستىگىندە 3000نان اسا جۇمىسشى - قىزمەتكەر بار، ولاردىڭ %60تەن استامى از ۇلت. سەرىكتەستىك ءار ۇلت جۇمىسشى - قىزمەتكەرلەرىن جۇمىس پەن جاتاققا ارالاس ورنالاستىرىپ، جاردەم قيمىلدارىن ەتەك الدىرىپ، ءاربىر پارتيا مۇشەسى مەن باسقارۋشى كادر، از دەگەندە، وتباسىندا قيىنشىلىعى بار ءبىر از ۇلت وتباسىنا كومەكتەسىپ جانە 10 از ۇلت جۇمىسشى - قىزمەتكەرىمەن جۇپ قۇراپ، ءوزارا ۇيرەنىپ، ءوزارا جاردەم بەردى.
شينجياڭ قۇرىلىس ينستيتۋتى قازىر از ۇلت جانە حانزۋ ستۋدەنتتەرىنىڭ ارالاس جاتاقتا جاتۋىن تولىقتاي ىسكە اسىردى، ءبىر ءبولىم فاكۋلتەتتەردە از ۇلت جانە حانزۋ ستۋدەنتتەرى ارالاس وقيتىن كلاستار اشىلدى. وسى ينستيتۋتتىڭ پارتكوم شۋجيى جۋ يىنگاڭ بىلاي دەدى: الداعى جەردە ينستيتۋتىمىز از ۇلت جانە حانزۋ ستۋدەنتتەرىنە ءبىرىڭعاي ءدارىس سويلەنەتىن ساباقحانالاردى ۇزدىكسىز كوبەيتىپ، جىلدىقتار اراسىندا «ۇلتتار ىنتىماعىن وزىمىزدەن باستايىق»، «ۇلتتار ىنتىماعىن جەبەپ، ءوزارا ۇيرەنىپ، تەڭ العا باسايىق» تاقىربىنداعى كلاس جيىندارىن وتكىزەدى جانە ادەبيەت - كوركەمونەر قيمىلدارىن دانەكەر ەتىپ، ۇلتتار ىنتىماعى ۇگىت - تاربيەسىن وقىتۋشى - وقۋشىلار قۇمارتا كورىپ، قۇنىعا تىڭدايتىن تاسىلدەرمەن جۇرگىزەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
