شينجياڭ ۇيعۇر اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ 2019 - جىلعى ءبىرىنشى جالپى ءماجىلىسى وتكىزىلدى
2019.05.16 15:29 كەلۋ قاينارى : حالىق تورابى
حالىق تورابى، 5 – ايدىڭ 16 – كۇنى، بەيجيڭ. 5 - ايدىڭ 14 – كۇنى شينجياڭ ۇيعۇر اۆتونوميالى رايوندىق ازىق - تۇلىك حاۋىپسىزدىگى كوميتەتى 2019 - جىلعى ءبىرىنشى جالپى ءماجىلىسىن اشتى. شينجياڭ ۇيعۇر اۆتونوميالى رايوندىق پارتكوم شۋجيىنىڭ ورىنباسارى، شينجياڭ ۇيعۇر اۆتونوميالى رايونىنىڭ ءتوراعاسى، شينجياڭ ۇيعۇر اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ مەڭگەرۋشىسى شوكىرات زاكىر ءماجىلىستى باسقاردى ءارى ءسوز سويلەدى.
ماجىلىستە مىنالار باسا دارىپتەلدى: نازاردى قوعام ورنىقتىلىعى مەن باياندى تىنىشتىعى سىندى باس نىساناعا مىقتاپ شوعىرلاندىرىپ، ەڭ قاتاڭ ولشەمدى، ەڭ قاتاڭ باقىلاپ - باسقارۋدى، ەڭ قاتاڭ جازالاۋدى، ەڭ قاتاڭ جاۋاپقا تارتۋدى تاباندىلىقپەن جالعاستىرىپ، ازىق - تۇلىك حاۋىپسىزدىگى قىزمەتىن تىڭعىلىقتى تۇردە ويداعىداي ىستەۋ كەرەك. تومەنگى شەكتىك ويلاۋدى كۇشەيتىپ، حاۋىپ - قاتەردەن ساقتانۋدى جانە ونى تەجەۋدى كۇشەيتىپ، نازاردى قوعام كوڭىلءبولۋ دەڭگەيى جوعارى، حاۋىپ - قاتەر دەڭگەيى جوعارى، تۇتىنۋ مولشەرى كوپ بولىپ وتىرعان باستى ازىق - تۇلىكتەرگە، ءتۇيىندى وڭىرلەرگە شوعىرلاندىرىپ، باقىلاۋ، ۇلگى الىپ تەكسەرۋ جيلىگىن ارتتىرىپ، ءتۇرلى كومەسكى قاتەرلەردى تۋ باستان جويۋ كەرەك. تۋ باستان ساقتانۋعا، وڭالتۋعا تاباندى بولىپ، توپىراقتى قۇنارلاندىرۋ، جەر قۇنارلىعىنا قاراي تىڭايتقىش بەرۋ سياقتى جاقتارعا كۇش سالىپ، ازىق - تۇلىك حاۋىپسىزدىگىن باقىلاپ - باسقارۋدىڭ ءاربىر وتكەلىن شىنايى ويداعىداي يگەرۋ كەرەك. ەستەلىك ءتۇزىمى، جاريا تەكسەرۋ، جاسىرىن احۋال ۇعىسۋ ءتۇزىمى، اشكەرەلەگەندەردى سيلاۋ ءتۇزىمى، قارا تىزىمدىككە ەنگىزۋ ءتۇزىمى سياقتىلاردى اقاۋسىزداندىرىپ جانە كەمەلدەندىرىپ، باقىلاۋ- باسقارۋدا باقىلاۋسىز ءوڭىر جانە قالتارىس ءوڭىر
بولماۋ قاجەت. باقىلاۋ - باسقارۋدى زاڭ بويىنشا كۇشەيتىپ، «ەڭ قاتاڭ جازالاۋ» ارقىلى «زاڭعا بويسۇنۋ تانىمى ءالسىز، زاڭعا قايشىلىق جاساۋدىڭ وزىندىك قۇنى تومەن» بولۋ كىناراتىن ويداعىداي شەشىپ، ازىق- تۇلىك حاۋىپسىزدىگىن زاڭ بويىنشا ارناعا ءتۇسىرۋ جانە وعان شىنايى كەپىلدىك ەتۋ كەرەك.
ماجىلىستە مىنالار تالاپ ەتىلدى: جەر - جەر، تاراۋلار ساياسي تۇرعىنى جوعارىلاتىپ، شىنايى تۇردە «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، «پارتيا مەن ۇكىمەت بىردەي جاۋاپتى بولۋ، ءبىر قىزمەت ورنىندا ەكى جاۋاپكەرشىلىك ارقالاۋ، تەگىس يگەرىپ، تەڭ باسقارۋ، مىندەتىن وتەمەگەندەردىڭ جاۋاپكەرشىلىگىن قۋزاستىرۋ» تالابىن قاتاڭ تياناقتاندىرۋ، كاسىپتىك باسقارۋ تاراۋلارى باقىلاۋ - باسقارۋ جاۋاپكەرشىلىگىن شىنايى تياناقتاندىرۋ كەرەك. اۆتونوميالى رايوندىق ازىق - تۇلىك حاۋىپسىزدىگى كوميتەتى كەڭسەسى جالپىلىق سايكەستىرۋدى كۇشەيتىپ، تاراۋلاردىڭ كەڭەسۋ، اقىلداسۋ مەحانيزمىن جانە قاتىستى تۇزىمدەردى اقاۋسىزداندىرۋ؛ ازىق - تۇلىك حاۋىپسىزدىگى قىزمەتىن ءار دارەجەلى پارتيا مەن ۇكىمەتتىڭ باسشىلىق القالارىنىڭ جانە باسشى كادرلاردىڭ جىلدىق (قىزمەت ناتيجەسى) باعالاۋىنا جانە تىنىشتىق قۇرىلىسىن تەكسەرۋ، باعالاۋ جۇيەسىنە ەنگىزىپ، ءتارتىپتى قاتاڭ اتقارۋ ارقىلى ازىق - تۇلىك حاۋىپسىزدىگى جاۋاپكەرشىلىك ءتۇزىمىن تياناقتاندىرۋدى كۇشەيتۋ كەرەك. جەر - جەر، تاراۋلار سەنىمدى بەكەمدەپ، رولىن ىرىقتى تۇردە اتقارىپ، جاۋاپكەرشىلىكتى باتىلدىقپەن ارقالاپ، ءار ۇلت بۇقاراسىنىڭ «ازىق - تۇلىك حاۋىپسىزدىگىن» كۇش سالا قورعاپ، جاڭا جۇڭگو قۇرىلعاندىعىنىڭ 70 جىلدىعىن سۇبەلى ناتيجەلەرمەن قارسى الۋ كەرەك.
ماجىلىستە «شينجياڭ ۇيعۇر اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ قىزمەت ەرەجەسىن»، «شينجياڭ ۇيعۇر اۆتونوميالى رايونىنىڭ جەرگىلىكتى پارتيا، ۇكىمەت باسشى كادرلارىنىڭ ازىق - تۇلىك حاۋىپسىزدىگى جاعىنداعى جاۋاپكەرشىلىك ءتۇزىمىن دايەكتى تياناقتاندىرۋ جونىندەگى بەلگىلەمەنى اتقارۋ ەرەجەسىن»، «شينجياڭ ۇيعۇر اۆتونوميالى رايونىنىڭ 2019 - جىلعى ازىق - تۇلىك حاۋىپسىزدىگى نىسانالىق جاۋاپكەرشىلىك حاتىن» قاراپ ماقۇلدادى.
شينجياڭ ۇيعۇر اۆتونوميالى رايونى ءتوراعاسىنىڭ ورىنباسارى جاروللا يسامدين شينجياڭ ۇيعۇر اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ 2014 - جىلدان 2018 - جىلعا دەيىنگى قىزمەت جاعدايىن قورىتىندىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
