بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ەگىس ۋاقىتىن قولدان بەرمەي، كوكتەمگى ەگىس ءوندىرىسىن بار كۇشپەن ۇيىمداستىردى

2020.02.28 18:03     كەلۋ قاينارى : شينجياڭ گازەتى

  قازىر ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭدە، سونداي - اق كوكتەمگى ەگىس دايىندىعى ماڭىزدى كەزدە تۇر. رايونىمىزداعى ءارقايسى جەرلەر، ءارقايسى ورىندار تاياۋدا باس شۋجي شي جينپيڭ بۇكىل ەلدىڭ كوكتەمگى اۋىل شارۋاشىلىعى ءوندىرىسى قىزمەتى جونىندە بەرگەن ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، دەرەۋ ارەكەتكە كەلىپ، ەگىس ۋاقىتىن قاۋىرت يگەرىپ، دالمە - ءدال شارا اتقارىپ، دالمە - ءدال كۇش شىعارىپ، ىندەتتەن ساقتانۋ - تىزگىندەۋدى دە، كوكتەمگى ەگىس دايىندىعىن دا مىقتى يگەرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە، تۇتاس جىلداعى ەكونوميكالىق، قوعامدىق دامۋ نىسانا - مىندەتتەرىن جۇزەگە اسىرۋعا پارمەندى تىرەك ازىرلەدى.



  اۆتونوميالى رايوندىق پارتكوم اۋىل شارۋاشىلىعى جانە اۋىل - قىستاق قىزمەتى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەدى: تۇتاس رايونىمىزداعى اۋىل شارۋاشىلىعى، اۋىل - قىستاق تاراۋلارى كوكتەمگى ەگىس دايىندىعى قىزمەتىنە جۇيەلى ورنالاستىرۋ جاساپ، ”استىقتى ورنىقتىرۋ، ماقتانى ساپالىلاندىرۋ، مال شارۋاشىلىعىن جەبەۋ، جەمىس شارۋاشىلىعىن كۇشەيتۋ، ەرەكشە ونىمدەر شارۋاشىلىعىن وركەندەتۋ“ سىندى اۋىل شارۋاشىلىعىن دامىتۋ وي جەلىسى بويىنشا اۋىل شارۋاشىلىعى قۇرىلىمىن رەتتەۋدى اناعۇرلىم شىنايى يگەرىپ، استىق حاۋىپسىزدىگىن ورنىقتىرۋ كەلەلى مىندەتىن باستان - اياق ارقالاپ، ىشەر استىقتىڭ مۇلدە حاۋىپسىزدىگىنە شىنايى كەپىلدىك ەتتى.



  سانجى حۇيزۋ اۆتونوميالى وبلىستىق پارتكوم اۋىل شارۋاشىلىعى جانە اۋىل - قىستاق قىزمەتى كەڭسەسىنىڭ مەڭگەرۋشىسى، وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى گو حۋايان بىلاي دەدى: سانجى وبلىسى ءارقايسى ءوندىرىس تۇلعالارىن عىلمي ۇيىمداستىرىپ، ەگىس ۋاقىتىن قولدان بەرمەي، ەگىس جۇمىسىن ۋاقىتقا ءبولىپ تارتىپپەن جۇرگىزىپ، بىتىراندى جۇمىس ىستەپ، اۋىل شارۋاشىلىعى ءوندىرىسىن تارتىپپەن قالپىنا كەلتىردى.



  ”قاشقار ساقتانۋ - تىزگىندەۋ شارالارىن قاتاڭ تياناقتاندىرۋمەن بىرگە، عىلمي جوسپارلاپ، كوپ شارالاردى قاتار اتقارىپ، ادام كۇشىن، زات كۇشىن، قازىنا كۇشىن ءبىر تۇتاس جوسپارلاپ ورنالاستىرىپ، ىندەتتەن ساقتانۋ - تىزگىندەۋ مەن كوكتەمگى ەگىس ءوندىرىسىنىڭ ەكى جاعىن دا يگەرىپ، ەكى جاعىن دا اقساتپاۋدى شىنايى ويداعىداي ىستەدى“، - دەدى قاشقار ايماقتىق اۋىل شارۋاشىلىعى جانە اۋىل - قىستاق قىزمەتى كەڭسەسىنىڭ ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مەكەمەسى پارتكومىنىڭ مۇشەسى تۇرعىن قادىر.



  قۇمىل قالالىق اۋىل شارۋاشىلىعى، اۋىل - قىستاق مەكەمەسىنىڭ باستىعى چىن چىڭ بىلاي دەپ تانىستىردى: قۇمىل قالاسى اۋىل شارۋاشىلىعى ءوندىرىس قۇرال - جابدىقتارىن زاپاستا ساقتاۋدى، قامداۋدى كۇشەيتۋمەن بىرگە، مال شارۋاشىلىعىنداعى ىندەتتەن ساقتانۋ - تىزگىندەۋ مەن ەگىن شارۋاشىلىعىنداعى دەرت - دەربەز، زياندى جاندىكتەردەن ساقتانۋ - تىزگىندەۋ قىزمەتىن ناقتى، ەگجەي - تەگجەيلى ىستەپ، سۋمەن قامداۋ جۇيەسىنىڭ ارنالارىن، قۇبىرلارىن تازالاۋ، جوندەۋدى دەر كەزىندە ورىنداپ، اۋىل شارۋاشىلىعىنا، كوكتەمگى ەگىس دايىندىعىنا سۋ پايدالانۋدى قامتاماسىز ەتۋ سياقتى شارالار ارقىلى اۋىل شارۋاشىلىعى، اۋىل - قىستاق، شارۋالارعا اناعۇرلىم ويداعىداي قىزمەت وتەدى.



  ”جۇڭگونىڭ ماقتا مەكەنى“ اتانعان اۋات اۋدانى بيىل ءبىر توپ ”شوعىرلى تۇتاسقان، ەگىستىك جەرىنىڭ ساپاسى تاماشا، سۋارۋ - ىعىستىرۋ جۇيەسى كەمەلدى، جۇمىس جۇرگىزۋ جولى ولشەمدى، ەكولوگيالىق قورشاعان ورتاسى جاقسارعان“ جوعارى، تۇراقتى، ءونىمدى، ولشەمدى ماقتا اتىزىن قۇرىپ، شارۋالاردىڭ ءشيتى ماقتا ساتۋى قيىن بولۋ، ساتىپ العان كاسىپورىنداردىڭ ماقتا ساتۋى قيىن بولۋ، توقۋ - ءيىرۋ كاسىپورىنداردىڭ ماقتا پايدالانۋى قيىن بولۋ ماسەلەسىن شەشەدى.



  قاراقاش اۋداندىق اۋىل شارۋاشىلىعى، اۋىل - قىستاق مەكەمەسىنىڭ باستىعى ادىل ابدۇعايني بىلاي دەدى: قازىرگە دەيىن، تۇتاس اۋداندا 526 مىڭ 500 مۋ جەردەگى جەمىس اعاشتارىن شىرپىپ بولدىق، ورىنداۋ مولشەرى %80 بولدى، %45 جەردەگى دۇمبە ءبيدايدى سۋارىپ، ءتۇرلى حيميالىق تىڭايتقىشتان 28 مىڭ 724 توننا، سۋلياۋ جارعاقتان 874 توننا، تۇقىمنان 1196 توننا دايىندادىق، اۋىل شارۋاشىلىعى ماتەريالدارىنىڭ زاپاسى تولىق بولدى“.



  ”ءبىز پارتيا مۇشەلەرىنەن ۇيىمداسقان ەرىكتىلەر قىزمەت وتەۋ شاعىن اترەتىن قۇرىپ، قىستاق تۇرعىندارىنىڭ تۇقىم، تىڭايتقىش سياقتىلاردى ساتىپ الۋىنا كومەكتەسىپ، جۇگەرى مەن ماقتا ەگۋگە دايىندىق جاسادىق“، - دەدى اقتاۋ اۋدانى پىلال اۋىلىنىڭ ورىنباسار باستىعى قۇربانجان سىمايىل.

(ءتىلشىمىز ءرايدا، قاتىناسقان تىلشىلەر ليۋ ي، گى يوۋجۇن، حان چينيان، جاڭ جىلي، ءپاريزات ابدۇل)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار