بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

جيناق حابار: ٴۇش ەل تۇڭعىش رەت جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعانداردى مالىمدەدى

كورەيا، جاپونيا قاتارلى ەلدەردىڭ ناۋقاس سانى جالعاستى ارتتى

2020.02.28 17:45     كەلۋ قاينارى : حالىق تورابى

  حالىق تورابى، 2 – ايدىڭ 28 – كۇنى، بەيجيڭ. 2 – ايدىڭ 26 – كۇنى، پاكيستان مەن گرۋزيا جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعانداردىڭ ينفورماتسياسىن تۇڭعىش رەت جاريالادى، 2 – ايدىڭ 27 – كۇنى دانيا تۇڭعىش جۇعىمدالۋ جاعدايىن جاريالادى. مۇنان تىس، كورەيا، جاپونيا، كۆەيت قاتارلى ەلدەردىڭ مالىمدەمەگەن جۇعىمدالعاندار سانى جالعاستى ارتقان.


  پاكيستاننىڭ مەملەكەتتىك دەنساۋلىق ساقتاۋعا قىزمەت وتەۋگە جاۋاپتى پرەمەر مينيسترىنىڭ ەرەكشە كومەكشىسى زافار ۋزا 2 – ايدىڭ 26 - كۇنى بىلاي دەدى: پاكيستاندا 2 ادام جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعان، ەكەۋى دە يرانعا ساياحاتتاعان. بۇل وسى ەلدەگى تۇڭعش رەت دياگنوز قويىلعاندار. پاكيستان مەديتسينا عىلىم اكادەمياسىنىڭ مالىمدەمەشىسى ۆاسيم حەۆاجا سول كۇنى شينحۋا اگەنتتىگىنىڭ تىلشىسىنە بىلاي دەدى : ولار سولتۇستىكتەگى جىرجيت ـ بەرتيستان رايونىنان كەلگەن ٴبىر ناۋقاستى قابىلداعان. تاعى ءبىر ناۋقاسقا وڭتۇستىك پورت قالاسى كاراچيدا دياگنوز قويىلعان.


  گرۋزيا دەنساۋلىق ساقتاۋ مينيسترى جيكاراز 2 –ايدىڭ 26 – كۇنى بىلاي دەدى: وسى ەل سول كۇنى تۇڭعىش رەت جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋشىعا دياگنوز قويعان. بۇل ناۋقاس 50 جاستاعى گرۋزيالىق ەر ادام ەكەن، قازىر ديبيليس جۇقپالى اۋرۋلار شيپاحاناسىندا ەمدەلۋدە. ول يرانعا ساياحاتتاي بارعان، 2 – ايدىڭ 25 - كۇنى گرۋزياعا قايتىپ كەلگەن.

  



  دانيانىڭ مەملەكەتتىك دەنساۋلىق ساقتاۋ مەكەمەسى 2 – ايدىڭ 27 - كۇنى مالىمدەمە جاريالاپ، بۇل ەل تۇڭعىش رەت جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋشىعا دياگنوز قويعاندىعىن ايتتى. ناۋقاستانعان ەر ادام 2 – ايدىڭ 24 - كۇنى وتباسىنداعىلارمەن بىرگە يتاليادا شاڭعى تەۋىپ، دانياعا قايتىپ كەلەدى، وسىدان كەيىن جوتەلۋ جانە قىزۋ قاتارلى اۋرۋ بەلگىلەرى بايقالعان. 2- ايدىڭ 26 - كۇنى، دانيا مەملەكەتتىك قان سارسۋىن زەرتتەۋ ورنى وسى ەر ادامنىڭ سەمياسىنداعى 3 ادامنان ۇلگى الىپ تالداۋ جاساعاننان كەيىن، ەر ادامنىڭ جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعانىن بايقايدى، ٴبىراق ونىڭ ايەلى مەن ۇلى بولىمسىز بولعان. قازىر بۇل ەركەكتىڭ ناۋقاسى جەڭىلدەۋ بولعاندىقتان، شيپاحانا ونىڭ شىعۋىنا ماقۇل بولعان، ءبىراق ءبىر ءۇيلى جان ءٴسوزسىز ۇيدە ەكى اپتا تۇرىپ اۋاشالانۋى كەرەك.


  تاياۋدا دانيانىڭ دەنساۋلىق ساقتاۋ تاراۋلارى وسى ەلدىڭ جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋ مۇمكىندىگىن «تومەن» دارەجەدەن «ورتاشا» دارەجەگە كوتەردى، سونىمەن بىرگە جاڭا تيپتى ايدارشا ۆيرۋس وكپە قابىنۋ ىندەت تەكسەرۋىن قابىلدايتىن شيپاحانا 2دەن 6عا كەڭەيتىلدى.


  تاعى كەيبىر مەملەكەتتەردەگى جۇعىمدالۋشىلاردىڭ سانى ۇزدىكسىز ارتتى. كورەيانىڭ اۋرۋدى باسقارۋ ٴبولىمىنىڭ 2 –ايدىڭ 27 - كۇنى جاريالاعان ەڭ جاڭا ساناق ساندى مالىمەتىندە كورسەتىلۋىنشە، جەرگىلىكتى ۋاقىت 2 – ايدىڭ 27 – كۇنى ساعات 9دان 16عا دەيىن كورەيادا 171 ادام جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعان، جاڭادان ٴبىر ادام ولگەن؛ بۇكىل ەل بويىنشا دياگنوز قويىلعان جاڭا تيپتى ايدارشا ۆيرۋس وكپە قابىنۋ ىندەتمەن جۇعىمدالۋشى ادام 1766عا جەتكەن، جيىنى 13 ادام قازا بولعان.


  جاپونيا راديو قوعامى تەلەۆيزيا ستانسياسىنىڭ حابارىنا قاراعاندا، جاپونيادا جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋشىلاردىڭ سانى 894كە جەتكەن، مۇنىڭ ىشىندە «گاۋھار حانىشا» اتتى كەمەدەگى 705 ادام بار ەكەن. جاپونيانىڭ باس ٴۋازىرى شينزو ابە 2 – ايدىڭ 26 - كۇنى بۇدان كەيىنگى ەكى اپتا مولشەرىندە كولەمدى دەنە تاربيە جانە مادەنيەت قيمىلدارىن توقتاتا تۇرۋدى نەمەسە كەشىكتىرە تۇرۋدى تالاپ ەتتى، جاپونيانىڭ مەملەكەتتىك مۇراجايى، مەملەكەتتىك تەاترحانا قاتارلىلار دا مۇراجايدى جاپتى جانە ويىن قويۋ قيمىلىن توقتاتتى.


  ا ق ش 2 – ايدىڭ 26 – كۇنى تۇڭعىش جۇعىمدالۋ قاينارى انىق بولماعان جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعان ادامدى مالىمدەدى. ا ق ش - نىڭ اۋرۋدى تىزگىندەۋ جانە ودان ساقتانۋ ورتالىعى سول كۇنى كاليفورنيا شتاتىندا دياگنوز قويىلعان ٴبىر جۇعىمدالۋشىنىڭ ساياحاتتاماعاندىعىن، اۋرۋى بارلارمەن جاقىنداسپاعاندىعىن ايتتى، بۇل جاڭا تيپتى ايدارشا ۆيرۋس وكپە قابىنۋ ىندەتىنىڭ ا ق ش الەۋمەتتىك اۋماعىندا تارالۋىنىڭ تۇڭعىش مىسالى بولۋى مۇمكىن دەدى. ا ق ش - ىندا قازىر ەل ىشىندە دياگنوز قويىلعان 15 ادام، بۇدان سىرت شەتەلدەن ا ق ش –ىنا قايتىپ بارعان 45 ادام بار.


  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار