ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
جاڭا تيپتى ايدارشا ۆيرۋس وكپە قابىنۋ ىندەتى جاعدايىنا تالداۋ جاساپ، تاياۋ مەزگىلدەگى ساقتانۋ - تىزگىندەۋدەگى ءتۇيىندى قىزمەتتى اقىلداستى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2020.02.27 17:43 كەلۋ قاينارى : حالىق تورابى
پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە جىلۋ اتادى
شينحۋا اگەنتتىگى، 2 - ايدىڭ 26 - كۇنى، بەيجيڭ.
ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 26 - كۇنى ء ماجىلىس اشىپ ، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسىنىڭ مالىمەتىن تىڭداپ، قازىرگى ىندەت جاعدايىنا تالداۋ جاساپ ، تاياۋ مەزگىلدەگى ساقتانۋ - تىزگىندەۋدەگى ءتۇيىندى قىزمەتتى اقىلداستى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
پارتيا ورتالىق كوميتەتىنىڭ قالىڭ پارتيا مۇشەلەرىنە شىعارعان ۇندەۋىنە ءۇن قوسىپ، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە جىلۋ اتادى.
شي جينپيڭ ماجىلىستە ماڭىزدى ءسوز سويلەپ بىلاي دەپ اتاپ كورسەتتى: قازىر ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسى كەڭەيىپ كەلەدى، ەكونوميكالىق، قوعامدىق دامۋدىڭ قالپىنا كەلۋى جەدەلدەۋدە، سونىمەن بىرگە، حۋبەي ولكەسى مەن ۋحان قالاسىنىڭ ىندەت جاعدايى ءالى دە كۇردەلى، اۋىر، باسقا دا قاتىستى وڭىرلەردە ىندەتتىڭ قايتا قوزۋ حاۋىپ - قاتەرىنە نەمقۇرايدى قاراۋعا بولمايدى. وسى كەزدە دۇرىس جەتەكشىلىكتى اناعۇرلىم كۇشەيتىپ، ءار جاقتىڭ يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن شىن مانىندە بىرلىككە كەلتىرۋىن ىلگەرىلەتىپ، ىندەتتەن ساقتانۋ - تىزگىندەۋ سىندى ارقاۋدى بوساڭسىتپاي، ەكونوميكالىق، قوعامدىق دامۋدىڭ ءتۇرلى قىزمەتىن مىقتى يگەرۋ كەرەك. ءار دارەجەلى پارتكومدار مەن ۇكىمەتتەر جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەت جاعدايى مەن ەكونوميكالىق، قوعامدىق دامۋ جاعدايىنا دۇرىس تالداۋ جاساپ جانە ونى يگەرىپ، باستى قايشىلىق پەن قايشىلىقتىڭ باستى جاعىن مىقتاپ يگەرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپىلىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋ نىسانا، مىندەتتەرىن قۇلشىنا جۇزەگە اسىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
