شينجياڭ قالا، اۋىلدىڭ ەڭ تومەنگى تۇرمىستى قامتاماسىزداندىرۋ ولشەمىن جوعارىلاتتى
بيىل 1 - ايدىڭ 1 - كۇنىنەن باستاپ اتقارىلىپ، ءبىر ميلليون 900 مىڭ ادام يگىلىككە كەنەلدى
2020.08.14 16:29 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي لين 8 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق حالىق ىستەرى مەڭگەرمەسىنەن ۇعىسۋىمىزشا، جۋىقتا رايونىمىز قالا، اۋىلدىڭ ەڭ تومەنگى تۇرمىستى قامتاماسىزداندىرۋ ولشەمىن جوعارىلاتىپ، ەڭ تومەنگى تۇرمىستى قامتاماسىزداندىرۋدىڭ قامتىمىن كەڭەيتىپ، قيىنشىلىعى بار بۇقارانىڭ نەگىزدىك تۇرمىسىن شىنايى قامتاماسىز ەتكەن. قالانىڭ جاڭادان رەتتەلگەن ەڭ تومەنگى تۇرمىستى قامتاماسىزداندىرۋ ولشەمى ءار ادامعا اي سايىن بەرىلەتىن 456 يۋاننان 500 يۋانعا جوعارىلاعان، اۋىل - قىستاقتارداعى ەڭ تومەنگى تۇرمىستى قامتاماسىزداندىرۋ ولشەمى ءار ادامعا جىل سايىن بەرىلەتىن 3732 يۋاننان 4100 يۋانعا جوعارىلاعان. سونىمەن بىرگە، قالا، اۋىلدارداعى ەڭ تومەنگى تۇرمىستى قامتاماسىزداندىرۋ وبيەكتىسىندەگى قارتتاردىڭ، ازامات جاسىنا تولماعانداردىڭ، اۋىر مۇگەدەكتەردىڭ، سالماقتى ناۋقاستاردىڭ (قىسقاشا ”ءتورت تۇردەگى“ ادامدار دەلىنەدى) ەڭ تومەنگى تۇرمىسىن قامتاماسىزداندىرۋ كومەك قاراجاتى ولشەمى اي سايىن تاعى دا 22 يۋان كوبەيگەن.
قالا، اۋىلدىڭ ەڭ تومەنگى تۇرمىستى قامتاماسىزداندىرۋ جاڭا ولشەمى 2020 - جىلى 1 - ايدىڭ 1 - كۇنىنەن باستاپ اتقارىلىپ، قالا، اۋىلدارداعى ەڭ تومەنگى تۇرمىسى قامتاماسىزداندىرىلاتىن ءبىر ميلليون 900 مىڭ ادامعا سايادى. ولشەم جوعارىلاعاننان كەيىن، رايونىمىزدىڭ اۋىل - قىستاقتارىنىڭ ەڭ تومەنگى تۇرمىستى قامتاماسىزداندىرۋ ولشەمى كەدەيلىكتەن ارىلتۋدىڭ جەتەكشىلىك ەتۋ شەگى ولشەمىنەن ءسال جوعارى بولىپ، كەدەيلىكتەن ءالى ارىلا قويماعان وتباسىلارىن ەڭ تومەنگى شەكتەن تۇسىرمەي قامتاماسىزداندىرۋ تەبىنىن اناعۇرلىم ارتتىرادى. ىندەتتىڭ ىقپالىن ەڭ تومەنگى شەككە ءتۇسىرۋ ءۇشىن، رايونىمىز جۋىقتا ساياسات شىعارىپ، قۇتقارۋ - كومەكتەسۋ كولەمىن لايىقتى كەڭەيتىپ، قۇتقارۋ - كومەكتەسۋ، سۇيەمەلدەۋ تەبىنىن ارتتىردى. مۇندا مىنالار ايقىن بەلگىلەندى: تومەن كىرىستى وتباسىلارىنداعى اۋىر مۇگەدەك، سالماقتى ناۋقاس سياقتى ەرەكشە قيىنشىلىعى بار ادامداردى ءوزى ءوتىنىش ەتۋ ارقىلى ”جالعىزىلىك وتباسى“ بويىنشا ەڭ تومەنگى تۇرمىستى قامتاماسىزداندىرۋ كولەمىنە ەنگىزۋگە بولادى؛ ىندەتتىڭ ىقپالىنا ۇشىراپ، جۇمىس ورنىنا قايتىپ جۇمىستى باستاۋعا امالسىز قالعان، 3 اي بويى كىرىس كوزى بولماعان، تۇرمىسىندا قيىنشىلىعى بار، سونداي - اق جۇمىسسىزدىقتى قامسىزداندىرۋ شىعىسى بويىنشا قامتۋعا بولمايتىن شارۋا جۇمىسكەرلەر سياقتى قامسىزداندىرۋعا قاتىناسپاعاندارعا، ەڭ تومەنگى تۇرمىستى قامتاماسىزداندىرۋ كولەمىنە ەنگىزىلمەگەندەرگە ءوزى ءوتىنىش ەتۋ ارقىلى جۇمىس ىستەيتىن ورنى نەمەسە ۇنەمى تۇراتىن جەر جاعىنان ءبىر رەتتىك ۋاقىتشا قۇتقارۋ - كومەكتەسۋ قاراجاتى بەرىلەدى؛ ەرەكشە قيىنشىلىعى بارلاردى قۇتقارۋ - كومەكتەسۋ، باعىپ - قاعۋ كولەمىنە ەنگىزىلگەن ازامات جاسىنا تولماعانداردىڭ جاسى 16دان 18گە ۇزارتىلىپ، ەڭ تومەنگى تۇرمىسى قامتاماسىزداندىرىلاتىنداردى، ەرەكشە قيىنشىلىعى بارلاردى قامتۋ كولەمى جانە ۋاقىتشا قۇتقارۋ - كومەكتەسۋ كولەمى اناعۇرلىم كەڭەيتىلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
