«اق سارايدىڭ جۇڭگو نارىعىنىڭ ماڭىزدىلىعىن تانىپ جەتۋىن ءۇمىت ەتەمىز»
— يلينويس شتاتىنىڭ ءار سالاسىنداعىلار ا ق ش ۇكىمەتىنىڭ ساۋدا سايىسىن قوزعاعانىنا بارىنشا الاڭداۋشىلىق ءبىلدىردى
گازەتىمىزدىڭ ا ق ش – تا تۇراتىن تىلشىلەرى: جاڭ نيانشىڭ، حۋ زىشي
2018.08.20 14:09 كەلۋ قاينارى : حالىق تورابى
يلينويس شتاتىنداعى چيكاگو قالاسى ا ق ش – تاعى ءۇشىنشى ءىرى قالا، سونىمەن بىرگە، ا ق ش – تىڭ ورتا – باتىس بولەگىندەگى ەكونوميكا ورتالىعى، بوين، ەمسي – دونالد قاتارلى دۇنيە جۇزىنە ايگىلى ءبىر توپ كاسىپورىنداردىڭ باس شتابى وسى اراعا ورنالاسقان. نەشە كۇننەن بەرى، گازەتىمىز ءتىلشىسى جۇڭگو مەن ا ق ش اراسىنداعى ساۋدا سالاسىنداعى تالاس – تارتىس ماسەلەلەرى جونىندە چيكاگودا سۇحبات جۇرگىزدى، سول جەردەگى ءار سالاداعىلار ا ق ش ۇكىمەتىنىڭ ساۋدا سايىسىن سىڭار جاقتىلىقپەن باستاعانىنا جانە ونى ۋشىقتىرعانىنا الاڭداۋشىلىق جانە نارازىلىق ءبىلدىردى.
ماسەلەنى كەلىسسوز وتكىزىپ، كەڭەسۋ ارقىلى شەشۋ كەرەك
بوين سەرىكتەستىگىنىڭ باس شتابىنا قادام تاستاعاندا، جارناما ءسوزى حانزۋشا جازىلعان كورمە تاقتالارى مەنمۇندالاپ تۇرادى، بۇل بوين سەرىكتەستىگىنىڭ جۇڭگو نارىعىن اشۋ جاعىنداعى ءىرى جوسپارلارىن ايگىلەيدى. الايدا، جۋىردان بەرى ا ق ش ۇكىمەتىنىڭ ساۋدالىق قورعانىمپازدىق ساياساتىن جۇرگىزۋى دۇنيە جۇزىنە ايگىلى اتالعان ۇشاق جاساۋ زاۆودى شونجارىنىڭ باسشىلارىن قيىن كۇيگە ءتۇسىردى.
جۋىرداعى جىلداردان بەرى، بوين سەرىكتەستىگىنىڭ بۇكىل الەمدىك نارىقتاعى ورنالاستىرۋ جوسپارىندا جۇڭگونىڭ ۇستايتىن سالماعى بارعان سايىن ماڭىزدى بولا ءتۇستى. بوين حالىقارالىق توبىنىڭ ءتوراعاسى مارك اللەن «ەكى 1000» دەگەن سوزبەن جۇڭگو نارىعىنىڭ ماڭىزدىلىعىن سۋرەتتەدى. مارك اللەن: «2013 – جىلى بوين سەرىكتەستىگى جۇڭگو نارىعىنا 1000 – دانا ۇشاعىن شىعاردى. بۇل 40 جىلدان بەرگى جۇڭگو نارىعىن اشۋدىڭ ناتيجەسى. سودان كەيىنگى بەس جىل ىشىندە، بوين سەرىكتەستىگى جۇڭگوعا تاعى دا 1000 دانا ۇشاق شىعاردى، — دەيدى. بوين سەرىكتەستىگىنىڭ بۇرىنعى 40 جىلدا باسىپ وتكەن جولدى قىسقا عانا 5 جىل ىشىندە باسىپ ءوتۋى، جۇڭگونىڭ ۇشقان قۇستاي دامۋى سىندى ماڭىزدى ورايدىڭ ارقاسىندا ىسكە اسقان.
مارك اللەن بوين سەرىكتەستىگىنىڭ جۇڭگو كاسىپورىندارىمەن ورىستەتكەن كوپ دەڭگەيلى سەلبەستىك قارىم – قاتىناسىن تانىستىرعاندا: «بوين سەرىكتەستىگى جۇڭگو كاسىپورىندارىمەن سەلبەستىك قارىم – قاتىناسىن تەرەڭدەتىپ، جۇڭگو نارىعىن ۇزدىكسىز ىشكەرىلەي اشۋدى ءۇمىت ەتەدى، بوين سەرىكتەستىگى وندىرگەن ۇشاقتاردىڭ كوپتەگەن بولشەكتەرى جۇڭگودا وندىرىلگەن ءارى ءبىزدىڭ جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگى جانە جۇڭگو اۆياتسيالىق ونەركاسىپ توبى سەرىكتەستىگىمەن سەلبەستىگىمىز بار. بوين سەرىكتەستىگىنىڭ جوۋشان قالاسىنداعى ۇشاقتى قۇراستىرىپ بولۋ جانە تاپسىرىپ بەرۋ ورتالىعىنىڭ قۇرىلىسى الدا اياقتايدى، بۇل بوين سەرىكتەستىگىنىڭ جۇڭگوداعى ۇزاق مەرزىمدىك قارجىلاندىرۋ نىسانىن باستاعانىن كورسەتەدى»، — دەدى.
الايدا، ا ق ش ۇكىمەتىنىڭ ساۋدا سايىسىن باستاۋى سەبەبىنەن جوعارىدا اتالعان كوپتەگەن سەلبەستىك قارىم – قاتىناسى كورنەكتى تۇردە قىسىمعا ۇشىراعان. جۋىردان بەرى، ا ق ش – تىڭ ەل ىشىندەگى ەكونوميكا ماماندارى ساۋدا سايىسىنىڭ ىقپالى تۋرالى پىكىر بىلدىرگەندە ۇنەمى بوين سەرىكتەستىگىن مىسالعا الاتىن بولعان. تالداۋعا قاراعاندا، بوين سەرىكتەستىگى سىندى ءىرى كاسىپورىن جونىنەن ايتقاندا، ساۋدا سايىسىنىڭ ىقپالى قات – قابات — بىرىنشىدەن، سەرىكتەستىكتىڭ دۇنيە جۇزىندەگى قامداۋ جەلىسىن بۇلدىرەدى، ەكىنشىدەن، سەرىكتەستىكتىڭ يمپورت ەتۋ نارىعىنا سوققى بەرەدى.
بوين سەرىكتەستىگى ءتوراعاسىنىڭ جوعارى دارەجەلى ورىنباسارى مۋرفيدىڭ ايتۋىنشا، بوين سەرىكتەستىگى ا ق ش پەن جۇڭگو اراسىنداعى ساۋدا قاقتىعىسىنا بارىنشا نازار اۋدارىپ وتىر. مارك اللەن: «ءبىز ا ق ش ۇكىمەتىمەن بەلسەندى تىلدەسۋدەمىز، اق سارايدىڭ جۇڭگو نارىعىنىڭ ماڭىزدىلىعىن تانىپ جەتۋىن ءۇمىت ەتەمىز»، — دەيدى. ونىڭ پىكىرىنشە، ا ق ش پەن جۇڭگو ۇكىمەتى ماسەلەنى كەلىسسوز وتكىزىپ، كەڭەسۋ ارقىلى شەشۋى، مۇددەدەگى ورتاق ءتۇيىندى تاۋىپ، ەكى جاقتىڭ سەلبەستىك قارىم – قاتىناسىن جالعاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
