- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو حالىقارالىق ساۋدانى جەبەۋ كوميتەتى 2016 – جىلعى ەكسپورتتى جەبەۋ جول كارتاسىن بەلگىلەدى
2016.04.06 14:49
جۇڭگو حالىقارالىق ساۋدانى جەبەۋ كوميتەتى ناۋرىزدىڭ 31 – كۇنى «جۇڭگو حالىقارالىق ساۋدانى جەبەۋ كوميتەتىنىڭ 2016 – جىلعى ەكسپورتتى جەبەۋ جول كارتاسىن» رەسمي جاريالادى.
ءتىلشىنىڭ اتالعان كوميتەتتىڭ وتكىزگەن باسپا ءسوز ءماسليحاتىنان ۇعىسۋىنشا، بۇل ەكسپورتتى جەبەۋ جول كارتاسى جاعىراپيالىق ورنى جانە ەۆروپا مەن امەريكانىڭ ءداستۇرلى بازارى، جاڭادان گٷلدەنگەن بازار، «ءبىر بەلدەۋ، ءبىر جول» بويىنداعى ەلدەر سياقتى ءتۇيىندى ەكسپورت بازارلار بويىنشا سالالارعا ءبولىنىپ جاسالعان، وندا قاتىستى نىسانالى وڭىرلەردىڭ ەكونوميكا – ساۋدا اۋقىمى مەن ەكسپورت ورايلارىن ساراپتاۋ نەگىزىندە مەملەكەت بويىنشا ساۋدانى جەبەۋ جۇيەسىندەگى 111 ەكسپورتتى جەبەۋ نىسانى بىرىكتىرىلگەن. بۇل نىساندار كورمە، ەكونوميكا – ساۋدا ۇيىرمەسى، تالقى مىنبەرى، عىلمي زەرتتەۋ جينالىسى، سادا تەكشەسى، قىزمەت وتەۋ تەكشەسى، تاربيەلەۋ سياقتى 8 ءتۇردى قامتىپ، ەكسپورت نىساناسى 43 مەملەكەت پەن رايونعا سايادى، جابدىق جاساۋ، مۇناي حيميا ونەركاسىبى، ينفورماتسيا تەحنيكاسى، بيولوگيالىق عىلىم – تەحنيكا، كۇندەلىك تۇتىنۋ جانە مادەنيەت جاسامپازدىعى سياقتى كوپتەگەن سالانى شارپيدى.
جۇڭگو ساۋدانى جەبەۋ كوميتەتى ساۋدا ىستەرىنە قارجى قوسۋدى جەبەۋ ءبولىمىنىڭ باستىعى لين شۇنجيە بىلاي دەدى: جول كارتاسى جاي عانا نىساندار تىزبەگى ەمەس، قايتا ساۋدانى جەبەۋ كوميتەتىنىڭ مەملەكەتتىڭ «ءبىر بەلدەۋ، ءبىر جول» قۇرىلىسىن، حالىقارالىق ءوندىرىس قۋاتى ىنتىماقتاستىعىن ىلگەرىلەتۋ، يمپورت – ەكسپورتتىڭ ورنىقتى ارتۋىن جەبەۋ سياقتى قىزمەت ورنالاستىرۋلارى بويىنشا، ۇقساماعان مەملەكەت پەن رايوننىڭ ەكونوميكالىق جاعدايى مەن ەكسپورت ورايىنا نەگىزدەلىپ، ەكونوميكا – ساۋدا نىساندارىن كەڭ كولەمدەۋ توپتاستىرۋ، تۇرگە، دارەجەگە ايىرىپ ىرىكتەۋ نەگىزىندە جاساعان جوباسى بولىپ، ساۋدانى جەبەۋ سالاسىنداعى ەكسپورتتى جەبەۋ بىرىككەن كۇشىن نىعايتاتىن، ەكسپورتتى جەبەۋ قىزمەت وتەۋ ونىمدىلىگىن جوعارىلاتاتىن جاسامپاز شارا، ول ەكسپورت كاسىپورىندارىنىڭ حالىقارالىق ەكونوميكا – ساۋدا جاعىنداعى قۇندى ينفورماتسيالارعا يە بولۋىنا سەپتىگىن تيگىزىپ، ەلىمىزدىڭ ەكسپورت كاسىپورىندارىنىڭ حالىقارالىق باسەكەلىك قۋاتىن اناعۇرلىم نىعايتادى.
ۇعىسۋعا قاراعاندا، «جۇڭگو حالىقارالىق ساۋدانى جەبەۋ كوميتەتىنىڭ 2016 – جىلعى ەكسپورتتى جەبەۋ جول كارتاسى» جۇڭگو حالىقارالىق ساۋدا قوعامى، جەرگىلىكتى جانە كاسىپتىك ساۋدانى جەبەۋ قوعامى ارقىلى كاسىپورىندارعا تاراتىلىپ بەرىلەدى ەكەن، بۇقارا بەلگىلەنگەن توراپ بەكەتى ( mer.ccpit.org ) ارقىلى ەلەكتروندى نۇسقاسىن تۇسىرۋىنە نەمەسە ينتەرنەت ارقىلى ىزدەپ سۇراستىرۋىنا دا بولادى.
(شينحۋا اگەنتتىگى)
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
