- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سىزگە ءومىر، بىزگە ءنومىر كەرەك
ساعىنبەك رابات ۇلى
2016.04.06 15:20 كەلۋ قاينارى : ءتاڭىرتاۋ تورابى
بۇل اقپاراتتىق كەڭەستى جازۋىما كولىككە وتىرعاندا حاۋىپسىزدىك بەلبەۋىن تاقپاۋ؛ جول جۇرەردە جولاۋشى تاسيتىن كولىكتىڭ زاڭدى كىرە كولىك پە، الدە وتباسىلىق كولىك پە؟ ونىمەن ەسەپتەسىپ جاتپاۋ؛ موتوتسيكلگە مىنگەندە حاۋىپسىزدىك دۋلىعاسىن كيمەۋ سەكىلدى سەبەپتەردەن اجالدان 3 كۇن بۇرىن و دۇنيەگە اتتانىپ جاتقان جاندار سەبەپ بولدى.
وتكەندە ورتالىق تەلەۆيزياسىنىڭ مەملەكەتتىك، حالىقارالىق حابارىندا بەلگىلى ءبىر جەردە تۋىلعان قاتىناس شىرعالاڭىنىڭ كەسكىنى تاراتىلىپ، جاۋىن - شاشىننىڭ اسەرىنەن جولدان تايىپ اۋناعان اۆتوبۋزداعى جولاۋشىلاردىڭ ىشىندە حاۋىپسىزدىك بەلبەۋىن تاقپاعان بىرنەشەۋىنىڭ جانىنان جۇدا بولعانى كورسەتىلدى. مىنە بۇدان حاۋىپسىزدىك بەلبەۋىن تاقپاۋدىڭ وتە قاتەرلى ەكەنىن كورۋگە بولادى. كولىك جوعارى قارقىنمەن كەلە جاتقاندا، توسىن كەدەرگىگە كەزىگىپ شۇعىل تورمۋزدالسا، ودان تۋىنداعان ەرەن كۇشتى ەكپىننەن كولىك ىشىندەگى ادام تابيعي تۇردە الدىعا قاراي ىتقيدى. زاۋدەعالام، حاۋىپسىزدىك بەلبەۋىن تاققان بولساڭىز، وندا بەلبەۋ ءسىزدى وتىرعان ورنىڭىزدان تىرپ ەتكىزبەي، قاتەردەن اراشالاپ قالادى نەمەسە تۋىلاتىن زياندى بارىنشا تومەندەتەدى. كىرە كولىك جۇرگىزەتىن ءبىر شوفەردىڭ: «سىزگە ءومىر، بىزگە ءنومىر كەرەك، اۋرە كورمەي بەلبەۋدى تاعىپ الىڭىز» دەپ ەسكەرتكەنىندەي، مەيلى جوعارى قارقىندى تاس جولدا، الدە ادەتتەگى تاس جولدا بولسىن، كولىككە وتىرا سالا حاۋىپسىزدىك بەلبەۋىن تاعىپ الساڭىز، قاتىناس ساقشىسى ۇستاپ السا دا «ءنومىر تارتامىن، ايىپ سالامىن» دەپ اۋرەلەمەيدى. حاۋىپسىزدىك بەلبەۋىن تاعۋ ادەتىن قالىپتاستىرۋدىڭ ەڭ جوق دەگەندە شوفەر ءۇشىن پايداسى زور، ءمۇبادا، كولىكتى شۇعىل تورمۋزداساڭىز دا، باسىڭىز اينەككە ءتيىپ جارالانبايدى نەمەسە كۇشتى ەكپىننەن كولىكتەن ىتقىپ شىعىپ كەتپەيسىز.
جول جۇرەردە جولاۋشى تاسيتىن زاڭدى كىرە كولىك پە، الدە وتباسىلىق كولىك پە؟ بۇعان ەرەكشە نازار اۋدارىڭىز. «جامان ايتپاي جاقسى جوق»، «پالە قايدان، جالا قايدان دەيتىن ەمەس»، جولاۋشى تاسيتىن كىرە كولىگىنە وتىرىپ كەلە جاتىپ توسىن جاعدايعا تاپ بولساڭىز، ونىڭ ەمدەلۋ، تولەم الۋ سەكىلدى جۇمىستارى ەداۋىر وڭاي بىتەدى. ويتكەنى ولار جىل سايىن شارتسىز تۇردە ورىندىق سانى بويىنشا جۇڭگو حالىق مال - مۇلىك، عۇمىر قامسىزداندىرۋ سەرىكتەستىگىنە قامسىزداندىرۋ اقىسىن تاپسىرىپ وتىرادى. ال وتباسىلىق كولىكتە تەك 3 - جاق جاۋاپكەرشىلىگىن ۇستىنە الاتىن عانا قامسىزداندىرۋ بورىشى بولادى. سول ءۇشىن جول جۇرەردە كولىگىن قالتارىس جەرگە توقتاتىپ قويىپ، ادام ىزدەيتىندەردىڭ كولىگىنە ەمەس، ءاربىر اۋداننىڭ (قالا)، اۋىل - قالاشىقتىڭ جولاۋشى تاسىمال بەكەتىندەگى اۆتوبۋزىنا نەمەسە شاعىن كىرە كولىگىنە وتىرىڭىز ءارى مىنا 2 ءتۇيىندى ەسكەرىڭىز: 1) كولىكتىڭ نەمەسە اۆتوبۋزدىڭ وڭ جاق تەرەزەسىنىڭ الدىنا «التاي قالاسى − كوكتوعاي اۋدانى»، «قابا اۋدانى − سارتام اۋىلى» نەمەسە «ءۇرىمجى قالاسى − التاي قالاسى» دەگەن سەكىلدى جازۋ جازىلعان تاقتايشا قويىلادى. 2) شاعىن كىرە كولىگىنىڭ ءنومىرىنىڭ الدى «T» ارىبىنەن باستالىپ سوڭى 4 ورىندى سيفر بولادى جانە الدىڭعى ەكى ەسىگىنە قاراستى سەرىكتەستىكتىڭ اتى مەن «12328» سيفرى جازىلادى، مۇنداعى «12328» قاتىناس - تاسىمال ءۇشىن قىزمەت وتەيتىن جانە ونى باقىلايتىن تەلەفون.
موتوتسيكلگە مىنگەندە دۋلىعا كيمەۋدىڭ، ۇشتەن، تورتتەن مىنگەسۋدىڭ، ءنومىر تاقتاسىن تاقپاي، كۋالىكسىز جۇرگىزۋدىڭ زاردابى جونىندە مىسال ايتىپ وتىرۋدىڭ قاجەتى جوق شىعار. مۇنان سىرت، قازىر قالادا دا، اۋىل - قالاشىقتا دا كولىك قاۋىرت كوبەيدى، سوندىقتان جاياۋ جۇرگەندە دە قاتىناس قاعيداسىنا بويسۇنىڭىز، ياعني جولدىڭ وڭ جاعىمەن ءجۇرىڭىز، جولدان بەتالدى كەسىپ وتپەڭىز، جاياۋلارعا ارنالعان جولاقتى جولمەن قىزىل شىراق جانعاندا توقتاپ، جاسىل شىراق جانعاندا ءوتىڭىز.
سوڭىندا ايتارىمىز: جوعارىدا ايتىلعان كورىنەۋ سەبەپتەرگە قاي - قاشان دا ءمان بەرىپ، شەكتى ءومىرىڭىزدى ايالاڭىز، اعايىن. ارينە، سىزگە ءومىر، شوفەرگە ءنومىر كەرەك ەكەنىن، ساقتانساڭىز عانا ساقتايتىنىن جادىڭىزدان شىعارماڭىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
