- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىق تورابىنىڭ 20 جىلدىق ءىرى وقيعالار ەستەلىگى
2017.01.19 14:49 كەلۋ قاينارى : حالىق تورابى
حالىق تورابى 1997 – جىلى 1 – قاڭتاردا عالامتورعا شىعارىلدى. بۇگىنگە دەيىن وقىرمانى 130 ميلليون ادام – رەتكە جەتىپ، 210 مەملەكەت پەن رايوندا وقىرمانى بار توراپقا اينالدى.
1999 – جىلى 9 – مامىردا حالىق تورابى «ناتونىڭ زورلىق – زومبىلىعىنا قارسى تۇرۋ تالقى مىنبەسىن» اشتى، كەيىن «قۇدىرەتتى ەل تالقى مىنبەسى» بولىپ وزگەرتىلدى، بۇل جۇڭگوداعى اقپارات ورنى اشقان حانزۋ تىلىندەگى تۇڭعىش ساياسي تالقى مىنبەسى، تەمە سانى تەز ارادا دۇنيە جۇزىندەگى حانزۋشا تالقى مىنبەلەرىنىڭ ىشىندە ءبىرىنشى ورىنعا شىقتى.
2004 – جىلى 20 – قاڭتاردا حالىق گازەتىنىڭ 5 – سانىندا «حالىق تورابى وقىرماندارىنىڭ لەبىز تاقتاسى» اتتى ارناۋلى ستون اشىلىپ، حالىق تورابى وقىرماندارىنىڭ ءبىر كۇن بۇرىن شىعارىلعان حالىق گازەتىندەگى حابارلارعا قايتارعان اڭىستارىن گازەتكە باسىپ، گازەت پەن توراپ اراسىنداعى ىقپالداستىقتىڭ سورابىن سالدى.
2006 – جىلى 11 – شىلدەدە «حالىق شولۋى: وتانعا دەگەن سۇيىسپەنشىلىگىمىزدى قالاي جەتكىزۋىمىز كەرەك» اتتى شولۋ سيپاتتى تۋىندى 16 – كەزەكتى جۇڭگو اقپارات سيلىعىنىڭ 1 – دارەجەلى سيلىعىنا يە بولدى. بۇگىنگە دەيىن حالىق تورابى 11 رەت جۇڭگو اقپارات سيلىعىنىڭ 1 – دارەجەلى سيلىعىنا يە بولدى.
2006 – جىلى تامىزدا حالىق تورابى «جەرگىلىكتى ورىن باسشىلارىنا لەبىز جازۋ تاقتاسىن» اشىپ، قوعامدىق احۋالدار مەن حالىق رايىن اڭىس ەتىپ، بۇقارا كوڭىل ءبولىپ وتىرعان ىستەر تۋرالى جاۋاپ قايتارىپ، ماسەلەلەردى شەشىم ەتۋگە جەبەۋ بولىپ، بۇگىنگە دەيىن بۇكىل ەلىمىزدى قامتىعان ينتەرنەتتەگى بىردەن – ءبىر ساياسي ىقپالداستىق مىنبەرىنە اينالدى.
2008 – جىلى 20 – ماۋسىمدا حالىق گازەتى جارىق كورگەنىنىڭ 60 جىلدىعى قارساڭىندا، ج ك پ ورتالىق كوميتەتىنىڭ باس شۋجيى حۋ جينتاۋ حالىق تورابىنىڭ «قۇدىرەتتى ەل تالقى مىنبەسىنە» قوناق بولىپ، توردوستارمەن عالامتوردا جۇزدەستى. بۇل ەلىمىزدىڭ ەڭ جوعارى باسشىسىنىڭ تۇڭعىش رەت توردوستارمەن عالامتوردا جۇزدەسۋى.
2008 – جىلدىڭ سوڭىندا حالىق تورابى توكيودا جاپونيا بولىمشەسىن قۇرىپ، تۇڭعىش رەت ەلىمىز تابالدىرىعىنان اتتاپ، شەتەلدە بولىمشە قۇرعان مەملەكەتتىك ماڭىزدى اقپارات تورابىنا اينالدى. قازىرگە دەيىن حالىق تورابىنىڭ شەتەلدە 11 بولىمشە سەرىكتىگى نەمەسە ءىس باسقارۋ ورنى بار.
2010 – جىلى 20 – ماۋسىمدا حالىق گازەتى مەكەمەسى، الەمدىك ۋاقىت گازەتى مەكەمەسى قاتارلى ورىندار بىرلىكتە حالىق تورابى شەكتى جارنا سەرىكتىگىن رەسمي قۇردى.
2014 – جىلى 27 – ساۋىردە حالىق تورابى شاڭحاي بيرجاسىندا بازارعا شىعىپ، ەلىمىزدەگى A جارنا بازارىنا تۇڭعىش رەت شىعارىلعان اقپاراتتىق توراپ بولدى.
2013 – جىلى 7 – قىركۇيەكتە مەملەكەت ءتوراعاسى شي جينپيڭ قازاقستاننىڭ نازاربايەۆ ۋنيۆەرسيتەتىندە ماڭىزدى لەكسيا جاسادى. حالىق تورابى عالامتوردا ناق مايداننان تىكە تاراتۋ ۇقىعىنا يە بولىپ، ءبىر ۋاقىتتا 6 تىلدە بىردەي حابارلادى، حالىق تورابىنىڭ ميكروبلوگى دەر كەزىندە حابارلاپ وتىردى.
2014 – جىلى 29 – ناۋرىزدا حالىق تورابى جۇڭگو كوممۋنيستىك پارتياسىنىڭ اقپارات تورابى ۇيىمداستىرعان بۇكىل مەملەكەت بويىنشا پارتيا قۇرىلىسىن دارىپتەۋ تەكشە جۇيەسى رەسمي ىسكە قوسىلدى.
2014 – جىلى 29 – قىركۇيەكتە جۇڭگو كوممۋنيستىك پارتياسى اقپارات تورابى قۇرعان «ۇيرەنۋ جولىندا ــ باس شۋجي شي جينپيڭنىڭ جەلىلەس ماڭىزدى سوزدەرىنەن كولەمدى عالامتورلىق ساندى مالىمەت قورىن» عالامتورعا شىعارۋ سالتى وتكىزىلدى. بۇل باس شۋجي شي جينپيڭنىڭ ماڭىزدى سوزدەرىن ينتەرنەتتەگى ساندى مالىمەت فورماسىندا ۇگىتتەيتىن تۇڭعىش ارناۋلى ايدارشا بولدى.
2015 – جىلى 3 – قىركۇيەكتە وتكىزىلگەن اسكەري پاراتتى حابارلاۋ بارىسىندا، حالىق تورابى حالىق لەنياسى قاتارلى ورىندارمەن بىرلەسە وتىرىپ، «توردوستاردىڭ كوڭىل – كۇيىن بەينەلەۋ» ايدىك مالىمەتىن جاريالاپ، سول كۇنگى 4 ساعات ىشىندە توردوستاردىڭ شيلاڭ ميكروبلوگ تەكشەسىندەگى اسكەري پاراتقا قاتىستى تالقىلارىنا تالداۋ جۇرگىزدى، وقىلعان تەمە مولشەرى 2 ميلليارد 200 ميلليون داناعا جەتتى.
2016 – جىلى 19 – اقپاندا ج ك پ ورتالىق كوميتەتىنىڭ باس شۋجيى شي جينپيڭ حالىق تورابىنىڭ ستۋدياسىندا فۋجيان ولكەسى نيڭدى قالاسى چىشي قىستاعىندا سۇحباتتا بولعان تىلشىمەن عالامتوردا سويلەسىپ، قىستاقتاعى كادرلارمەن جانە بۇقارامەن عالامتوردا اڭگىمەلەستى.
2016 – جىلى 1 – شىلدەدە حالىق تورابى، جۇڭگو كوممۋنيستىك پارتياسىنىڭ اقپارات تورابى، قولفونداعى حالىق تورابى سىندى ءۇش توراپ بۇكىلدەي جاڭالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
