ساياسي كەڭەس مۇشەسى 0 ــ 3 جاسقا دەيىنگى نارەستەلەردى باعىپ بەرۋ قىزمەتىن جەدەل دامىتۋدى ۇسىنىس ەتتى
2018.03.14 14:10 كەلۋ قاينارى : حالىق تورابى
حالىق تورابى، 14 – ناۋرىز، بەيجيڭ. «بالالى بولسام كىم باعىپ بەرەدى؟»، كاسىپتە جۇرگەن كوپتەگەن ايەل زاتى ۇرپاق ٴسۇيۋ تۋرالى ءسوز قوزعاعاندا وسىنداي ماسەلەگە جولىعادى. ساياسي كەڭەس مەملەكەتتىك 13 – كەزەكتى 1 - جالپى ماجىلىسىنە قاتىناسقان مۇشەلەردىڭ كوبى 0 ــ 3 جاسقا دەيىنگى نارەستەلەردى باعىپ بەرۋ قىزمەتىن جەدەل دامىتۋدى ۇسىنىس ەتتى.
مەملەكەتتىك ساياسي كەڭەس مۇشەسى، شاندۇڭ دارىندىلار مەكتەبىنىڭ جورا باستىعى ياڭ ۋىن كوپتەگەن ايەلدەردىڭ ەكىنشى بالاسىن العىسى كەلمەيتىنىن، باستى سەبەبى ۋاقىت پەن ەكونوميكالىق قۇنىن ويلاساتىنىن ايتتى.
«ەكىنشى بالانى باعىپ – قاعۋ كاسىپتە جۇرگەن ايەلدەردىڭ ءتىپتى كوپ زەيىنى مەن ۋاقىتىن سارىپ قىلىپ، ولاردىڭ كاسىپتىك ومىرىنە ىقپال ەتەدى. كوپتەگەن وتباسىلار بالا باعۋشى، كۇتىمدەۋشى الۋ ءادىسى ارقىلى نارەستەلەرگە قارايلاسادى، بۇلاي بولعاندا بالانى باعۋدىڭ ەكونوميكالىق قۇنى دا جوعارىلايدى» دەدى ياڭ ۋىن، قازىرگى كەزدە ەلىمىزدەگى بالالار باقشاسى 3 جاسقا تولماعان نارەستەلەردى بالالار باقشاسىنا قابىلدامايدى، ال، ورگان، الەۋمەتتىك رايون، كاسىپورىن – ءىسورىنداردىڭ اشقان بالا باقشاسى توتەنشە شەكتى.
مەملەكەتتىك ساياسي كەڭەستىڭ مۇشەسى، جىجياڭ ولكەسى وقۋ – اعارتۋ مەڭگەرمەسى باستىعىنىڭ ورىنباسارى حان پيڭنىڭ قاراۋىنشا قازىرگى كەزدە جۇرتشىلىقتىڭ بالا باعىپ بەرۋگە دەگەن قاجەتى تەك قانا نارەستەنى باعىپ بەرىپ قالماستان، ولاردىڭ تاربيەسى مەن كۇتىمىنە دە ەرەكشە دەن قويۋدا. «كەيبىر عىلىمي زەرتتەۋگە قاراعاندا، 0 ــ 3 جاستاعى نارەستە فيزيولوگيا، تۇيسىك، ءتىل، تانۋ قابىلەتى قاتارلى جاقتارىنداعى دامۋ باسقىشىنىڭ ماڭىزدى كەزەڭىندە بولىپ، ومىرىنە جاسايتىن ىقپالى اسا ماڭىزدى» دەدى.
بالانى باعىپ بەرۋ قىزمەتى سالاسىندا قانداي ماسەلەلەر ءومىر ٴسۇرىپ وتىر؟ مەملەكەتتىك ساياسي كەڭەستىڭ مۇشەسى، دەموكراتيانى ىلگەرىلەتۋ پارتياسى ورتالىق كوميتەتى ٴتوراعاسىنىڭ ورىنباسارى جۋ يۇڭشين كاسىپتىك سالاداعى ساياسات، زاڭ – ەرەجەلەر مەن كاسىپتىك دارىندىلار ولشەمى كەمشىل، باقىلاپ – باسقارۋ ورگاندارى انىق ەمەس دەدى.
«كاسىپورىن قامداعان باعىپ بەرۋ قىزمەتىنىڭ قاتىستى ساياساتتارى كەمشىل، باعىپ بەرۋ قىزمەتى ىستەرىنىڭ دامۋىندا اشىق كورسەتىلگەن ارنا جوق. از ساندى باعىپ بەرۋ قۇرىلىمدارىنىڭ قىزمەت كورسەتۋ ولشەمى، وقىتۋشىلار قوسىنى، دەنساۋلىق حاۋىپسىزدىگى، باعىپ – قاعۋ تاربيەسى، بالا باقشا ورتاسى قاتارلى جاقتارى ءالى دە ولشەمدەستىرۋدى قاجەت ەتەدى» دەدى جۋ يۇڭشين.
بىلتىر جىل سوڭىندا، ورتالىقتىڭ ەكونوميكا قىزمەتى ءماجىلىسى نارەستەلەردى باعۋ مەن نارەستەلەر تاربيەسى قىزمەتى ماسەلەسىن شەشۋدى ورتاعا قويعان بولاتىن. بيىل ۇكىمەت قىزمەتى بايانداماسىندا «نارەستەلەردى باعىپ بەرۋ قىزمەتى بارىسىن تۇگەلدەي باقىلاپ – باسقارۋدى كۇشەيتۋدى» ورتاعا قويدى. كوپتەگەن مۇشەلەر «ۇكىمەت باسشىلىق ەتۋ، ورگاندار سەلبەسۋ، قوعام قاتىسۋ» فورماسىمەن باعىپ بەرۋ قىزمەتى سياقتى جۇرتشىلىق ەرەكشە نازار اۋدارعان «ماڭىزدى كىشكەنە ءىستىڭ» تۇبىرىنەن شەشىلۋىن ءۇمىت ەتتى.
حان پيڭنىڭ قاراۋىنشا، ۇكىمەت كەمەلدەندىرەتىن زاڭ – ەرەجەلەرى مەن قۇجاتتارىن بەلگىلەپ، نارەستەلەردى باعۋ مەن نارەستەلەر تاربيەسى قىزمەتى سالاسىنىڭ دامۋىن ءبىرتۇتاس جوسپارلاۋى كەرەك. سونىمەن قاتار، ارنايى باسشىلار گرۋپپاسى نەمەسە ورگانىن قۇرىپ، دەنساۋلىق، وقۋ – اعارتۋ، ونەركاسىپ پەن ساۋدا، حالىق ىستەرى، ايەلدەر بىرلەستىگى، قازىنا قاتارلى تاراۋلاردىڭ كۇشىن بىرلەستىرىپ، جاۋاپكەرشىلىكتىڭ بىتىراندى بولۋى مەن باقىلاپ – باسقارۋدىڭ جەتەرسىز بولۋىنان ساقتانۋ كەرەك.
«شاڭحاي مەن نانجيڭ نارەستەلەر تاربيەسىن دامىتۋ جاعىندا پايدالى ىزدەنىستەر جاساپ، پايدالانۋعا، جالپىلاستىرۋعا بولاتىن ۇلگىنى العاشقى باسقىشتا قالىپتاستىردى. مەملەكەت جوعارى ورەدەن جوبالاۋ ارقىلى ورگاندار مەن باسقا دا قاتىستى ورىنداردىڭ جاۋاپكەرشىلىگىن انىق كورسەتىپ بەرۋىن ءۇمىت ەتەمىن» دەدى حان پيڭ.
الەۋمەتتىك رايون، كاسىپورىن، قامقورلىق ۇيىمى قاتارلى ءار ءتۇرلى قوعامدىق كۇشتەردى نارەستەلەردى باعۋ كاسىپ سالاسىنا ات سالىسۋعا شابىتتاندىرۋ كەرەك،- دەپ ۇسىنىس ايتا كەلە جۋ يۇڭشين، - باجى ىستەر ورگاندارى كاسىپورىن – ءىسورىندارىنىڭ نارەستەلەردى باعۋ قىزمەتى جاعىنداعى قوسقان ۇلەسىنە قاراي، ءمالىم مولشەردە باجى جاعىنان تيىمدىلىك جاساۋ كەرەك دەدى؛ ۇكىمەت قامداعان الاڭ ارقىلى كاسىپتىك قوعامدىق قىزمەت وتەۋدى ساتىپ الۋ فورماسىن قولدانىپ، نارەستەلەردى باعۋ قۇرىلىمىن ۇلكەن ءتيپتى ونەركاسىپ رايونى، تۇرمىس رايونىنىڭ سايكەستى قۇرىلعىسى ەتىپ قۇرۋ كەرەك؛ بالالار باقشاسىنىڭ ىشىنەن نارەستەلەر كلاسىن اشىپ، ءبىر ءبولىم نارەستەلەردى باعىپ بەرۋ قاجەتىن قاناعاتتاندىرۋ كەرەك.
«تاعى ءبىر جاعىنان بەكىتۋ رەسميەتتەرىن قاراپايىمداستىرىپ، حالىق ورتاسىنداعى سۇيىسپەنشىلىككە تولى، جاۋاپكەرشىلىگى بار ءتىپتى دە كوپ قارجىگەرلەردى اتالعان سالاعا قارجى قوسۋعا شابىتتاندىرىپ، قامداۋ مەن قاجەتسىنۋدىڭ تەپە – تەڭدىگىن قاناعاتتاندىرۋ كەرەك. تاعى ءبىر جاعىنان، قاتاڭ ۇنەمىلىك باقىلاۋدى اتقارىپ، اتقارۋ پارمەنىن كۇشەيتىپ، نارەستەلەردىڭ حاۋىپسىزدىگىنە قول سۇعاتىن ارەكەتتەردى قاتاڭ جازالاۋى كەرەك» دەدى جۋ يۇڭشين.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
