2019 – جىلعى كوكتەم مەرەكەسىندە ەل بويىنشا 415 ميلليون ادام – رەت ساياحاتتاپ شىقتى، ساياحات كىرىسى 513 ميلليارد 900 ميلليون يۋان بولدى
2019.02.11 16:47 كەلۋ قاينارى : حالىق تورابى
حالىق تورابى، 2 – ايدىڭ 10 – كۇنى، بەيجيڭ (ءتىلشى ليان پينجيە). ءتىلشىنىڭ مادەنيەت جانە ساياحات مينيسترلىگىنەن ۇعىسۋىنشا، 2019 – جىلعى كوكتەم مەرەكەسىنىڭ دەمالىسى كەزىندە بۇكىل ەلدىڭ مادەنيەت جانە ساياحات بازارىندا «حاۋىپسىز، ءتارتىپتى، ساپالى، ءونىمدى، وركەنيەتتى بولۋ» نىساناسى جالپى جاقتان ىسكە اسىرىلعان. جەر – جەردىڭ مادەنيەت جانە ساياحات تاراۋلارىنىڭ، حابارلاسۋ كاسىپورىندارىنىڭ، توراپتا ساياحاتقا قىزمەت وتەۋ كاسىپورىندارىنىڭ ساندى مالىمەتىن جيناقتاپ، جۇڭگو ساياحات زەرتتەۋ ورنىنىڭ (مادەنيەت جانە ساياحات مينيسترلىگىنىڭ ساندى مالىمەت ورتالىعى) جالپىلىق ولشەپ – ەسەپتەۋى ارقىلى بۇكىل ەل بويىنشا قابىلدانعان ساياحاتشى جالپى مولشەرىنىڭ 415 ميلليون ادام – رەت بولىپ، وتكەن جىلدىڭ ۇقساس مەزگىلىندەگىدەن %7.6 ارتقانى؛ ورىندالعان ساياحات كىرىسىنىڭ 513 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %8.2 ارتقانى، مادەنيەت جانە ساياحات بازارىنىڭ گۇلدەنگەنى، ءتارتىپتى بولعانى ءمالىم بولدى.
كوكتەم مەرەكەسىن ساياحاتپەن وتكىزۋ جاڭا سالتقا اينالدى، وتباسىلىق ساياحاتتاۋ، قارتتاردى ساياحاتقا ەرتىپ شىعۋ، اكە (شەشە) – بالانىڭ ساياحاتقا شىعۋى، مادەنيەت، دەمالىس ورىندارىن ساياحاتتاۋ مەرەكە كەزىندەگى باستى ساياحات، دەمالىس تاسىلىنە اينالدى. كوكتەم مەرەكەسى كەزىندە جەر – جەر باي مازمۇندى مادەنيەت قيمىلدارىن وتكىزىپ، حالىققا تيىمدىلىك جەتكىزىپ، كوكتەم مەرەكەسىنىڭ مەرەيىن اسىردى. بەيجيڭ، سانشي، ىشكى موڭعۇل قاتارلى 12 ولكە، اۆتونوميالى رايون، توتە قاراستى قالا «بەيزاتتىق مادەني مۇرامەن كوكتەم مەرەكەسىن وتكىزۋ، بارشا وتباسىعا مادەنيەت جەتكىزۋ» جەلىلەس مادەنيەت قيمىلدارىن وتكىزدى، انحۇي ولكەسى الۋان ءتۇستى پانۋس جينالىسى، ايداعار جانە ارىستان بيلەرى، سىلكىمە كەۋەكتى بامبۋك سەرىك ويىنى سياقتى سالت – سانالىق ءتۇس العان قيمىلداردى وتكىزدى، گۋاڭدۇڭ ولكەسىنىڭ گۋاڭفۋ عيباداتحاناسى، كوكتەم مەرەكەسىن قارسى الۋ گۇل بازارى، ارىستاندى وياتىپ كوكتەم مەرەكەسىن قارسى الۋ، كىجيالاردىڭ تاۋ ءانى، شاي جيناۋ ويىنى سياقتى بەيزاتتىق مۇرا تۇرلەرى ساياحاتشىلاردا ەستەن كەتپەستەي اسەر قالدىردى. «مۇراجايدا كوكتەم مەرەكەسىن قارسى الۋ» ساياحاتشىلار مەن قالا تۇرعىندارىنىڭ قارسى الۋىنا بولەندى. جۇڭگو ساياحات زەرتتەۋ ورنىنىڭ (مادەنيەت جانە ساياحات مينيسترلىگىنىڭ ساندى مالىمەت ورتالىعى) تەكسەرۋىنە قاراعاندا، كوكتەم مەرەكەسى كەزىندە مۋزەي، اسەمونەر سارايى، كىتاپحانا جانە عىلىم – تەحنيكا سارايى، تاريح – مادەنيەت كوشەسى سياقتى جەرلەردى ساياحاتتاعان ساياحاتشىلاردىڭ سالىستىرماسى جەكە – جەكە %40.5 كە، %44.2 كە، %40.6 كە جانە %18.4 كە جەتكەن، ءار ءتۇرلى مادەنيەت كونسەرتىن تاماشالاعانداردىڭ سالىستىرماسى %34.8 كە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
