قاناس كورىنىس رايونى «شىرت ۇيقىداعى كول قۇبىجىن وياتۋ» اتىنداعى مۇزدى كول تاقىرىپتى قيمىلىن وتكىزدى
2019.01.22 13:11
قاناس كورىنىس رايونىنىڭ «شىرت ۇيقىداعى كول قۇبىجىن وياتۋ» اتىنداعى مۇزدى كول تاقىرىپتى قيمىلى 1 - ايدىڭ 20 – كۇنى قاناس كولى بەتىندە ءساتتى وتكىزىلدى. مۇز بەتىندەگى ات بايگەسى، مۇز ءۇستى فۋتبولى قاتارلى مۇزدى كول قيمىلدارى ساياحاتشىلاردى قار - مۇز سپورتىنىڭ قىزىعىنا باتىرىپ، دىبالاردىڭ ۇلتتىق سالت – ءداستۇرى جانە مادەنيەتىمەن تانىستىردى.
ونەر كورسەتۋ اترەتى، ات بايگە اترەتى، جەبە اتۋ اترەتى، بايىرعى قار شاڭعى اترەتى، ات شانا اترەتى، بالۋاندار اترەتى سياقتى 8 قۇراماداعى سپورتشىلار ءداستۇرلى ۇلتتىق كيىمدەرىن كيىپ مايدانعا كىردى، جەرگىلىكتى بۇقارا دا مەرەكەلىك كيىمدەرىن كيىپ، قيمىلعا قاتىناسقان ساياحاتشىلارعا اركى، قادا ۇسىنىپ، توڭىرەكتىڭ ءتورت بۇرىشىنان كەلگەن قوناقتاردى قىزۋ قارسى الدى.
گانسۋلىق ساياحاتشى گاۋ حانىم: بۇل مەنىڭ قاناسقا تۇڭعىش رەت كەلۋىم، وتە كەرەمەت ەكەن، اۋاسى تۇنىق، قارى اپپاق ەكەن، — دەدى.
ۇرىمجىلىك ساياحاتشى ۋاڭ حانىم بىلاي دەدى: بۇل مەنىڭ قاناسقا تۇڭعىش رەت كەلۋىم، شىنىندا كوركەم ەكەن، اپپاق قار، ساپ تازا اۋا. ونىڭ ۇستىنە جەرگىلىكتى 1 - كەزەكتى شىرت ۇيقىداعى كول قۇبىجىن وياتۋ قيمىلىنا قاتىناستىم. وتانىمىزدىڭ جەر - جەرىندەگى ساياحاتشىلاردىڭ كوركەم شينجياڭعا كەلۋىن قارسى الامىز، — دەدى.
ىشكى موڭعۇلدان كەلگەن ساياحاتشى تەرگەل سالت اقىرلاسقاننان كەيىن جەرگىلىكتى دىبالاردىڭ ۇلتتىق سالت - داستۇرىنەن توتەنشە اسەرلەندى، تەرگەل تىلشىگە ءوزىنىڭ وسىندا تۇڭعىش رەت وسىنداي قيمىلدى كورگەنىن، سىرلى قاناستىڭ قويۋ ۇلتتىق مادەنيەتىنىڭ ادامدارعا تەرەڭ اسەر قالدىراتىنىن ايتتى.
ىشكى موڭعۇلدىق ساياحاتشى تەرگەل بىلاي دەدى: مەنىڭ قاناسقا تۇڭعىش رەت كەلۋىم، تالەيىم جانىپ وسى رەتكى قيمىلعا قاتىناستىم، مەن ىشكى موڭعۇلدان كەلدىم، تەگىم موڭعۇل، ىشتەي توتەنشە تەبىرەندىم، اناعۇرلىم كوپ ادامداردىڭ ءبىزدىڭ ۇلتتىق مادەنيەتىمىزدى، ۇلتتىق سالت - داستۇرىمىزدى ءبىلۋىن، وسىنداي مادەنيەتكە مۇراگەرلىك ەتىپ جالعاستىرا بەرۋىن ءۇمىت ەتەمىن، وسىندا كەلىپ شىنىندا تەبىرەندىم، — دەدى.
قاناس كولى اي پشىندەس، ۇزىندىعى 24.5 كيلومەتر، ەڭ كەڭ جەرى 2.2 كيلومەتر، ورتاشا تەرەڭدىگى 120 مەتر، ەڭ تەرەڭ جەرى 197 مەتر، ايدىنى 45.78 شارشى كيلومەتر، سيىمدىلىعى 5 ميلليارد 400 ميلليون تەكشەمەتر، ول جۇڭگوداعى ەڭ تەرەڭ اسقار تاۋداعى تۇششى كول، «كول قۇبىجى»، «بۇلت ىشىندەگى شۇعىلا»، «سان تۇرگە وزگەرەتىن كول»، «قۋراعان اعاشتى ۇزىن بوگەۋ» سيىاقتى 4 عاجايىپ اتاعى جۇڭگو مەن شەتەلگە ايگىلى، قىس ماۋسىمىندا مۇز قاباتىنىڭ ەڭ قالىڭ جەرى 2 مەترگە جەتەدى، جەرگىلىكتى مالشىلار ءار جىلى مۇز بەتىندە جەبە اتۋ، بالۋان، ات بايگەسى قاتارلى ءتۇرلى ۇلتتىق سالت - داستۇرگە يە قيمىلداردى وتكىزىپ، ساياحاتشىلار قار، قىراۋ كورىنىسىنەن ءلاززاتتانۋمەن بىرگە، جەرگىلىكتى ۇلتتىق سالت - سانا ويىن نومىرلەرىنەن ءلاززاتتانادى.
قوم – قاناس موڭعۇل ۇلتتىق اۋىلىنىڭ باستىعى حۇڭ شا بىلاي دەدى: بۇل رەتكى قيمىلدىڭ نەگىزگى ءمانى قوم - قاناس ەكى قىستاقتىڭ قىسقى ساياحاتىن گۇلدەندىرۋ، قاناستىڭ قار - مۇز بايلىعىن تانىستىرىپ، شينجياڭنىڭ ءىشى - سىرتىنداعى ساياحاتشىلارعا قاناس قىستاعىنىڭ قىسقى كوركەم كورىنىسىن تانىستىرۋ. بۇدان كەيىن تاعى دا بۇقارالىق سپورت قيمىلدارى قاتارلى ەرەكشەلىككە يە ءتۇرلى قيمىلداردى وتكىزەمىز، — دەدى.
قىسقى ساياحات اشىلعاننان بەرى، قاناس كورىنىس رايونى ىلگەرىندى - كەيىندى قار - مۇز مەرەكەسى، قار شاشۋ مەرەكەسى، قىسقى قار - مۇز فوتو سۋرەت مەزگىلى، قارلى دالانى باسىنان كەشىرۋ، قار شاڭعى جارىسى سياقتى مەرەكە، جارىس قيمىلدارىن وتكىزىپ، دارالىق ەرەكشەلىككە يە ۇلتتىق سالت - ءداستۇر ارقىلى ساياحاتشىلاردى باۋرادى، قازىرگە دەيىن، كورىنىس رايونى قىسقى ساياحات مەزگىلىندە 13 مىڭ ادام - رەت ساياحاتشى قابىلداپ، بىلتىرعى وسى مەزگىلدەگىمەن سالىستىرعاندا %37.8 ارتتى.
قاليبەك سىرلىبەك ۇلى (بۋىرشىن اۋداندىق راديو - تەلەۆيزور مەكەمەسى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
