«جىبەك جولى ۆيزاسى» ورتا ازيانىڭ ساياحات جاعىنداعى سەلبەستىك بايلانىسىن جاقىنداستىردى
حالىق گازەتىنىڭ قازاقستاندا تۇراتىن ءتىلشىسى جوۋ حانبو
2019.01.21 15:08 كەلۋ قاينارى : حالىق تورابى
 |
سۋرەتتە: تاشكەنت استاناسى دۋشانبە قالاسىنداعى ۇلكەن بازار. حالىق گازەتىنىڭ ءتىلشىسى جوۋ حانبو فوتوسى
|
ورتا ازيا ەلدەرىنىڭ ساياحات بايلىعى مول، «جىبەك جولى ۆيزاسىنىڭ» ورتاعا قويىلۋى ءار ەلدىڭ ساياحات جاعىنداعى سەلبەستىگىن ىلگەرىلەتۋ رولىن اتقارادى.
جۋىردا وزبەكستان مەملەكەتتىك ساياحات كوميتەتىنىڭ جاۋاپتىسى اقپارات قۇرالدارىنىڭ سۇحباتىن قابىلداعان كەزدە، قازاقستان مەن وزبەكستاننىڭ 2019 – جىلى 2 – ايدا «جىبەك جولى ۆيزاسى» ءبىرتۇتاس قىزمەت وتەۋ نىسانىن رەسمي ىسكە قوسۋدى جوسپارلاپ وتىرعانىن ايتقان. اتالعان نىسان اناعۇرلىم مول شەتەلدىك ساياحاتشىلاردى ورتا ازياعا كەلۋگە باۋرايدى. جەرگىلىكتى اقپارات قۇرالدارىنىڭ حابارلاۋىنشا، ورتا ازيا وڭىرىندەگى باسقا مەملەكەتتەر، ءتىپتى ازەربايجان قاتارلى وسى وڭىردەن تىسقارى ەلدەر دە «جىبەك جولى ۆيزاسىنا» قوسىلۋ ويىندا، ورتا ازيا نۇسقاسىنداعى «شەنگەن ۆيزاسى» جارىق كورۋ الدىندا تۇر.
قازاقستان – گەرمانيا ۋنيۆەرسيتەتىنىڭ حالىقارالىق ماسەلەلەر جونىندەگى مامانى يگور يۋانوۆ تىلشىگە: «‹جىبەك جولى ۆيزاسىنىڭ› ىسكە قوسىلۋى ورتا ازياداعى ءار ەلدىڭ ساياحات كاسىبىنىڭ باسەكەلىك قۋاتىن جوعارىلاتۋعا ءتيىمدى، ءبىز جۇڭگو مەن باسقا مەملەكەتتەردەگى ساياحاتشىلاردىڭ قادام تاستاۋىن زور ۇمىتپەن كۇتەمىز»، — دەدى.
قازاقستان – جۇڭگو ساۋدانى ىلگەرىلەتۋ بىرلەستىگىنىڭ باستىعى قانات تىلشىگە: «ساياحات ءوندىرىسىن كۇش سالا دامىتۋ قازاقستاننىڭ مەملەكەتتى دامىتۋ ستراتەگياسى»، — دەدى. 2017 – جىلى 8 – ايدا قازاقستان ورتاعا قويعان «2018 ~ 2022 – جىلدارداعى مەملەكەتتىك قارجىلاندىرۋ جانە دامىتۋ ستراتەگياسى» ەنەرگيا سالاسىنا جاتپايتىن ءوندىرىس سالاسىن دامىتۋعا نازار اۋدارعان، ال، قازاقستاننىڭ ساياحات بايلىعى مول، دامۋ ءورىسى كەڭ، ساياحات كاسىبى ەكونوميكانى دامىتۋدىڭ باستى باعىتىنا اينالادى.
ورتا ازياداعى باسقا مەملەكەتتەردىڭ دە ساياحات بايلىعى وتە مول. تاريحى ۇزاق وزبەكستاندا 7300دەن استام مادەني مۇرا ورنى بار، جىبەك جولىنداعى بايىرعى قالالار ەسەپتەلەتىن سامارقان مەن بۇقارانىڭ اتى الەمگە ايگىلى. وزبەكستان پرەزيدەنتى ميرزيايەۆ جۋىردا «2019 ~ 2025 – جىلدارداعى ساياحات سالاسىن دامىتۋ جوسپارىنا» قول قويدى، الدا ۆيزانى قاراپايىمداستىرۋ، نەگىزدىك قۇرىلعىلار قۇرىلىسىن جەدەلدەتۋ مەن قىزمەت وتەۋ ورەسىن جوعارىلاتۋ قاتارلى ءتۇرلى تاسىلدەر ارقىلى ساياحات كاسىبىن وزبەكستان ەكونوميكاسىن دامىتۋداعى ماڭىزدى تىرەكتى كاسىپكە اينالدىرادى. قىرعىزستاننىڭ تابيعي كورىنىسى ەرەكشە كوركەم، تابيعي قورىقتار مەن دەمالىس ورىندارى وتە كوپ. تاجىكستان «تاۋلى مەملەكەت» دەگەن اتقا يە، بۇل ەلدىڭ تەرريتورياسىنداعى بيىك تاۋلاردىڭ اتاعى الىسقا جايىلعان.
يۋانوۆ مىنانى اتاپ كورسەتتى: «‹ءبىر بەلدەۋ، ءبىر جول› ۇندەۋىنە قازاقستان مەن ورتا ازياداعى وزگە ەلدەر بەلسەندى ءۇن قوستى. 5 جىلدان بەرى، ‹ءبىر بەلدەۋ، ءبىر جول› ۇندەۋى اياسىنداعى سەلبەستىك ناتيجەلەرى كورنەكتى بولدى. ۆيزا ءبىتىرۋدى قاراپايىمداستىرۋ ارقىلى كوپتەگەن ساياحاتشىلاردىڭ ورتا ازياعا ساپارلاي كەلۋىنە قولايلى بولىپ، ولار ءبىزدىڭ مادەنيەتىمىزدى، كوركەمونەرىمىزدى، تۇرمىس ءتاسىلىمىزدى ىشكەرىلەي ۇعىندى».
قازىر «جىبەك جولى ۆيزاسىن» تياناقتاندىرۋدا ءالى دە رەال كەدەرگىلەر ورىن تەۋىپ وتىر. يۋانوۆ مىنانى اتاپ كورسەتتى: ورتا ازياداعى ءار ەلدىڭ ۆيزالىق ساياحاتى ءبىرشاما كۇردەلى ەكەنى بارىمىزگە ايان، بۇل سىرت وڭىرلەردەن ورتا ازياعا ساياحاتتاي كەلۋشىلەردىڭ الدىنا قويىلاتىن باستى كەدەرگى بولىپ وتىر. بولاشاقتا «جىبەك جولى ۆيزاسىن» ءوتىنىش ەتۋدىڭ قيىندىق دارەجەسى قانشالىق زور بولادى، اتالعان ۆيزانى العان ساياحاتشىلار قاتىستى ەلدەردە قانشا كۇن تۇرا الادى، ەركىن ساپارلاي الا ما، مىنە بۇل ماسەلەلەر ءالى دە سايكەستىرۋدى قاجەت ەتەدى. مۇنان سىرت، ورتا ازيا ءوڭىرى ءداستۇرلى تانىمالى ساياحات ءوڭىرى بولماعاندىقتان، ۆيزا ءبىتىرۋدى جەڭىلدەتۋ ارقىلى ادامداردىڭ ساياحاتتاۋ ادەتىن وزگەرتۋگە، ساياحاتشىلاردىڭ سانىن ارتتىرۋعا بولا ما، جوق پا دەگەن ماسەلەلەردە تۇراقسىز فاكتورلارعا ءدۇپ كەلۋدە. جالپى جاقتان الىپ ايتقاندا، «جىبەك جولى ۆيزاسىن» ءبىرتۇتاس جولعا قويۋ ورتا ازيا ەلدەرىنىڭ ساياحات جاعىنداعى سەلبەستىكتە ماڭىزدى قادام باسقانىن كورسەتەدى، بۇل ساياساتتىڭ بولاشاقتاعى دامۋىنان زور ءۇمىت كۇتۋگە بولادى. (حالىق گازەتى، 1 – ايدىڭ 20 – كۇنى، الماتى)
كەلۋ قاينارى: حالىق تورابى
 |
قازاقستاننىڭ الماتى قالاسىنداعى ايگىلى كورىنىس ورنى — پانفيلوۆ 28 باتىر باقشاسىنداعى اسكەري كيىم كيگەن بالاقايلار. حالىق گازەتىنىڭ ءتىلشىسى جوۋ حانبو فوتوسى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
