فۋتبول جۇلدىزدارى كوبەيسە، ازيا چەمپيوناتىنىڭ باعى اشىلار ەدى
حالىق گازەتى، ليۋ شۋوياڭ
2019.01.18 14:05 كەلۋ قاينارى : حالىق تورابى
1 – ايدىڭ 16 – كۇنى كورەيا كومانداسى مەن جۇڭگو كومانداسى ازيا چەمپيوناتىنىڭ گرۋپپالىق جارىسىندا كەزدەستى، جارىستى تاماشالاۋ ءۇشىن الاڭعا كەلگەن كورەرمەننىڭ سانى 13579 ادامعا جەتىپ، كورەيانىڭ الدىڭعى ەكى رەتكى گرۋپپالىق جارىسىنا كەلگەن كورەرمەندەر سانىنىڭ قوسىندىسىنان دا كوپ بولدى. وسى رەتكى ازيا چەمپيوناتى باستالعاننان بەرى، ۇيىمداستىرۋشى ەلدىڭ جارىستارىنان سىرت، باسقا جارىستارعا كەلگەن كورەرمەندەردىڭ سانى 10 مىڭ ادامنان اسپاعان، مۇنىڭ ەڭ باستى سەبەپتەرىنىڭ ءبىرى فۋتبول جۇلدىزدارىنىڭ ازدىعى.
قازىرگى تاڭدا، فۋتبول ساحناسىندا ەۆروپا مەن وڭتۇستىك امەريكا فۋتبول جۇلدىزدارىنىڭ مولدىعىن ايتىپ جاتۋدىڭ قاجەتى جوق، افريكانىڭ وزىندە سالاح سىندى جانكۇيەرى مول فۋتبول جۇلدىزدارى بار، ورتا امەريكا ءوڭىرى حەرناندەزدەي ەگەيلەردى «ومىرگە اكەلدى». وسى وڭىرلەرمەن سالىستىرعاندا، ازيا فۋتبولىندا الەمدىك دەڭگەيدەگى فۋتبول جۇلدىزدارى وتە از.
فۋتبول جارىسىن ءساتتى ۇيىمداستىرۋدا فۋتبول جۇلدىزدارى كەم بولسا بولمايتىن ماڭىزدى رول اتقارادى. الەم چەمپيوناتى مەن ەۆروپا چەمپيوناتىنىڭ ەلدى ەلەڭ ەتكىزۋدەگى ەلەۋلى سەبەپتەرىنىڭ ءبىرى سول فۋتبول جۇلدىزدارىنىڭ مول بولۋى. انگليا پرەمەر ليگاسىنىڭ ەڭ تابىستى بولعان كاسىپتىك فۋتبول ليگالارىنىڭ ءبىرى بولۋىنداعى ماڭىزدى فاكتورلاردىڭ ءبىرى — ايگىلى فۋتبول جۇلدىزدارى. ەندەشە، ازيا چەمپيوناتىنىڭ كورەرمەندەرىنىڭ از بولۋىنىڭ فۋتبول جۇلدىزدارىنىڭ از بولۋىمەن تىعىز قاتىسى بار. وسى رەتكى ازيا چەمپيوناتىندا كورەيا كومانداسىنداعى سۇن شيڭمين، يران كومانداسىنداعى الرەزا جاحانباحشى، ساردار ازمون، جاپونيا كومانداسىنداعى گەنكي حاراگۋچي قاتارلى ەۆروپانىڭ كاسىپتىك فۋتبول ليگالارىندا بيىكتەرگە تالپىنىپ جۇرگەن فۋتبول جۇلدىزدارى بار بولعانىمەن، جالپى جاقتان ايتقاندا، «جارىق جۇلدىزدار» سانى كەمدىك ەتۋدە. ۇيىمداستىرۋشى ەل اراب بىرىككەن امىرلىگى كومانداسىنداعى تانىمالى فۋتبولشى ومار ابدراحمان جارالانىپ قالعاندىقتان جارىسقا قاتىناسا المادى، بۇل ۇيىمداستىرۋشى ەلدەگى فۋتبول جانكۇيەرلەرىنىڭ قىزعىندىلىعىن ونان ارى تومەندەتىپ جىبەردى.
جۇڭگو كومانداسىنىڭ قۇرامىنداعى ۋ لەي جۇڭگو سۋپەر ليگاسىندا سۇرمەرگەن اتانعان ءارى شاڭحاي شاڭگاڭ كومانداسىنىڭ جۇڭگو سۋپەر ليگاسىنىڭ چەمپيونى بولۋىنا زور ەڭبەك سىڭىرگەن، ول قازىرگى كەزەڭدە ەۆروپاداعى بەس ءىرى ليگادا ونەر كورسەتۋى ءارى ناتيجە جاراتۋى مۇمكىن دەپ تانىلعان فۋتبولشى. فيليپپين كومانداسىمەن بولعان ەكىنشى اينالىمداعى جارىستا تاماشا ەكى گول سوقتى، ۋ لەيدىڭ ونەرى جۇرتتىڭ جاقسى باعاسىنا يە بولدى. جۇڭگو فۋتبولشىلارىنان الەمدىك دەڭگەيدەگى جۇلدىزدىڭ شىعۋىن زور ۇمىتپەن كۇتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
