شي – ان ونەركاسىپ – ساۋدانى اكىمشىلىك جاقتان باسقارۋ تاراۋلارى
ۋشيانجي سەرىكتەستىگىنىڭ شانشي بولىمشەسىنە دەلو تۇرعىزىپ، تەكسەرۋ جۇرگىزدى
2019.01.22 13:15 كەلۋ قاينارى : حالىق تورابى
حالىق تورابى، 1 – ايدىڭ 11 – كۇنى، بەيجيڭ. «شانشي گازەتىنىڭ» حابارلاۋىنا قاراعاندا، 1 – ايدىڭ 19 – كۇنى اتالعان گازەت ءتىلشىسىنىڭ شي – ان قالالىق ونەركاسىپ – ساۋدانى اكىمشىلىك جاقتان باسقارۋ مەكەمەسىنەن ۇعىسۋىنشا، «ۋشيانجي ءونىمىن تۇتىنعان نارەستەنىڭ جۇرەك بۇلشىق ەتىنىڭ زاقىمعا ۇشىراۋى سىندى كۇماندى وقيعا» جونىندە شي – ان قالالىق ونەركاسىپ – ساۋدانى اكىمشىلىك جاقتان باسقارۋ مەكەمەسى ونەركاسىپ – ساۋدا مەكەمەسىنىڭ يانتا بولىمشە مەكەمەسىن ۋشيانجي سەرىكتەستىگىنىڭ شانشي بولىمشە سەرىكتەستىگىنە جالعان ۇگىت جاساۋ كۇمانى بويىنشا دەلو تۇرعىزىپ، تەكسەرۋ جۇرگىزۋگە بۇيىرعان؛ لانتيان اۋداندىق نارىقتى باقىلاۋ جانە باسقارۋ مەكەمەسىن وسى وقيعاعا قاتىستى الىپساتار فان يۋەنىڭ جالعان ۇگىت جاساۋ كۇمانى بار ما، جوق پا دەگەن ماسەلە جونىندە دەلو تۇرعىزىپ، تەكسەرۋ جۇرگىزۋگە بۇيىرعان.
ۇعىسۋعا قاراعاندا، بىرەۋ ينتەرنەتتە «ۋشيانجي ءونىمىن تۇتىنعان نارەستەنىڭ جۇرەك بۇلشىق ەتىنىڭ زاقىمدالۋى وقيعاسىنىڭ كۋاگەرى تيان شۋپيڭ» دەگەن اتپەن اشكەرەلەۋ جۇرگىزگەن، ونىڭ ايتۋىنشا، 2017 – جىلى ونىڭ 3 جاستاعى قىزىنا شيپاگەر «قارىن قاتپارشاسى بۇرانداشا تاياقشا باكتەريامەن جۇعىمدالعان» دەگەن دياگنوز قويعان، «ۋشيانجي سەرىكتەستىگىندەگى فان يۋە اتتى جەتەكشى مۇعالىمنىڭ» تانىستىرۋىندا، قىزىنا ۋشيانجيدىڭ 8 ءتۇرلى ونىمىنەن كۇنىنە كوپ مولشەردە ىشكىزگەن، بۇل ونىمدەردى ءىشۋ بارىسىندا كوزى قانتالاۋ، كوپ تەرلەۋ، شاشى سارعايۋ سىندى اۋرۋ بەلگىلەرى بايقالعان. وسىدان سوڭ، تيان شۋپيڭ قىزىن بەيجيڭ، شي – ان قاتارلى جەرلەرگە اپارىپ ەمدەتكەن، وسى بارىستا شيپاگەر ونىڭ قىزىنا باۋىرى، جۇرەك بۇلشىق ەتى زاقىمدالعان، دەنەگە ءدارى ىركىلگەن دەپ دياگنوز قويعان.
شي – ان قالالىق ونەركاسىپ – ساۋدانى اكىمشىلىك جاقتان باسقارۋ مەكەمەسى 1 – ايدىڭ 17 – كۇنى ارناۋلى قىزمەت گرۋپپاسىن قۇرىپ، وسى ماسەلەنى ءبىرجاقتى ەتۋ جونىندە ءماجىلىس اشقان ءارى شانشي ولكەلىك نارىقتى باقىلاۋ جانە باسقارۋ مەكەمەسىنىڭ قاتىستى قۇجاتتارىنىڭ تالاپتارىنا ساي، وسى ءىستى تەكسەرۋگە ورنالاستىرۋ جاساعان. 1 – ايدىڭ 18 – كۇنى شي – ان قالالىق ونەركاسىپ – ساۋدانى اكىمشىلىك جاقتان باسقارۋ مەكەمەسى تەكسەرۋ نەگىزىندە، شاقىرىپ اڭگىمەلەسۋ جانە ەسكەرتۋ بەرۋ جيىنىن اشقان. جيىندا اتالعان مەكەمەنىڭ جاۋاپتىسى ۋشيانجي سەرىكتەستىگىنىڭ شي – ان بولىمشە سەرىكتەستىگىن بارلىق تىكە ساتۋ قىزمەتكەرلەرى مەن قاتىستى نارىقتىق تۇلعالاردىڭ تيجارات ارەكەتىن تەكسەرۋ جانە جونگە سالۋعا بۇيىرعان ءارى شي – ان وڭىرىندەگى بولىمشە سەرىكتەستىكپەن بايلانىسى بار بارلىق نارىقتىق تۇلعالاردىڭ ەگجەي – تەگجەيلى تىزىمدىگىن بەرۋدى، مالىمەتتى دايىنداپ، شي – ان قالالىق ونەركاسىپ – ساۋدانى اكىمشىلىك جاقتان باسقارۋ مەكەمەسىنە تاپسىرۋدى، وسى وقيعاداعى ۋشيانجيمەن قاتىستى بار سەرىكتەستىكتەرگە تەكسەرۋ جۇرگىزۋدى بۇيىرعان.
قازىر اتالعان دەلو ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
