قىمبات ەمدەۋ ماتەريالدارىن شوعىرلى ساتىپ الۋدىڭ توڭى ءجىبىدى (ساياساتتىق تۇسىنىك)
باعانىڭ تومەندەۋ شاماسى %15 تەن %55 كە دەيىن بولدى
«حالىق گازەتىنىڭ» ءتىلشىسى لي حۇڭمەي
2019.09.09 15:41 كەلۋ قاينارى : حالىق تورابى
جۇرەك تىرەگى، جاساندى بۋىن، كوز ءبولىمى جاساندى كريستالى... بۇلار جۇرتشىلىققا تانىس قىمبات ەمدەۋ ماتەريالدارى سانالادى. تاياۋدا بۇلاردىڭ باعاسىنىڭ جوعارى بولۋ ماسەلەسىنە قاراتا، مەملەكەتتىك كەڭەس كەڭسەسى «شيپاگەرلىككە ىستەتىلەتىن قىمبات ماتەريالداردى جونگە سالۋ رەفورما جوباسىن» باسىپ تاراتىپ، شيپاگەرلىككە ىستەتىلەتىن قىمبات ماتەريالداردى مەردىگەرلىككە شاقىرۋ بارىسىندا قاجەتسىنۋ مولشەرىن اشىق ايتىپ ساتىپ الۋدى بەلگىلەدى.
شيپاگەرلىككە ىستەتىلەتىن قىمبات ماتەريالدار جونىنەن قازىر ءبىر تۇتاس ولشەم جانە ءتۇر ايىرماسى جوق، ولاي بولسا، قالاي ساتىپ الۋ كەرەك؟ مەملەكەتتىك ەمدەۋ قامسىزداندىرۋ مەكەمەسىنىڭ جەتەكشىلىگىندە انحۇي، جياڭسۋ ولكەلەرى شيپاگەرلىككە ىستەتىلەتىن ءبىر ءبولىم قىمبات ماتەريالدار جونىنەن ەڭ الدىمەن مەردىگەرلىككە شاقىرۋ بارىسىندا قاجەتسىنۋ مولشەرىن اشىق ايتىپ ساتىپ الۋ شاراسىن اتقاردى، ەكى ولكەنىڭ العاشقى توپتاعى تاڭداۋ ناتيجەسى بەلگىلى بولدى.
كولەمى ۇلكەن بولماعانىمەن، ءونىمى وتە كورنەكتى بولدى
7 - ايدا انحۇي ولكەسى ۇكىمەتتىك ەمدەۋ قۇرىلىمدارىنىڭ ساتىپ الۋ بىرلەستىگىن نەگىزگى تۇلعا ەتىپ، سۇيەك (ومىرتقا) ءبولىمىنىڭ، كوز (جاساندى كريستال) ءبولىمىنىڭ ونىمدەرىن قاجەتسىنۋ مولشەرى بويىنشا ساتىپ الدى. ساتىپ الۋ مولشەرى 2018 - جىلعى ەكى ءتۇرلى سارىپ ەتىلگەن ماتەريالدى ساتىپ الۋ مولشەرىنىڭ %70 ندەي، %90 ندەي بولدى، سونىمەن بىرگە، ەمدەۋ قۇرىلىمدارىنىڭ ساتىپ الىپ پايدالانۋ مولشەرى 2018 - جىلعى %80 تەن تومەن بولماۋى كەرەكتىگى بەلگىلەندى.
سۇيەك ءبولىمىنىڭ ومىرتقا تۇرىندەگى ماتەريالدارىنىڭ جالپىلىق باعاسى ورتا ەسەپپەن %53.4 تومەندەدى، دارا زاتتىڭ ەڭ زور تومەندەۋ شاماسى %95 بولدى، ەلىمىزدە وندىرىلگەن ونىمدەردىڭ باعاسى ورتا ەسەپپەن %55.9 تومەندەدى، يمپورت ەتىلگەن ونىمدەردىڭ باعاسى ورتا ەسەپپەن %40.5 تومەندەدى؛ جاساندى كريستال تۇرلەرىنىڭ جالپىلىق باعاسى ورتا ەسەپپەن %20.5 تومەندەدى، ەلىمىزدە وندىرىلگەن ونىمدەردىڭ باعاسى ورتا ەسەپپەن %18.1 تومەندەدى، يمپورت ەتىلگەن ونىمدەردىڭ باعاسى ورتا ەسەپپەن %2.09 تومەندەدى. مەجەمەن ەكى ءتۇرلى ءونىمنىڭ جىلدىق ۇنەمدەلگەن قارجىسى جەكە - جەكە 370 ميلليون يۋان جانە 29 ميلليون يۋان بولماق.
جياڭسۋدىڭ 3 - دارەجەلى 55 ۇكىمەت باسقارۋىنداعى ەمدەۋ قۇرىلىمىنان ۇيىمداسقان ساتىپ الۋ بىرلەستىگى تۇتاس جىلدىق تۇتىنۋ مولشەرىنىڭ %70 ىن ساتىپ الدى، كەلىسسوزدەگى ءونىم ءتۇرى رەپاميتسين جانە ونىڭ تۋىندىلارى تىرەۋ جانە قوس قۋىستى جۇرەك سوقتىرعىش بولدى. تىرەۋلەردىڭ جەكە ءتۇرى بويىنشا كەلىسسوز وتكىزۋ ارقىلى تاڭدالعان تۇرلەردىڭ باعاسىنىڭ ورتاشا تومەندەۋ شاماسى %51.01، ەڭ جوعارى تومەندەۋ شاماسى %66.07 بولدى؛ جۇرەك سوقتىرعىش ءوندىرىس كاسىپورىندارىنىڭ كەلىسسوزى بويىنشا، ورتالىق تاڭدايتىن كاسىپورىنداردىڭ ءونىم تۇرلەرى باعاسىنىڭ ورتاشا تومەندەۋ شاماسى %15.86، ەڭ جوعارى تومەندەۋ شاماسى %38.13 بولدى.
باعانىڭ ورتاشا تومەندەۋ شاماسى %15 تەن %55 كە دەيىن بولىپ، ەڭ جوعارى بولعاندا %95 تومەندەدى. مەملەكەتتىك ەمدەۋ قامسىزداندىرۋ مەكەمەسىنىڭ ءدارى - دارمەك باعاسى جانە مەردىگەر شاقىرىپ ساتىپ الۋ مەڭگەرمەسىنىڭ باستىعى جۇڭ دۇڭبو مىنانى ءبىلدىردى: ەكى ولكەنىڭ وسى رەتكى سىناق تۇيىندەرىندە مولشەرلەپ ساتىپ الۋ كولەمى ونشا زور بولماعانىمەن، ءونىمى وتە كورنەكتى بولدى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
