باتىس بولەكتى قاۋىرت اشۋدا جاڭا جاعداي قالىپتاستىرۋدى ىلگەرىلەتۋ كەرەك − ۋاكىلدەر مەن مۇشەلەر باتىس بولەكتەگى رايونداردىڭ ساپالى دامۋىن قىزۋ تالقىلادى
2020.05.26 15:02 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، بەيجيڭ. تاقىرىبى: باتىس بولەكتى قاۋىرت اشۋدا جاڭا جاعداي قالىپتاستىرۋدى ىلگەرىلەتۋ كەرەك − ۋاكىلدەر مەن مۇشەلەر باتىس بولەكتەگى رايونداردىڭ ساپالى دامۋىن قىزۋ تالقىلادى
شينحۋا اگەنتتىگىنىڭ تىلشىلەرى جاڭ چۋان، ۋىن جيڭحۋا، لۇي شۋەلي، جوۋ ۋىنتاۋ
«چىڭدۋ - چۇڭچيڭ رايونىنىڭ قوس قالا ەكونوميكالىق شەڭبەرى قۇرىلىسىن ىلگەرىلەتۋ»، «ورتا، باتىس بولىكتەگى رايونداردا ەركىن ساۋدا سىناق رايونىن، كەشەندى قورعامالى باجى رايونىن قۇرۋ» كەرەك... «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە باتىس بولەكتى قاۋىرت اشۋدا جاڭا جاعداي قالىپتاستىرۋدى ىلگەرىلەتۋ جونىندەگى جەتەكشى پىكىرى» جاريالانعاننان كەيىن، ۇكىمەت قىزمەتىنەن باياندامادا باتىس بولەك رايوندارىنىڭ قاقپا اشۋىن، دامۋىن جەبەۋدىڭ جەلىلەس شارالارى تاعى دا ورتاعا قويىلدى. ۋاكىلدەر مەن مۇشەلەر باتىس بولەكتىڭ ساپالى دامۋىن ىشكەرىلەي جەبەۋدى ارقاۋ ەتىپ، بەلسەندىلىكپەن پىكىر – ۇسىنىستارىن ورتاعا قويدى.
ساپالى دامۋ جاڭا قوزعاۋشى كۇشتىڭ كۇشتى قوزعالتقىش بولۋىنان ايرىلا المايدى.
تاياۋ جىلداردان بەرى چۇڭچيڭ ءىرى ساندى مالىمەتتى جەتەكشى ەتكەن جاڭالىق اشۋ ارقىلى دامۋعا دەم بەرۋ ستراتەگيالىق ارەكەت جوسپارىن ىشكەرىلەي اتقارىپ، «زەردەلى ماڭىزدى قالاشىقتاردى»، «زەردەلى ايگىلى قالانى» قۇردى. 2019 - جىلى چۇڭچيڭدە جوعارى تەحنيكالى جاساۋ كاسىبى مەن ستراتەگيالىق جاڭادان گۇلدەنگەن كاسىپتەردىڭ ارتقان قۇنى جەكە - جەكە %12.6، %11.6 ارتتى، سيفرلى شارۋاشىلىقتىڭ ارتۋ قۇنى %15 شاماسىندا ارتتى.
«چۇڭچيڭدە بولساڭىز، جاڭا، كونە قوزعاۋشى كۇشتەردىڭ الماسۋى بارىسىندا تۋىنداعان كاسىپ قۇرىلىمى، دارىندىلار قۇرىلىمى جاقتارىنداعى ساپالىلانعان جاعدايدى بايقاي الاسىز، ونىڭ ۇستىنە بۇلار بولاشاقتا اناعۇرلىم باياندى، اناعۇرلىم ساپالى دامۋعا بەرىك نەگىز قالادى» دەدى مەملەكەتتىك حالىق قۇرىلتايىنىڭ ۋاكىلى، چۇڭچيڭ پۋيۇيۋەي عىلىم - تەحنيكادا جاڭالىق اشۋ ورتالىعى شەكتى سەرىكتەستىگىنىڭ اتقارۋشى جوراسى گاۋ يۇي.
«چىڭدۋ - چۇڭچيڭ رايونىنداعى قوس قالا ەكونوميكالىق شەڭبەرىنىڭ قۇرىلىسىن جەدەلدەتۋدە ەكونوميكانى ارتتىرۋدىڭ جاڭا ۇيەگىن قالىپتاستىرۋعا بولاتىن سەكىلدى». گاۋ يۇي بىلاي دەپ قارادى: ساپالى دامۋدى ۇزدىكسىز ىلگەرىلەتۋمەن بىرگە، چۇڭچيڭ قاقپا اشۋ ارناسى قۇرىلىسىن اناعۇرلىم كۇشەيتىپ، ساۋدا ورتاسىن ۇزدىكسىز ساپالىلاندىرىپ، باتىس بولەكتى قاۋىرت اشۋداعى ماڭىزدى ستراتەگيالىق تىرەك، «ءبىر بەلدەۋ، ءبىر جول» مەن چاڭجياڭ ەكونوميكالىق بەلدەۋىنىڭ ۇشتاسۋ ءتۇيىنى بولۋ رولىن اناعۇرلىم ويداعىداي ساۋلەلەندىرۋى كەرەك.
ساپالى دامۋ قاقپا اشۋدىڭ اناعۇرلىم قولايلى ارناسىنىڭ پارمەندى تىرەك بولۋىن قاجەت ەتەدى.
«باتىس بولەكتەگى قۇرلىق، تەڭىز جاڭا جولى قۇرىلىسى باتىس بولەك رايونىنا وڭتۇستىكتەن تەڭىزگە شىعار اۋىز اشادى، وسى ارقىلى باتىس بولەكتىڭ اشىق دامۋىنا جاڭا جول اشىپ، زات اينالىمى ونىمدىلىگىن، وزىندىك قۇنىن پارمەندى جوعارىلاتادى» دەدى مەملەكەتتىك حالىق قۇرىلتايىنىڭ ۋاكىلى، گۋاڭشي بەيبۋۋان حالىقارالىق پورت ىستەرى توبى شەكتى سەرىكتەستىگىنىڭ باس جوراسى ۋەي تاۋ.
ۋي تاۋ تانىستىرىپ بىلاي دەدى: باتىس بولەكتەگى قۇرلىق، تەڭىز جاڭا جولىنىڭ حالىقارالىق الدىڭعى پورتى رەتىندە قازىر بەيبۋۋان پورتى چۇڭچيڭ، سىچۋان، يۇننان، گۇيجوۋ، شانشي، گانسۋ سىندى باتىس بولەكتەگى 6 ولكە، قالامەن تەڭىز - تەمىر جولى بىرلەسپە تاسىمال كەزەكشى پويەزىن ىسكە قوستى، بىلتىر 2 مىڭ 243 پويەز قاتىنادى، بيىل مولشەرمەن 4 مىڭ پويەز جۇرگىزۋگە كۇش سالامىز
«جول ارقىلى زات اينالىمىن جەبەپ، زات اينالىمى ارقىلى ساۋدانى جەتەكتەپ، ساۋدا ارقىلى كاسىپ سالاسىنىڭ تياناقتانۋىن ىلگەرىلەتىپ، ەڭ سوڭىندا جەرگىلىكتى ورىننىڭ، ءتىپتى، تۇتاس باتىس ءوڭىردىڭ ەكونوميكاسىنىڭ دامۋىن ىلگەرىلەتۋ كەرەك». ۋەي تاۋ بىلاي دەدى: بەيبۋۋان پورتى قاقپا اشۋ سەلبەستىگىن ۇزدىكسىز كۇشەيتىپ، «دوستار شەڭبەرىن» كەڭەيتىپ، باتىس بولەكتەگى ءتىپتى دە كوپ ولكەنى تەڭىز - تەمىر جولى بىرلەسپە تاسىمال كەزەكشى پويەزى قۇرىلىسىنا ات سالىسۋعا باۋراۋدا.
تاماشا ەكولوگيالىق ورتا − ساپالى دامۋدىڭ بولۋعا ءتيىستى ءمانى.
«چيڭحايدىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولا ءتۇستى». مەملەكەتتىك حالىق قۇرىلتايىنىڭ ۋاكىلى، چيڭحاي ۋاكىلدەر ۇيىرمەسىنىڭ اقپارات مالىمدەمەشىسى شا فىڭ بىلاي دەدى: تاياۋ جىلداردان بەرى چيڭحاي ەكولوگيالىق ورتانى جاقسارتۋدى، ەكونوميكانىڭ، قوعامنىڭ جانە ورتانىڭ سايكەستى دامۋىن جەبەۋدى نىسانا ەتىپ، دامۋ ءتاسىلى مەن تۇرمىس تاسىلىندە بۇرىلىس جاساۋ ارقىلى ەكولوگيالىق ورتانى ۇزدىكسىز جاقسارتتى.
«ءۇش وزەن قاينارىنىڭ، چيليانشان مەملەكەتتىك ءتۇيىندى ەكولوگيالىق فۋنكتسيالىق رايونىنىڭ ەكولوگياسىن قورعاۋدىڭ جانە گۇلدەندىرۋدىڭ باياندى مەحانيزمىن ورناتۋ كەرەك»، «چيڭحايدىڭ مەملەكەتتىك سيفرلى ەكونوميكانى جاڭالىق اشا دامىتۋ سىناق رايونىن قۇرۋىن قولداۋ كەرەك»... چيڭحاي ۋاكىلدەر ۇيىرمەسى ۇيىرمە اتىنان ورتاعا قويعان ۇسىنىستاردا ەكولوگيانى قورعاۋ مەن ساپالى دامۋ نەگىزگى تاقىرىپ بولدى.
مەملەكەتتىك ساياسي كەڭەستىڭ مۇشەسى، چيڭحاي ولكەلىك ونەركاسىپ - ساۋدا بىرلەستىگى ءتوراعاسىنىڭ ارناۋلى ورىنباسارى لي چيڭ مىنانى ءبىلدىردى: بولاشاقتا چيڭحايدىڭ دامۋىندا «ەكولوگيالانۋدى» ۇزدىكسىز كورنەكتىلەندىرۋ، ەكولوگيالىق ورتانى بىرگە قورعاۋ، بىرگە جونگە سالۋ، نەگىزدىك قۇرىلعىلاردى ۇلاستىرۋ، تۇتاستىرۋ، كاسىپ سالاسى جۇمىس ءبولىسى سەلبەستىگى جانە جاڭالىق اشا دامۋ، ىشكە، سىرتقا قاقپا اشۋ سەلبەستىگى سياقتى جاقتاردا ۇزدىكسىز كۇش سالىپ، ادام مەن تابيعاتتىڭ جاراسىمدىلىعىن وسىزامانداندىرۋدى جۇزەگە اسىرىپ، ادامداردىڭ قونىس ورتاسىنىڭ اناعۇرلىم جايلى، جول ءجۇرۋىنىڭ اناعۇرلىم قولايلى، تۇرمىسىنىڭ اناعۇرلىم باقىتتى بولۋىنا مۇمكىندىك جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
