عاسىرلىق بوران – شاشىندا، تاريح پەن حالىق جۇڭگو كوممۋنيستىك پارتياسىن تاڭدادى
— ۇلى ساپارداعى جۇڭگو كوممۋنيستىك پارتياسى جانە جۇڭگو حالقى ①
حالىق گازەتىنىڭ شولۋ ءبولىمى
2020.08.18 15:46 كەلۋ قاينارى : حالىق تورابى
تاريح ۇنەمى قيانكەسكىلىگىمەن تەرەڭ ىقپال قالدىرادى، سونىمەن بىرگە، ايبىندى دا دابىرالىلىعىمەن سۇبەلى داستاندار جازادى. 2020 – جىلى جاڭا تيپتى ايدارشا ۆيروس وكپە قابىنۋ ىندەتى سىندى دۇنيە جۇزىلىك داعدارىسقا ءدوپ كەلگەن ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى «حالىق جۇرتشىلىعىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا» تاباندى بولىپ، بۇكىل پارتياداعىلار مەن بۇكىل ەل حالقىن باستاپ، جەر – الەمدى اسەرلەندىرگەن ۇزدىك ناتيجە جاراتىپ، ىندەتتەن ساقتانۋ جانە ونى تىزگىندەۋ مەن ەكونوميكانى قالپىنا كەلتىرۋ جاعىندا دۇنيە ءجۇزىنىڭ الدىڭعى لەگىندە ءجۇردى.
زور داعدارىستار — بيلىك باسىنداعى پارتيانىڭ بيلىك جۇرگىزۋ تانىمىن، بيلىك جۇرگىزۋ ونىمدىلىگىن سىننان وتكىزۋدىڭ تارازىسى. جۇرتتى اسەرلەندىرگەنى، ىندەتتەن ساقتانۋ جانە ونى تىزگىندەۋدىڭ توسقاۋىلداپ سوققى بەرۋ شايقاسىندا قول جەتكىزگەن كەلەلى ستراتەگيالىق ناتيجەلەر جۇڭگو قۋاتىن، جۇڭگو رۋحىن، جۇڭگو ونىمدىلىگىن شوعىرلى تۇردە ايگىلەپ، ۇلتتىق ماقتانىشتى سەزىمگە، ۇلتتىق سەنىمدى كۇشەيتۋگە، ۇلتتىق ۇيىسۋ قۋاتىن ارتتىرۋعا اسا زور جەبەۋ بولىپ، جۇڭگوشا سوتسياليستىك ءتۇزىمنىڭ ساياسي باسىمدىلىعىن تولىق ايگىلەدى. بۇل ساياسي باسىمدىلىقتىڭ توركىنى — جۇڭگو كوممۋنيستىك پارتياسىنىڭ باسشىلىعى. ءجۇز جىلعا جۋىق ۋاقىتتا، جۇڭحۋا ۇلتى ىشكى بۇلىنشىلىك پەن سىرتقى شاپقىنشىلىققا ۇشىراعان كەزدە كوكىرەك كەرە العا ۇمتىلدى، جاڭا جۇڭگو ويراندالعاننىڭ بارلىعىن كوركەيتۋدى كۇتىپ تۇرعان ساتتەرىندە جاپا – ماشاقاتپەن شارۋاشىلىقتى شالقىتتى، رەفورما مەن دامۋ بوران – شاشىنعا ءدوپ كەلگەن ساتتە، باتىلدىقپەن جاۋاپكەرشىلىك ارقالادى، ءارقاشان بوران – شاشىنعا ءدوپ كەلگەن ساتتە، جۇڭگو كوممۋنيستىك پارتياسىنىڭ باسشىلىعى قاي – قاشاندا ماڭىزدى كەپىلدىك بەرىپ، ەڭ سەنىمدى سۇيەنىش بولدى؛ ءار رەت بوران – شاشىن وتكەن سوڭ، جۇڭگو حالقى جۇڭگو كوممۋنيستىك پارتياسىن ونان ارى قولداپ، وعان ونان ارى سەنىم ارتتى، جۇڭگونىڭ تۇزىمىنە اناعۇرلىم تولىق سەندى.
ءجۇز جىلعا جۋىق ۋاقىتتان بەرى، جۇڭگونىڭ دامۋى مەن وزگەرىسى جۇڭگو كوممۋنيستىك پارتياسىنىڭ باسشىلىعى تاريحتىڭ تالعامى، حالىقتىڭ تالعامى ەكەنىن الدەقاشان دالەلدەدى. وتكەنگە كوز سالساق، جۇڭگو كوممۋنيستىك پارتياسى حالىققا شىنايى سۇيەنىپ، وتكەلدەردەن ءبىر – بىرلەپ ءوتىپ، جەڭىستەن - جەڭىسكە جەتىپ، جۇڭحۋا ۇلتى ءۇشىن ۇلى تاريحي ۇلەس قوسقان. جۇڭحۋا حالىق رەسپۋبليكاسىنىڭ قۇرىلۋى جۇڭگونى «قورعانسىز، مۇشكىل» كۇيدەن ارىلتىپ، حالىقتى «قۇلدىققا مويىن ۇسىنعان» تاعدىردان تۇبەگەيلى قۇتىلدىردى؛ سوتسياليستىك ءتۇزىمنىڭ ورناتىلۋى جۇڭگو تاريحىنداعى ەڭ تەرەڭ، ەڭ ۇلى قوعامدىق وزگەرىستى ىسكە اسىرىپ، مەملەكەتتىڭ دامۋى مەن العا باسۋىنا نەگىز قالاپ، حالىقتىڭ ەڭسە كوتەرىپ، قوجا بولۋىنا مۇمكىندىك جاراتتى. رەفورما جاساپ، ەسىك اشۋدىڭ ىلگەرىلەۋىنە بايلانىستى، 40 نەشە جىل ىشىندە جۇڭگو باتىس ەلدەرىنىڭ نەشە ءجۇز جىلدىق دامۋ بارىسىن باستان وتكەردى، مەملەكەتىمىز «اينالما جولدا العا وزىپ»، حالىق تاماشا تۇرمىسقا كەنەلدى،بۇل ادامزات تاريحىندا كوپ كەزدەسپەيتىن جاعداي. ءاماليات مىنانى مۇلدە تويتارىسسىز دالەلدەدى: ءدال جۇڭگو كوممۋنيستىك پارتياسى سىندى قۇدىرەتتى باسشىلىق ۇيتقى بولعاندىقتان، جۇڭگو حالقىنىڭ ەركىندىگى مەن باقىتى ۇزدىكسىز تىڭ بيىكتەرگە كوتەرىلدى.
«جۇڭگو كوممۋنيستىك پارتياسى بولمايىنشا، جاڭا جۇڭگو بولماق ەمەس». شىنجوۋ القابىندا 70 نەشە جىل شىرقالعان بۇل ءان بۇكىل ەل حالقىنىڭ جۇرەك ءۇنى عانا بولماستان، بۇل اندە سۇبەلى تاريح سىرى قامتىلىپ جاتىر. جۇڭگو كوممۋنيستىك پارتياسى قۇرىلۋدىڭ الدى –ا رتىندا، 300 نەشە پارتيا مەن ساياسي توپ ىلگەرىندى – كەيىندى جۇڭگونىڭ ساياسي ساحناسىنا كوتەرىلگەن، الايدا، ولاردىڭ كوبى تولقىندى تاريح اعىسىندا ءىز – توزسىز جوعالدى. تەك جۇڭگو كوممۋنيستىك پارتياسى عانا، 50 نەشە پارتيا مۇشەسىنەن دامىپ، 91 ميلليوننان استام پارتيا مۇشەسى بار، دۇنيە جۇزىندەگى بيلىك باسىنداعى ەڭ ءىرى پارتياعا اينالدى ءارى جۇڭگو حالقىن باستاپ، ەكونوميكانى بۇرىن – سوڭدى بولماعان دارەجەدە جەدەل دامىتۋ سىندى حيكىمەت پەن قوعامنىڭ ۇزاق ۋاقىت بويى ورنىقتى بولۋى سىندى حيكىمەتتى جاراتتى. باس شۋجي شي جينپيڭنىڭ اسقاق ۇنمەن جاريالاعانىنداي، «قازىر دۇنيە جۇزىندە قايسى پارتيا، قايسى مەملەكەت، قايسى ۇلت وزىنە ەڭ سەنىمدى دەسەك، وندا، جۇڭگو كوممۋنيستىك پارتياسىنىڭ، جۇڭحۋا حالىق رەسپۋبليكاسىنىڭ، جۇڭحۋا ۇلتىنىڭ وزىنە ەڭ سەنىمدى بولاتىن ءجونى بار».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
