- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاقى ىرىمدار
2013.08.19 14:15 كەلۋ قاينارى : ورتالىق حالىق راديو ستانسياسى تورابى
تۇندە ءۇي سىپىرىندىسىن توكپەيدى، ءۇيدى تۇندە سىپىرمايدى. سىپىرا قالعاندا: «ۇيگە ءبۇيى كىرىپ كەتتى» «ۇيدەن شايان شىقتى» دەگەن ءسوزدى ايتىپ سىپىرادى، سەبەبى، سىپىرىندى جاتقان جەر لاس بولادى. سپىرىندىنىڭ لاسى دەنەگە شاشىراسا، ادام جازىلماس اۋرۋعا جولىعادى دەپ ىرىمدايدى.
العاش جايلاۋعا كوشكەن كەزدە، ءبىرىنشى كۇنى كوپ ۇزاماي جول بويىنا ەرۋلەيدى، ارتتاعى جۇرت بىردەن يەسىز قالماسىن، جۇرتسىز بولماسىن، باقتى ساقتاعان ورتا شامدانباسىن، جۇرت قۋارىپ قالسا، جاڭا جۇرتقا بارعاندا، باق كونە جۇرتقا قاراي قاشپاسىن دەپ ىرىمدايدى. كەلەسى كۇنى ارى قاراي كوشكەندە جولدىڭ ەكى جاعىنا وت جاعىپ، سول وتتىڭ ورتاسىنان جۇك ارتقان كولىكتەردى وتكىزەدى، مۇنىسى كونە جۇرتتاعى جىن-جىبىلىس كوشكە ىلەسپەي الىستاپ قالسىن، جاڭا جۇرت باق سيلاسىن دەگەن ىرىمى.
كيىز ءۇيدىڭ ەسىگىن ۇستىنە قاراي لاقتىرۋعا بولمايدى. ەسىكتەن باقىت پەن ىرىس تا، سور مەن قايعى دا كىرەدى، ەسىكتە كيە بولادى لاقتىرعاندا سول كيە شامدانادى دەپ ىرىمدايدى. جاۋ شاپقاندا عانا ەسىكتى ءۇيدىڭ ۇستىنە تۇرە لاقتىرىپ، جاۋعا قۇقاي كورسەتەدى. جايشىلىقتا ەسىكتى لاقتىرماۋ ــ سونداي جامان ارەكەت بولماسىن دەگەنى.
بىرەۋگە قاتتى اشۋلانعاندا، «ءتىسىڭدى قايرا»، «ەرنىڭدى تىستە»، «جۇدىرىعىڭدى ءتۇي»، «كوزىڭدى جۇم» دەيدى. ويتپەسە كەك ىشىندە كەتەدى، كەگى ىشىندە كەتكەن ادام ايىقپاس دەرتكە شالدىعادى، ەم تابىلماي ولەدى. ولمەسە ءومىرى قينالىپ وتەدى، ءتۇسى جىلىمايدى، جۇرەگى جىبىمەيدى. كەكشىل بولىپ، كوپشىل بولمايدى. ءتىسىن قايراسا، جۇدىرىعىن تۇيسە، كوزىن جۇمسا اشۋى سىرتقا شىعىپ، كوڭىلى تەز جادىرايدى دەپ ىرىمدايدى.
ۇيىقتاپ جاتقان ادامدى ايعايلاپ، قاتتى جۇلقىپ وياتپايدى، «ۇيقىڭدى قي» دەپ باسەڭ داۋىسپەن اتىن شاقىرىپ وياتادى. جۇلقىلاپ وياتۋ ــ جۇيكەنى تىتىركەندىرىپ، ىزالاندىرادى، مىنەزدى بۇزادى، اۋەلى جەلىگۋ اۋرۋىنا دۋشار قىلادى دەپ جوريدى.
ادامنىڭ، مالدىڭ قۇلاعىنا اۋىزدى تاقاپ تۇرىپ ايعايلامايدى، قۇلاقتىڭ پەردەسى جىرتىلىپ، ساڭىراۋ بولادى، ميعا زاقىم جەتەدى، مال قورادان شوشىنادى دەپ جوريدى، ىرىمدايدى.
كيىپ جۇرگەن اياق كيىمنىڭ تابانىنا قارامايدى، اياقتىڭ باسپايتىن جەرى جوق، اياق كيىمنىڭ تابانى تازا ەمەس، بىلعانىشتى كورسە كوز ۇشىنادى، بەتى-اۋزىنا قوتىر قاپتايدى، جۇرەك اينيدى دەپ ەسەپتەيدى. ال اياق كيىمنىڭ تابانىنا قاراي قالعان كۇننىڭ وزىندە ءۇش مارتە تۇكىرەدى دە، اياق كيىمنىڭ تابانىن جەرگە ءۇش رەت باسادى. ونىسى ــ كوزىم ۇشىنباسىن، اياعىم اقساماسىن دەگەنى.
تاماق شايناپ وتىرىپ سويلەمەيدى. تاماققا سىلەكەي شاشىرايدى، تاماق ارام بولادى، داستارقاندا دامدەس بولىپ وتىرعاندار رەنجيدى، سەسكەنەدى، اۋرۋعا تاپ بولىپ، ۇشىنادى دەپ نانادى.
ءيت شوپ جەسە، جاقسىلىققا جوريدى. «ىلگەرى باسقاننىڭ ءيتى وتتايدى، كەرى كەتكەننىڭ كەلىنى ۇرلىق قىلادى» دەگەن ءتامسىل وسىنداي ىرىممەن تىكە قاتىستى. ءيتتى ۇيگە كىرگىزىپ، تورگە شىعارمايدى، اس ءىشىپ وتىرعاندا ەسىكتەن سىعالاتپايدى، ءيتتىڭ دەمى لاس، استى اينىتادى. اۋرۋ تاراتادى، استىڭ بەرەكەسىن كەتىرەدى دەپ نانادى.
قاسقىردىڭ تىلەرسەگى بەلدىڭ شويىرىلۋىنان، سارىپ اۋرۋىنان جانە كوز تيۋدەن ساقتايدى دەپ سەنەدى. جاۋىرىنى قارايعان ادامعا كوبىندە كوزدەن بولدى، تۋ سىرتىنان كوز تيدى دەپ قاسقىردىڭ تىلەرسەگىن تىستەتەدى نەمەسە قاسقىردىڭ تىلەرسەگىمەن ۇشىقتايدى. ۇلاردىڭ مايى شەشەك اۋرۋىنان ساقتايدى، ەتى ــ كۇيىك اۋرۋىنا تابىلمايتىن ەم سانالادى، اسقازانعا، سىنىققا ۇلار ەتىن جەگەن ادام تەز ساۋىعادى دەپ ىرىمدايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
