- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل-قىستاق جاڭاشا سەلبەسىپ ەمدەۋىنىڭ قارجىسى جەتكىلىكتى مە
ـــ سانشي ولكەسى تاييۋان قالاسىنان كەلگەن اقپاراتتىق تەكسەرۋ
حالىق گازەتىنىڭ ءتىلشىسى جوۋ ياجۇن
2013.09.16 15:20 كەلۋ قاينارى : حالىق تورابى
كەيبىر مەديالاردا ءىشىنارا جەردىڭ اۋىل-قىستاق جاڭاشا سەلبەسىپ ەمدەۋىندە قارجى جەتىسپەۋ جاعدايى جارىققا شىعىپ، جۇرتتىڭ نازارىن اۋداردى دەگەن حابار جاريالاندى. ولاي بولسا، اۋىل-قىستاق جاڭاشا سەلبەسىپ ەمدەۋىنىڭ اينالىسى قانداي؟ تاياۋدا، ءتىلشى وسى ءىس جونىندە سانشي ولكەسىنىڭ تاييۋان قالاسىندا اقپاراتتىق تەكسەرۋ جۇرگىزدى.
ەمدەۋ قورىنا تۇسكەن تولەۋ قىسىمى بارعان سايىن ارتتى
بۇرىن قارجىنى جۇمساپ بولا المايمىز با دەپ ويلايتىنبىز، قازىر قارجى جەتىسپەي مە دەپ الاڭدايتىن بولدىق،- دەدى سانشي ولكەلىك اۋىل-قىستاق جاڭاشا سەلبەسىپ ەمدەۋىن باسقارۋ ورتالىعىنىڭ مەڭگەرۋشىسى حان رۇڭليان.
ەمدەلەتىن ادام سانىنىڭ كوبەيۋى اۋىل-قىستاق جاڭاشا سەلبەسىپ ەمدەۋ قورىنا تۇسەتىن تولەۋ قىسىمىن ارتتىردى. تاييۋان قالاسىن مىسالعا الساق، بيىل قاڭتار ايىنان شىلدە ايىنىڭ سوڭىنا دەيىن تاييۋاننىڭ اۋىل-قىستاق جاڭاشا سەلبەسىپ ەمدەۋىندە بالنيتساعا جاتىپ ەمدەلگەن ناۋقاس 45 مىڭ ادامنان اسىپ، بىلتىرعى ۇقساس مەزگىلدەگىدەن %21 ارتىپ، مەملەكەتتىڭ ورتاشا ورەسىنەن جوعارى بولدى. وتكەن جارىم جىلدا اۋىل-قىستاق جاڭاشا سەلبەسىپ ەمدەۋ قورىنىڭ ىستەتىلۋى %46.75 كە جەتىپ، بىلتىرعى، الدىڭعى جىلعى ۇقساس مەزگىلدەگىدەن 5 تە 6 پايىز جوعارىلادى.
2012-جىلدىڭ اقىرىندا، تاييۋان قالاسىندا اۋىل-قىستاق جاڭاشا سەلبەسىپ ەمدەۋىنە قاتىناسقاندار ءبىر ميلليون 45 مىڭ ادامعا، قارجى اينالىمى 310 ميلليون يۋانعا، بۇكىل قالانىڭ اۋىل-قىستاق جاڭاشا سەلبەسىپ ەمدەۋ قورىنىڭ ىستەتىلۋ سالىستىرماسى %93.6 كە جەتتى.
تاييۋان قالالىق دەنساۋلىق ساقتاۋ مەكەمەسىنىڭ باستىعى حاۋ باۋچيڭ: اۋىل-قىستاق جاڭاشا سەلبەسىپ ەمدەۋ ساياساتىن ىشكەرىلەي تۇسىنۋىنە، قامتاماسىزداندىرۋ كولەمىنىڭ بىرتىندەپ ۇلعاۋىنا، ەسەپتەن كوتەرۋ سالىستىرماسىنىڭ جوعارىلاۋىنا بايلانىستى بۇقارانىڭ دەنساۋلىق جونىندەگى تانىمىندا زور وزگەرىس تۋىلدى. ايتالىق: بۇرىن شيپاحاناعا كەلىپ ەمدەلۋگە باتىنا المايتىندار قازىر شيپاحاناعا وزدىكتەرىنەن كەلەتىن بولدى. ناۋقاس سانىنىڭ كوبەيۋى اۋىل-قىستاق جاڭاشا سەلبەسىپ ەمدەۋىنىڭ اينالىمىنا قىسىم تۇسىرەتىن ءبىرىنشى ۇلكەن سەبەپكە اينالدى،- دەدى.
تاييۋان سياقتى ولكە ورتالىعى بولعان وسىنداي قالادا ولكە دارەجەلى شيپاحانا كوپ بولعاندىقتان، ءبىرشاما ساپالى، وزىق ەمدەۋ بايلىعىنا يە بولىپ، ماڭىنداعى اۋدان، رايوننىڭ ناۋقاستارى اتتاپ باسسا بولعانى ولكە دارەجەلى شيپاحانالارعا جەتىپ كەلەدى، سونىمەن، باسقا جەرگە بارىپ ەمدەلەتىن كوپتەگەن ناۋقاس جارىققا شىقتى.
بيىل شىلدە ايىنان باستاپ اۋىل-قىستاق جاڭاشا سەلبەسىپ ەمدەۋىنە تىڭنان قوسىلعان 20 ءتۇرلى سالماقتى اۋرۋ اۋىل-قىستاق جاڭاشا سەلبەسىپ ەمدەۋىنىڭ تولەۋ قىسىمىن ارتتىردى.
مەملەكەتتىڭ ساياساتتىق تالابى بويىنشا وكپە راگى، اسقازان راگىن قامتىعان تىڭنان قوسىلعان 20 ءتۇرلى سالماقتى اۋرۋ مەيلى ولكە، قالا، اۋدان شيپاحاناسىنىڭ قاي-قايسىسىندا ەمدەلسىن، بىردەي %70 ەسەپتەن كوتەرەدى. سالماقتى اۋرۋلار كوبىندە ولكە دارەجەلى شيپاحانادا ەمدەلەتىندىكتەن، ەمدەۋ قاراجاتى جوعارى، قيت ەتسە 50 مىڭ، 100 مىڭ يۋانمەن سويلەسەدى، ال، مۇنى %70 سالىستىرما بويىنشا ەسەپتەن كوتەرگەندە، بۇكىل اۋىل-قىستاق جاڭاشا سەلبەسىپ ەمدەۋى اينالىسىنا تۇسەتىن سالماعى دا وڭاي بولمايدى.
ەلەۋسىز سىرقاتتى جوعارىلاپ كورسەتۋ اۋىرتپالىقتى ارتتىردى
ەگەر اۋدان دارەجەلى شيپاحانانىڭ كۇش-قۋاتى ءبىرشاما مىعىم بولسا، اۋدان كولەمىندەگى بۇقارانىڭ كوڭىلى كونشىپ، الاڭسىز ەمدەلىپ، سىرتقا جوتكەلەتىن ناۋقاستار ازايار ەدى. قالا ماڭى رايونىنداعى اۋدان دارەجەلى شيپاحانانىڭ ورەسى تىم شىركىن-اي بولماعاندىقتان، ناۋقاستار تابيعي تۇردە ولكە دارەجەلى شيپاحاناعا اعىلادى،-دەدى حاۋ باۋچيڭ.
ساناققا قاراعاندا، بيىل جىل باسىنان بەرى تاييۋان قالاسىنىڭ اۋىل-قىستاق جاڭاشا سەلبەسىپ ەمدەۋىندە بالنيتساعا جاتىپ ەمدەلگەن ناۋقاستار ىشىندە اۋىل-قالاشىق دارەجەلى ەمحاناعا جاتقانى 5000 ادامعا جەتپەدى، اۋدان، رايون دارەجەلى شيپاحانادا 25 مىڭ ادام، قالا دارەجەلى شيپاحانادا 15 مىڭ ادام جاتىپ ەمدەلگەن.
ال، اۋىل-قىستاق جاڭاشا سەلبەسىپ ەمدەۋىنىڭ ەسەپتەن كوتەرۋ ساياساتى ناۋقاستاردى ۇيلەسىمدى كورىنىپ، دارەجە بويىنشا ەمدەلۋگە جەتەلەۋدى ماقسات ەتەدى. نەعۇرلىم نەگىزگى ساتىداعى ەمحانادا جاتىپ ەمدەلسە، ەسەپتەن كوتەرىلۋ سالىستىرماسى سولعۇرلىم جوعارى بولادى. تاييۋان قالاسىندا ساياسات بويىنشا، اۋىل-قىستاق جاڭاشا سەلبەسىپ ەمدەۋىنە قاتىناسقان ەگىنشى ولكە، قالا، اۋدان، اۋىل دارەجەلى ەمدەۋ قۇرىلىمىندا ەمدەلسە، ەسەپتەن كوتەرىلەتىن ەڭ تومەنگى شەگى جەكە-جەكە 800، 500، 300، 100 يۋان، مۇنداعى ەسەپتەن كوتەرۋ سالىستىرماسى ءار قايسى اۋدان، رايوندىكى ۇقسامايدى، جالپى العاندا، %50، %60 توڭىرەگىندە، %80 – 75، %90 – 80 بولادى.
ءىرى شيپاحانادا ەمدەلسە ەسەپتەن كوتەرەتىن سالىستىرما از بولعانىمەن، ەمدەۋ قاراجاتى جوعارى، جيناقتىق سانى ۇلكەن بولادى. ۇقساس ءبىر تۇردەگى ناۋقاستىڭ ولكە دارەجەلى ءىرى شيپاحاناداعى ەمدەلۋ قاراجاتى ادەتتە اۋدان دارەجەلى شيپاحانانىكىنىڭ 2 ەسەسىنەن كوپ بولادى.
سوقىر ىشەك وپەراتسياسىن مىسالعا الساق، اۋدان دارەجەلى شيپاحانادا 3000 يۋاننان اسسا، ولكە دارەجەلى شيپاحانادا 6000 يۋاننان اسىپ كەتەدى. اۋدان دارەجەلى شيپاحانا %75 بويىنشا، اۋىل-قىستاق جاڭاشا سەلبەسىپ ەمدەۋى 2250 يۋانىن ەسەپتەن كوتەرەدى؛ ناۋقاس ءوز بىلگەنىنشە (رۇقساتسىز) جوتكەلىپ ەمدەلسە، ساياسات بويىنشا %10 ى ەسەپتەن كەم كوتەرىلىپ، ايىپ سالىنادى، مۇندايدا اۋىل-قىستاق جاڭاشا سەلبەسىپ ەمدەۋىنەن 150 يۋان ارتىق تولەنىپ، بۇل 3 ادامنىڭ قارجى توپتاۋ ورەسىنە تايايدى. ەگەر ءبىرشاما سالماقتى ناۋقاس بولسا، وندا ەمدەلۋدە تۋىندايتىن قاراجات مۇنان دا كوپ بولادى.
ىقشامداپ اۋدارعان: ساعىنبەك رابات ۇلى
التاي گازەتى قازاق رەداكسياسى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
