- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇزىلىس
اۋدارعان: ايجان قاميدوللا قىزى
ۋاڭ ۋىنحۋا
2015.01.13 15:17 كەلۋ قاينارى : ءتاڭىرتاۋ تورابى
جۇمىس باسىمى اۋىر بولعاندا، شيپاحانادا بولعاندى ۇناتامىن. مەن شيپاحانا بۇرىشىندا وتىرىپ، تىرشىلىكتى سان الۋان قىرىنان قاداعالاي كۇزەتەمىن. ارينە، مۇنداعىنىڭ ءبارى ادامدى كوڭىلسىزدەندىرەتىن جايتتەر. اركىمنىڭ جۇزىندە ابدىراۋ مەن قوبالجۋ. كاريدوردا مەدبيكەلەر توسەگىمەن يتەرىپ تەكسەرۋگە اپارا جاتقان ناۋقاستاردىڭ الپەتىن كوزىم شالادى. كەيبىرەۋىنىڭ ءوڭى مەنەن جاس، كەيبىرەۋى مەنەن ءوڭدى. كەيبىرەۋى مەنەن قالتالى، ءتىپتى، كەيبىرەۋى مەنەن ابىرويلى. توسەك تارتىپ جاتقان مەيلى كىم بولسا دا مەن قامىعامىن. سەبەبى ەرتە مە، كەش پە، سول توسەكتىڭ ماعان دا بۇيىراتىنى بەلگىلى. مەيلى ومىردە قانداي بيىكتەرگە جەتەيىك، اۋرۋ توسەگىندە ادامنىڭ ءبارى بىردەيمىز.
مۇنداي تۇيسىك، مەنى بۇل بەس كۇندىك جالعاننىڭ قاربالاستىعى مەن قىسىمىنان ارىلتادى. مۇندايدا تەرەڭ تىنىس الىپ، ومىردەگى ىستەردىڭ ماڭىزدىلىق ءتارتىبىن ايقىندايمىن. نەنىڭ ماڭىزدى، نەنىڭ ماڭىزسىز ەكەنىن، نەنىڭ شىنايى، نەنىڭ جالعان ەكەنىن شيپاحانادا وتىرىپ انىق تۇيسىنەمىن.
ارينە، شىنايى ومىرگە ورالعاندا، ءومىردىڭ كۇيبەڭىمەن الەك بولىپ ءجۇرىپ، ءبىز اۋەلگى قالپىمىزشا تۇيمەدەي ءىستى تۇيەدەي قىلىپ، ءوزىمىزدىڭ كىم ەكەنىمىزدى ۇمىتىپ تاكاپپارلانىپ قالامىز. سوندىقتان بىرنەشە اپتادان كەيىن، تاعى ءبىر جارتى كۇن ۋاقىت شىعارىپ شيپاحاناعا قايتا بارامىن. ويتكەنى شيپاگەرگە تەكسەرىلمەگەنىممەن، مۇندا ەڭ جاقسى پسيحولوگيالىق ەم بار.
شيپاحانا بىزگە دارمەنسىز ەكەنىمىزدى ۇعىندىرادى. «شيپاحانادان شىققان سوڭ» تىرشىلىكتەگى جەتىستىك پەن ساتسىزدىك، قۋانىش پەن قايعىنىڭ ءبارى ونشا كوپىرىپ كەتپەيدى.
ال شيپاحانانىڭ تاعى ءبىر قىزمەتى ءبىزدى سابىرلىلىققا ۇيرەتەدى. شىنىمەن جايسىزدانىپ شيپاحاناعا بارعانىمىزدا، قالايدا 70 − 80 - كەزەككە تىركەلەمىز. تۇستەن كەيىن ساعات ءبىر جارىمدا باستالعان امبولاتوريانىڭ كەزەگى كەيدە ساعات 4 − 5كە دەيىن ماعان تيمەيدى. قاتارداعى ساۋدا دۇكەندەرى بولسا، باياعىدا قولىمدى ءبىراق سىلتەپ كەتىپ قالۋشى ەدىم. ءبىراق مۇندا مەن سارىلا كۇتىپ، ادامداردىڭ مۇڭايعان ءتۇرىن كورىپ، ءتىپتى، ىشتەي ماعان كەزەك جايىراق كەلسە ەكەن دەپ تىلەيمىن. جايشىلىقتا قانداي ءىس بولسا دا الدىن بەرمەيتىن كۇيگەلەكتىگىم، مۇندايدا اياق استىنان باسىلىپ قالادى. مۇنان مەن جىلدامدىعىمدى اقىرىنداتىپ، سابىرلىلىقپەن كۇتۋدى ۇيرەنەمىن.
شىنايى ءومىر بىزدەن سابىرلىق تالاپ ەتىپ جاتپايدى. ساۋدا ورىندارى تۇتىنۋشىنى توبەسىنە كوتەرەتىندىكتەن، تالابىمىزدى ورىنداۋعا بايەك بولىپ تۇرادى، ايتپەسە، بۇرىلىپ كەتىپ قالاسىڭ عوي. شيپاحاناعا بارايىن ياكي امبولاتورياعا كورىنەيىن نەمەسە بالنيتساعا جاتايىن، بارلىعىندا سابىرلىلىقپەن كۇتۋدى، دەمالۋدى ۇيرەنسەم دەيمىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
