- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۇيىسپەنشىلىك ەڭ تاماشا تارتۋ
اۋدارعان: قانات جۇماش ۇلى
ي ميڭ
2015.01.13 15:18 كەلۋ قاينارى : ءتاڭىرتاۋ تورابى
قارشاداي ءبىر ۇل بالا ءوزىن الەمدەگى ەڭ باقىتسىز پەندە سانايدى. ويتكەنى جۇلىن سۇر زاتىنىڭ قابىنۋ ناۋقاسىنا شالدىققان ونىڭ اياعى كەمتار، ءتىسى ورساق ەكەن. سول ءۇشىن ول ساباقتاستارىمەن تىم كوپ ارالاسپايدى. مۇعالىمى سۇراقتارعا جاۋاپ بەرۋىن تالاپ ەتسەدە، ول ۇنەمى باسىن ىشىنە تىعىپ الىپ، «ءلام» دەپ اۋىز اشپايدى.
كوكتەمنىڭ ءبىر كۇنى الگى ۇل بالانىڭ اكەسى كورشىسىنەن ءبىرقانشا اعاش قالامشالارىن اكەلىپ، ءۇيىنىڭ الدىنا وتىرعىزباقشى بولىپتى. ول بالالارىن شاقىرىپ الىپ، ءارقايسىسىنىڭ ءبىر - ءبىر تۇپتەن اعاش ەگۋىن تالاپ ەتىپتى. اكەسى بالالارىنا: كىمنىڭ ەككەن قالامشاسى ەڭ تاماشا وسسە، وعان ءوزى ۇناتاتىن ەڭ ادەمى تارتۋ سيلايتىنىن، - ايتىپتى. الگى ۇل دا اكەسىنىڭ تارتۋىنا يە بولعىسى كەلىپتى. دەسەدە اعالارى مەن اپەكەلەرىنىڭ زىر جۇگىرىپ، اعاشتارعا سۋ قۇيىپ جۇرگەنىن كورىپ، نەگە ەكەنى بەلگىسىز ىشتەي ءوزى ەككەن اعاشىنىڭ ەرتەرەك ءولىپ قالۋىن تىلەپ كوڭىلسىزدەنىپ قالىپتى. سول ءۇشىن ءبىر - ەكى رەت سۋارعاننان كەيىن، اعاشىن باپسىز قالدىرىپتى.
بىرنەشە كۇننەن كەيىن، ۇل بالا الگى اعاشتاردى بارىپ كورسە، ءوزى ەككەن اعاش قۋراعانى سول كەرىسىنشە بىرنەشە تال جاپىراق جايىپ ۇلگىرىپتى. اعا - اپەكەلەرىنىڭ ەككەن اعاشتارىمەن سالىستىرعاندا، اناعۇرلىم تەبىندەپ، ومىرشەڭدىك تانىتىپتى. اكەسى دە ۋادەسىن ورىنداپ، ونىڭ ەڭ ۇناتاتىن زاتىن تارتۋعا ۇسىنىپتى ءارى ەككەن اعاشىنا قاراپ، ونىڭ ەرجەتكەن سوڭ مىندەتتى تۇردە بوتانيكا مامانى بولاتىنىن ايتىپتى. سودان باستاپ قارشاداي ۇل بالا بىرتىندەپ، اشىق - جارقىن، ىنتالى بولا باستاپتى.
ءبىر كۇنى تۇندە، ۇل بالا توسەگىندە جاتىپ ۇيىقتاي الماعان سوڭ، اي جارىعىمەن تەرەزە سىرتىنا كوز سالىپ وتىرىپتى دا مۇعالىمىنىڭ: «وسىمدىكتەر ادەتتە تۇندە بوي الادى» دەگەن ءسوزىن ەسىنە الىپ، نەگە اعاشتىڭ قاسىنا بارىپ كورمەيمىن دەپ ويلاپتى. ول ەپپەن باسىپ اۋلاعا كەلگەندە اكەسىنىڭ شومىشپەن الدە نەنى ءوزى ەككەن اعاشتىڭ تۇبىنە شاشىپ جاتقانىن كورەدى. ءدال سول ساتتە، ول ءىستىڭ بايىبىنا بارعانداي بولادى. ءاسىلى اكەسى ونىڭ ەككەن الگى اعاشىن جاسىرىن باپتاپ ءجۇرىپتى. ول جاتىن ۇيىنە قايتىپ كەلىپ، اعىل - تەگىل جىلايدى...
نەشە ونداعان جىلدار وتە شىعادى. الگى ۇل بوتانيكا مامانى بولىپ شىقپاعانىمەن، ا ق ش - تىڭ پرەزيدەنتى بولىپ جەتىلەدى. ونىڭ ەسىمى فرانكلين روزۆەلت ەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
