بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>3-كەزەكتى ازيا-ەۆروپا كورمەسى

كورمەنى ۇنەمشىلدىكپەن وتكىزەيىك

3 - كەزەكتى جۇڭگو ازيا - ەۆروپا كورمەسىنىڭ باستالۋ سالتى مەن نەگىزگى تالقى مىنبەرى بىرىكتىرىلدى، كورمە نىساندارى تۇگەلىمەن سىرتقا كوتەرمەگە بەرىلدى، كۇتىپ الۋ ولشەمى قاتاڭ تىزگىندەلدى

ءتىلشىمىز ياۋ تۇڭ

2013.08.29 15:02     كەلۋ قاينارى : ءتاڭىرتاۋ تورابى

  «جۇڭگو ازيا - ەۆروپا كورمەسىنىڭ قاراجاتى تۇگەل ورتالىق قازىنادان كەلەدى ءارى كورمە قاراجاتى مۇمكىندىكتىڭ بارىنشا كەپىلدىك ەتىلەدى دەگەنىمەن، شينجياڭ ءالى باي ەمەس، كورمەنى ۇنەمشىلدىكپەن وتكىزۋ، ناقتى ونىمدىلىككە ۇمتىلۋ − جۇڭگو ازيا - ەۆروپا كورمەسىن وتكىزۋدىڭ ءبىرىنشى جالپى ماقساتى». جۇڭگو ازيا - ەۆروپا كورمەسى حاتشىلار باسقارماسىنىڭ باس حاتشىسى، شينجياڭ حالىقارالىق كورمە ىستەرى مەكەمەسىنىڭ باستىعى لي جيڭيۋان 21 - تامىز كۇنى تىلشىگە بەرگەن سۇحپاتىندا وسى كەزەكتى كورمەدە ۇنەمشىل، ۇقىپتى بولۋ پرينسيبىنە باسا ءمان بەرىلىپ، كورمەنى كاسىپتىك دەڭگەيدە وتكىزۋگە ۇمتىلىس جاسالاتىندىعىن ايتتى.

  عىلمي، قۇنتتى، جۇيەلى بولۋعا كۇش سالدى

  ەل ىشىندەگى كورمەلەردىڭ دامۋ زاڭدىلىعىنا نەگىزدەلگەندە، 3 - كەزەكتەگى كورمە حالىقارالىق ارنامەن توعىسىپ قالىپتاسۋداعى شەشۋشى ءبىر كەزەك بولماق. سوندىقتان جۇڭگو ازيا - ەۆروپا كورمەسىندە ءتۇزىم، جوبا، جۇمىس ءتارتىبى جاقتارىنا كۇش سالۋ ايقىندالىپ، عىلمي، قۇنتتى، جۇيەلى بولۋعا ءمان بەرىلدى، كورمە وتكىزۋدىڭ ءبىرشاما كەمەلدى مەحانيزمىن جانە ۇلگىسىن 3 - 5 جىل ىشىندە قالىپتاستىرىپ بولۋ قامتاماسىز ەتىلدى.

  لي جيڭيۋان بىلاي دەدى: وسى كەزەكتەگى كورمەدە كورمە ىستەرى تۇڭعىش رەت تۇگەلىمەن سىرتقا كوتەرمەگە بەرىلدى، بۇلاي ىستەۋ كورمەنىڭ وزىندىك قۇندى ايتارلىقتاي تەجەپ، جۇمسالاتىن قاراجاتتى %30تىڭ ۇستىندە ۇنەمدەيدى. تۇگەلىمەن سىرتقا كوتەرمەگە بەرۋ −− كورمەنى تۇگەلىمەن ۇكىمەت وتكىزۋ ۇلگىسىنەن ۇكىمەت ماكرولىق جەتەكشىلىك ەتۋگە كۇش سالىپ، بازاردى كورمەنىڭ جەتەكشى باعىتىنا اينالدىرۋعا قاراي ويىسۋ. ۇكىمەت بار زەيىن - زەردەسىن كوبىندە جۇڭگو وبرازىن، شينجياڭ وبرازىن ايگىلەۋ جاعىنا شوعىرلاندىرادى. بۇل بايلىقتى جايعاستىرۋ نەگىزدىك رولىن ساۋلەلەندىرۋدەگى، ساپالاندىرۋداعى پايدالى جول ءارى كورمەنىڭ عىلميلانۋعا، بازارلانۋعا، ارنايىلانۋعا قاراي تاستاعان ءبىرىنشى قادامى.

  سونىمەن قاتار وسى جولعى كورمەدە كۇتىپ الۋ ولشەمىن قاتاڭ تەجەۋ ءارى قوناق ۇيلەرمەن ەڭ ارزان باعا كەلىسىمىن جاساسۋ، قوناق ءۇي بولمەلەرىنە گۇل قويماۋ، مينيستردەن جوعارى سيلى قوناقتاردىڭ بولمەسىنە شينجياڭنىڭ كەپتىرىلگەن جەمىستەرىن ازداپ قويۋ، كورمە قىزمەتىنىڭ ۇنەمشىلدىگىن، قۇنتتىعىن، جۇيەلىلىگىن كورنەكتىلەندىرۋ العا قويىلدى.

  فورماعا ەمەس، مازمۇنعا دەن قويدى

  3 - كەزەكتى جۇڭگو ازيا - ەۆروپا كورمەسىنىڭ اشىلۋ سالتى مەن نەگىزگى تالقى مىنبەرى بىرىكتىرىلدى، اشىلۋ سالتىندا كونسەرت قويىلمايدى، ەڭ داعدىلى ساليۋت اتۋدىڭ ءوزى دە ەلەكتروندىق فورمادا جۇرىلەدى. «وسى كەزەكتى كورمەدە بارلىق ساۋدالىق كونسەرتتەر، كەڭەستەر كۇشىنەن قالدىرىلدى، ءبىراق حالىقاراداعى سەلبەسۋشى ورىنداردىڭ سانى الدىڭعى كەزەكتەگى 17دەن اسىپ، وسى كەزەكتە 22گە جەتتى، مۇنىڭ ءوزى ءان مەن ءبي، فورما جاعىنداعى «سالتاناتتىلىق» بولماسا دا، كورمەنىڭ كاسىپتىك دەڭگەيدە وتەتىنىن ءارى ءتىپتى كوپ مەملەكەتتەردى، قۇرىلىمداردى، ساۋداگەرلەردى قاتىسۋعا تارتا الاتىندىعىن دالەلدەدى»، - دەدى لي جيڭيۋان. جوعارى ولشەمدى كورمە فورمانى ەمەس، كاسىپتىك دەڭگەيدى دارىپتەيدى. اشىلۋ سالتىندا كونسەرت قويماۋدان، كەم دەگەندە، 5 ميلليون يۋان قاراجات ۇنەمدەلەدى.

  «مەنى باستالۋ سالتىندا قانداي ءان ايتىلىپ، قانداي ءبي بيلەنەتىنى ەمەس، نەگىزگى تالقى مىنبەرىندە نەنىڭ ايتىلاتىندىعى، كورمەدە قانداي نىسانداردىڭ بار ەكەنى قىزىقتىرادى»، - دەدى تايۋاندىق ساۋداگەر ۋاڭ گۇڭتاڭ. اشىلۋ سالتىنداعى وزگەرىستەردى قوسپاعاندا، كورمەنى ۇقىپتىلىقپەن، قاراپايىم وتكىزۋدىڭ ءوزى دە كورمە ورتاسىن ءبىرتالاي تازارتتى.

  ايگىلى ماركا اسەرىن ايگىلەدى

  جۇڭگو ازيا - ەۆروپا كورمەسى − ەندى عانا ءتاي - ءتاي باسىپ جۇرە باستاعان بالاداي جاس حالىقارالىق كورمە، كورمەنىڭ جارىققا شىققانىنا دا 2 جىلدان استام ۋاقىت بولدى. دەسەدە ول «قارجىنى از جۇمساپ، كەلەلى ىستەر ىستەۋ، از قارجىمەن كەلەلى ىستەر ىستەۋ» سىندى شينجياڭدىق ۇلگىنى جارىققا شىعارۋعا قۇلشىنۋدا.

  كورمەنىڭ ەكونوميكالىق بايلىعى: ءبىر ميلليارد، 10 ميلليارد يۋاندىق نىساندار شينجياڭدا ىرگە تەپتى، ازيا، ەۆروپا، سولتۇستىك امەريكا، وڭتۇستىك امەريكا، وكەانيا، افريكا قۇرلىقتارىنان 40تان استام مەملەكەت پەن رايون، 10نان استام حالىقارالىق ۇيىم جانە حالىقارالىق سەرىكتەستىك شينجياڭدى ءتۇسىندى، تانىدى ءارى شينجياڭنىڭ دامۋىنا ات سالىستى.

  كورمەنىڭ رۋحاني بايلىعى: شينجياڭداعى ءار ۇلت بۇقاراسىنىڭ «قۇلشىنعاندا عانا وزگەرىس بولاتىنىن، قۇلشىنساق بولعانى وزگەرتە الاتىنىمىزدى»، شينجياڭنىڭ دۇنيە جۇزىمەن توعىسۋىنا، دۇنيە جۇزىندەگى باسەكەلەرگە قاتىناسۋعا قابىلەتتى ەكەنىن تانىپ جەتۋىنە مۇمكىندىك جاسادى.

  «كورمەنىڭ مازمۇنى باي ەكەن، بۇل شينجياڭنىڭ دامۋىنىڭ ىقشام كورىنىسى، كورمەدەن ادامدار شينجياڭدى ءتىپتى تەرەڭ تۇسىنە الادى»، - دەدى جاپونيالىق ساۋداگەر ساڭجياڭياڭ. ونىڭ ايتۋىنشا، جۇڭگو ازيا - ەۆروپا كورمەسى شينجياڭدى تانىستىراتىن ماڭىزدى ماركاعا اينالىپ ۇلگىرگەن كورىنەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.