ۇزاقتى جالعاعان ساپار
− ءتوراعا شي جينپيڭنىڭ 2019 – جىلعى تۇڭعىش ساپارىندا ەۆروپاداعى 3 ەلگە بارعانى جونىندە
2019.03.28 16:57 كەلۋ قاينارى : حالىق تورابى
ازيا - ەۆروپا قۇرلىعىنىڭ شىعىس باسىنان جول الىپ، بايىرعى جىبەك جولىن بويلاپ باتىسقا بەتتەپ، اپەننينسكي تۇبەگىنەن ۇشىپ ءوتىپ، وڭتۇستىكتە سيسيليگە ءتۇسىپ، سولتۇستىكتە فرانسياعا باردى. مەملەكەت ءتوراعاسى شي جينپيڭ 2019 – جىلعى تۇڭعىش ساپارىندا ەۆروپاعا كەلدى.
يتاليا، موناكو، فرانسيا. 3 – ايدىڭ 21 – كۇنىنەن 26 – كۇنىنە دەيىن، 6 كۇن، 5 تۇندە 3 مەملەكەتتىڭ 5 قالاسىندا بولدى، 40 مايداننان استام ەكى جانە كوپ جاقتى قيمىلعا قاتىناستى، دوستىقتى، جاۋاپكەرلىكتى، سەلبەستىكتى، دامۋ جولىن تىلگە تيەك ەتتى... «ءبىزدىڭ ۋاقىت جونىندەگى تۇسىنىگىمىز عاسىرمەن، مىڭ جىلمەن ەسەپتەلەدى». ءتوراعا شي جينپيڭ يتاليانىڭ پرەمەر مينيسترى كونتەگە وسىلاي دەدى. دۇنيە ءجۇزىنىڭ عاسىردا كەزدەسپەگەن زور وزگەرىسىنە قاراتا جۇڭگو ەۆروپامەن قوردالانعان دوستىقتى جالعاپ، ۋاقىت جۇكتەگەن بورىشتى ارقالاپ، دۇنيە ءجۇزىنىڭ بەيبىتشىلىگى، ورنىقتىلىعى، دۇنيە ءجۇزىنىڭ دامىپ – گۇلدەنۋى ءۇشىن قول ۇستاسىپ العا باستى.
دوستىق بولەگى
«ەۆروپا − كوپ ۇيەكتەنگەن دۇنيە ءجۇزىنىڭ ماڭىزدى ءبىر ۇيەگى، سونداي – اق جۇڭگونىڭ ەڭ ماڭىزدى سەلبەستىك ارىپتەستەرىنىڭ ءبىرى. سوندىقتان 2019 – جىلعى العاشقى ساپارىمدا ەۆروپانى تاڭدادىم».
جاڭا داۋىردەگى جۇڭگونىڭ ديپلوماتيا جاعدايىندا ەۆروپانىڭ ورنى ماڭىزدى بولا ءتۇستى.
ەۆروپا قۇرلىعى وركەنيەتتى، تاريحى ۇزاق شىعىستاعى ءىرى ەلدىڭ كوسەمىن ىستىق ىقىلاسپەن قۇشاق جايا قارسى الدى، جۇڭگو حالقىنا دەگەن دوستىق سۇيىسپەنشىلىكتى بەينەلەدى.
يتاليا − ادەبيەت – كوركەمونەردىڭ قايتا گۇلدەنۋىنىڭ بەسىگى.
«شي ءتوراعا كەلدى!»، «شي جينپيڭنىڭ ەۆروپاداعى ساپارىندا يتاليا العاشقى بەكەت بولدى!»... جۇڭگونىڭ مەملەكەت باسشىسى اراعا 10 جىل سالىپ قايتالاي ساپاردا بولدى، يتاليانىڭ ءار سالاسى بۇعان ايرىقشا شاتتاندى، سول جەردىڭ نەگىزگى اقپارات دانەكەرلەرى حابارلاردى لەزدە تاراتىپ جاتتى.
3 – ايدىڭ 21 – كۇنى كەشكە تاياۋ ءتوراعا شي جينپيڭ ارناۋلى ۇشاقپەن «مىڭ جىلدىق استانا» بەيجيڭنەن «ماڭگىلىك قالا» ريمگە ۇشىپ باردى.
كۇيرينالە سارايى − يتاليانىڭ پرەزيدەنت سارايى، بۇل ساراي ادەبيەت – كوركەمونەردەگى قىرۋار باعالى تۋىندىنىڭ ساقتالۋىمەن دۇنيە جۇزىنە تانىمال بولعان. 3 – ايدىڭ 22 – كۇنى تۇستەن بۇرىن پرەزيدەنت ماتارەللا وسىندا ءتوراعا شي جينپيڭگە ارناپ سالتاناتتى قارسى الۋ سالتىن وتكىزدى. اتتى جاساقتار شارشى توبى كوشەنى دۇبىرلەتتى، يتاليانىڭ ايباتتى اتتى جاساقتارىنىڭ قورعاپ جۇرۋىمەن ءتوراعا شي جينپيڭ حانىمىمەن بىرگە اۆتوموبيلگە وتىرىپ ىشكى الاڭعا كىردى. بۇل تاياۋ 10 جىلدان بەرى يتاليانىڭ شەتەل باسشىلارىن قابىلداۋعا تۇڭعىش رەت اتتى جاساق ورنالاستىرۋى ەدى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
