شينجياڭ بۇگۇر اۋدانىنىڭ ساقشىلارى ءبىر توراپ قارىز اقشا الدامشىلىق دەلوسىن انىقتادى
2019.03.26 15:31 كەلۋ قاينارى : حالىق تورابى
حالىق تورابى، 3 – ايدىڭ 26 – كۇنى، بەيجيڭ. تەكسەرۋ ۋاقىتى قىسقا، كەپىل بولۋشىنىڭ قاجەتى جوق، قارىز اقشانى قىسقا ۋاقىتتا الا الاسىز، قارىز اقشا مولشەرى جوعارى دەگەن ءسوزدى ەستىگەن جۇرت ەلەڭ ەتەتىنى داۋسىز، دەسە دە بۇل قازىلعان ور بولۋى ابدەن مۇمكىن. جۋىردا شينجياڭ بۇگۇر اۋداندىق ساقشى جاعى نەشە كۇن تەكسەرۋ، قات – قابات سۇراستىرۋ ارقىلى توراپ قارىز اقشاسىن بىتىرەمىز دەگەن سىلتاۋمەن الدامشىلىق ىستەگەن ءبىر توپ الدامشىلىق دەلوسىن انىقتادى، مۇندا 6 دەلو انىقتالىپ، ءبىر قىلمىس كۇماندىسى ۇستالعان، دەلوعا ساياتىن اقشا مولشەرى 70 مىڭنان اسقان.
بۇگۇر اۋدانىندا تۇراتىن A ساۋدا اينالىمىنىڭ قيىنشىلىعى سەبەبىنەن شۇعىل اقشا قاجەت ەتەدى، ءدال وسى كەزدە ۋيچاتتاعى دوستىق شەڭبەرىنەن ءبىر ۋيچات دوسىنىڭ كەپىل بولۋشىنىڭ قاجەتى جوق، قارىز اقشانى قىسقا ۋاقىتتا الا الاسىز دەگەن توراپ قارىز اقشاسىنا قاتىستى حابارىن كوزى شالىپ قالادى، سونىمەن A سول كۇنى دەرەۋ اتالعان ۋيچات دوسىنا حابارلاسىپ جاعدايدى ۇعىسادى، اتالعان جاق ٶزىن ءمالىم ءبىر قارىز اقشا سەرىكتەستىگىنىڭ قىزمەتكەرى دەپ تانىستىرادى، A نىڭ قاجەتىن بىلگەن سوڭ، اتالعان جاق A عا ءبىر ٶتىنىش كەستەسىن بەرەدى، A كەستەنى تولتىرىپ بولعان سوڭ دەرەۋ تاپسىرادى، كوپ وتپەي قارسى جاق A عا ونىڭ قارىز اقشاسىنىڭ تەكسەرۋدەن وتكەندىگىن، قازىر 1030 يۋان تەكسەرۋ اقىسىن بەرۋىن تالاپ ەتەدى، A اتالعان جاقتىڭ تالابى بويىنشا اقشانى دەرەۋ جوتكەيدى.
اقشانى جوتكەگەن سوڭ، اتالعان جاق اتالعان سەرىكتەستىكتىڭ A نىڭ قارىز قايتارۋ قابىلەتىنە سىناق جۇرەگىزەدى دەگەن سىلتاۋمەن A نىڭ تاعى دا 6000 يۋان جوتكەۋىن تالاپ ەتەدى، بۇل اقشا قارىز اقشا بەرگەندە قوسىپ قايتارىلادى دەگەندى ايتادى. A تاعى دا اتالعان جاقتىڭ تالابى بويىنشا اقشانى جوتكەيدى. دەسە دە، اقشانى جوتكەلگەن سوڭ، A قارىز اقشانىڭ قاراسىن دا كورمەيدى، تاعى دا اتالعان جاقپەن بايلانىس جاساعاندا ٶزىنىڭ قارا تىزىمدىككە كىرىپ قالعاندىعىن بايقايدى، وسى كەزدە بارىپ الدانعاندىعىن ءبىر-اق بىلگەن A دەرەۋ ساقشىعا مالىمدەيدى.
3 – ايدىڭ 16 – كۇنى A مالىمدەگەن دەلونى تاپسىرىپ العان سوڭ، بۇگۇر اۋداندىق ساقشى جاعى دەلوعا تەكسەرۋ جۇرگىزۋىن باستايدى. A بەرگەن ءجىپ ۇشىنا نەگىزدەلە وتىرىپ، دەلونىڭ جاي – جاپسارىنا تالداۋ جۇرگىزەدى، تالداۋ جۇرگىزۋ ارقىلى توقسۋ اۋدانىنداعى ٵي دىڭ قىلىمىس كۇماندىسى ەكەندىگىن تۇراقتاندىرادى، الدامشىلىق جولى، سونداي – اق قىلمىستىق ارەكەتى جونىندە تولىق فاكت جيناعان سوڭ، ساقشىلار دەرەۋ توقسۋ اۋدانىنا بارادى، ورنالاستىرۋ ارقىلى 3 – ايدىڭ 21 – كۇنى قىلمىس كۇماندىسى ٵي ٶز ۇيىندە قولعا الىنادى.
تەكسەرۋ ارقىلى ٵي ٶزىنىڭ توراپ قارىز اقشاسى دەگەن سىلتاۋمەن تۇرپان، ءپىشان، توقسۋن، توقسۋ، بۇگۇر قاتارلى جەرلەردە 6 ادامدى زيانداعاندىعىن، 6 دەلو تۋدىرعاندىعىن، دەلوعا ساياتىن اقشاسىنىڭ 70 مىڭنان اسقاندىعىن مويىندايدى.
ٵيدىڭ ايتۋىنشا ول قارىز اقشا الۋشىلاردىڭ قارىز اقشاعا دەگەن شۇعىل سۇرانىسىنان پايدالانعان، الدىمەن قارسى جاقتىڭ سەنىمىنە يە بولىپ، ونان سوڭ، كەپىل بولۋشىنىڭ قاجەتى جوق، قارىز اقشا تەز بەرىلەدى، قارىز اقشا مولشەرى جوعارى دەگەن سياقتى ادامداردىڭ قىزىعۋشىلىعىن تۋدىراتىن سوزدەر ارقىلى ولاردى الدام قالتاسىنا تۇسىرگەن، ونان سوڭ ءىز – توزسىز كەتكەن.
قازىر ٵي بۇگۇر اۋدانىنىڭ ساقشىلارى جاعىنان قىلمىستىق ءىس – ارەكەتى بويىنشا قولعا الىندى، دەلو قازىر جالعاستى تەكسەرىلۋ ۇستىندە.
ساقشىلار قارىز اقشا الۋدا ناقتى ورگانداردى تاڭداپ ءبىتىرۋدى، زاڭسىز ەلەمەنتتەردىڭ الدام قالتاسىنا ءتۇسىپ قالماۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
