حالىق تورابىنىڭ شولۋى: «تەكسەرۋگە تيىستىلەرىن تۇگەل تەكسەرۋ، تەكسەرىلگىسى كەلگەندەردى تۇگەل تەكسەرۋ» ارقىلى بەيجيڭدى بىرلىكتە قورعايىق
شىن چىن
2020.06.15 14:45 كەلۋ قاينارى : حالىق تورابى
بەيجيڭ شينفادي تولايىم ساتۋ بازارىندا جاڭا تيپتى ايدارشا ۆيرۋس وكپە قابىنۋ ىندەتىنىڭ تارالۋى جۇرتشىلىقتىڭ نازارىن اۋدادى.
6 – ايدىڭ 14 – كۇنى تۇستەن بۇرىن اقپار جاريالاۋ ماجىلىسىندەگى ساندى مالىمەتتەن قاراعاندا، جاڭادان تىركەلگەن جۇعىمدالۋشىلار سانى 36 ادام بولدى، تەكسەرۋدە بولىمدى بولعان ءبىر ادام، بارلىعى اتالعان تولايىم ساتۋ بازارىمەن بايلانىستى. بەيجيڭ قالاسى دەر كەزىندە شينفادي تولايىم ساتۋ بازارىن پەشەتتەپ، بازارعا ديزەنفەكسيالاۋ جۇرگىزدى. توڭىرەكتەگى تۇرعىندار شاعىن رايونى سياقتى ورىنداردى تۇيىقتاپ باسقاردى ءارى نۋكلەين قىشقىلىن تەكسەرۋ جانە ۇلگى الۋ كولەمىن كەڭەيتتى. ءبىرقىدىرۋ «قاتتى» الدىن الۋ شارالارىن قولدانۋ ۆيرۋستىڭ تارالۋىن تىزگىندەپ، ىندەتتىڭ كەڭەيۋىن تەجەۋدە ماڭىزدى رول اتقارادى.
ىندەتتىڭ قايتالانۋىن ەشكىم دە قالامايدى. الايدا، ىندەتتەن ساقتانۋ جانە ونى تىزگىندەۋ ۇدايىلانعان جاعدايدا، اسىرەسە، بۇكىل جەر شارىنداعى ىندەتتىڭ ءورشۋ جاعدايى ءالى تۇبىرىنەن وڭالا قويماعان جاعدايدا، شاعىن كولەمدەگى ىندەتتىڭ تۋىلۋىنان ساقتانۋ قيىن. ءبىراق بۇگىن، ءبىز ءتىپتى دە زور قابىلەتكە، ءتىپتى دە مول تاجىريبەگە، ءتىپتى دە جەتكىلىكتى جىگەرگە يە بولدىق، ءىشىنارالىق شوعىرلى تۋىلاتىن حاۋىپ - قاتەرگە توتەپ بەرە الامىز. بۇل جولى بەيجيڭ قالاسىندا دياگنوز قويىلعان ادام بايقالعاننان كەيىن، تەز قارقىنمەن مەڭگەرىپ، باتىل شارا قولدانعاندىعىمىز بۇل جاعىن تولىق دالەلدەيدى.
ارينە، تولىق سەنىمدىمىز دەپ بۇعان نەمقۇرايدى قاراۋعا استە بولمايدى. بەيجيڭدە ىندەتتىڭ تارالۋ قاتەرى كۇرت ارتىپ، كۇرەستىڭ ساقتىق سەگنالىن قايتا ءبىر رەت قاقتى. بەيجيڭنىڭ 20 ميلليوننان استام جان سانى بار ۇلكەن قالا ەكەندىگىن ايتپاعاننىڭ وزىندە، تەك شينفادي تولايىم ساتۋ بازارىنان الىپ ايتساق، ادامدار كوپ جينالعان، كەلىپ – كەتەتىندەر سانى كوپ، ىندەتتەن ساقتانۋ جانە ونى ەمدەۋ قىزمەتىن جاقسى ىستەۋدىڭ قيىندىعى زور، سىنى اۋىر، بەيجيڭ ەرەكشە مەزگىلگە قادام تاستادى. كوز الداعى ەڭ ماڭىزدى نارسە، ۋاقىتتى قولدان بەرمەي اۋىرۋدىڭ تارالۋ قاينارىن تەكسەرۋ، تارالۋ ارناسىن دەر كەزىندە ءۇزىپ تاستاۋ. قۋزاستىرۋ ۋاقىتى جەتكىلىكتى بولۋ، قابىلداۋ كولەمى جەتكىلىكتى ءدال بولۋ ارقىلى ءبىر ادامنىڭ قاعىس قالماۋىنا كەپىلدىك ەتۋى كەرەك. تەك ەڭ زور بەكىممەن، ەڭ زور قۇلشىنىسپەن، جۇعۋ قاينارىن تۇراقتاندىرىپ، بارلىق مۇمكىندىگى بار تاراتۋ تىزبەگىن تاپقاندا عانا، ىندەتتىڭ تارالۋ ارناسىن باتىل توسىپ، ىندەتتىڭ تارالۋىن باتىل تەجەۋگە بولادى.
«تەكسەرۋگە تيىستىلەرىن تۇگەل تەكسەرۋ، تەكسەرىلگىسى كەلگەندەردى تۇگەل تەكسەرۋ» − بەيجيڭنىڭ ىندەتتەن ساقتانۋداعى ماڭىزدى نىساناسى. قازىرگە دەيىن شينفادي تولايىم ساتۋ بازارىنداعى قىزمەتكەرلەر مەن توڭىرەكتەگى تۇرعىندارعا تۇگەلدەي نۋكلەين قىشقىلىن تەكسەرۋ جانە مەديتسينالىق باقىلاۋ شارالارىن قولداندى. 6 – ايدىڭ 14 – كۇنى تۇستەن بۇرىنعى اقپار جاريالاۋ ماجىلىسىندە قاتىستى تاراۋلار تاعى دا كەيبىر جاڭا شارالاردى ورتاعا قويدى. مىسالى، 5 – ايدىڭ 30 – كۇنىنەن بەرى شينفادي تولايىم ساتۋ بازارىنا بارعاندار الەۋمەتتىك اۋماقتارعا نەمەسە قىزمەت ورىندارىنا قاز - قالپىندا مالىمدەۋى كەرەك، ٶز ەركىمەن قاتىستى قۇرىلىمدارعا نەمەسە الەۋمەتتىك اۋماقتىڭ ورنالاستىرعان جەرلەرىنە بارىپ نۋكلەين قىشقىلىن تەكسەرتۋى كەرەك، سىرتقا شىقپاۋى كەرەك؛ بۇكىل قالاداعى ەمدەۋ قۇرىلىمدارىنان قىزۋى ورلەگەن ادامدارعا تۇگەلدەي نۋكلەين قىشقىلىن، انتيدەنە، قان قالىپتىلىعىن تەكسەرۋدى تالاپ ەتتى؛ شينفادي بازارىنا بارعان قىزمەتكەرلەردىڭ ەمدەلۋىنە قاراتا «120عا تەلەفون سوعىپ ارناۋلى كولىككە وتىرۋ» دەگەن سياقتى قولايلىلىقتار جاسالدى. وسى باتىل شارالار «تەكسەرۋگە تيىستىلەرىن تۇگەل تەكسەرۋ، تەكسەرىلگىسى كەلگەندەردى تۇگەل تەكسەرۋ» تالابىن كورسەتىپ، بەيجيڭنىڭ ىندەتتىڭ تارالۋىن تەجەۋ بەكىمىن ايگىلەدى.
قاراپايىم تۇرعىندار جونىنەن العاندا، ساقتانۋ مەن تىزگىندەۋدىڭ قاجەتىنە بەلسەنە سايكەسىپ، نۋكلەين قىشقىلىن ىرىقتىلىقپەن تەكسەرۋ وتەۋگە ءتيىستى جاۋاپكەرشىلىك. ءبىر جاعىنان، وزىنە جاۋاپتى بولۋ، باسقالارعا جاۋاپتى بولۋ پوزيتسياسىندا بولا وتىرىپ، جۋىردا اتالعان بازارعا بارعان – بارماعاندىعىن ايتۋى، سونداي - اق وزدىگىنەن نۋكلەين قىشقىلىن تەكسەرتۋ كەرەك. ەندى ءبىر جاعىنان، ءبىز بارلىق ادام قىراعىلىقتى ارتتىرىپ، ساقتانۋدى كۇشەيتىپ، ماسكى تاعىپ، ۇنەمى اۋا الماستىرىپ، قولدى جۋىپ، باسپ قوسىپ تاماقتانۋدى ازايتۋىمىز كەرەك. مىنە جۇقپالى اۋرۋلاردان ساقتانۋ جانە ونى تىزگىندەۋدەگى وسى جاقسى ادەتتەردى جوعالتۋعا بولمايدى. بۇرىن كەيبىر ءىشىنارا جەرلەردە دياگنوز قويىلعان ناۋقاستار الدىن الۋ، تىزگىندەۋ تالابىنا بويسۇنبايتىن، ءوز بەتىمەن ءجۇرىس - تۇرىسىن جاسىراتىن احۋالدار ورىن تەپكەن، كەيبىرەۋلەرى ءتىپتى جايسىزدانعانىن بىلە تۇرا قىدىرعانىن قويماعان، مۇنداي جاعداي ىندەتتەن ساقتانۋ جانە ونى تىزگىندەۋگە ءبىرشاما زور اۋرەشىلىك تۋدىردى، بۇل ساباقتاردى، ءسوز جوق، قابىلداۋ كەرەك.
ينەنىڭ ۇشىنداي تەسىكتەن دە جەل ءوتىپ كەتەدى. ىندەتتەن ساقتانۋ جانە ونى تىزگىندەۋ بارىسىندا بىزدە تيتتەي دە بەيعامدىق يدەيا، باق سىناۋ پسيحيكاسى، بوساڭسۋ پسيحيكاسى بولماۋى كەرەك. ءاربىر ادام ىندەتتەن ساقتانۋدا كەم بولسا بولمايتىن بۋىن، ورتاق جاۋ الدىندا ءبىر نيەتپەن ىنتىماقتاسىپ، جۇدىرىقتاي جۇمىلعاندا عانا جەڭىسكە جەتۋگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
