شي جينپيڭ بەلورۋسسيانىڭ پرەزيدەنتى لۋكاشەنكومەن تەلەفوندا سويلەستى
2020.06.12 16:29 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 11 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 11 - كۇنى كەشتە بەلورۋسسيانىڭ پرەزيدەنتى لۋكاشەنكومەن تەلەفوندا سويلەستى.
شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى جۇڭگو مەن بەلورۋسسيا ءبىر جاعادان باس، ءبىر جەڭنەن قول شىعارىپ، ءوزارا قارايلاسىپ، تەرەڭ باۋىرمالدىق سۇيىسپەنشىلىكتى كورنەكتىلەندىرىپ، جۇڭگو - بەلورۋسسيا قاتىناسىنىڭ جوعارى دەڭگەيى مەن ەرەكشەلىگىن ايگىلەدى. جۇڭگو بەلورۋسسيا جاقتىڭ ءوز ەلىنىڭ جاعدايىنا ۇيلەسەتىن ساقتانۋ - تىزگىندەۋ شارالارىن اتقارۋىن باتىل قولدايدى، بەلورۋسسيامەن ساقتانۋ ـ تىزگىندەۋ تاجىريبەسىن جانە دياگنوز قويۋ ـ ەمدەۋ جوباسىن ۇزدىكسىز بۇكپەسىز ءبولىسۋدى قالايدى. ءسىزدىڭ پارمەندى باسشىلىعىڭىزدا بەلورۋسسيا حالقىنىڭ ىندەتتى، ءسوز جوق، تەز ارادا جەڭەتىنىنە سەنەمىن. بەلورۋسسيانىڭ بەلورۋسسيادا وقىعان، قىزمەت ىستەگەن، تۇرمىس كەشىرگەن جۇڭگو ازاماتتارىنا كومەك كورسەتكەنىنە العىس ايتامىن، بەلورۋسسيانىڭ ولاردىڭ باس اماندىعى مەن دەنساۋلىعىن ۇزدىكسىز ءونىمدى قامتاماسىزداندىراتىنىنا سەنەمىن. جۇڭگو بەلورۋسسيانى قامتىعان حالىقارالىق قوعاممەن بىرگە سەلبەستىكتى كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋدى قالايدى.
شي جينپيڭ مىنالاردى دارىپتەدى: قازىر جۇڭگو مەن بەلورۋسسيانىڭ ءوزارا سەنىم ارتىپ، سەلبەسىپ تەڭ يگىلىككە كەنەلەتىن جالپى بەتتىك ستراتەگيالىق سەرىكتەستىك قاتىناسى جوعارى دەڭگەيدە جالعاسۋدا، ەكى جاق ءبىر ـ ءبىرىنىڭ وزەكتى مۇددەسىنە جانە كوڭىل ءبولىپ وتىرعان كەلەلى ىستەرىنە ساياتىن ماسەلەلەردە تيتتەي دە ءارى ـ ءسارى بولماستان ءبىر-ءبىرىن قولداپ كەلەدى، بۇنى اتى زاتىنا ساي بارلىق جاعدايدا بىردەي ارىپتەستىك دەۋگە بولادى. جۇڭگو جاق بەلورۋسسيانىڭ ءوز ەلىنىڭ جاعدايىنا قاراي تاڭداعان دامۋ جولىمەن ءجۇرۋىن قولدايدى. ىندەتتىڭ ەكى ەلدىڭ ەكى جاقتى بارىس - كەلىسىنە جانە ناقتى سەلبەستىگىنە ىقپال جەتكىزەتىنى شىندىق. الايدا جۇڭگو مەن بەلورۋسسيا قاتىناسىنىڭ نەگىزى بەرىك، سەلبەستىك كومەسكى كۇشى زور. ەكى جاق سىن - سايىستى وراي ەتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، جۇڭگو ـ بەلورۋسسيا ونەركاسىپ باقشاسى قۇرىلىسىندا جانە ءار سالاداعى ءوزارا ءتيىمدى سەلبەستىكتە ءتىپتى دە كوپ تابىسقا قول جەتكىزۋدى جەبەپ، ەكى جاقتى قاتىناستىڭ ۇزدىكسىز تىڭ ساتىعا كوتەرىلۋىن ىلگەرىلەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
