اۋىل - قىستاقتى گۇلدەندىرۋ ستراتەگيالىق جوباسىن اتقارۋ بايانداماسى جاريالاندى
2020.06.11 16:41 كەلۋ قاينارى : حالىق تورابى
«حالىق گازەتى»، 6 - ايدىڭ 10 – كۇنى، بەيجيڭ (ءتىلشى يۇي جيڭشيان). اۋىل شارۋاشىلىعى، اۋىل - قىستاق مينيسترلىگى، مەملەكەتتىك دامۋ - رەفورما كوميتەتى جوسپار بويىنشا سايكەستى ىلگەرىلەتۋ مەحانيزمىنە مۇشە 27 ورىنمەن بىرگە قۇراستىرعان «اۋىل - قىستاقتى گۇلدەندىرۋ ستراتەگيالىق جوباسىن اتقارۋ بايانداماسى (2018 - جىلدان 2019 - جىلعا دەيىن)» (تومەندە قىسقاشا «بايانداما» دەلىنەدى) باسپادان شىعىپ جاريالاندى. «باياندامادا» كورسەتىلۋىنشە، 2 جىلدان بەرى «اۋىل - قىستاقتى گۇلدەندىرۋ ستراتەگيالىق جوباسى (2018 - جىلدان 2022 - جىلعا دەيىن)» ورنىقتى ىلگەرىلەپ، ءار جاقتاعى ءتۇيىندى مىندەتتەردە كورنەكتى ناتيجەگە قول جەتكەن، اۋىل - قىستاقتى كوركەيتۋدە تاماشا باستاما جاراتىلعان.
اۋىل - قىستاقتى گۇلدەندىرۋدىڭ جاڭا جاعدايى جەدەل قالىپتاسىپ، قالا مەن اۋىلدىڭ ورنالاسۋ قۇرىلىمى ۇزدىكسىز كەمەلدەنىپ، قىستاقتاردى تۇرگە ءبولىپ دامىتۋ تارتىپپەن ىلگەرىلەتىلدى.
«باياندامادا» كورسەتىلۋىنشە، ەلىمىزدىڭ اۋىل – قىستاعىندا حالىقتى اۋقاتتاندىرۋ كاسىبى قارىشتاپ دامىعان، اۋىل - قىستاقتا 1 -، 2 -، 3 - كاسىپتەردىڭ توعىسۋى تەزدەگەن. اۋىل - قىستاقتاعى سەيىل - سەرۋەن ساياحاتىنداعى ساياحاتشىلاردىڭ سانى مەن تيجارات كىرىسى زور مولشەردە ارتقان؛ كورىكتى اۋىل - قىستاق جاڭا بەينەگە ەنگەن، بۇكىل ەل بويىنشا شارت - جاعداي ازىرلەگەن قۇرىلىمدىق قىستاقتارعا تۇگەلدەي تاس جول تۇتاسقان؛ %98 قىستاق قىستاق ەرەجەسىن جاساعان جانە وعان وزگەرىس ەنگىزگەن، 549 مىڭ قىستاق ۋنيۆەرسال مادەنيەت قىزمەت وتەۋ ورتالىعى قۇرىلعان؛ ءوزىن - ءوزى باسقارۋ، زاڭمەن باسقارۋ، مورالمەن باسقارۋ ۇشتاستىرىلعان اۋىل - قىستاق باسقارۋ جۇيەسى نەگىزىنەن ورناعان.
اۋىل - قىستاقتى گۇلدەندىرۋ ستراتەگياسى بويىنشا اۋىل شارۋاشىلىعىن قۇدىرەتتەندىرۋگە، اۋىل - قىستاققا تيىمدىلىك جاساۋعا قولداۋ كورسەتىلىپ، استىق ءونىم مولشەرى ارتتىرىلدى.
«باياندامادا» كورسەتىلۋىنشە، ەلىمىزدىڭ وسى زامانعى اۋىل شارۋاشىلىعىنىڭ نەگىزى اناعۇرلىم بەكەمدەلگەن. مەملەكەت بويىنشا استىقتىڭ جالپى ءونىم مولشەرى ۇدايى 5 جىل ءبىر تريلليون 300 ميلليارد جىڭنان جوعارى بولىپ، 2019 - جىلى اۋىل شارۋاشىلىق عىلىم - تەحنيكا العاباسارلىعىنىڭ قوسقان ۇلەسى %59.2 كە جەتكەن، نەگىزگى ەگىس داقىلدارىن ەگۋ مەن ورۋدى ماشينالاندىرۋ شاماسى %70 تەن اسقان. اۋىل شارۋاشىلىعىنىڭ دامۋ تاسىلىندە بۇرىلىس جاساۋ تەزدەگەن، حيميالىق تىڭايتقىش، ەگىس دارىلەرىنىڭ ىستەتىلۋ مولشەرى تومەندەگەن، سابان - توپان، مال، قۇس ساڭعىرىعىنىڭ پايدالانىلۋ شاماسى جەكە - جەكە %85 كە، %74 كە جەتكەن، اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاۋ تولىمدىلىعى %97 تەن جوعارى بولعان.
قازىر ەلىمىز كەدەيلىكتەن ارىلتۋدان قامال الۋدا شەشۋشى تابىسقا قول جەتكىزدى. «باياندامادا» كورسەتىلۋىنشە، ەلىمىزدە %97 كەدەي حالىق كەدەيلىكتەن ارىلعان، %94 كەدەي اۋدان كەدەيلىك قالپاعىن الىپ، كەدەيلەنۋ شاماسى %0.6 كە تومەندەگەن، بۇكىل ەل بويىنشا اۋىل - قىستاق تۇرعىندارىنىڭ يگەرىلمەلى ورتاشا كىرىسى 16 مىڭ 21 يۋانعا جەتىپ، 2010 - جىلداعىدان ەكى ەسەلەۋ نىساناسى ءبىر جىل بۇرىن ىسكە اسىرىلىپ، كەدەي اۋدان اۋىل - قىستاق تۇرعىندارىنىڭ جان باسىندىق يگەرىلمەلى كىرىسى جىلىنا ورتا ەسەپپەن %9.7 ارتىپ، بۇكىل ەلدىڭ ورتاشا دەڭگەيىنەن 2.2 پايىز جوعارى بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
