شي جينپيڭ نيڭشيادا قىزمەت تەكسەرگەندە مىنانى دارىپتەدى
جاپپاي دوڭگەلەك داۋلەتتى قوعام قۇرۋدىڭ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزىپ، ەكونوميكاسى گۇلدەنگەن، ۇلتتارى ىنتىماقتى، ورتاسى كوركەم، حالقى باي، كورىكتى جاڭا نيڭشيانى تىنباي قۇرىپ شىعۋ كەرەك
2020.06.11 16:28 كەلۋ قاينارى : حالىق تورابى
«حالىق گازەتى»، 6 – ايدىڭ 10 – كۇنى، يىنچۋان. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا نيڭشيادا قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىندا تاباندى بولىپ، مەملەكەتتىك «ەكى ءماجىلىستىڭ» قىزمەت ورنالاستىرۋىن تياناقتاندىرىپ، ءۇش ۇلكەن قامال الۋ شايقاسىن باتىل، جاقسى جۇرگىزىپ، «التىنى ورنىقتىرۋ» قىزمەتىن تىڭعىلىقتى جاقسى ىستەپ، «التىنى قامتاماسىزداندىرۋ» مىندەتىن جالپى بەتتىك تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن كۇش سالا جويىپ، جۇمىستانۋدى الدىمەن ورنىقتىرىپ، حالىق تۇرمىسىنا كەپىلدىك ەتىپ، جاپپاي دوڭگەلەك داۋلەتتى قوعام قۇرۋدىڭ، كەدەيلىكتەن ارىلتۋدان قامال الۋدىڭ شەشۋشى جەڭىسىنە جەتىپ، ەكونوميكاسى گۇلدەنگەن، ۇلتتارى ىنتىماقتى، ورتاسى كوركەم، حالقى باي، كورىكتى جاڭا نيڭشيانى تىنباي قۇرىپ شىعۋ كەرەك.
شىلىڭگىر ىستىق، كوركەم نيڭشيانىڭ اسپانىندا تەڭگەدەي بۇلت جوق، تابيعات قۇلپىرىپ تۇر. شي جينپيڭ 6 - ايدىڭ 8 - كۇنىنەن 10 - كۇنىنە دەيىن نيڭشيا حۇيزۋ اۆتونوميالى رايوندىق پارتكومنىڭ شۋجيى چىن رۇن – ىردىڭ، اۆتونوميالى رايوندىق ۇكىمەتتىڭ ءتوراعاسى شيان حۇيدىڭ سەرىك بولۋىندا ىلگەرىندى - كەيىندى ۋ - جۇڭ، يىنچۋان قاتارلى جەرلەرگە بارىپ، اۋىل - قىستاق، الەۋمەتتىك اۋماق، تاسقىننان ساقتانۋ ينجەنەرياسى، اۋىل شارۋاشىلىق كاسىپ باقشا رايونى سياقتى جەرلەردى ىشكەرىلەي ارالاپ، ىندەتتەن ساقتانۋ - تىزگىندەۋ شارالارىن ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس ىلگەرىلەتۋ، كەدەيلىكتەن ارىلتۋدان قامال الۋ تابىسىن بەكەمدەۋ، ەكولوگيالىق ورتانى قورعاۋدى كۇشەيتۋ، ۇلتتاردىڭ ىنتىماقتاسا العا باسۋىن ىلگەرىلەتۋ جونىندە تەكسەرۋ - زەرتتەۋ جۇرگىزدى.
ۋ - جۇڭ قالاسى حۇڭسىباۋ رايونى حۇڭسىباۋ قالاشىعى حۇڭدى قىستاعى − ەكولوگيالىق ورتانى قورعاۋ ماقساتىندا تۇرعىندار ارنايى قونىستاندىرىلعان قىستاق. مۇندا ارحيۆ تۇرعىزىلىپ، كارتوچكا بەرىلگەن 1036 كەدەي وتباسى، 4497 ادام بار، قازىرگە دەيىن 20 وتباسى، 50 ادام ءالى كەدەيلىكتەن ارىلعان جوق. 6 - ايدىڭ 8 - كۇنى تۇستەن كەيىن شي جينپيڭ الدىمەن حۇڭدى قىستاعىنا بارىپ، كەدەيلىكتەن ارىلتۋدان قامال الۋ قىزمەتىن تەكسەردى. قىستاق كەدەيلەردى سۇيەمەلدەۋ سەحىنىڭ اۋلاسىندا ول نيڭشيانىڭ جانە حۇڭدى قىستاعىنىڭ كەدەيلىكتەن ارىلتۋدان قامال الۋ جاعدايى جونىندەگى تانىستىرۋدى تىڭدادى. كەدەيلەردى سۇيەمەلدەۋ سەحىنا كىرگەندە، شي جينپيڭ قاعاز جاشىك جاساپ جاتقان قىستاق تۇرعىندارىمەن ىقىلاسپەن اڭگىمەلەستى. اۋىلداستار باس شۋجيگە: قىستاق قاعاز جاشىك قوراپتاۋ كاسىپورنىن ەنگىزىپ، 100 دەن استام ادامنىڭ جۇمىسقا ورنالاسۋ ماسەلەسىن شەشتى، − دەدى. شي جينپيڭ بۇل سۇيەمەلدەۋ شاراسىن تۇراقتاندىرا كەلىپ، مىنالاردى اتاپ كورسەتتى: كەدەيلەردى سۇيەمەلدەۋ سەحىن قۇرۋداعى ماقسات − كەدەيلەردى سۇيەمەلدەۋ، سوندىقتان كەدەيلەردى سۇيەمەلدەۋ سيپاتىنان جازباۋ كەرەك. قيىنشىلىعى بار بۇقاراعا بەيىمدەلىپ، قيىنشىلىعى بار بۇقارانى كوبىرەك جۇمىسقا قابىلداۋ قاجەت. اۋىلداستار جاقىن ماڭنان جۇمىستانسا، كىرىسى قالاعا كىرىپ جۇمىس ىستەۋدەن جوعارى بولماعانىمەن، تاماق، قاتىناس قاتارلى قاراجاتتار ۇنەم بولادى، كوپ جاقتان ۇتىمدى. كاسىپورىنداردىڭ كەدەيلەردى سۇيەمەلدەۋ سەحىن قۇرۋعا قاتىناسۋى الدىمەن اۋقاتتانعاندار سوڭىنداعىلاردى سۇيەمەلدەۋ رۋحىن ايگىلەيدى، مۇنىڭ ءمانى وتە زور.
وسىدان كەيىن شي جينپيڭ قىستاقتى جاياۋ ارالاپ، قىستاقتىڭ كەلبەتىن كوزدەن كەشىردى. ول قىستاق تۇرعىنى، حۇيزۋ قاريا ليۋ كى - رۇيدىڭ ۇيىنە بارىپ، اۋلا، قوناق ءۇي، جاتىن ءۇي، اس ءۇي، سيىر قوراعا دەيىن ارالاپ، وتباسىنىڭ جۇمىسقا ورنالاسۋ، كىرىس كىرگىزۋ، ەمدەلۋ، قوعامدىق قامتاماسىزداندىرۋ سياقتى جاعدايلارىن ەگجەي - تەگجەيلى ۇعىستى. ليۋ كى - رۇي باس شۋجيگە وتباسىنىڭ ەگىستىك جەرىن اينالىمعا سالعانىن، 3 سيىر باعىپ وتىرعانىن، ۇلى مەن كەلىنى جاقىن ماڭداعى توقىماشىلىق فابريكاسىندا جۇمىس ىستەيتىنىن، 2017 - جىلى تۇتاس وتباسىنىڭ كەدەيلىكتەن ارىلىپ، تۇرمىستارىنىڭ بارعان سايىن جاقسارا تۇسكەنىن، اۋىلداستار پارتيانىڭ ابزال ساياساتىن، كوممۋنيستىك پارتيانىڭ باۋىرمالدىعىن شىنايى سەزىنىپ وتىرعانىن ايتتى. شي جينپيڭ ليۋ كى - رۇي قاريادان تاعى قانداي قيىنشىلىق بار ەكەنىن، الداعى كۇندەر جونىندە قانداي جوبا – جوسپار جاساپ وتىرعانىن سۇراپ ۇعىستى. شي جينپيڭ مىنالاردى دارىپتەدى: اۋىلداستار جاڭادان قونىس اۋدارىپ وتىر ەكەن، بۇدان كەيىنگى تۇرمىستارىڭىز ءتىپتى دە باياشات بولادى. اۋىلداستاردىڭ ەڭسەسىن كوتەرىپ، ەڭبەكتەنىپ، بەلسەندىلىك، ىرىقتىلىق، جاسامپازدىق تانىتىپ، قوس قولدارىمەن اناعۇرلىم تاماشا جاڭا تۇرمىسقا قول جەتكىزۋىن ءۇمىت ەتەمىن.
قىستاقتان اتتاناردا قىستاق تۇرعىندارى قىستاقتىڭ جول اۋزىنا قورالاي كەلىپ، باس شۋجيدى اتتاندىرىپ سالدى. شي جينپيڭ كوپشىلىككە قول بۇلعاپ، قۇرمەت ءبىلدىرىپ، اۋىلداستاردىڭ باقىتتى تۇرمىس كەشىرۋىن تىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
