شي جينپيڭ استانادا مىندەتتى اعاش ەگۋ قيمىلىنا قاتىناسقاندا مىنانى دارىپتەدى
بارلىق ادام جاسىل جامىلعىنى سۇيەتىن، جاسىل جامىلعى قالىپتاستىراتىن، جاسىل جامىلعىنى قورعايتىن وركەنيەتتى سالتتى دارىپتەپ، ادام مەن تابيعات جاراسىمدى قاتار ءومىر سۇرەتىن كورىكتى مەكەندى بىرگە قۇرۋ كەرەك
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى
2021.04.06 15:56 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 2 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 2 - كۇنى تۇستەن بۇرىن استانادا مىندەتتى اعاش ەگۋ قيمىلىنا قاتىناسقاندا بىلاي دەپ دارىپتەدى: ءار جىلى وسى ۋاقىتتا ءبىزدىڭ بىرگە مىندەتتى اعاش ەگۋگە قاتىناسۋىمىز بارلىق ادام جاسىل جامىلعىنى سۇيەتىن، جاسىل جامىلعى قالىپتاستىراتىن، جاسىل جامىلعىنى قورعايتىن وركەنيەتتى سالتتى دارىپتەپ، كوپشىلىكتە تۇگەلدەي اعاش ەگىپ، ورمان ءوسىرۋ، وتاندى جاسىلداندىرۋ سىندى جاۋاپكەرلىك تانىمىن ورناتىپ، تۇتاس قوعامدا سانالى ارەكەت قالىپتاستىرىپ، ادام مەن تابيعات جاراسىمدى قاتار ءومىر سۇرەتىن كورىكتى مەكەندى بىرگە قۇرۋ ءۇشىن بولىپ تابىلادى.
كوكتەم سامالى ەسىپ، بار الاپ شىت جاڭا تۇسكە ەندى. تۇستەن بۇرىن ساعات 10 نان 30 مينۋت وتكەندە پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار توپتىق اۆتوكولىككە وتىرىپ، بەيجيڭ قالاسى چاۋياڭ رايونى ۋىنيۇي وزەنى اعاش ەگۋ تۇيىنىنە كەلىپ، استانا بۇقاراسىمەن بىرگە مىندەتتى اعاش ەگۋ قيمىلىنا قاتىناستى.
بۇل − جەر اۋدانى مولشەرمەن 320 مۋ كەلەتىن اشىق الاڭقى، بۇرىن كوپتەگەن شاعىل ماتەريالدار زاۆودى، جاراقسىز بۇيىمداردى جيناپ الۋ پۋنكتى سياقتىلار بار ەدى. سوڭعى جىلدارى كوشىرىپ جونگە سالۋ جانە قورشاعان ورتاسىن وڭالتۋ ارقىلى بۇل ارادا سۋ مەن جاسىل وسىمدىكتەر توعىسقان، ورگانيزمدەرى الۋان ءتۇرلى، ەكولوگيا ارقىلى حالىققا تيىمدىلىك جەتكىزەتىن ەكولوگيالىق كەڭىستىك قۇرۋ جوباعا الىندى.
شي جينپيڭ اۆتوكولىكتەن تۇسە سالىسىمەن كۇرەك الىپ اعاش ەگۋ تۇيىنىنە قاراي بەتتەدى. وسى ارادا اعاش ەگىپ جاتقان كادر - بۇقارا باس شۋجيدىڭ كەلگەنىن كورىپ، باس شۋجيگە ىقىلاسپەن امانداستى. شي جينپيڭ كوپشىلىككە قول بۇلعاپ قۇرمەت ءبىلدىردى، ونان سوڭ بەيجيڭ قالاسىنداعى، مەملەكەتتىك ورمان شارۋاشىلىعى جانە جايىلىم مەكەمەسىندەگى جاۋاپتى جولداستارمەن جانە استاناداعى كادر - بۇقارامەن، پيونەرلەرمەن بىرگە قاربالاس جۇمىسقا كىرىستى.
ماي قاراعاي، الاسا قىزىل شىلىك، رامو، اسەم شابدالى، شەتەن، تاس الما ... شي جينپيڭ ىركەس - تىركەس 6 ءتۇپ كوشەت ەكتى. ول ءبىر جاعىنان پيونەرلەرمەن بىرگە سۋ الىپ قۇيسا، ەندى ءبىر جاعىنان بالالاردىڭ ۇيرەنۋ، تۇرمىس جانە ەڭبەك، جاتتىعۋ جاعدايىن سۇراستىرىپ، ولارعا بىلاي دەپ تاپسىردى: كىشكەنتايلارىڭنان ەڭبەك تانىمىن جەتىلدىرىڭدەر، ەڭبەكتى قىزۋ سۇيىڭدەر، ەڭبەكشىلدىك − ادامنىڭ نەگىزگى ساپاسى. سەندەر ەرجەتكەندە وتانىمىز ءتىپتى دە باي - قۇدىرەتتى بولادى. سەندەر احىلاق، اقىل - وي، دەنە، ەستەتيكا، ەڭبەك جاقتارىنان جاپپاي جەتىلۋگە دەن قويىڭدار، ءارى جاقسى ۇيرەنىپ، كۇن سايىن العا باسۋلارىڭ، ءارى دەنساۋلىقتارىڭ مىقتى، جىگەرلەرىڭ ۇستەم بولىپ، وتان قۇرىلىسىنا كۇش قوسۋعا دايىندالۋلارىڭ كەرەك. اعاش ەگۋدىڭ جۇمىس باسى دابىرالى بولدى، ەڭبەككە قاتىناسقان باسشى جولداستار كوپشىلىكپەن بىرگە كوشەتتى سۇيەپ، توپىراق ءۇيدى، شەلەكپەن سۋ قۇيدى، جۇمىس باسى قىزۋ مەرەيگە تولى بولدى.
جاڭادان ەگىلگەن كوشەتتەر قاتار - قاتار ءتىزىلىپ، جالىندى بەينە قالىپتاستى. اعاش ەگۋ كەزىندە شي جينپيڭ سول جەردەگى كادر - بۇقاراعا مىنانى ءبىلدىردى: بيىل − جالپى حالىقتىق مىندەتتى اعاش ەگۋ قيمىلى ورىستەتىلگەنىنىڭ 40 جىلدىعى. 40 جىلدان بەرى بۇكىل ەلدەگى ءار ۇلت حالقى ءبىر نيەتپەن كۇش بىرىكتىرىپ، قاجىماي - تالماي قۇلشىندى، وتانىمىزدىڭ بايتاق دالاسى بارعان سايىن جاسىل جەلەك جامىلىپ، قالا مەن اۋىلدىڭ قونىس ورتاسى بارعان سايىن كورىكتەنىپ، دۇنيە ءجۇزى بويىنشا ورمان بايلىعىنىڭ ارتۋى ەڭ كوپ ەلگە اينالدى. سونىمەن بىرگە، ءبىز مىنانى دا سەرگەكتىكپەن كورە ءبىلۋىمىز كەرەك: كورىكتى جۇڭگو قۇرۋ نىساناسىمەن سالىستىرعاندا، حالىقتىڭ تاماشا جاڭا تۇرمىسقا بولعان تىلەگىمەن سالىستىرعاندا، ەلىمىزدىڭ جايىلىم، ورمان بايلىعىنىڭ جالپى مولشەرى جەتپەۋ، ساپاسى جوعارى بولماۋ ماسەلەسى ءالى دە كورنەكتى، ءسوزسىز، ۇزدىكسىز كۇش سالۋ، تاباندىلىقپەن ەڭبەك ەتۋ كەرەك.
شي جينپيڭ بىلاي دەپ اتاپ كورسەتتى: ەكولوگيالىق وركەنيەت قۇرىلىسى − جاڭا داۋىردەگى جۇڭگوشا سوتسياليزمنىڭ ماڭىزدى ءبىر ەرەكشەلىگى. ەكولوگيالىق وركەنيەت قۇرىلىسىن كۇشەيتۋ − جاڭا دامۋ ۇستانىمىن دايەكتىلەندىرۋدىڭ، ەكونوميكانىڭ، قوعامنىڭ ساپالى دامۋىن ىلگەرىلەتۋدىڭ قاجەتتى تالابى، سونداي - اق حالىق بۇقاراسىنىڭ ساپالى تۇرمىسقا تالپىنۋداعى ورتاق تانىمى جانە ءۇنى. جۇڭحۋا ۇلتى ەجەلدەن بەرى ادام مەن تابيعاتتىڭ جاراسىمدى دامۋىنا ءمان بەرىپ كەلەدى، جۇڭحۋا وركەنيەتى مول ەكولوگيالىق وركەنيەت يدەياسىن توپتاعان. جاڭا دامۋ كەزەڭى ەكولوگيالىق وركەنيەت قۇرىلىسىنا اناعۇرلىم جوعارى تالاپ قويدى، ءسوز جوق، جاسىل دامۋدى بار كۇشپەن ىلگەرىلەتىپ، دۇنيە ءجۇزىنىڭ دامۋ اعىمىنا جەتەكشى بولۋعا قۇلشىنۋ كەرەك. ءبىز تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ءجۇرىپ، ورمان اۋماعىن كەڭەيتىپ، ورماننىڭ ساپاسىن جوعارىلاتىپ، ەكولوگيالىق جۇيەنىڭ كومىرتەگىن توپتاۋ مولشەرىن جوعارىلاتىپ، ەلىمىزدىڭ كومىر قىشقىلى گازىنىڭ شىعارىلۋىن ەڭ جوعارى شەككە جەتكىزۋ، كومىر قىشقىلى گازىن بەيتاراپتاندىرۋ نىساناسىن جۇزەگە اسىرۋ، دۇنيە ءجۇزىنىڭ ەكولوگيالىق حاۋىپسىزدىگىن قورعاۋ ءۇشىن اناعۇرلىم زور ۇلەس قوسۋىمىز كەرەك.
شي جينپيڭ بىلاي دەپ دارىپتەدى: كورىكتى جۇڭگو قۇرۋ ءاربىر ادامنىڭ قۇلشىنىسىنان ايرىلا المايدى. كورىكتى جۇڭگو دەگەنىمىز وتانىمىزدىڭ كورىكتى تاۋ - وزەندەرىنىڭ اقاۋسىز بولۋى، جۇڭحۋا ۇلتىنىڭ ۇرپاقتار بويى ساۋ - سالامات بولۋى دەگەندىك. جالپى حالىقتىڭ مىندەتتى اعاش ەگۋىن ىشكەرىلەي ويداعىداي ورىستەتىپ، بۇكىل ەل بويىنشا جۇمىلدىرۋدا، جالپى حالىق ىسكە كىرىسۋدە، تۇتاس قوعام بىرگە ات سالىسۋدا تاباندى بولىپ، ۇيىمداستىرىپ جۇمىلدىرۋدى كۇشەيتىپ، قىزمەت مەحانيزمىندە جاڭالىق اشىپ، ۇگىت - تاربيەنى كۇشەيتىپ، تۇتاس قوعامنىڭ مىندەتتى اعاش ەگۋگە ات سالىسۋ بەلسەندىلىگى مەن ىرىقتىلىعىن ونان ارى قاۋلاتۋ كەرەك. قالىڭ پارتيا مۇشەلەرى، كادرلار اعاش ەگۋ بورىشىن باستاماشىلدىقپەن اتقارىپ، جاسىل، تومەن كومىرتەكتى تۇرمىس ءتاسىلىن امالياتتا ايگىلەپ، جەر شارى مەكەنىمىزدى ويداعىداي قورعاپ، وتانىمىزدىڭ جاسىل تاۋ، تۇنىق سۋىن ويداعىداي قورعاپ، حالىقتىڭ ساپالى تۇرمىس كەشىرۋىنە مۇمكىندىك جاراتۋى كەرەك.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەس مۇشەلەرى قاتارلىلار اعاش ەگۋ قيمىلىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
